عـشق الـجبـال (فصـليـة)

عشق الجبال(فصلية)

مثل ماوعدتكم ابارت ثاني وتدللون علية
**************************
عشق الجبال(فصلية) البارت 56
****************************
وصال... الساعة 1:30 طلعت من بيت ليث وتركت وراية هواي اشياء تركت ناس احبهم وتلعقت بيهم تركت لحظات وايام عشت بيهن بحلوها ومرها تركت ضحكات حلوة ... اسئلة  تجول بخاطري هذا حلم لو حقيقة راح ارجع اشوف هذا المكان مرة ثانية لو هاهية ... صدك ليث تخلا عني بهل السهولة زين وحبة الي جان واضح وضوح الشمس ... تركت كلشي وتوجهت لبغداد شراح اشوف بعد وشنو منتضرني .. طول مااحنا بالطريق الصمت سيد الموقف وصلنا بغداد ساعة 6:15 ..  بغداد الي من سنة و3 اشهر مفاركتها ..وصال .. شاكر .. منا لان بيت اهلي مابي احد ..  شاكر ..  لعد وين راح تروحين .. وصال ...لبيت اخوية مازن ..  ضليت ادلي بالطريق لأحد ماوصلنا لبيت اخوية مازن ... نزلت جسمي ثكيل حيل ماضال بية منهدة ..نزل كرار وشاكر ..  كرار .. نزل الجنطة وجابها يمي ... شاكر ..  مانكدر ندخل وياج لان ماالنا وجه ... وصال ... ماقصرت خوية انتو مالكم ذنب وكفتو وياي هواي ماشفت منكم شي موزين .. بس تفضلو ارتاحوو من الطريق ... شاكر ..فدوة لعينج وصال اعفيني من هذا الشي ياله ادخلي خلي نطمن عليج حتئ نرجع لهلنا ..  وصال ... ماشي مشكورين توصلون بالسلامة ..شاكر وكرار صعدو لسيارة وانتضرو وصال تدخل للبيت حتئ يمشون ..  وصال ... دكيت الجرس والباب .. اكيد نايمين .. شوية وطلعت اسيل ..  التفتت علئ شاكر وكرار ورفعت ايدي ودعتهم وراحوو .. اسيل ...وصاااااااال ... هلا حبيبتي تفضلي جيبي هاي اني اشيلها ...وصال ..  حضنت اسيل وسلمت عليها شكد مشتاقتلها دخلت للبيت ... اااااخ صار شكد غايبة عبالك دهر ..  نزعت عباتي وذبيت روحي على التخم ... اسيل ... شبيج وصال صاير شي .. وصال ... لا رد بس الدموع تنزل ... اسيل ..  ولج وصال لاتخوفيني اصاير وياج احجي مو كلبي راح يوكف كعدت مقابيلها بالكاع ومسكتها من رجليها احجي شبيج ليش تبجين ... وصال ... وبشهكة ل لي ليث ط طلكني ااااااهئ اااااهئ ... اسيل ... شنوو ليش طلكج .. وصال ... ماادري ماادري اسيل راح اتخبل من شي مايسوة طلكني ومستمرة بالبجي .. اسيل ... لاحول ولاقوة الابالله كاافي اسكتي كومي غسلي وارتاحي بين مااسويلج لكمة .. وصال .. مسكت ايد اسيل كلشي ماريد لعد مازن وين بعدة نايم ..  اسيل .. بلعت ريكها لا مو هنا .. وصال ... بأستغراب لعد وين بهيج وقت ..  اسيل .. بارتباك ماتعرف شتكول لوصال .. وصال... اسيل متحجين شكو وين مازن .. اسيل ... مازن بأربيل .. وصال .. شنو شيسوي بأربيل ابوية بي شي ولج احجي اسيل ابوية بي شي .. اسيل .. عـ عـ عمي ضربتة جلطة ثالثة وهسة داخل غيبوبة .. وصال .. طفرت من مكانها شنوووووو شداتحجين اسيل شلون وشوكت وليش ياالله ياالله ليش محد گالي ليششش .. اسيل ..  بس اهدي خلي افهمج .. وصال .. ولج شهدئ وشتفهميني .. اااخ يايابة  ااااخ اسيل ليش هيج صار بابوية ... اسيل .. انتي مداتخليني افهمج وصال .. وصال .. ياله سكتت فهميني اصار .. اسيل .. خالد خسرنا الاول والتالي والشركة حجزها البنك لان عليها قررض .. وصال ... شنووو صدك تحجين .. اسيل اي وعمي البارحة وصلة خبر الحجز وبسرعة متخربط وهو صار حالتة زينة وبدا يتحسن بس من سمع بالخسارة مااتحمل .. وصال .. منو وصل خبر لأبوية .. اسيل .. عمج باسم مخابرة وكايلة .. وصال .. باسم وابنة يريدون يموتون ابوية بس والله مااعديها الكم بسيطة .. اسمعي اسيل مااريد احد يعرف اني رجعت .. اسيل .. يعني شنو راح اضلين خاتلة .. وصال .. لا بعدين افهمج ...
...........................................
في بيت الشيخ ابو شاكر ..
الكل داخل موجة اكتأب بسبب الصار .. ليث .. رجعت للبيت البيت صنطة كل واحد بغرفتة صعدت لغرفتي دخلت ماكو احد ... فتحت كنتور وصال باقية بي ملابس بس جنطة السفر ماكو اخذت نفس قوي وزفرتة اباوع مماخذة كل اغراضها. فتحت الكنتور الثاني ..  شفت علبة الذهب الي اشتريته الها فتحتها مماخذة كلشي بس الحلقة بيدها ... اخذت تلفوني واتصلت بولد صديقي هو محامي .. وبلغتة يبلش بأجراءات الطلاك ... خلي تطلع من حياتي كافي كتلة تخلص باسرع وقت ..  وهو گلي خلال يومين توصلها اوراق الطلاك ... اني باجر دوامي ... مااعرف بوقتها جنت مرتاح مضايج على الي سويتة ولامتندم ... 
ثاني يوم التحقت وفعلا بعد يومين اتصل بية المحامي كال كلشي تمام باقي توقع علئ اوراق الطلاك حتئ تكمل اجراءات الطلاك رسمي ..  وفعلا بعد الدوام رحت وقعت وطلكت وصال غيابي وانتها موضوعنا وكتلة بيدك تروح وتسلمها ورقة طلاكها حتئ تتفق وياها علئ حقوقها شلون تحب تستلمهم ..
وصال ... رجع مازن وضع ابوية نفس ما هو قررت اروح لابوية بس اني متربطة مااعرف شنو مصيري حجيت لمازن علئ كلشي صار وياي ..  مازن ..  حبيبتي ارتاحي هسة ويجوز ساعة شيطان ويجي وتتراضون ... وصال .. ان شاء الله بس مااريد احد يعرف بوجودي .. صدك مازن هذا الحيوان خالد وين هسة ..  مازن .. مسافر خارج العراق بحجة شغل بس هو جذاب وكعنا بهل المصيبة وسحب نفسة هو وهاي الحية اسماء الي امنتيها علئ شغلج ...وصال ... اااخ يامازن صدمتني صدمة عمري بس والله لدفعهم الثمن غالي ... مر اسبوع علئ وجودي ابيت مازن .. اندكت الباب .. مازن .. شاف بالكامرات منو .. مازن ..هذا رجال مااعرفة .. تقربت وصال علئ شاشة الكامرات هذا مبين محامي اطلع مازن شوفة منو .. مازن .. ماشي طالع .. مازن .. طلعت للباب اشوفة منو .. المحامي ... السلام عليكم ... مازن ... وعليكم السلام تفضل .. المحامي ...هنا مسكن الست وصال عدنان ...مازن ... نعم تفضل اني اخوها ..المحامي ... عندي اوراق خاصة بيها من السيد ليث ... مازن ... تفضل .. المحامي ...شكرا ...ودخلو جوة للاستقبال ...اجة مازن لوصال .. مازن ..وصال هذا محامي دازة ليث يكول عندة اوراق تخصج ... وصال .. من حجة مازن عرفت اوراق شنو بلعت ريكي ياله خلي ادخل واشوف اوراق شنو .. وصال .. صارت رجفة بية كوة لازمة روحي كلبي يدك بسرعة جنونية رجلية متشيلني كوة وصلت للاستقبال ..سلمت وكعدت مقابيل المحامي ..  تفضل استاذ اوراق  شنو .. المحامي .. ست وصال اوراق الطلاق السيد ليث اقام دعوة طلاق وطلق غيابي وهاي الاوراق ولازم توقعين ..وصال ... مااعرف شلون اوصفلكم احساسي بهاي اللحضات لان ماكو كلام يوصف الخيبة والخذلان والانكسار الي اني بي .. بلعت ريكي وجاوبت المحامي ..  اي انطيني اشوف الاوراق حتئ اوقع ...المحامي ... تفضلي ... وصال ..  اخذت الاوراق كوة مسيطرة على رجفة ايدي قريتهم وقعت واخذت الورقة الخاصة بية ..  وصال ..بعد اكو شي ثاني .. المحامي اي ... وصال .. شنو ... المحامي ... حقوقج ست وصال ... وصال ... نهضت ماريد اي حقوق منة توصلة وتكول اله بعد اليوم لاعندة شي يمي ولاعندي شي يمة متنازلة عن كلشي ..  المحامي ... بس لازم شي يثبت انتي متنازلة عن حقوقج يعني العفو مو باجر عكبة اطالبين بحقوقج ..  اسمع ياسيد ...ترئ الكدامك محامية وكلشي طاك على راسها كلمتي كافية ماني بحاجة حقوق منة وهسة الزيارة انتهت من رخصتك ... وعافتهم وطلعت .. المحامي اني اعتذر بس اني هذا شي تكلفت بي ماعلئ الرسول الاالبلاغ .. مازن ..  لااستاذ لاتعتذر ولاشي احنا مو بحاجة حقوق من ليث كلشي منريد منة بس شكد ميكدر يبتعد ومايشوفنا وجه .. المحامي ... تمام عن اذنك .. مازن .. اهلا وسهلا ... وصال .. صعدت لغرفة وبيدي ورقة طلاگي ليش هيج هنت عليك لا والاقبح تكول حقوقج ماخليت اي حقوق الي انت قررت ونفذت بوحدك ... ااااااااااه يادنيا ااااااه والله تعبت يااااااالله تعبت ارحمني ياااااالله ليمتة ابقئ انطي انطي وكلة من عمري وشبابي وصبري شوكت ارتاااح شوكت ليش كلشي اعزة افقدة كمت اخاف اعز احد خاف اخسرة .. كلشي خسرت ... حسام امي ابني ليث والشركة الفنيت عمري واني اكبرها وهسة ابوية ااااااااااه واصرخ بصوت عالي .. اجتي اسيل ومازن يركضون .. اسيل .. وصال اهدي فدوة لاسوين هيج بروحج هو الخسران ..  وصال.. لالالا اسيل اني داخسر هواي خسرت حتئ عمري خسرتة شطلعت بشنو هسة هااا كليلي بشنو طلعت صرت مرأة مطلقة .. مازن .. وشبيها المطلقة هااا انتي قوية هذا شي بسيط من هواي امور مريتي بيها .. وصال .. قوية قوية مازن كل هذا دايصير بية لو جبل هم انهد بعد شنو يصير كلي شنو يصير وتصرخ بصوت عالي اني كضيت عمري اخسر ماربحت شي كلي كلي ياله كلي شنو الي ربحتة بحياتي .. مازن .. تقرب عليها وحضنها ويحاول يهديها .. مازن .. اشوف اختي متحطمة مااعرف شنو اسوي الها بجيت علئ بجيها .. كافي. ياروحي كافي لاتكطعين گلبي والله مااتحمل اشوفج هيج .. اسيل .. حالة وصال تبجي الصخر ابجي وياها واشوف مازن مايعرف شيسوي وهم يبجي علئ اختة .. حقها وصال المرت بي مو شوية ماكو بشر يتحمل الي تحملتة وصال ...
***************************
بعد مابلغ المحامي ليث بكل تفاصيل الحوار بالتفصيل الممل .. نزل ليث اجازتة ... وتلكا ابو شاكر ...گاظ سنونة علية .. انت شنو تصرف بكيفك مالك رداد هسة تروح ترجعها ...ليث ... هاي حياتي واني حر بيها وطلكتها طلاك رسمي وهاي ورقة طلاكنا انت مو جنت تريدني اطلك هسة طلكت وارتاحيت .. ابو شاكر .. ولك انت صدك ماتستحي بس تدري انت ماتستاهل وصال انت واحد هتلي وطايح حظ حرامات عليك اضفرها لوصال ...بس شوف رب العالمين شراح يسوي بيك وحوبة هل البنية راح تطلع بيك ...وعافة وطلع .. ليث .. صعدت لغرفتي وصحت زهراء بصوت عالي ... زهراء ... هاااا ليث ... ليث ... شكو زباله لوصال طلعيها من غرفتي مااريد اي شي يخصها يبقئ هنا سمعتي .. زهراء .. وين اوديهن .. ليث .. ماادري اشمريهن تحركيهن المهم مايبقن بغرفتي .. زهراء ... شكد ضجت من تصرف ليث مو عبالك هذا ليث الكدامي بديت الم بغراضها وكلشي يخصها زهراء هذا ذهبها وين اودي ... ليث ... ماادري طلعي من غرفتي ... زهراء لميت غراض وصال بالجنط واخذتهن ورحت لعمتي فرحة سولفتلها الصار .. فرحة ... جيبيهن بغرفتي وصيحيلي كرار ... زهراء ... ماشي هسة اصيحلة ..  كرار ..ها عمة رايدتني .. فرحة ..  تروح اجيب قفل لغرفة وصال القديمة وتخلي للباب بسرعة ..  كرار... صار رايح ... فرحة ..  رحت لام شاكر سولفتلها علئ السوا ليث وكتلها راح اجمع غراض وصال. بغرفتها القديمة واقفل عليهن ..  ام شاكر ايدتني علئ اقتراحي ... وجاب كرار القفل وشدة للباب ... وخليت كلشي يخص وصال بغرفتها القديمة وقفلت علية وضميت المفتاح ..
رحاب ..  من سمعت طلگها مي بارد وكع علئ گلبي وهسة الخطوة الثانية اصير كباله ولازم يزوجني
****************************
فعلاا بدت رحاب تتودد ليث وليث ابد مايصدها وسوالفهم وشقاهم ومهتمة بي وكلشي يطلبة ليث تركض هي اسوي ..  ملاك ... فضت الساحة لست رحاب واخذت راحتها والله ماادري ليش احس كلشي صار الها يد بي بس ماعندي دليل عليها ان شاء الله يارحاب اذا الج يد بالصار كون حوبة وصال تسحكج سحك ...
وتمر الايام وصال مثل الوردة الذبلانة متربطة وتراقب صفحة ليث شينشر تشوف شوقها تعدئ وفاق كبريائها تشوف نشرة كلة طلعاتة وياجماعتة ومبين ولامهتم ...ونتشوف نشر رحاب كلة حب ورومانسيات ...
المهم عدا علئ طلاك ليث وصال شهرر ... وصال .. تعبانة دائما وحتئ اكل متاكل وجوة عيونها اسود طبعا اذا تگضي الليل حاضنة ملابس ليث وتبجي هذا صار شغل وصال ...
ليث ... اريد اكوللكم شي ... الكل مجمع .. ابو شاكر ..  كول ..  ليث ..  اريد ازوج ... الكل بحالة ذهول من برود ليث وتصرفاتة ...ابو شاكر ..  تزوج ... ليث ..  اي ازوج قابل اضل بدون زواج اني اريد مرة تشوف طلباتي اريد يصير عندي اطفال ..  ابو شاكر .. اي حقك بس مالك نية ترجع مرتك ترئ ماصارلك غير شهر من انفصلت محد سوة سوايتك ... ليث ..  لا مالي نية ارجع احد واذا شهر عسئ مااسبوع قابل لازم الزم عدة ..  زوجوني ... ابو شاكر ..  اكو احد ابالك لو اني اشوفلك ..  ليث ..  وليش اشوفلي مو هاي بنت عمي ورايدتني من الصغر ..  الكل انصدم .. شاكر ..منو تقصد ... كرار ..  تقصد رحاب ..  ليث ..  اي رحاب ليش متفاجئين بنت عمي واني رايدها ... فرحة ..  لاانت اكيد مو طبيعي مو جنت رافضها ومااطيق سيرتها ... ليث ... جنت من جانت الفصلية عندي وهسة اني رجال خالي مختلي ... كرار ... فصلية ليث تكول علئ وصال فصلية ... ليث ... لعد هي شنو مو فصلية ... كرار ...لاتكول فصلية اصلا لااجيب طاري وصال علئ لسانك وخلا وطلع متعصب من ليث ... ليث ... ها يابة شكلت تطلبلياها من عمي لو اني احاجي عمي ... ابو شاكر ... ابني فكر زين ترئ ماكو رجعة بعد ..  ام شاكر .. شنو يفكر هو لو يفكر يطلك مرتة بدون سبب ... ليث ...يمة هاي حياتي اني ماتراهمت وياوصال ...ابو شاكر ... هاهية اني احاجي عمك ... ليث ... اي يابة كون من انزل كلشي خلصان ...من رخصتكم اني اروح انام ... الكل متفاجئ ومصدوم ...فرحة .. هذا من كل عقلة رحاب رحاب الي جان مايطيق سيرتها ...ملاك ... اگص ايدي اذا ماكو لعبة ...
وتستمر الاحداث ادنااه ..
وصال... دأكلب بصفحة ليث ... ومنزل منشور تم خطلته وعقد قران ليث عماد الحارث وصورتة لابس طقم گريمي ... اسودت الدنيا بعيني صدك ليث يعني هيج مستعجل هيج فدمرة شهر بعد انفصالنة تخطب وتعقد .. صرت ارجف اريد اعرف منو الي خطبها ... مااعرف ليش رحت لصفحة رحاب وانصدم صدمة عمري من شفت ناشرة ايدة وايدها ولابسين الحلقات لالالا ضربت التلفون بالحايط وفلشتة اااااااااه مالكيت غير رحاب ..  ااااااااهئ اااااااااهئ كلبي اشتعل نااار ..  اسيل ... سمعت صراخ وصال ..  صعدت ركض واشوفها منهارة والتلفون مفلشتة ... ولج شكوو وصال اصاير بس فهميني ... وصال ..  ولج اسيل ليث ليث خطب وعقد خطب رحاااب ولج خطب رحااااب .. اسيل...عزة شنو متوازي ..  هذا موطبيعي ... وصال .. احس بغواش بعيوني وبعد ماحسيت بشي ..

لهنا ويخلص البارت احداث اقوة بالبارت القادم لاتنسون المتابعة والتصويت وتعليقاتكم الحلوة اااحبكم 😘
لارين العامري
        ﮼أنامل ﮼گاتبه📒