عشق الجبال( فصلية) البارت 23
.............................................
مشت الايام بصعوبة بوجود ليث بالبيت وبعد ماانطة اجازة للمساعدة ام سامر .. وماترك فرصة ابدا اذا ماضايقني بتصرف او بكلام يجرح الگلب من قساوتة .. الشيخ ابو شاكر .. ام شاكر لعد ام سامر وين ليش ماكو ؟؟ ام شاكر .. شكلك يابو شاكر من يوم ماوصلت وصال لبيتنا وليث انطة اجازة لأم سامر وخلة الطبخ كلة على هل البنت وابد اسلوبة مو زين وياها يابو شاكر احنا ناس نخاف الله ومانظلم احد والناس تتحامة بينا وهاي البنت ابنك دايظلمها وابيتك حتئ هججها من غرفتة وصارت غرفتها الغرفة الي مسوينها المخزن وطبعا هذا امر منة انو هاي الغرفة تحديدا اصير غرفتها ... ابو شاكر.. شلوون شداتحجين يمرة هذا كلة صاير واني ماادري .. بس غبت يومين هذا كلة يصير وشلون البت گاعدة بهاي الغرفة وكلها زعابيل .. ام شاكر.. لا الغرفة رتبوها كرار والبنات ونظفوها وصارت غرفة مرتبة بس يابو شاكر حاجي ابنك على اسلوبة .. وانوب سعاد وبتها البارحة لعبن جولة كلة الفصلية والخدامة .. ابو شاكر وين ليث .. بنص البيت وصاح بصوت رج البيت رج لللليثثث ياليثثث 😡 ابو شاكر رجال هيبة وهيبة شيوخ بيها حظ مايقبل على العوجة .. فرحة... خير ابو شاكر رايد شي اسم الله شبيك صاير ناررر .. الكل اجة على صوت ابو شاكر .. ليث .. نعم بوية خير صاير شي ؟؟ ابو شاكر وبعصبية كلي انت اصاير ياحضرة الضابط ياابن الشيخ الي مايظلم احد وتالي اهل بيتة ينظلمون ومنو الظالم ابنة لك اني هيج ربيتك ..ليث .. يابة غير افتهم اصاير ترئ كلشي ماداافتهم عليك .. ابو شاكر .. ليش منطي اجازة لأم سامر هااا ليش حتئ تخلي وصال اضل بالمطبخ تخدم بيكم منو سمحلك تصرف بهيج شي.. ليث .. يابة من فضلك فصليتي واني حر والفصلية تخدم اهل البيت مو مخليها نايمة واحنا نخدمها... ابو شاكر.. ااسمع يول اسمع البنية مو خدامة واذا اسمع كلمة خدامة لو فصلية تنكال ابيتي وعلي الي يكولها. مايلوم الانفسة استحي على نفسك يول هاي البت هسة على ذمتك وكرامتها من كرامتك ..فررحة .. نعم خوية .. ابو شاكر .. اتصلي بأم سامر تجي باجر ماكو اجايز والي اسمعة مصرف من كيفة بهذا البيت مايلوم الانفسة .. فرحة .. صار خوية ... ابو شاكر .. وانت يول جر عدل وياالبت لا اتصرف غير تصرف وياك اني ماربيتك هيج لولا هل البت جان صار بحر دم ولاعبالك عشيرتها قاصرة لالا متوهم .. ليث.. انتو جبرتوني عليها واني اصرف وياها بالي تستحقة وابد مااعتبرها مرة الي وهذا اخر كلام الي .. ابو شاكر وبعصبية. لاتعتبرها مرة الك اتركها هي سنة واردها لهلها ممنوع تدخل .. ليث وبعصبية .. باله شلون ماادخل وهي على ذمتي. .. ابو شاكر .. الله ماطولج ياروح ولك انت مو ماتريدها مو تكول جبرتوني ليش ماتثبت على راي ولك لااطلعني من طوري وبعدين ياهو الجبرك انت هاا موكلت مااخذها وتبرع حسين ياخذها ومشيت لدوامك ورجعت كلت اني اخذها .. ليث .. اااي فصلية اخوي اخلي حسين الخايس ياخذها واني اعرف نيتة شنو .. ابو شاكر .. خلاص لعد تلصم محد جبرك واعيد واكرر تخلص سنة اخوك اطلك البت وارجعها لهلها معززة مكرمة .. وخلة وطلع .. ليث ضل يكمز لازم توصلون الحجي .. ماتكدرن .. ام شاكر .. اني كتلة حتئ يخلي حد لتصرفاتك ولظلمك للبنية كلشي احجيلة .. ام شاكر .. فرحة خابري ام سامر من الصبح تجي باجر خميس ثواب المرحوم .. فرحة .. صار خية هسة اخابرها .. وصال.. اني وصلت لباب غرفتي وسمعت عمي شسوة بليث على تصرفاتة حسيت براحة لان محد قابل على تصرفات ليث .. والي اثلج گلبي انو كاله بس تطلع سنة غيث الله يرحمة يرجعني لهلي الف الحمدلله والشكر ياربي .. بس ماجنت ادري هاي الفرحة مراح ادوم لان ليث مراح يسكت على الي سوا عمي وشلون صيح وعصب علية ...
ليث...😡 اااخ الله اني ابوية تالي عمري يصيح علية وعلمود خدامة فصلية ااخ ياوصال والله ثم والله لخليج تتمنين الموت .. زمخت بصوت عالي وينجججج متكررة ..وصال .. سمعت الخبل يصيح وينج وينج عرفت علية طلعت زهراء تركض هاخوية .. ليث .. صيحي الفصلية .. زهراء .. ليث لايسمعك ابوية عفية .. ليث ... امشي ولج بسرعة خلي اسويلي گهوة وصعدها فوك .. زهراء ماشي ماشي هسة اسويلك .. ليث .. زززهرررراااء 😠 كلت هي اسوي سمعتي مااكرر كلامي .. زهراء .. اي اي وطلعت اركض ولج وصال ليث يريد گهوة ماقبل اني اسويلة الاانتي وكال صعديها لغرفتي .. وصال.. اي حبيبتي بس شبيج مخترعة اهدئ .. زهراء .. ولج صاير نار يخوف فدوة اروحلج لاتحاجي فدوة فدوة 😣 وصاال .. هههه اهدي عيوني قابل شعندي ويا انطي الكهوة وانزل لتخافين .. وصال.. رحت سويت الكهوة ..صح متوترة مو مال يشوفني بعد الصار وهو معصب اساسا مني اخذت الگهوة واني رجلية كوة تمشي بتجاه غرفتة خليتها على الله ودكيت باب الغرفة .. اجاني صوتة يرج 😣 ادخل .. وصال .. فتحت الباب ودكات گلبي عبرت الالف 😫 ه هااي الگهوة الطلبتها خليتها على الطبلة المقابيلة والتفتت اريد اطلع ومااحس غير الكزاز مطشر ومالي الگاع .. التفتت والكا گالب الصينية هي والكهوة وگلاص المي .. 😮 هااي ليش شكو .. ليث.. وجع جايبة الكهوة ثلج بسرعة نظفي المكان ونگلعي من كدام وجهي 😠 .. وصال .. اخذت نفس وزفرتة وسديت قبضة جف ايدي بقوة لان هذا الشي الوحيد الي شوية يهديني من اصير عصبية ورحت لميت الكزاز ونظفت المكان وطلعت محجيت گلمة .. اعرف هو متقصد كل شي يسوي يحاول يخليني اعصب واحجي حتئ يأذيني ياربي انطيني الصبر وخلص هل السنة اووف ... نزلت لكيت كرار اباب غرفتي ويا ميز تواليت صغير كلش حلو ومرتب .. وصال.. هذا شنو .. كرار .. هذا الشي النقص الي بالغرفة الي منتبهتو علية اليوم وصل هذا الج خلي علية زواكتج علئ كولة امي وضحك 😂 .. وصال.. ياعمري انت ليش كلفت نفسك .. كرار .. ماكو لاتكلفة ولاشي افتحي الباب وخلي نخلي بالغرفة .. وصال.. تمام خلي اساعدك بي ..
للحكاية احداث جديدة اتمنئ منكم نتابعة وتصويت ااحبكم 😘
أنامل كاتبة
كلت انزللكم بهذا البارت صورة الخبل على كولة وصال 👇👇
ليث
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
عـشق الـجبـال (فصـليـة)
General Fictionالسلام عليكم ... تتكلم عن فتاة قوية گ الجبال تشاء الاقدار تذهب فصلية 🥺🥺 لاتخلو احداث القصة من التحدي والقوة والعناد والكبرياء ....
