عـشق الـجبـال (فصـليـة)

عشق الجبال(فصلية)

هلو غوالي هذا البارت الثاني انزلة اليوم حتئ لاتكولون ماعوضتينا والي تكول البارت قصير بهاي 🔪🔪🫣 ياله نبلش 🫣
************************
عشق الجبال(فصلية) البارت 64
****************************
مشت الامور والاحداث عادية وصال بأنتقامها ومسؤليتها اتجاه ابنها واهلها .. وطلبت ايد ضي لأخوها علي .. وصارت خطبتهم بأربيل وتفقو انو العرس بعد مايتخرجون طبعا علي رغم معدلة العالي مقبل يدخل اي مجموعة طبية فدخل قانون يكول اريد اصير مثل وصال واشيل المسؤلية وياها طبعا بيت عمهم باسم الي هو ابو خالد تسائلوا عن الخطبة وليش باربيل ومنو هاي البنية .. ف عدنان كاللهم البنية تعرف عليها باربيل وخطبناها اله ماانطو اي تفاصيل ثانية لان هم اصلا ماحضرو الخطوبة لان صارت بأربيل ..  اما منال فعرفت برجوع اختها وضاجت لان محد كاللها بنفس الوقت بس من شرحت وصال الاسباب اقتنعت ومنال صار عدها بنوتة اسمها ليليان .. تتواصل ويااختها وطبعا هي الاخرئ كتمت خبر رجوع وصال ... اما ليث... ف بين دوامة والبيت لاجديد بحياتة دائما منعزل وعلامات الحزن مرسومة علئ وجها ... مراد .. متكلي شبيك وجه الارملة صار سنين وماكاعد تتأقلم علئ وضعك ... يمعود دفكها لخاطر الله .. ليث .. شتريد اسوي اشد وصله واكوم اركصلك حتئ ترتاح ... مراد ... والله ياريت بس انت ماتعرف تركص ... ليث ... مراد اسكت ترئ روحي طافرة ... مراد ... اكول ليث ليش ماتزوج ... ليث .. رفع تك حاجب .. ازوج ولك اني مزوج مرتين وعايش وحدي اجي اجيب طركاعة ثالثة مراد رحمة لموتاك اسكت مني .. مراد .. يعني تبقئ هيج وحيد ... ليث ... اي .. مراد .. ليث باجر  الشباب مسوين عزيمة بمناسبة الترفيع وعزمونا وبماانو احنا هم ترفعنا خلي انروح نحتفل نغير جوو ..  ليث ... ماروح اني روح انت .. مراد ... بروح غيث خلي  انروح سوة ... ليث .. هسة ليش تحلفني مالي خلك نفسي مو عزايم .. مراد .. يااخي دفكها عااد ..  ليث .. الله كريم تدري اني حتئ اهلي ماكتلهم ترفعت صرت رائد ... مراد .. صدك تحجي .. ليث ... اي والله هم يدرون بية راح اترفع بس مايدرون شوكت ... خلي اخابر الحجي واكولة ... وفعلا اتصل ليث بأبو وكاله وفرح الي بالبيت كلهم تباركولة وابو كالة من تنزل اسويلك عزيمة .. ليث .. يابة مالها داعي والله ... ابو شاكر ... شلون ماالها داعي ابني صار رائد وماافرح .. ليث .. خلص علئ راحتك بوية ...
****************************
رائد .. اكولج وصال اني فتحت حسابي القديم .. وصال .. اي عادي اني هم راح افتحهم بس قبل رجعتي لبغداد بيوم .. رائد ... وشوكت ترجعين لبغداد ... وصال ... مابقئ شي .. رائد .. صارلج  اربع سنوات بأربيل صارلج اربع سنوات مشايفة بغداد ... وصال .. اي صار اربع سنوات .. راجعة ان شاء الله راجعة .. رائد .. تعرفين من شنو خايف .. وصال ...من شنو ... رائد .. من ليث ... وصال ... وليش خايف من ليث ... رائد .. اذا عرف بابنة شراح يسوي .. وصال .. ليث مايخوفني هو اول وتالي لازم يعرف وذاك الوكت يحجي ويقدم العندة واني نفس الشي ... رائد ..  اريد اكولج سر .. وصال ... كول .. رائد .. اني جنت كلش معجب بملاك وهي هم احسها معجبة بية وجنا نتابع نشر بعضنا بس من صار الي صار سديت الحساب واختفيت عنها.. وصال .. ليش رائد ليش ابتعدت .. رائد .. وصال لعد شتريدين ابقئ وانتي جنتي ماتريدين احد يعرف عنج شي  وصار كل الي صار   كلت الاحسن ابتعد .. بس جنت اراقبها من حسابي الثاني بدون ماتعرفني .. ومن فتحت حسابي القديم لكيتها مراسلتني تسئل عنج ... وصال.. لاتتعلم اضحي بالاشياء الي تحبها لخاطر احد ثاني مهما كانت معزتة عندك لان يارائد العمر نعيشة مرة وحدة.... وملاك حبابة وخوش بنية تستاهل كل خير .. رائد ... هههه تتوقعين بعد كل هل المشاكل الصارت يصير الي نصيب بملاك هاي بعيدة .. وعلئ فكرة حتئ ليث مراسلني وكرار بس اني مجاوبت .. شسوي .. وصال .. ابقئ لااجاوبهم منا لما نرجع ومن تجاوبهم اي تفاصيل لاتنطيهم عني كللهم خارج العراق كللهم ماتت اي شي .. رائد .. اسم الله .. ...... وصال .. هاجت الجروح من جديد مرت الاربع سنوات بتعب وشلعان گلب ليش مكتوبلي هيج اعيش طول عمري ليش الشخص الي احبة اخسرة معقولة اني علية لعنة استغفر الله ياربي ..  حسام خسرتة ليث خسرتة ههه شنو بعد اخسر ...  ليث اااخ ياليث لو تدري لسة حبك معلك بگلبي وروحي وزايدة اكثر ابنك الي شايل نفس صفاتك عيونة شفايفة سمارة وحتئ طباعة الحادة من اباوع علئ غيث .. كأنو شايفة ليث بس بحجم اصغر هو هذا الصبرني علئ فراكك .. ياترئ هسة كم طفل صار عندك .. بلعت ريكي والغصة يروحي .. كل يوم وغيث بحضني اضل اشم بي وهو نايم واحجيله عن ابو وهو صاحي ابد ماكرهتة بابو من يسئل هو ليش مايجي اكلة مسافر .. يكلي يحارب الاشرار .. اكلة اي ابوك بطل يحارب الاشرار .. مرة من المرات طلب يشوف شكل ابو .. ضليت حايرة صح غيث عمرة 3 سنوات واربع اشهر بس ذكي وسوالفة تخبل الكل متخبل علية .. ف اضطريت اشوفة صورة ابو ..  اني صح غضبانة ومقهورة من الي سوا ليث بس ابد مو ابالي احرمة منة بس انتظر الوقت المناسب لان اني هم مااقبل غيث يعيش بدون مايلتقي بأبو صح خايفة من ردت فعل ليث .. بس مايهمني ولا راح يهمني شي غير ابني ومصلحتة .. غيث يصيح لابوية بابا لان اني اصيحلة بابا هههه .. رائد .. وصال وصال وينج .. وصال .. شبيك تخرع الواحد .. هاج شوفي ... وصال .. شنو اشوف .. رائد .. دهاج التلفون وشوفي .. وصال .. اخذت التلفون .. وشفت صور. ناشرها ليث برتبة رائد .. وفيديو عزيمة وشيوخ بالحديقة وهو يرمي بالمسدس .. بلعت ريكي وعيوني دمعن كوة لزمتهن فرحت بداخلي هو يستاهل لان مجتهد بشغلة .. ومن جهة اخرة انقهرت ... لو هسة اني ويا وابنا ومحتفلين بهذا اليوم ..  ااووووف .. صاير شكد حلوو واكعلة الزواج من رحاب .. رجعت التلفون لرائد .. وكمت دخلت لغرفتي .. مختنكة مااعرف اصارلي .. اباوع على غيث نايم .. علي فكرة اسم الدلع الي ماشين علية كلنا لغيث هو قسورة ومعناتة الاسد .. اجيت نمت بصفة وخليتة بحضني وشميتة حيل اووف ياربي والله ريحتة تهدئ اعصابي ....
****************************
وتستمر الاحداث ...
ضياء ... استاذ خالد اني اريد ابيع حصتي بالشركة .. خالد .. شداتحجي المن تبيعها وليش .. ضياء ... والله لان داخل بمشروع ومحتاج رأس مال .. اما لمنو ف اطمن الي راح يشتري حصتي هذا شخص امين واني اعرفة حق المعرفة يعني مو احد غريب حتئ تخاف من الشغل ويا .. خالد .. مو مسئلت خوف او شي بس المهم انو معرفة تخصك .. ضياء .. اكيد اعرفة حق المعرفة .. واذا متريد هذا الشي ف اشتري انت حصتي .. خالد.. مااكدر اشتريها بالوقت الحالي .. ضياء .. والله ياخالد واني كلش محتاج هاي الفلوس والبيعة بالوقت الحالي .. خالد .. تمام تمام .. سوي الي يريحك .. ضياء .. الشريك الجديد بعد يومين يوصل لان هو خارج العراق .. بعد يومين يكون ابغداد .. وراح تلتقي بي .. خالد .. الله كريم .. ضياء .. استاذن من حضرتك ... خالد .. الله وياك .. هسة هاي شلون طلابة ماشفت خير من شاركتة لسة ماكو مناقصة مادخلتها اذا ماخسرت اوضاعي تخربطت ومحتاج فلوس ومطلوب بكد شعر راسي .. استغفر الله اكو شي مو طبيعي بس مااعرفة شنو .. اني دا ادمر اسمي بالسوك راح ينمحي .. لازم ازيد بشغلي وياالجماعة حتئ علئ الاقل اعوض الخسارات ... استاذ خالد وصلتني معلومة مهمة .. خالد .. اي كول شوصلك ... سلمان الذيب تعرفة مو ... خالد .. اكو واحد مايعرف سلمان الذيب واحد من رجال سلطان .. نعم استاذ تعرف انو سلمان الذيب يصير عم ضياء .. خالد .. لابربك صدك تحجي .. نعم استاذ معلومات موثوقة بس ضياء ماله شغل بنشاط عمة وهو ويااصلا مو علئ صلح لان قبل سنين حاول سلمان ينصب علئ ضياء ويورطة بس ضياء كشفة .. وسحب منة كلشي حتئ الشراكة البينهم فصخها ضياء ... خالد .. هالله هالله هذا الواحد مايسمي الذيب لان يضلمة لذيب هذا واحد يسمي سلمان الثعلب الماكر هههههه .. ماعدنا شي وياضياء حاليا لان حتئ الشراكة راح يسلمها لشخص ثاني بس هذا مايمنع تخلو تحت انظاركم .. تأمر استاذ خالد عن اذنك .. خالد .. تفضل حبيبي .. والله الدنيا بيها مفاجئات هواي ...
في مكان اخر .. رحاب ضلت تلح بموضوع الطلاك وحتئ طلبت من ابوها انو يدخل بهذا الموضوع ويحاجي ابو شاكر بهل الخصوص .. لان احساس رحاب بالذنب اتجاه ليث وانو بسببها موكف حياتة هم من حقة يكون اب .. فضلت مصرة ..  بقت ويا ليث سنتين وبعدها تم الطلاق بينهم بالتراضي وبدون زعل احد من الطرفين ... 
***************************
وقت رجوع وصال وابنها وابوها وعمتها لبغداد
****************************
وصال .. كل شغلي الي بالخفاء خلص حان وقت الرجعة والمواجهة طلعنا من اربيل الساعة 12:00 بعد منتصف الليل ... الساعة 6:40 دقيقة صباحا دخلنا بغداد ..  اااه ياريحة هلي ااااه ياريحتج يابغدادي رجعتلج بعد غياب اربع سنوات رجعت حتئ اصفي الحسابات .. وصلنا بيتنا دخلنا البيت متروك من زمان بس ابوية اصر انروح لبيتنا ماقبل انروح لبيت مازن .. واني ماارفض طلب لابوية مابلغنا احد برجعتنا بس ضياء يعرف .. حتئ رائد ميدري .. دخلنا للبيت كلة تراب .. صح تعبانين من الطريق بس كبل رحت لغرفة ابوية نضفتها ومسحت الاخشاب وخليتلة نزلة جديدة .. وصال .. ياله ياروحي غرفتك جاهزة ادخل ارتاح بس راح اخلي قسورة يمك لان نايم بين مااكمل تنظيف .. ابو مازن .. بنيتي انتي تعبانة الطريق كلة انتي اسوقين وانوب تجين تنظفين ارتاحي هسة .. وصال .. لاحبيبي ماتعبانة متشوف وين نكعد كله تراب ..  عفاف ... دخذ قسورة وروح ارتاح هسة اني وصال نكمل تنظيف وانام .. ابو مازن .. براحتكم اخذ قسورة بحضنة وراح لغرفتة ... واني وعمتي بلشنا تنظيف صارت الساعة 8 :30 ..  ياله خلصنا .. بس خلينا البيت يلمع .. وصال ... ياله عمة روحي ارتاحي تعبتي ... عفاف .. هو بس اني تعبت انتي شوفي اصار بيج .. وصال ... ههههه اني صاعدة لغرفتي اسبح وانام بس قسورة شلون ... عفاف .. يمي راح اخذة روحي انتي اسبحي ونامي .. وصال ... تمام ..
وتستمر الاحداث ادنااه ...
وصال ...كعدت من النوم الساعة 12 الظهر ..  نزلت اشتم ريحة اكل تخبل ... رحت للمطبخ لكيت عمتي داتطبخ بالغدا وقسورة يمها .. وصال ..شنو هل الريحة الي اجنن منين جبتي مسواك وطبختي ... مااحس غير صوت علوش .. شنو اني مو بعينج واجيب مسواك ... وصال .. التفتت يااااااي علوشي وحضنتة فديت المعدل الي يسوك .. شلون عرفت احنا اجينا .. عفاف .. اني خابرتة وصيته على مسواك وهسة رائد وسارة جايين بالطريق .. وصال ...صدك والله شكد مشتاقتلها لسارة .. ابوية گعد .. عفاف .. كعد ونطيتة ريوك وانطيتة العلاج ..  وصال ... اوووف شو انطيني بوسة اااافيشششش اني مااعرف شنو اسوي بدونج عفوف ... عفاف.. يابعد گلبي احنا الي مانعرف شنسوي بدونج .. وصال ... يوو ياعمة اني شمسوية .. علي ..  انتي يكفي جبتيلنا عتريس لدنيا هذا احلا شي سويتي ..  ويبوس بي وقسورة مكيف علئ خالة ..  وصال .. خلي اخابر علئ مازن حتئ ننجمع كلنا ..  اتصلت وصال علئ مازن ...مازن📱 ها صولا حياتي شلونج ..
وصال📱 الحمدلله يروح صولا انت وين..
مازن 📱 والله توني طبيت للبيت ..
وصال📱 هاا امسوين غدا
مازن📱 اي اكيد مسوين ليش شنو جوعانة هههه
وصال📱اي والله جوعانة حتئ نتغدا سوة
مازن 📱شنوو انتي وين
وصال📱 ههههه اني ابيتنا ياله جيبو غداكم وتعالو نتغدة سوة
مازن📱 بربج وصال لاتشاقين
وصال📱 وروح ماما مااشاقة ياله جيب اسيل والجهال وغداكم وتعالو ههه
مازن📱 ولج جاي طيارة محتاجين شي اجيبة وياي غير الغدا
وصال📱 لاحبيبي علوش كفة وفة جايب كلشي
مازن📱 علي موجود اياملعون ليش مكال اني اعلمة ياله جاي مااتاخر .. ونهو المكالمة ... شوية وصلو رائد وسارة ... وضياء وضي هم اتصل بيهم رائد واجوي ومازن وعائلتة صارت لمة تخبل والسفرة الزينة وبدا رائد ياخذ صور وضحك وشقا بعدها خلصنا الغدا وصفينا المطبخ اني واسيل وضي ..  وسوينا الجاي واجينة گعدنة كلنا سوة ..ابو مازن .. تدرون هاي الكعدة منو ناقصها .. الكل منو .. ابو مازن .. منولة .. وصال .. اي والله شلون نسينا .. خلي اتصل بيها كامرا واغورها هههه .. عفاف .. ولج خطية تنقهر لاتخبثين .. وصال .. اتصلت علئ منا
منال📱 الو هلو شلونج حبي
وصال📱هلو حياتي شوفي المفاجئة وجهت الكامرا علئ الكل والكل يصيح هلو منول مكانج خالي .. منال📱ايا خبيثين هاي ليش هيج خرررب انتو ابغداد شوكت اجيتو
وصال📱 اليوم الصبح وصلنا
منال 📱اليوم الصبح وكلكم ملتمين شكد خاينين هسة جاية مسافة الطريق
وصال📱 جيبي وياج حلويات لاتجين ايدج فارغة هههه
منال 📱من عيوني ياله باي ونهو المكالمة ..
منتظر ومرتضئ مكيفين ب غيوثي يلعبون ويا رغم انو هم اكبر منة بهواي وشايلينة ويفترون بي وهذا الكلاوجي مكيف .. الف الحمدلله والشكر انجمع الشمل بعد الجاي شنو وشراح يصير .. اني خالد ماخايفة منة ومن مواجهتي ويا خايفة من ردت فعل ليث اذا عرف بابنة .. الله يستر .. ضياء.. وصال .. باجر راح يكون لقائج وياخالد .. وصال .. ااي هههه متحمسة .. مازن .. وصال اني خايف عليج منة .. وصال.. لاتخاف ياعمري رائد وضياء راح يكونون وياي وشغلة ثانية مايكدر يسوي شي واصلا مخايفة منة اصلا انتظر دقيقة دقيقة اشوف صدمتة من يشوفني اسويلة سبرايسسس هههه .. علوش .. سبرايسسسس مميت هههه اتوقع راح ينجلط علئ ايدج .. وصال.. لاخاف العار مايصير بي شي .. ضياء .. همس باذن رائد.  همزين كالت عار مو كواد بنص هل العالم جان تفشلنة والله .. رائد .. هههههههههاااي لو مذكرتها جان كالتها .. وصال.. شبيكم تتبسبسون .. رائد وضياء ..ماكو شي شغلة ابينا .. وصال .. همممم ضياء شخبار عمك الخايسسس .. مازن .. غص بالجاي ههههه شنوو ههه .. رائد .. ارتاحيت ذكرتها بالخايس .. ضياء .. زين يسلم عليج .. وصال .. حتئ تعرفون اني اعرف علئ شنو تبسبسون .. ضياء .. والله مايلام رائد من سماج محقق كونال .. الكل ضحكوو ...
رائد .. نشر صور جمعة العائلة علئ الغدا همزين خالد مو صديق ويا ولا اي احد من ولد خالة باسم ... كرار ... داكلب وشفت رائد مخلي ستوري من شفت الستوري جمعة عائلية علئ الاكل ومن بين الحضور شفت وصال بالصور ... مااعرف شلون طفرت .. اخذت سكرينات لشاشة بسرعة واني اركض لغرفة ليث ... لان اعرف ليث يدور اخبار وصال بروح ... كرار... ليث وينك ليث ليييييث ... ليث .. شبيك يووول شبيك منو مات متكول شبيك مكروص انت ماتكبر ..  كرار ... ليث وصال وصال .. ليث .. بلعت ريكي .. وصال شبيها وصال ولك احجي .. كرار... وصال موجودة ابغداد.... ليث ... ش شن شنوو .. شلون عرفت موجودة ابغداد ... كرار.. هاك شوف رائد ناشر استوري ورائد بي طبع من ينشر استوري يخلي الموقع .. ليث .. شوو شوو شوفني ... اخذت التلفون من كرار .. هو مسكرنهن بس هم دخلت علئ صفحة رائد وشفت اي الموقع بغداد .. هاي وصال .. ياالله هاي وصال ... ليش حسيت گلبي يريد يطلع من مكانة صايرة احلا واحلا واكو ناس مااعرفهم وياهم معقولة اقاربهم .. اكبر الصورة علئ وصال ... ااااااه واخيرا لكيتج .. ليث .. كرار دزلي هاي السكرينات .. كرار ...ماشي ... بس انت شراح اسوي ليث .. ليث ... هسة نازل لبغداد وانت لجيب طاري اي شي كدام الاهل ماشي .. كرار ... ليث الساعة ب 9 هسة تريد تطلع لبغداد .. خليها لصبح لان راح يسئلون شكو وشنو ف بلا عرضة يخوي خليها لصبح ... ليث ... شيصبرني لصبح كرار .. كرار .. الي صبر اربع سنوات مايصبر ساعات ... بعد صلاة الفجر توكل يخوي ... ليث .. تمام بس لاتنسئ دزلي الصور ..  كرار .. دزيتهم ....
وصال .. صعدت لغرفتي وفتحت حساباتي القديمة الي سديتهم من اربع سنوات .. بس الوتساب تغير لان غيرت رقمي وصار الوتساب على رقمي الجديد .. ضليت اتصفح ودخلت لصفحة ليث وشفت منشوراتة الاخيرة كلها عتاب وحزن شفتة نشط منذ ساعة .. سديت التلفون وحضنت قسورة ونمت ..
****************************
صباح يوم جديد يوم المواجهة ..
---------------------------------------------
وصال.. گعدت الساعة 7:30 اليوم يومي .. اباوع على غيوث نايم بستة وشميتة اووف اخذ طاقة من هاي الريحة الطيبة اوووف ...
دخلت سبحت وبعدها نشفت شعري وجهزت ملابسي اليوم لازم اظهر بكامل اناقتي طلعت زي رسمي بنطرون قماش اسود وسترة سودة وقميص ابيض .. وحذاء تكرمون كعب عالي اسود اني بالعادة مااحب اشيل جنطة لان فوني وسويج السيارة بيدي ابقيهم خليت مكياج ترابي خفيف وشعري شسورتة ورفعتة ذيل حصان عالي هههه بحيث حتئ عيوني انسحبن من رفعة شعري طلعت اطك بالكاع هههه علئ كولة رائد .. نزلت لكيت عمتي وابوية كاعدين وعمتي مسوية ريوك .. عفاف .. صلااوات على محمد شهل الجمال .. ابو مازن .. بنيتي من يوم يومها جميلة وانيقة .. وصال .. يابعد روحي انتو ودنكت بست ابوية ورحت لعمتي بستها .. عفاف .. ياله اكعدي تريكي .. وصال.. تريكت .. وشوية واجة رائد وضياء .. وطلعنا لمشوارنا بعدنا ماصاعدين بالسيارة .. ضياء .. وصال مستعدة للمواجهة.   وصال ..  واكثر من ماتصور .. والثلاثة كل واحد صعد سيارتة وانطلقو للقاء مع خالد ...

لهنا ويخلص البارت انتظرو الاحداث القادمة شلون راح تكون المواجهة بين وصال وخالد  ... وهل الجبلين ليث وصال  راح يلتقون كل هاي الاحداث راح نعرفها بالبارت القادم لاتنسون المتابعة+ التصويت+ تعليقاتكم الحلوة احبكم 😘

لارين العامري
﮼أنامل ﮼گاتبه📒