عـشق الـجبـال (فصـليـة)

عشق الجبال(فصلية)

عشق الجبال(فصلية) البارت 35
***************************
مر اليوم عادي جدا وليث كل شويه يتصل بخاله ام سامر حتى يتطمن لانه اني وياها وحدنا بالبيت بقينا مشى اليوم عادي جدا صح ممل بس متاقلمه ويا الوضع اكلت واخذت علاجي ورحت نمت لان علاجي من اخذه يخليني انام ما اعرف شكد  نمت صحيت العصر حيل لكيتهم وراجعين من المقبره غسلت وطلعت حتى اشوف البنات وعمتي فرحه وعمتي ام شاكر اطمن عليهم خطيه لكيتهم كلهم نايمين من التعب شفت ملاك طلعت من الحمام عيونها وارمة من البجي كوة تمشي كلبي انعصر عليها ورحت عليها .. حمدلله على السلامة اسفة مااستقبلتكم والله هذا العلاج دمرني بس اخذة انام 🥺 .. ملاك .. الله يسلمج حبببتي لا تتاسفين احنا قبل ساعة وصلنا .. وصال ...انتي شلونج احجي وياها واحنا نمشي متوجهين لغرفة ملاك دخلنا الغرفة .. ملاك .. شلوني يعني وصال رحت شفت قبرة رحت شفت حبيبي عاتبتة وكتلة ليش عفتني اهئ اهئ .. وصال .. كلبي انمرد عليها حاسة بيها نفس احساسها عشتة بيوم اربعين حسام ...ملاك حبيبتي كافي تأذين نفسج ياروحي ادعيلة وصلي اله كافي هاي دموعج تعذبة 🥺 .. ملاك .. وصال هو مو وعدني مايعوفني ليش عافني ليشش اني داشتاقلة كلشي بي اشتاقلة حنيتة حبة دلاله حتئ لمساتة اشتاقلهن ..
**************
انا تمنيت اطير وفوك گبرة ⚰️ اعبر لان گلبي يفور عليه ومايصبر كالو تحبة مااكدر انكر كتلني المستحه والخجل بية يجر .. حبيتة من كلبي صدك وماحاب غيرة بعمري وماخذ النوم من الجفن .. وكل وكت شاغل فكري كاعدة وبيه تحلمت جن بي اشم مو بعطري يمعود انة اتنفسك تدري انت لو ماتدري 😔
*******************************

وصال.. اوووف اااني اسفة ملاك والله اسفة اني داموت لان اشوفج هيج واحس اخوية المذنب اخوية الكتل فرحتج والله دااموت من القهر بس اني ماابين اني كل مااشوف الحزن البعيونج وعيون ام شاكر والكل اموت اموت الف موتة باليوم مشوفيني مااحجي من اذية ليث لان اريد اتعاقب اريد اتاذة بكد اذيتكم اهئ اهئ .. ملاك .. شهل الحجي وصال انتي مالج ذنب وحتئ اخوج مامتعمد والصار قضاء وقدر لاتحملين نفسج ذنب انتي مامسويتة ..وانتي المريتي بي موشوية الله يعينج علية  بس اني حجيتلج الي بداخلي لان تعرفين انتي شكد صرتي قريبة الي .. وصال.. ياعمري وحضنتها حيل ياله نامي ارتاحي خلي اشوف عمتي فرحة وعمتي ام شاكر .. ملاك .. لامااكدر انام صارت المغرب اصلي فد مرة وانام .. وصال .. تمام ياعمري .. وصال .. البيت هدوء ام سامر داجهز العشا .. رحت لغرفة عمتي فرحة دكيت الباب 🚪 .. ودخلت .. لكيتها كاعدة علئ سريرها .. سلمت عليها .. حمدلله على السلامة عمة .. فرحة .. الله يسلمج حبيبتي شلونج اليوم .. وصال .. اني زينة لاشيلين همي اني اجيت اشوفج .. فرحة .. حبيبتي زينة اني بس تعبانة تعرفين طريق وتعبت ..وصال .. اي عمة الله يساعدكم ويصبركم ارتاحي بين مايجهز العشا اني راح اسلم علئ عمتي. ام شاكر واروح اساعد ام سامر بالعشا .. فرحة .. ماشي حبيبتي .. ونفس الشي سلمت علئ عمتي ام شاكر وتحمد الها بالسلامة .. ورحت يم ام سامر اساعدها .. اشوفهم كلهم ضايجين وماطايقين نفسهم حقهم الراحلهم مو شوية ولد بعز شبابة الله يعينهم عدا اليوم بصعوبة وليث مانزل من غرفتة وحتئ متعشئ اني خلصت وياام سامر ورتبنا المطبخ ودخلت غرفتي مجاني نوم لان اليوم كضيتة نايمة كلش مخنوكة اباوع لساعة 9 ونص .. كلت اطلع شوية بالحديقة اني طبعي من زمان من اضوج او اضايق اطلع بالحديقة اتفرج علئ السما ارتاح وادخل .. طلعت للحديقة اتمشئ الحديقة حلوة وجبيرة .. ضليت اتامل بالسما .. واذكرت اهلي مشتاقتلهم كلش هسة هم مشتاقيلي ويذكروني منال وعلوش اخ ياعلوش بابا مشتاقتلك هواي 🥺 اهمس ويا نفسي وعيوني بالسما مازن واسيل ومنتظر ومرتضئ حبايبي شلونكم رائد وعمة عفاف هواي عزاز عندي ومفاركتهم اووف نزلن دموعي ماسيطرت عليهن .. تعبت واني بعيدة وحتئ اخباركم مااعرفها 😔🥺 ماجنت اعرف هيج قدري بعدني عن اهلي ماجنت اعرف هيج الدنيا قاسية بعدتني عن اهلي وناسي مثل مابعدتني عن امي وحبيبي يادنيا شتريدين مني بعد شضامتلي بعد مو كافي والله تعبت اااخ شهكت وطلعت صوت شهكتي اجتي عيوني  لبالكونة غرفة ليث وشفت ليث واكف ويباوع علية والجكارة بيدة ياخذ نفس منها ويزفرة بقوة من شافني شفتة دخل لغرفتة وسد باب البالكونة .. اخذت نفس قوي وزفرتة بقوة مسحت دموعي وهاي شاف دموعي شافني واني مكسورة وابجي وخليت ودخلت للبيت ورحت لغرفتي وقفلت باب غرفتي علية .. ليث .. من رجعنا من النجف اني مطلعت من غرفتي لان جنت كلش ضايج ومقهور وكلت ماانزل حتئ مااشوف وصال واني بهيج حالة لان مراح الزم نفسي ف ضليت بغرفتي حتئ للعشا مانزلت ضليت متمدد اختنكت فتحت باب البالكونة مال غرفتي وضليت واكف بيها مااعرف وين صافن بس رايح بغير عالم .. وفجئة شفت وصال طلعت للحديقة مجتفة اديها وتمشي بهدوء وعيونها بالسما وتحجي ويانفسها مااسمع شنو تحجي ضليت صافن بيها واتأملها وبين صفنتي طلعت صوت شهكاتها التفتت للبالكونة وشافتني حديقتنا كلها اضوية وشفتها وهي تبجي سويت نفسي مامهتم دخلت وسديت باب البالكونة. بس ضليت ارقبها بدون مشوفني مسحت دموعها ودخلت للبيت .. ليش تبجي وعلئ شنو معقولة اذكرت حبيبها وبجت .. استغفرالله هسة انت شداتفكر خلي اسكت احسن ..
****************************
يوم جديد
وصال .. كعدت من وكت غسلت لبست دشداشة سودة رفعت شعري كباية وطلعت للمطبخ خليت الجاي على الطباخ .. وصعدت اريد اكعد كرار لان صار عشرة ايام تاركتة ماادرسة .. صعدت واسمع صوت من الغرفة المقابيل غرفة ليث هاي غرفة مااعرف مسدودة دائما واني هم ماداخلة بيها ولااعرف شبيها بس هل المرة بابها شوية مفتوح تقربت داشوف شنو هذا الصوت .. تفاجئت طلعت الغرفة كلها الات رياضية وليث دايضرب بكيس الملاكمة بخبال خفت منة ورجعت ركض لغرفة كرار .. كرار .. ياله بسرعة شغلت الاضوية وفتحت البرادي ..كرار .. شكوو شككككووو مداهمة شكووو .. وصال .. ولاكلمة بسرعة الكاك جوة حتئ ندرس مو كيفت صار كم يوم مغلس بسرعة كوم ..كرار .. لالا انتي مو صاحية اكو واحد يكعد واحد بهاي الطريقة البشعة والله. گطعتي خلفي 😣 اريد رقم علي عذاب .. وصال .. كوم انهض مضل وكت ياله انتضرك داجهز الريوك .. بطلعتي من غرفة كرار تلاكيت وياليث وجان شكلة واووو وهو تعبان من الملاكمة وجها عركان وهو لابس فانيلة تعلاكة وشورت .. بلعت ريكي هو اخذ نفس وزفرة بقوة  عفتة ومشيت وهو ضل واكف .. كلبي ترخربطت دكاتة 😣 مااحب هيج صدف .. جهزت الريوك وكعدت عمتي فروحة والبنات .. فرحة .. صلااوات اليوم وصال كلها نشاط هلا بجيتج .. وصال .. وبجيتج ياملحة البيت ياله هذا الريوك تعالو تريكو نزل كرار .. كرار.. اليوم مسوية هجوم وصال شبيج دادة حلمانة بية .. وصال ...ههههه اي حلمانة بيك ياله بسرعة تريك حتئ نقرأ .. ليث .. صباح الخير .. الكل رد بس اني محجيت ولا رديت .. ضليت مدنكة اكمل اكل .. وصال .. سويلي گلاص حليب .. وصال .. رفعت راسي وباوعت علية 🤨 .. ملاك .. اني راح اسوي خليج وصال.. وصال .. لاحبي اني خلصت ريوك كملي انتي ريوك اني راح اسوي باوعت على ليث رفعت حاجبي ورحت اسوي حليب محد لاحض هل الشي بس هو .. ليث .. من سوة هاي الحركة وصال كوة كتمت الضحكة .. كعدت وياالعائلة ونتريك .. وندردش الساعة 9 الصبح ونزل شاكر معصب روحة طالعة والتلفون بيدة يحجي بي ويصيح يعني يومية نفس الخرابيط مالتج ترئ بزعت روحي والله بزعت روحي ومانحس غير التلفون انركع بالحايط وبدا يغلط ويصيح .. بنت الكلب صار سنين مكابلها ومنتظر ابوها الكواد يقبل وهي هسة  صارت عزيزة يومية جايتها خطابة .. كلنا طفرنة من صياح شاكر .. ليث .. شبيك شاكر يمعود ابوية راح يجي علئ صوتك شبيك .. فرحة .. يمة اسم الله شصبحت على هل المغثة من الصبح .. شاكر .. يمعودين تعبت ملت روحي دنعل ابو الحب لابو حتئ اليحب .. ليث .. احنا شعلينا .. كرار .. اي صدك لاشتم بينا شعلينا .. وضحكو .. يريدون يلطفون الجو ويهدون شاكر .. شاكر .. باله انتو متسكتون لخاطر ربكم ليش انتو شعليكم اشتم باليحبون انتو شكو .. ليث .. اي غير. اني وكرار نحب وانت شتمتنا 😂 .. شاكر .. بداعة امك ليث مالي خلك لشقاك الماصخ .. ليث .. وربك مااشاقة يمكن كمت احب وباوع لوصال وغمزلها 😉 .. وصال .. تفاجئت من تصرف ليث 😮 .. وصال ..  شبيك خوية شاكر ليش هل العصبية تعال تعال استريح خلي اصبلك جاي على شنو هل العصبية ماكو شي ماله حل .. شاكر .. صد لليث وكرار امداكم 🙌بس هي تكدر تهديني وانتو ضلو بشقاكم الماصخ .. ليث .. هاا هيج صارت بعت اخوتك بكلاص جاي موو .. وصال .. صبيتلهم جاي وقدمتلهم ونطيت كوب الحليب لـ ليث .. شاكر وكرار .. تسلمين خوية .. وصال .. الف عافية .. ليث .. اي شاكر خلي نحجي جديات شبيك او شبيها المحروسة .. شاكر .. تعرف صار اسنين انتظر بيها وتقدمنا مرتين وثلاثة وحجة ابوها بعدها صغيرة هسة خابرتني تكلي ناس ماجين ابوية يردون يتقدمون تعال تقدم بربك هذا حجي اخوية البارحة طلع اربعينة وثاني يوم اتقدم .. ليث.. وانت شكلتلها .. شاكر .. شكلتلها سبيتها وسبيت ابوها وسبيت الساعة الحبيتها بيها كتلها روحي طبج مرض انتي واهلج .. كرار.. التفت على وصال الي صافنة علئ كلام شاكر.  وصال خوية هاي رومانسيتنا لاتستغربين 🤣.. شاكر .. انجب انت .. كرار .. اوكي انجبيت ولااضوج .. ليث .. وهسة الحل شنو .. شاكر ... مادري بس مااتقدم هسة على الاقل اصير 6 اشهر اكثر تمر

على وفاة غيث شنو الناس شتكول علينا.. ليث .. عندي حل .. شاكر شنو ؟؟ ليث... نخطفها ونكطعلكم مهر وخليها يمك هاهية .. شاكر .. باوع سوالفة هسة اذا الخمك على حلكك هم احد يكلي ليش اني صاير نار وانت گاعد اصنف خاب دكوم من يمي كووم لابارك الله بيك .. وصال.. اهدئ هسة هل العصبية شراح تفيدك ماكو شي ماله حل عادي ترئ تكدر ترفض الناس الي تقدمولها وتنتضر كم شهر مثل ماانتظرتها انت بعدين خلي اكولك هاي سوالف البنات اجتني خطابة واهلي راح يزوجوني حتئ تعصبك وتشوف ردة فعلك بدون عصبية ولاشي اتصل بيها وكللها ترفضين وتنتظريني واذا ماتريدين تنتظرين الله ومحمد وعلي وياج هي راح اجر عدل اوتماتيكيا .. فرحة .. اي صح مثل ماكالت وصال من تشوفك مامهتم هي راح تكعد عاقلة .. شاكر .. اخ الله ندئ بس دصيري ابيتي لريد يوم العرس اكتلج كتلة الا اطلع هل التنعوص مال السنين كلة من خشمج بسيطة الج .. ههههههه الكل ضحكو على كلام شاكر.. ليث .. والله جذاب خلي نشوف اذكرك بهذا كلامك .. مرت الساعات والايام .. وصال.. ذابة كل جهدها ويا كرار وليث يراقب من بعيد وكانو صارت شغلتة يراقب وصال .. بس وصال مجاهلتة وليث يتعمد يصخرها ويطلب منها اسويلة اكل لو جاي لو كهوة لو اكويلي ملابس بس وصال بدون متخلي عينها بعينة ولاتحجي مجنبته تماما وهذا الي مجنن ليث ومخلي يومية يصب غضبة بكيس الملاكمة ..
لهنا وخلص البارت انتضرو البارت القادم لاتنسون المتابعة والتصويت احبكم
لارين البياتي
                   أنامل كاتبة