عـشق الـجبـال (فصـليـة)

عشق الجبال(فصلية)

عشق الجبال(فصلية) البارت 41🔞
---------------------------------------------
مهند .. انتبهت حسيت اكو احد يراقب بينا مابينت اي ردة فعل ولا خليت زهراء تحس بشي ... اكول زهرتي ... زهراء .. كول يروحي .. مهند .. باوعت لوجها وابتسمت من اروح فدوة لروحج تعالي خلي اشوفج شي بالحديقة .. زهراء .. شنو اشوفني مهند خاف احد يشوفنا خلي ارجع للبيت .. مهند ... لاحبيبي ماكو احد يشوفنا كلهم نايمين تعالي مانتأخر .. زهراء .. تمام .. مهند .. لزمت زهراء من ايدها ودرنا ورئ البيت الحلو ابيت المزرعة انو داير مدايرة حدايق يعني البيت صاير بالنص مشيت سريع والتافيت من الجه الثانية للبيت حتئ اشوف منو الي يراقب بينا يعني اصير بظهرة اني .. زهراء .. شبيك مهند ليش تمشي سريع وليش اجينة منا .. مهند .. بس اصبريلي وخليج هادية هسة تعرفين كلشي ... من التافيت واشوف رحاب تتختل ورانا .. شافتها زهراء وانصدنت رحاااب .. التفتت رحاب بصدمة .. ز ز ه زهراء مهند شسون هنا .. تقرب مهند اني لازم اسئلج شسوين هنا بهل الوقت اني وزهراء جنا متواعدين هنا انتي شعندج .. زهراء .. شبيك مهند شنو متواعدين شداتحجي .. مهند .. اي متواعد وياخطيبتي والي هي مرتي بالاساس مخايف من شي بس يارحاب والسماج رحاب والله الماتلتم اطرافة اذا سمعت جايبة حرف لو مضايقة زهراء بكلمة احسب الله ماخلقج وانتي تعرفين مهند كلمتة متصير ثنين ... رحاب .. ااا اني ش شعلية بيكم انتو مخطوبين .. قاطعها مهند اششش ولاحرف اني حجيت العندي .. ياله ولي كدامي للبيت مااشوف وجهج .. رحاب بدون كلام ركض دخلت للبيت وهي مرعوبة من مهند هي كلش تخاف من مهند .. زهراء .. شلون عرفت اكو احد .. مهند بابتسامة شلون مااعرف غير انتبه لان وياي زهرتي .. زهراء .. وهي تتخوصر وتحجي وانت شلون تكول متواعدين هااا انت ماتعرفها حية ياما خبثت على وصال وتاذت وصال من ليث بسببها .. مهند .. هاي الحركة حلوة بعدين رحاب متخوف جلبي ولااهتملها اصلا بس علمودج حجيت من اروح فدوة للعصبي .. زهراء .. ههههه كافي ترئ اخجل .. مهند .. فديت اليخجل .. ياله حبيبي روحي للبيت نامي وارتاحي اذا بيج حيل نتراسل واذا نعسانة نامي .. زهراء .. وياك كل التعب يروح لا نحجي شوية وانام .. مهند .. شوتعالي كلتي التعب يروح وياي .. وباسها بوسة بكل حب اوووف اشتعلت صفحتج رحاب ههه ... زهراء ... ههههه الف مرة اشتعلت ياله حبيبي اروح .. مهند .. الله وياج حبيبي اول مدخلين الغرفة راسليني .. زهراء .. تمام حبي ...
****************************
في مكان اخر
****************************
وصال ... بعد الي سوا بية ليث اخذ علئ كولتة حقوقة مني مرة وثنين وثلاثة .. احس نفسي بس جسد كلشي بية مكسور گلبي وخاطري وكرامتي وكبريائي جنت اسمع بالذل .. واليوم شفتة بين ادين ليث ...  ااااااه وياوجع روحي ... عدلت نفسي وارتجيت على تاج الجرباية ولافة نفسي بالجرجف على اساس انو استر نفسي شستر وهو جردني من كلشي كلشي بية شافة اااااه ياايمة .. باوعت علية هو بس بالبرمودة وبيدة جكارة والمنفضة كلها جكاير ياخذ نفس من الجكارة ويزفرة بقوة .. انتبه علية .. كوة احرك بنفسي كلشي بجسمي يوجعني .. لفيت نفسي بالجرجف وصرت مقابيلة .. وكلت خلي احجي واحركة مثل ماحرك روحي .. هي هاي حقوقك هو كاعد رفع راسة علية وانتبهلي .. هاااا هاي حقوقك استاذ ليث  .. تدري يوم عن يوم داتثبت انو انت مو بشر صاحي يوم عن يوم تثبت انو انت وحششش .. ليث .. وصال .. وصال .. قاطعتة بصرخة رجت المكان لاتكول اسمي علئ لسانك واسمعني انت هل المرة لاتحجي ابد .. ضل صافن بوجهي بدون كلام وعيونة حمر دم ... وصال .. اكو رجال عاقل وهو ويا زوجتة الي علساس معتبرها زوجتة يكللها اعتبريني شخص ثاني واجاوبي وياي هاااا اكووو احجي شنو انت من بشرر اكو رجال يطلب من زوجتة الي على اساس معتبرها زوجتة خلفيلي طفل واطلكج هيج انت اشوفني مثلك لااحساس ولاضمير انت حرامات اصير اب واتمنئ من گلبي مااصير اب لطفل اني امة اكو رجال يقارن نفسة ويا شخص ميت من سنوات هاااا ... احجي جاوبني ليش سكتت .. تعرف ليش احب حسام وضليت وفية لذكرياتة لاحد ما القدر المشؤم جابني يمك تعرف ليش لان كان انسان قبل مايكون حبيب وخطيب لان جان يعاملني بحب وطيبة مو يحجيلي بالحب ولك اني خطيبتة وعاقدين يعني مرتة شرعا ومالمس شي بية تعرف ليش لان كان انسان محترم ومحترمني كل الي سوا .. رفعت ايدها كدام ليث بعصبية كان يبوس هاي ايدي كانت هاي بوسة الايد معناتها اني ملكج الج وبسس وتعرف انت الرجال الاول الي باس وصال بعد ابوها هذا الي تقارن نفسك بي .. بسسس شسوي للحظ والحرب اخذوا مني لان استكثرة رب العالمين علية .. ليث .. كافي وصال مااتحمل هذا كلامج .. وصال .. هو حقيقة ومتحملتة كيف اذا جنت تحجي اشياء مصايرة بحقي ... انت كل همك حقوقك ومو اي حقوق حقوقك الي بالسرير وبسس .. هديت الجرجف مني وصرت مقابيلة بدون اي شي مجردة من الملابسس تماما .. هاي كدامك اخذ حقوقك شوكت متريد وشلون متريد بس خليك مذكر تاخذ حقك بس من جسد .. جسد خالي من الروح وخالي من المشاعر والاحساس .. ليث ...  بعد الي سوتة وصال والي حجتة كلش استصغرت نفسي شلون افهمها مو هذا كان قصدي شلون افهمها جنت ناوي احجي بغير شي والحديث اخذ غير مجراه .. تقربت عليها .. اخذت الجرجف وخليته عليها احاول استرها بي صرت كلش قريب منها .. وصال.. اسمع ليث يجبرنا القدر نفارك ناس نحبهم وعزيزين علينة بس مايجبرنا ننساهم .. ليث .. باوعت عليها وتلاكت عيونا واشوف عيونها الذبلانة المليانة دموع وقهر شكد كرهت نفسي بهاي اللحضة اني موهيج والله موهيج احجي بداخلي .. وصال ... تقربت منة تعرف هسة اني شكد كرهتك اي اني كرهتك من گلبي ياليث ياابن عماد وصال تكرهك لاحد الموت .. وعافتة ونزلت لغرفتها حتئ ملابسها مااخذتهم .. نزلت لغرفتي واني متحطمة منهارة اتمنئ الموت هسة تكولون شدعوة هو حلالج واخذ حقة .. وياكم هو حلالي بس مو بهاي الطريقة طريقة كلها ذل وكلام حقير مو گانو زوجتة ويتقرب بحب .. اني الفترة الاخيرة كلش افكر ب ليث يعني بديت افتقدة اذا راح لدوام افرح من اشوفة موجود يعني بديت. اتقبلة بحياتي حتئ بخوفة علية حسيت بأمان بقربة كلت معقولة راح ترجع الدنيا تضحكلي .. بس بعد السوا اليوم هيهيات رجع مثل الاول وانكس بنضري ... بجيت ودكيت ولطمت على حضي شتريدين مني بعد يادنيا مو تعبت كااافي ياربي كافي واصرخ بصوت عالي ااااااه يااالله ياالله كااااافي .. ولك ليشش مو بديت اح. وسكتت ماكملت لالالالا ماكو حب ماكو شي اسمة حب حتئ حسام لو يحبني ماعافني اااااااه اااهئ اااهئ ومن البجي اني بالكاع نمت من التعب والبجي .. ليث .. اسمع صراخها واني بغرفتي ليش هيج سويت ليث ليش ليش خربت كلشي بلحضة غضب ليش ماتعرف تصرف وياها هي بالذات ولك مو على اساس تحبها هيج اسوي بالتحبة وكلبي يتكطع من اسمع صرخاتها بحرگة دمعن عيوني عليها اني رب العالمين راح يحاسبني بسبب وصال لان هواي اذيتها .. مر الوقت .. رن تلفوني .. باوعت بتعب شفت المتصل شاكر .. جاوبتة ..
ليث 📱 الو
شاكر 📱 هلو ليوث حبيبي شلونك
ليث 📱 الحمدلله انتو شلونكم
شاكر📱الحمدلله زينين بس ردت اكولك لاجيب وصال للمزرعة
ليث 📱شلون مااجيبها اني بعد ساعة واطلع لدوام تبقئ وحدها
شاكر📱لايخوي احنا كلنا راجعين للبيت بالعشرة الصبح بالكثير احنا بالبيت
ليث📱 هااا شعجب
شاكر 📱 حبوبة كالت نرجع للبيت
ليث📱 هاا خير ان شاء الله .. ونهو المكالمة .. ليث .. نهضت رحت سبحت وحضرت ملابس الدوام .. اطلع الفجر اني دائما لان طريقي طويل .. جهزت نفسي واخذت اغراضي ونزلت تقربت لغرفة وصال ماكو حس يمكن نايمة ماعندي الجرئة حتئ ادك الباب عليها ... لازم اكوللها شلون ياربي .. دكيت الباب ماكو رد ..اخذت نفس ودكيتة مرة ثانية ..وصال .. اسمع الباب يندك بس مااكدر انهض وصوتي رايح من كد مصيحت شوية وانفتح الباب علية واني علئ نومتي بالكاع وبنفس الجرجف ولافراش ولاغطا وعضامي متكسرة .. ليث .. من ماشفت رد خفت لامسوية بروحها شي ماتحملت فتحت الباب وانصدمت من شفتها بهل الحاله بالكاع لافراش ولاغطا وبعدها حتئ بالجرجف .. ركضت عليها عبالي شو شمسوية بنفسها وصال وووصال تقربت مديت ايدي على شعرها ابعدة عن وجها صاحت بية وصوتها مبحوح وخر ايدك لاتلمسني لاتلمسني ...ليث .. اي اي هاهية ماالمسج .. وصال .. اطلع برا اااطلع .. ليث .. طالع طالع بس ردت اكولج اهلي راح يجون للبيت يعني ب 10 هم موجودين واني رايح لدوام كومي لتبقين هيج .. وصال .. معليك بية اطلع برا .. ليث .. اوك طالع .. استغفر الله .. طلعت وصيت الحراس ينتبهون للبيت لان وصال بالبيت وخليت وطلعت لدوامي .. والطريق كلة منظرها مراح من بالي شكد حقير اني شكد حقير ويضرب علئ استيرن السيارة ولك شهل النذاله الي انت بيها هيج احسلك بعد تحلم حلم وصال بيوم تحبك ...
***************************
نكمل الاحداث
رجعو للبيت ومشت الامور وصال حجت لعمة فرحة علئ الصار بالتفصيل وفرحة تخبلت وتعاركت وياليث .. وصال ...ابد متصد بوجه ليث .. حتئ ليث مايخلي عينة بعينها شلون يخلي عينة بعينها بعد الي سوا بيها ... ضلت وصال مهتمة بكرار وادرسة لان الامتحانات الوزارية على الابواب كل وقتها وياكرار .. ملاك ...صدفة كاعدين اني وزهراء دانحجي .. واجتي رحاب .. رحاب .. عادي اكعد يمجن ضايجة بوحدي ..ملاك وزهراء .. تعالي اكعدي منو مانعج .. ملاك .. تعالي تعالي اكعدي شو انتي هل الايام مو على بعضج وليش عيونج هيج وارمة .. رحاب .. دنكت راسها مابية شي بس يمكن من السهر .. زهراء .. شبيج رحاب منو وياج .. رحاب ...انتن تعرفن شبية تعرفن اني احب ليث من صغري من صغري وعيت على حبة ليش ماتفهموني والله احبة وداموت من ورئ الفصلية .. ملاك .. رحاب حبيبتي ليث ازوج وليث مايوم بادلج الحب حاسبج بنت عمة واختة حالج من حالنة ليش اتعبين نفسج .. رحاب .. كلكم فضلتو الفصلية علية واني شسوي لكلبي كليلي الااموت ياله اترك حب ليث .. زهراء .. ممفضلين احد على احد بس وصال كلش حبابة وطيبة هي زرعت حبها بالعائلة كلها وانتي لازم تتقبلين انو ليث ازوج وعلئ فكرة رحاب ليث يحب وصال مو بس يحبها انما يعشقها عيشي حياتج باجر تحبين وتنحبين ماكو شي يبقئ علئ حاله ...
-------------------------------------------
كرار .. وصال اريد اعترفلج بشي .. وصال .. تعترفلي بشي شسويت من مصيبة غشيت من امتحنتك موو كم مرة كتلك الموضوع المتفهمة كلي علية اعيدة الك ولاتغش .. كرار .. هسة غير تنطي مجال الواحد يعترفلها عمي ماغاش والله واني داافتهم عليج انطي مجال خلي نحجي اكلتينا .. وصال .. اهاا سكتت ياله اعترف شمصخم .. كرار .. اني اني .. وصال .. اي شبيك انت غير يحجي  .. كرار .. وصال اني داتواصل ويا رائد ابن عمتج واوصلة اخبارج واعرف اخبارهم ...وصال .. 😲 عزة شداتحجي ولك كرار انت تعرف شداسوي .. كرار .. اي اعرف شداسوي كل مابالموضوع دااطمن اهلج عليج ولان اختج منال بعد شهر زواجها ف لازم اكولج .. وصال .. شنو منال راح تزوج 🥺 راح تزوج واني مويمها .. زين انت تدري هذا الي داسوي بي خطورة علية وعليك يعني اذا عرف ليث شراح يخلصنا ..كرار .. اني ماخايف من احد اني خوفي عليج انتي بس واني اذا عرف وهو مراح يعرف منو راح يكلة لنفرض عرف اني اكولة ماتعرف وصال وانتي صدك مجنتي تعرفين .. وصال .. ميخالف مااقبل اي ضرر يصيبك بسببي قلل التواصل لتخلي بالي ينشغل ..كرار .. ماشي ..

ليش مو الكلام الي دار بين وصال وكرار اكو احد سمعة ههه طبعا مايفوت الحية رحاب سمعت الحجي كلة وكأنو اجتها فرصة جديدة تاذي بيها وصال ... لهنا ويخلص البارت ننتظر احداث جديدة لاتنسوني بتصويتكم ومتابعتكم وتعليقاتكم الحلوة احبكم 😘
لارين العامري
                  أنامل كاتبة ✍️