عـشق الـجبـال (فصـليـة)

عشق الجبال(فصلية)

ياله نكمل الاحداث ♥️♥️
---------------------------
عشق الجبال(فصلية) البارت 52
--------------------------------------------
يوم حنة شاكر كل الاقارب مجمعين بيت الشيخ ابو شاكر يشاركونهم فرحتهم ... البنات خلصو شغلهم وكل مجموعة بغرفة يجهزون نفسهم من مكياج وتبديل ملابس وتسريحة بعد عرس على كولة اهلنا قبل( المزوجين اثنين والمخبوصين الفين)  اتفقو الشباب كلهم يلبسون بيوم الحنة الزي العربي حتئ العريس .. جابو طباخين هم المسؤلين على العشا والضيافة وخلو شغلهم كلة بالحديقة الخلفية للبيت .. اما الحديقة الامامية خلو بيها كراسي والديجي وانارة زيادة علمود التصوير وكلشي ترتب علئ حسب الاصول والمضيف هم مفتوح لناس الكبار والشيوخ ... البنات .. ملاك وزهراء وصال وبنت خالتهم شوق بغرفة ملاك الي تشسور والي تكوي شعرها الي تخلي الميكب وغرفة نورة هي واخواتها ورحاب وياهن وغرفة فرحة هم متروسة گطيعة شكد بنات عدهم .. زهراء ... يالله ليش رسمة هاي العين متصير مثل هاي العين راح اتخبل .. شوق ... ولاالحاجب هم يجن نفس الشي خرررب .. ملاك .. تعالي شوق داعدلج رسمة حاجبج .. زهراء .. ولج وصال خية الحكيني خبصت الدنيا .. وصال... شو تعالي علية .. ورتبت رسمة الالينر مالتها هااا باعي صارو يشابهون .. ملاك .. ولجن خلصن ماضل وكت نكضيها بالغرف انريد نركص نفرح بشاكر .. وصال .. اي صدك اني خلصت  شعري .. شوق .. شو وصال باوعي علية .. وصال .. صديت عليها .. صلااوات على محمد طالعة تخبلين .. مكياجج يجنن .. وصال .. فدوة لگلبج انتي هم طالعة تجننين .. ملاك .. واني .. وصال .. انتي جمال ونزلكة فديت .. ملاك .. فدوة حبيبتي انتي الاحلا .. شوق .. ماشاء الله عليجن كلجن تجنن .. ملاك .. لبست فستان لون ماروني عدل وبي فتحة من ورئ وفتحة الصدر تسبيعة والردن مالتة تول وشعرها سرحتة وخلتة مفتوح ... ومكياجها هادئ على الالوان الترابية تجنن طالعة ... زهراء .. لون فستانها جويتي مخصر لحد الخصر ومن جوة منفوش من التول والستن قصير يعني 90 .. ومكياجها سموكي جويتي فاتح وغامق وشعرها سرحتة وسوت بف صغير ماتقل جمال عن ملاك .. وشوق .. لبست فستان ذهبي عدل  قصير يصير جوة الركبة بشبر كلة يكون ضيق وفتحت الصدر مربعة وشعرها هو قصير كااري شسورتة بس ومكياجها ذهبي وماروني اجنن هي كلش نازكة ... اما وصال ..فراح نشوف فستانها الاسود قصير بردن من التول ومكياجها اسود وبني سموكي والحمرة لونها احمر وشعرها سوتة برم طلعت فد شي .. وباقي البنات مايقلن جمال كلهن حلوات ماشاء الله .. رحاب .. اريد بس اعرف شنو راح تلبس الفصلية .. مااريدها تطلع احلا مني .. رحاب .. فستانها لون وردي لاحد الخصر ضيق ومن جوة منفوش هم بالتول وردن تول الفستان حلو بس ماوالم لون بشرتها وسرحت شعرها وخلتة مفتوح وخلت مكياج وردي يعني هم طالعة حلوة بس ابد موبحلات الجبل وصال وصال بطلتها غطت على الكل بلون العيون والشعر الاسود والجسم الممشوق هي بدون كلشي حلوة وانيقة .. نجي لشباب .. شاكر لبس دشداشة بيضة كونة العريس والبشت الاسود المطرز بالذهبي والغترة البيضة والساعة الذهبي والمحبس وسبحتة الذهبية طالع هيبة لان هو شاكر بالاساس وسيم وحلو .. عمار لبس دشداشة كريمي والشماغ لافة لفة عمانية متناسق ويا لوه الدشداشة وساعتة ومحبسة الذهبيات وسبحتة وكراب السلاح طالع هيبة .. ليث ... اخ ياليث .. عرف بالعشق راح تلبس اسود فلبس دشداشة خليجي لونها اسود مطرزة بالذهبي والغترة سودة وبيها ذهبي وساعة ومحبس وسبحتة طالع يطك طك ولابس گراب سلاحة  .. كرار .. لبس دشداشة رصاصي وغترة مناسبة وياها بس كرار مخلي غترتة علئ جتفة بطريقة مرتبة يحب شعرة مايريد يغطي علئ گولة عمة فرحة بريكي هههههه .. كل اولاد ابو شاكر حلوين ومرتبين وحتئ ولد عمامهم .. مهند .. لابس دشداشة نيلي طالع يطك بالكاع ولاف الغترة بيجي  وبيها قلم نيلي  ولفها لفة  عمانية ... الشباب كملو وطلعو بالحديقة وضحكهم وشقاهم وياخذون صور .. ام شاكر .. خية فرحة وين البنات ماخلصن .. فرحة .. شيخلصن مخبوصات غدي .. ام شاكر .. خية فرحة صينية الحنة مال شويكر محد جهزها .. فرحة .. لاخية جهزتها وخليتها علئ صفحة .. بس الحنة اني ارملة مايصير اعجنها .. ام شاكر .. ياخية صدك جذب دسكتي .. فرحة .. والله ياام شاكر هاي اعرفها من بيبياتنة وامهاتنة هسة اخلي نويرة تعجنها .. ام شاكر .. هههه ياله خلي نويرة تعجنها .. نزل شاكر من غرفتة .. وام شاكر طكته بهلهولة وفرحانة بابنها واجني خالاتة وهم هلاهل ملن البيت ويطشن جكليت علية ويتباركلة .. فرحة .. بعد روحي شايف الخير وهلهلت .. شاكر .. الله يبارك بيكم فدوة لگلبكم .. على صوت الهلاهل دخلو الولد ويلمون جكليت ويهوسون عمار ومهند وليث وكرار ولد خوالهم ولد عمامهم .. وضلو يهوسون مخلين شاكر بالنص ويهوسون وطلعت الوجبة الاولئ من البنات هم شاركنهم ... رحاب .. عيونها على ليث وتباوع علية وتتحصر علئ نظرة ..رحاب .. من فدوة لهل الطول والجمال ولهل الضحكة يوم الي تصير الي بجاه النبي .. نزلت ملاك وزهراء وشوق وحدة ورئ الثانية الهوسة مال الشباب راحو للاستقبال بقن النسوان والبنات ومهند وكرار وليث وكم واحد من ولد خالاتهم نزلن البنات توجهت انظار ليث بلكي يلمح حبيبة القلب .. ونزلت وراهن .. ليث.. جنت ادور بوصال بين الناس الموجودة مالمحت وصالي بعدها منازلة .. وشوي نزلن البنات وحدة ورئ الثانية ماشاء الله هذني بنياتنة طالعات حلوات ولمحت وراهن غزالي يبوووو اشتعلو عشيرتج شطالعة هاي يولو الفستان قصير اليوم اكسرهن هذني سيقانها الطالعات بصراحة تموت بلعت ريكي وكلهن واكفات خالاتي ونسوان عمامي وامي وعمتي فرحة .. فرحة وام شاكر .. صلااوات علئ محمد .. مهند اكل زهراء بعيونة وكرار لفتت انتباها شوق بنت خالتة .. كرار.. هاي شنو يول يابة هذني بناتنة .. مهند .. اي بلاوينا .. كرار .. يباوع بوجه مهند وطكها بضحكة .. هاا شبيك ادهورت اوضاعك ولك ترئ هاي اختي لاهيج تباوع عليها وخلة ايدة على عيون كرار .. مهندد.. دوخر من اشتعلت صفحتك خلي اشبع شوف ترئ مرتي مرتي مرتي عقد سيد ومحكمة وخر لاابتلي بيك .. وصال .. نزلت وشفت حبيب الروح طاالع .. جنة العافية يمة يموت .. ليث .. غمزت لعمتي فرحة وافتهمتني راح لغرفتها وجابت بوكيه الورد وعلبة الذهب .. ليث اخذت باقة الورد وتقدمت لوصال .. وقدمتها الها .. وكتلها شنو هذا الجمال شطالعة .. بصراحة اول مرة اشوفها بالمكياج انوب العيون بارزة غابات يموتن .. وصال .. كلهم واكفين وقدملي باقة الورد يمة شكد خجلت بوقتها من موقفة .. وحجة الكلام الفوك كلش خلت وابتسمت ودنكت راسي .. تقدم علية وفرحة انطت علبة الذهب لأم شاكر وتقدمت ام شاكر لوصال وليث وفتحت العلبة وصارت الهلاهل .. اخذ الحلقة ولبسها الي وباس ايدي وعلت الهلاهل بحيث الكل اجة على صوت الهلاهل حتئ العريس ... وصال .. اخذت الحلقة ولبستها لــ ليث وبعدين لبسني الذهب كلة .. وكرار يصور ومهند يصور .. وعمتي ام شاكر ... تهلهل وباركت ليث وحضنتة وباستة الف مبروك يمة تتهنة يارب .. ليث .. بست راس امي بوجودج ياغالية .. وصال .. واجتي علية عمتي ام شاكر وباستني وباركتلي .. واني هم بستها وبست راسها .. وفرحة .. مااكللكم گضتها تهلهل وتبجي باركتلنا والكل باركلنا ...شاكر .. اياملعون خليت عرسك ويا عرسي ويضحك وتقدم لاخو وحضنة وباركلة .. ليث .. شسوي هي هيج حكمت بعد ويضحك .. وباركولهم الولد .. وابو شاكر .. بارك لابنة وكال احلا شي اعتبر نفسي اليوم مزوج ثنين من ولدي شايفين الخير الله يسعدكم ... باسو ايد ابوهم تعيش بوية انت الخير والبركة .. وبعد طلعو الكل للحديقة حتئ تبدي حفلة الحنة مال شاكر وسط الاهل والاقارب والمحبين .. والبنات هم بدت حفلتهن .. رحاب ... بعد الصار گدامي فقدت السيطرة على نفسي سحبت نفسي بهدوء بدون مااحد يحس علية وصعدت فوك لسطح ملخت روحي ضليت ادك والطم ليش ولك ليش مو اني احبك من صغري ولك فتحت عيني على حبك ااااخ يايمة اااخ گلبي راح ينفجر ليش ياربي ليش ااااهئ اااااااااهئ اااااااااااه ولكم اااااااااه ليش محد يحس بية فضلت الفصلية علية والله مااسكت والله لادمركم دمار وماتاخذني الرحمة بيكم مثل من مارحمتوني مراح ارحمكم بسيطة .. الااحرك گلبكم مثل ماحركتو گلبي ااااااهئ ااااااااهئ ... نهضت ومسحت دموعي وغسلت وجهي ورتبت مكياجي ونزلت واني اتوعدلهم مراح اخليها ادوم الكم