عـشق الـجبـال (فصـليـة)

عشق الجبال (فصلية)

عـشق الـجبـال (فصـليـة) البارت 15
يوم الجمعة يوم انتقاله بحياتي ومصيري المجهول 🥺
.............................................
وصال ⬅️ كعدت الصبح واني احس نفسي مرتاحة لان گضيت الليل بحضن اماني وملاذي بس ملكيت بابا موجود كمت وتوجهت لكنتور ماما 🥺 وفتحتة تفرجت علئ ملابس ماما كانت اامي انيقة ايضا بلبسها الكل يشبه اناقتي بأناقة امي الله يرحمها 🥺 شميت ملابسها وكأنو ترست رئتي بعطرها ولمحت بين ملابسها صاية خليجي كلش راقية لون اسود ومطرزة بالاسود فد شي رغم بساطة تطريزها بس مخليهاراقية و فخمة هي وشالها طبعا تعرفون اني مو محجبة بس كلت البس الشال اذبة علئ راسي لان اكيد راح يكون اكو زلم بالستقبالنا وبماانو هم حزينين علئ ابنهم فهذا انسب لبس ومنا شي راجع لماما 🥺 اخذت الصاية والشال وطلعت لغرفتي وسبحت ونشفت شعري وضفرتة ضفيرة وهو طويل وبماانو اني من النوع الي ميحب المكياج تاركتة من زمان من توفة حسام الله يرحمة ف اكتفيت بواقي شمس وكحل خفيف ومرطب شفة ولبست الصاية وذبيت الشال ع شعري ولبست حذاء كعب اسود اجلكم الله ونزلت والكل كان بانتظاري واني انزل الكل توجهت انظارهم الي وتفاجئو بلبسي ... عمة عفاف .⬅️ اللهم صل على محمد وال محمد يمة شطالعة .. رائد ومازن بصوت واحد ... وربي شيخة الشيخات 🥹 ابو مازن ⬅️ بنتي من يوم يومها شيخة الشيخات مو جديدة عليها... وصال⬅️ ابتسمت من كلامهم وكتلهم ياله خلي نتريك.. 🥹 بداخل اكول هذا اخر ريوك الي وياكم اخ ياجمعتكم راح انحرم منها.. قاطعت صمتي منال ... ياله ياشيخة الريوك جاهز فدوة شنو هل الكياتة 😊 ..
نسرع الاحداث شوي
بعد مخلصنا الريوك .. ابو مازن ⬅️ياله نتوكل .. رائد خالو اني اجي وياكم .. ابو مازن .. اي ابني امشي يعرف رائد شكد متعلق بوصال ومستحيل يتركها بهيج يوم ف ماناقشة .. نزلو الجنط .. ودعت عمتي وسارة ومازن وزوجتة واطفاله وعمة وعلي مابطل بجي طبعا عمو عزيز وباقر واصدقاء بابا شيوخ كانو طرف ثالث هم اجوي ويانة الشيوخ بسيارة واني وبابا وباقر وعمو عزيز ورائد الي ماترك ايدي طول الطريق وياية وتوجهنا لمصيري المجهول والكل يودعني بدموع واني مااقل شي عنهم ماسيطرت على دموعي وكلبي مليان قهر وحصرة على كل احلامي ومستقبلي الي ضاااع 🥺...
في مكان اخر ..........
ليث وصلت للبيت الساعة 5ونص الفجر دخلت الكل نايم بس امي بهيج وقت تكعد اصلي .. طبيت لكيتها كاعدة على سجادتها وبيدها سبحتها انتبهت علية وابتسمت هاي يمة شوكت اجيت .. ليث⬅️ وهو يتقرب عليها توني وصلت يانور عيوني بست راسها شلونج ياغالية .. ام شاكر ⬅️ الحمدلله بخير بشوفتكم يابعد امك .. مو باجر نزولك شعجب قبل يبوم اجيت مو عوايدك ... ليث⬅️ اي يمة اخذت اجازة نسيتي اليوم الفصلية تجي ولازم اكون موجود .. ام شاكر⬅️ يمة شقررت راح تخلون حسين ياخذ فصلية اخوك ... ليث ⬅️ لايمة فصلية اخوي اني راح اخذها محد غيري ياخذها .. ام شاكر ⬅️ عفية عليك وليدي لان هذا حسين ملعب اكو ورئ شي وبعدين هو مزوج وزوجتة بنت عمكم شلون نقبلها عليها .. ولو يايمة جان نفسي ازفك واهوسلك واهلهل ماجنت رايدة هيج تزوج وبجت .. ليث⬅️ يابعد عيوني لاتبجين راح ازفين شاكر وكرار واني هم ازفيني قابل اني ابقئ على الفصلية ..ام شاكر ⬅️ يايمة يعني تردها لهلها وتزوج ...ليث⬅️ لا اخليها خدامة بالبيت ولمرتي الي ازوجها هاي الي بسبب اخوها الطايش نزلت دموعج ودموع ابوي واخوتي واخواتي وملاك الا ادفعها الثمن غالي .. ام شاكر ⬅️ لايمة انت كلت بسبب اخوها وهي مالها ذنب لايمة لاموهاي المرجية منك اني ماربيتك هيج ... ليث ⬅️ الله كريم يمة لكل حادث حديث اروح اني اسبح وارتاح ورانا يوم طويل 😈 من رخصتج ياغالية .. ام شاكر ⬅️ الله لايرخصك وليدي والله يهديك ويريح گلبك ادري موهين عليك غيث مو بس جان تؤمك جان روحك من الدنيا وجان صديق ورفيق درب ....
نكمل الاحداث بالبارت القادم لاتنسون التصويت والمتابعة احبكم

𝓡𝓐𝓢𝓗𝓐