عـشق الـجبـال (فصـليـة)

عشق الجبال(فصلية)

عشق الجبال (فصلية) البارت 29
.............................................

حبايبي اعرف مقصرة بس التفاعل قليل ميسوي واهس حتئ اكتب ورمضان واتعب واريد تفرحوني بالتصويت والمتابعة 😘😘
.............................................
:يتساقط المطر فــوقـي ولا💔 يــدري ان الحــريق بالداخـلي🥀 🍂ووصـال🍂
....................................
ليث... يكعدون بالحديقة البنات وصال ادرس كرار .. اني بالكونة  غرفتي طالة على الحديقة ف اتفرج عليهم بدون ميحسون ضحكهم وشقاهم وكرار و وصال مسوين جو كلش حلو بالبيت حتئ امي وعمتي ومرات ابوية هم يشاركهم الكعدة الكا نفسي اضحك على ضحكهم بدون ماادري .😁 ..سمعتها راح تسوي الهم گهوة واستاذ كرار يتشهئ يدور گبتشينو .. نزلت بسرعة حتئ اطلب گهوة منها .. وصال .. هسة كرار  مستحق اطيب كوب كبتشينو .. البقية تريدون گهوة موو .. ملاك خلي اكوم اساعدج .. وصال .. لالا اكعدي اني مااتاخر ضلي كاعدة يم زهورة 😉 .. وصال دخلت للمطبخ حتئ اجهز الكهوة شوية ودخل ليث للمطبخ .. ليث...احمم اريد فنجان گهوة .. وصال .. التفت علية بس ممكن تشربها هنا لان بين مااصعدها لغرفتك اصير باردة وراح تكسر الفنجان ولازم اني انظف مكان الفنجان والكهوة الي كسرتهم ممكن .. ليث .. من حجت هل الحجي كوة حبست الضحكة وكتلها لا اشربها برة وياكم .. وصال .. هاا تمام روح للحديقة دقايق وتجهز الگهوة .. ليث .. ماشي .. وصال .. جهزت الگهوة وخليت قطع ككو وياالكهوة وطلعت للحديقة اباوع على ليث مخلي رجل على رجل وبيدة تلفونة يتصفح بي لابس تراكسود اسود بي من الجوانب خطين ابيض طالع يطك بالكاع وعطرة مالي المكان ياربي نفس العطر الي شميتة واني بحديقة اهلي هذا العطر مو دائما يستعملة المهم كعدنا بالحديقة وجتي ام شاكر وعمة فرحة وزوجة عمار الكعدة صارت تخبل وشوي واجة شاكر وعمار وشاركونا الگعدة .. ورحاب بس تتموع كدام ليث تريد بس تلفت انتباها وهو ولاكأنو هي موجودة .. شاكر .. والله ياوصال سويتي اجواء بالحديقة ماجنا نكعد كلنا لمة وحدة .. كرار .. اي هذا كلة بفضلي 🥺 .. ليث .. هههه اي لوماانت مانشوف الحديقة شكد حلوة 😉 .. وصال .. ليث يحجي وانظارة اتجاهي كل ماارفع عيوني الكا يباوع علية شكو شداتفكر بعركة جديدة الله يستر 😣 .. اخذت صينية الفناجين ودخلت اوديهم للمطبخ .. مااحس غير ليث وراية .. ليث .. عاشت ايدج الگهوة فد شي .. وصال .. بأستغراب ترئ هي نفس الكهوة مال كل مرة الي تجفيها بالكاع .. ليث .. ممم مو مجنت استطعمها لان توصل باردة .. وصال .. هااا هيج لعد كل مرة اشربها جوة لوبالحديقة لو بالصاله هم بالمرة نحافظ على الفناجين البقن .. ليث .. ههههه هو هم هيج .. وصال .. ا اكول ليث ممكن سؤال ؟؟ . ليث .. 🤨 جواب .. وصال .. ه هو بس ردت اسئلك انت تندل بيت اهلي ؟؟ ليث .. ليش هل السؤال !!!! وصال .. هيج مجرد سؤال لااكثر وبكيفك اذا متحب اجاوب .. ليث .. لاعادي اي اندل بيت اهلج واندل مكان شغلكم واعرف حتئ الناس الي جنتي اساعديهم وعمو رحيم هذا الرجال الي يغسل كلئ وانت جنتي متكفلة بكلشي .. وصال  😲 شنو كل هذا تعرفة شنو جنت مراقبني ؟؟ ليث .. انتي كلتي سؤال وهذا صارو سؤالين 😌 ممكن اجاوبج بشرط .. وصال .. شنو الشرط 😶 .. ليث .. هههه شبي وجهج انكلب الشرط فنجان گهوة مثل القبلة لان الظاهر هواي عندج اسئلة ... وصال .. هاي سهلة لان هو بصراحة اكو بعد سؤال .. ليث ... لعد ياله نفذي الشرط .. وصال.. اول مرة ليث يحجي وياي بهدوء فكلت خلي اسئلة الاسئلة الي ادور بخاطري كل مااشتم عطرة .. زين لعد تفضل اكعد هنا حتئ تشربها حارة .. ليث .. اي اكعد ماعندي شي .. وصال.. سويتلة الگهوة وخليتها كدامة على ميز الطعام وكعدت مقابيلة .. اخذ الفنجان وشرب منة وغمض عيونة يستمتع بطعمها .. وصال.. اي مكتلي شلون عرفت هاي التفاصيل الي تخصني ؟؟ ليث .. عرفتها بطريق الصدفة مثل ماعرفت بيتكم وشغلكم .. وصال .. هاا تمام .. زين قبل مااجي لهنا بيوم الخميس بليل اجيت ليم بيتنا .. ليث.. رفع حاجبة 🤨 وليش هل السؤال يعني شسوي اجي لبيتكم .. مااعرف هو مجرد سؤال لااكثر .. ليث .. لازم اكو سبب لهذا سؤالج ممكن اعرفة .. وصال.. مو هو شسمة 😫..ليث .. احجي شبيج كمتي تمتمتين .. وصال.. لاهيج انسئ مو شي مهم يجوز مجرد صدفة .. ليث.. هو شنو اطلعين ط... السالفة وضمين راسها .. وصال .. بارتباك من ردة لا شنو السالفة هو كل مافي الموضوع اني بوقتها جنت بالحديقة وهب عطر نفس هذا عطرك الي مخلي حاليا ف سئلت .. ليث.. من كل عقلج لسة تذكرين العطر الي شميتي من شهر .. وصال .. والله بصراحة هو كان مميز ومن شميتة وانت مخلي رجعت ذاكرتي لذاك اليوم .. ليث .. هااا اي طبعا كلشي يخلي او يلبسة ليث مميز محد يگدر يقلدة ...صدك وانتي شسوين بالحديقة ب 11باليل .. وصال.. 😲 تفاجئت من كلامة شمدري اني جنت بالحديقة بهيج وقت .. هاا وانت شلون عرفت الساعة الي جنت بيها بالحديقة .. ليث ...كام من مكانة وابتسم ابتسامة بخبث وكال .. اني كلشي اعرف .. شكرا على فنجان الگهوة وخلا وراح لغرفتة .. وصال.. خلاني متفاجئة من ردة يعني هو الي جان يم بيتنا شهل اليث الي كلة غموض ... يوووه  هسة بشنو شاغلة بالي بعدين شمدري بالناس الي اساعدهم وعمو رحيم اوي هسة شنو اخبارة اسماء داسوي الي كلفتها بي .. اي اكيد لان اسماء صديقتي المقربة وهي تكفلت بهل الموضوع اوووف شلون اعرف اخبارهم ياربي 🙁 .. ملاك .. هايحلو بيش صافن شو تاخرتي شفت حبيب القلب لحكج من دخلتي كلت الامور طيبة كوة گضيت رحاب كل شوية تريد تكوم تدخل ضلت تحوص 😁 .. وصال .. على كيفج على كيفج سويتي حبيب القلب كل مابالموضوع راد فنجان گهوة  ثاني وسويتلة وشربة وراح لغرفتة .. ملاك .. مممم 😉 علينا .. بهل الاثناء دخلت رحاب .. شبيجن شداسون .. ملاك .. شدانسوي دنسولف على كناريات الحب .. رحاب .. مـ مـ منو تقصدين .. ملاك .. منو اقصد غير وصال وليوث .. وصال .. اباوع لملاك هاي شداتحجي اخزر بيها بس هي مستمرة اكيد تريد تغث رحاب والله ياملاك متدري رحاب وليث اخر همي واصلا ياريت يرتبطون ويحلون عن حياتي .. رحاب .. ه ه هاا اي من رخصتجن .. ملاك وصال غالية .. ملاك .. 🤣🤣🤣 شكد افرح من اغثها .. وصال .. يولي خطية بعدين شوكت صرنا اني وليث كناريات .. يمعودة تدرين اتمنئ يتزوجون على الاقل هي ترتاح من الي داتسوي .. ملاك .. 😐 عزة من كل عقلج تحجين اكو وحدة تكول اتمنئ زوجي يزوج انتي مخبلة .. وصال .. ملاك انتي تعرفين واني اعرف والكل يعرف ليث رافضني گ زوجة واني متقبلة هل الشي واتمنئ يحل عن حياتي وارجع لحياتي واهلي وشغلي وابقئ عايشة بذكرياتي الي گضيت عمري عايشة بيهن .. ملاك .. اوووف ولج صدك وعدتيني تحجيلي عن هاي الذكريات وهسة ماعدنا شي كرار وخلصتي دروسة والكل مستقر بغرفتة ماعدنا شي تعالي ناخذ گرزات ونطلع نكعد بالمرجوحة تحجيلي .. وصال.. مصرة تعرفين هل الذكريات .. ملاك .. والله مصرة ومتشوقة ياله ياله .. رحاب .. صرت ورئ الباب وسمعت شحجن وصال وملاك يعني ست وصال عدها ذكريات يعني عدها حبيب بس جيتها فصلية خربت كلشي وتتامل ترجع لحياتها والله ياوصال واني هم اتمنئ تمشين منا باقرب وقت واني راح اسعئ لهذا الشي وانتي ملوك الصفرة اني اعلمج .. وصال.. كاعدين بالحديقة اني وملاك تريد احجيلها قصتي وياحب عمري حسام اني حبيت احجي لان مشتاقة احجي بحسام صار هواي محاجية بي ..كاعدين وطلعت عمتي ام شاكر وعمتي فرحة .. ها يمة شداسون .. ملاك.  منسوي شي انتن وين لابسات ورايحات .. ام شاكر .. والله يمة ام محمد من عرس ابنها تدرين مارحنا والمرة موجبة علينا كلت ماطول ماعدنا شي وعصرية انروح اني وعمتج فرحة نأدي الواجب ساعة زمان ونرجع .. وصال .. الله وياكم .. ملاك الله يواكم لاتتاخرون البيت ماله طعم بدونجن 😌 فرحة .. ام لسان ساعة مواكثر الي يشوفج يكول مگابلتنا اربع وعشرين ساعة .. هو انتي وزهراء لاطشات ب وصال طول اليوم ناقص بس للحمام مطبن وياها .. ملاك .. والله ياعمة لو تقبل هم نطب للحمام وياها بس هي نحيسة .. وصال .. ههه ولج خبلة وصربتها .. فرحة .. هاا طلعت نحيسة لان متخليجن اطبن وياها .. وضحك. الكل لا وانوب كرار جملها هم لاطش وياجن .. كرار .. هاا شبي كرار بكل مكان اسمة ينذكر .. فرحة .. مابي شي جنة ورد امشينة خية ام شاكر هذولة يلهون .. وطلعن .. كرار .. وصولة الحلوة .. وصال .. هاا خير بيها وصولة .. كرار .. اطلع ساعة وحدة وارجع بس اشوف جماعتي .. وصال .. ساعة وحدة كرار بس علمود ترفه عن نفسك .. كرار .. اروح فدوة لهل العيون بس ساعة ياله باي .. وصال وملاك الله وياك .. ملاك ياله سولفي .. وصال ..مااعرف منين ابدي اسئلي انتي واني اجاوبج ونكمل .. ملاك .. اوك شوكت تعرفتي علية وشلون 🤗 .. وصال .. فتحت عيني علية كبرنا سوة .. ملاك .. شلون يعني مافهمت... وصال... هو ابن خالتي مو غريب .. ملاك .. ياعمري .. اي كملي .. وصال.. وبديت اسرد قصتي اني وحسام كلها بتفصيل احجي وفرحانة احجي بي وبنفس الوقت عيوني ملاينة دموع .. انتبهت على ملاك .. لكيتها شبعانة بجي وتشاهك من البجي .. وصال .. ولج ملاك اني دااحجيلج مو علمود تبجين خررب ولج اسكتي ترئ كوة لازمة دمعتي .. ملاك .. ياروحي كل هذا صار وياج وتحملتي يعني هل الحب هذا وهيج ينتهي والابشع من هذا على دورة سنة حسام تتوفة امج شنو هذا المريتي بي ورغم كلشي بقيتي تصارعين الحياة والوكت وصلتي للي وصلتي وانتي متمسكة بذكريات .. ليث .. جنت واكف بالبالكونة بغرفتي وشفت ملاك وصال كاعدات بالمرجوحة يحجن مااسمع شنو يحجن بس ورئ دقائق شفت ملاك تبجي وصال خالة ايد علكتفها وايدها الثانية مخليتها على ايد ملاك مااعرف شبيها ملاك سديت باب البالكون ونزلت اريد اشوف ملاك شبيها .. تلكتني رحاب .. هاا شبيك .. ليث .. ملاك مااعرف شبيها انتي مشفتي شبيها ليش تبجي  .. رحاب .. لا شبيها بس سمعت وصال تحجيلها عن بطولاتها وعن حبيبها الي تتامل ترجع اله بعد ماتتركها ويجوز ملاك تاثرت بالكلام واذكرت غيث وبجت  .. ليث .. من حجت رحاب هذا الحجي الدم صعد براسي دفعتها وخري من كدامي ..  وطلعت متوجه للحديقة اريد افتهم .. وسمعت كلام وصال .. وصال .. كنت ارد على كلام ملاك .. اي عشت وابقئ عايشة على ذكريات حسام لان ماكو رجال دخل حياتي قبلة ولا راح يدخل بعدة هو حب عمري .. ليث .. من سمعت كلام وصال .. مااعرف شنو صار بية بس كل همي انو اشرب من دم وصال بس هم مايبرد گلبي .. تهجمت عليها وجريتها من شعرها ياساقطة مزوجة وتتمعشقين وتحجين بكل صلافة عين .. ملاك .. طفرت من صوت ليث واني اشوفة لازم وصال من شعرها ويجر بيها وهو يتلفظ باقبح الكلام بحق وصال .. ليث بس خلي نفهمك ترئ انت فاهم الموضوع غلط موهيج تقربت

واني احجي اريد افهم ليث وافك وصال من بين ايدة لان مثل الثور الهايج شكلة مرعب العصبية مسيطرة علية .. رفعت ايدها وصال ✋ بمعنئ اسكتي لاتحجين وابقي بعيدة ... وهو يجر بوصال للبيت ويغلط واني احاول بس افهمة لاهو يقبل يسمع ولاوصال تقبل ادخل .. سحبها لغرفتها دفعها بالكاع وسد الباب وقفلة عليهم وبدة صوتة يعلئ ويغلط ..

بالبارت القادم راح نعرف ليث شنو سوة لوصال حبايب لاتنسون التصويت والمتابعة حتئ يوصلكم كل جديد احبكم 😘

لارين العامري

                   أنامل كاتبة