عـشق الـجبـال (فصـليـة)

عشق الجبال(فصلية)

عشق الجبال(فصلية) البارت55
_________________________
هلو حبايب گلبي. جمعة مباركة 🌺♥️ياله نكمل الاحداث
****************************
اجازة ليث كلش تعب بيها يوم بعد يوم صداع ملازمة وخنكة ومايحب يدخل لغرفتة .. ليث .. من ادخل لغرفتي اختنك كوة اسيطر على الوضع مااعرف شبية مخليت وصال تحس بهذا الشي لان هي بمجرد ماشوفني مصدع تتخبل واضل تحير شسوي حتئ اسكن روحي تريدها مشتاق قربها بس كل مااتقرب عبالك احد يمنعني بحيث من احضن وصال اريد اتقرب منها الوجع الي براسي يضل يضرب مثل الدمام استغربت من حالتي ياربي شبية ..  حتئ مرة من المرات كنت واكف بالبالكونة اجتي وصال وحضنتني .. صوت بداخلي يكلي لتخليها تتقرب منك هاي هي الي تأذيك بحيث بدون شعور دفعتها قوي .. انركعت اباب البالكون .. وعيت على نفسي .. ركضت عليها يروحي اسف خوما تاذيتي مااقصد والله مااقصد .. وصال... مااعرف شبي ليث هذا نزولة حيل موطبيعي والصداع الي ملازمة مااعرف شنو سببة احسه يريدني ومن يتقرب يتأذة ويبتعد .. وصال .. حبيبي شبيك عندك مشاكل بالشغل احد مضوجك ... ليث .. ياعمري مااعرف يمكن الشقيقة هاي الايام هايجة علية والدوام شوية متعب وجاية نقلات وشوية اعصابي تلفانة اتحمليني حياتي .. وصال .. ياگلبي شلون مااتحملك غير انت روحي من الدنيا ولازم تراجع دكتور علمود الشقيقة .. ليث .. اي گلبي باجر التحاقي ومناك اروح لدكتوري هو بغداد بس صار اكثر من سنة مصاير عندي هذا الصداع كلش قوي .. وصال .. سلامتك يروحي اي روح لتهمل الموضوع ياله هسة نام وارتاح .. ليث .. تمام حبي اي انام لان كلش تعبان ..
يوم جديد ...
والتحق ليث لدوامة ..  وطول ماهو بالدوام ماصارت عندة نوبات الصداع .. بس هو راح لدكتور حتئ يفتهم سبب الصداع المفاجئ والدكتور سواله مجموعة تحاليل .. وكلها نضيفة ومحتاج اي علاج بس مجرد مسكن عند الحاجة ... ليث ..  روحي طاكة على وصالي ..  اتصلت بيها .. بمجرد ماسمعت صوتها روحي كشت مااعرف شبية بس سلمت ونهيت الاتصال .. ياربي شدايصير .. وصال ..  دخلت رتبت غرفتي ونضفتها وعندي ملابس غسلتهم وكويت ملابس ليث وبخرت الغرفة وسديت الباب ونزلت ...  يم البنات .. ايام عادية نفس الروتين اليومي بين تنظيف وطبخ وترتيب ..  وندئ عدها اعراض حمل .. وعمتي فرحة العصر راحت لصيدلية جابت جهاز اختبار حمل وخلت ندئ اسوي اختبار الحمل .. وطلعت حامل... والفرحة ملت البيت .. وبشرو شاكر .. وشاكر طار من الفرح وضل يبوس ويحضن بندئ .. وعمار ناصب علية .. ونضحك .. كلش فرحت بخبر حمل ندئ لان هي تستاهل وشاكر يستاهل بعد اكثر .. ام شاكر .. يوم نفرح بخلفة ليوث .. البنات و وصال .. ان شاء الله .. طبعا الحية رحاب .. يم اهلها .. وصال .. ندوش حبي بعد شغلج اني اسوي لاتعبين نفسج .. ندئ .. يبعد عمري اني زينة محاسة بشي .. وصال .. لاحبي الاشهر الاولئ شوية صعبة ولازم تراجعين دكتورة اتابع وياج الحمل .. ندئ .. اي هو هم كال شاكر باجر ان شاء الله ياخذني .. وصال .. ان شاء الله حبيبتي .. .. وصال .. اصعد لغرفتي اشم ريحة مو طيبة ياربي شنو هاي الريحة اني منظفة الغرفة ومبخرتها .. رحت فتحت باب البالكونة حتئ يتغير جو الغرفة .. طبعا هاي الحالة اكثر من مرة تكررت عندي .. مااعرف شنو سببها .... رحاب .. يمة شو خابري ام بشار .. سعاد .. ليش شكو .. رحاب .. يمة بس خابريها اريد اسئلها بس سؤال .. سعاد .. هووووف منج ومن. عنادج .. هاج احجي
رحاب 📱 الو شلونج خالة اني رحاب بنت ام محمد
ام بشار 📱 هلا هلا حبيبتي عرفتج شلونج
رحاب📱 الحمدلله بخير بس خاله ردت اسئلج سؤال
ام بشار📱 اي بعد خالتج اسئلي
رحاب 📱 هو اني سويت الكتيلي علية بس هو صداع ملازمة ما يتركة ليش
ام بشار 📱 اي حبيبتي هو هذا اول ميستقبل الشغل هيج يصير شي عادي.  بس يكمل اسبوع يبدا الشغل بمفعولة ويكوم  يتصرف تصرفات الي نريدها
رحاب📱 هااا خوش يعني مايتأذة
ام بشار📱 لالا حبيبتي لتخافين مثل الصل
رحاب📱 تمام شكرا خاله مع السلامة ... ونهو المكالمة ...
سعاد ... هاا بردت لو بس تبطلين هل العجلة جان احنا بخير .. رحاب .. يمة ياعجلة انتي ماشفتي اصار بي من الوجع كلشي سوتلة وصال حتئ يسكن وماسكن فخفت .. سعاد.. ببو زايد خايفة علية هذا الكسر گلبج من جعلة لاسكن ولاارتاح ..رحاب .. يمة شبيج تدعين عليه يمة تدرين احبة لاتحركين گلبي اكثر من ماهو محروك ...
وصال... عمة فروحة .. فرحة .. هايروحي .. وصال .. عمة هل الايام داشم ريحة موطيبة بغرفتي انظفها وابخرها ورئ شوية تهب هل الريحة .. فرحة .. ريحة شنو .. وصال .. عمة ريحة شي ميت شي جايف .. فرحة .. يمة خاف فارة ميتة لو بزونة داخلة تكرمين منكسة .. وصال .. ياعمة اني عمري ماشفت ابيتكم فارة والبزونة منين تدخل لغرفتي .. فرحة .. والله يايمة مادري دوري خاف كلشي يصير .. دانحجي ... ودخل ليث .. السلام عليكم ... وصال .. طفرت .. هلايروحي اليوم من وكت عبالي للمغرب توصل .. فرحة .. هلا يروحي .. ليث .. ليش ماتريديني اجي .. وصال .. رفعت حاجبها .. صدك تحجي شلون مااريدك واني منتظرتك من الصبح .. ليث .. هممم حضريلي الحمام تعبان من الطريق بين مااشوف امي .. وصال .. ماشي حياتي ثواني والحمام جاهز .. ليث..  رحت لغرفة امي سلمت عليها .. وصعدت لغرفتي .. احس نار بگلبي مااعرف شنو سببها .. دخلت لغرفة تلكتني وصال .. وحضنتني .. وصال .. مشتاقتلك يروحي .. ليث .. شنو هاي الريحة بالغرفة ودفعها ماتعرفين تنظفين الغرفة كاضيتها سوالف جوة .. وصال..  ليث شبيك والله يومية انظفها بس صار كم يوم مااعرف تهب بيها ريحة موطيبة مااعرف شنو سببها ...ليث ...ماتعرفين سببها لان مهملة من شاركتيني غرفتي غرفتي جافت هوسة لعبان نفس وخري من كدامي ... وصال .. ليث شبيك صدك تحجي اني مجيفة غرفتك شسويتلها حتئ جيفتها مقصرة بشي كول ...ليث ...لاجادليني من احجي لاتعرفين شسوي ...وصال ...شسوي يعني ليش تخلق مشكله من لاشيء .. ليث ... يعني اني مخبل واختلق المشاكل مو انتي جايفة ومهملة ...وصال .. لا ترئ زودتها .. مااحسة غير صفعني صفعة وگعت على الجرباية من قوة الصفعة .. وصال ..ليث تضربني صدك ليث اشسويت حتئ تمد ايدك علية ..  ليث ..  اضربج واكسر راسج اذا صوتج يعلئ بوجهي سمعتي امشي حضريلي اكل بسرعة من اطلع من الحمام الكة الاكل جاهزز .. وصال.... تفاجئت من تصرف ليث هذا شبي اصاير ويا نهضت اباوع على وجهي بالمراية مكان الصفعة احمر بصراحة انهضمت ونزلت دمعتي .. رتبت وجهي حتئ ميبين اثر الصفعة ونزلت اجهز الاكل اله .. صعدت للغرفة .. ليث.. تاكل هنا لو جوة .. ليث ... لاجوة اكو واحد ياكل بهل الجيفة ... وصال ..سكتت مارديت علئ كلامة غير ياله الاكل جاهز ... نزل وخليتلة الاكل وسويتلة جاي .. فرحة ... ليث ماكتلك ...ليث .. لاوالله عمة ماكلتيلي .. مو راح اصير عم مرة ثانية ...ليث ...ياالله منو ...فرحة .. وهي تضحك مرت شاكر حامل .. ليث .. باوع لوصال بخزرة... اي بيها الخير .. فرحة ..يوم الالكم حبيبي ..  ليث .. الله كريم ..وصال ...عفتهم جوة وصعدت اريد اعرف هل الريحة شنو لان صدك مقرفة وحقة اذا عصب .. صعد ليث .. ولكاني لاطشة روحي وياالكنتور وبيدي لايت ادور من كل عقلي ...ليث ..شداسوين باله .. وصال .. ماسوي شي .. ليث ...تقرب عليها وجرها من شعرها من اسئلج شسوين جاوبي مثل الاوادم لاافلش راسج بالكنتور ...وصال .. ليث حبيبي شبيك ليش هيج معصب اصاير وياك هيج تصرف وياي هاي عود مشتاقلي صار اسبوع مشايفتك ولاشايفني هيج تصرف .. ليث ..  منو كال مشتاقلج اني ممشتاقلج ... وياله اطلعي وسدي الباب ورااج اريد انام .. وصال ... صدمني من ردة وكلش قهرني ...عفتة وطلعت ... ليث ... ابد مااحس نفسي طبيعي ضايج من الغرفة ومن وجود وصال ومن البيت كلة ...وصال ...اربع ايام علئ نزول ليث وروحي طلعها كل شوية مختلق حجة ومتعارك وحتئ مرتين مد ايدة علية محجيت شي لاعمتي فرحة ولالبنات مابينت شي ابد وحتئ يطردني من الغرفة ...مرة كلهم كاعدين بالاستقبال .. يتعللون وبيها جان كرار جاي هو كرار يجي للبيت خميس وجمعة والسبت العصر يمشي كام يروح ويجي بسيارتة ...اشوف ليث ماشال عينة من رحاب اكلها بعيونة ... يعني ينظرلها نظرات مو طبيعية ويرفعلها بحاجبة وابتسامات بينهم معقولة دايحرك پكلبي ..  شافتني رحاب منتبها عليهم خلت وكامت .. رحاب ...اني من رخصتكم نعست .. ليث .. وين تردين رحوبة ..رحاب ...نعسانة والله .. ليث ...مو بعد وكت .. رحاب .. لا هاهية صارت الساعة 11 اني انام من وكت .. تصبحون علئ خير ...الكل اجمعين ..انتبه ليث وشاف وصال تباوع علية ومبينة ضايجة .. ليث .. شبيج گالبة الخلقة .. وصال .. سلامتك ..وكامت صعدت لغرفتها تجفة الشر ... ليث ...تنرفز وصعد وراها .. وصال .. فتح الباب بقوة وركعة كل قوتة .. ليث ...منو انتي حتئ تحجين وياي معلك هااا بصوت عالي .. وصال ...شبيك ليث شنو صاير هااا ليون تريد توصل صارلك فترة اوضاعك متغيرة .. ليث ...لجاوبيني بسؤال اني كلشي مابية داشوفيني مخبل كدامج هااا شبيج وجهج مكلوب اسئلج تكولين سلامتك وتكومين ميعجبج الحجي وياي هااا ميعجبج .. وصال .. شفت نفسك شلون تباوع لرحاب شفت حركاتك لو مشفت عود تريد تستفزني لو شنو ترئ رحاب متحرك شعرة من شعراتي بس اتوقع هذا مو ستايلك ياسيادة الضابط .. ليث .. ها اهاها تلزمين عيوني وتردين حتئ تصرفاتي بيدج تمشيها .. بكيفي وين مااباوع اباوع مايخصج انتي لو بيج خير جان صرتي حامل حالج حال هل النسوان الي دايصيرن حوامل ...وصال .. صدمني بكلامة .. متحملت وحجيت .. والله بسبب خبالك ورعانيتك جان هسة ابني بحضني بس شسوي هذا حكمة الله انمنع من الخلفة هاي الفترة لان انت حضرت جنابك انسان متهور ... ليث .. اني ارعن تكول علية ارعن ومتهور ..وكام عليها وجرها من شعرها وضل يضرب بيها علت اصواتهم .. حقيرة ادبسزز ... اذا ماكسرت هذا خشمج .. وصال .. وخر مني روح شوفلك وحدة تخلفلك اني مابية خير .. مستمر ليث بالضرب واصواتهم عالية ..وصال ...ماعاش ولسة ماانخلق الي يكسر خشمي ...صعدو الولد وعمتي فرحة وام شاكر وملاك وزهراء علئ اصواتهم العالية ... فتح الباب شاكر لان جان ممقفول .. شاكر يجر بليث هو وكرار .. شكو يمعودين شبيكم ...ام شاكر ..  اسم الله الرحمن هاي شجاكم يمة انضربتو عين ...وصال .. اسئلو هو شبي من نزل لليوم هو متخبل مدري شبي .. ليث .. لازمي كرار وشاكر وهو يتهدد علئ وصال ..  اني شبية لو انتي وحدة جايفة خايسة وفوك هذا كلة كالبة خلقتها لاتباوع لاتحجي لاهاي لاهاي ... وصال ...اني جايفة وخايسة عمة شكتلج على الريحة الي بالغرفة .. فرحة .. اي والله اجتي سولفتلي تنظف وتبخر وماتدري شنو هل الريحة .. ليث .. اي لان مهملة وجايفة طبعا ماتعرف .. وصال .. لتكول مهملة وجايفة سمعت لولا جيبلك وحدة تنظف احسن مني .. ليث .. اي اجيب ليش مااجيب قابل قحط نسوان لوشنو .. وصال .. اي طلكني وروح جيب.  ليث .. فاير دمة بحيث متهستر ..ليث ..اي اطلكج لاعبالج ميت عليج .. روحي وانتي طالك طالك دايريد ينطق الثالثة شاكر خلة ايدة على حلكة ...شاكر ...تخبلت لاتحجي شي تتندم علية اسكت ليث وصال اطلعي منا .. وصال ..تفاجئت ب ليث لاهذا مو ليث لالا .. لامااطلع تقربت على ليث ..هو شنو الصار وهيج اصرفت غيرتي وحبي خلنك هيج تصرف ليششش هااا .. ليث ....وخرو مني بعد شاكر وكرار .. ليث .. تقرب عليها ماريدج بعد بحياتي انتي طالك طالك .. صاح بي شاكر شجلبت انت.. انت تعرف شداسوي انت واعي لكلامك ...ليث .. كلش واعي واعي جدا وبكامل قواي العقلية .. انتي طالك .. هسة ليل حدج لصبح اكعد الصبح ماالكاج بالبيت كلة سمعتي ورقتج توصلج وكل حقوقج توصلج اختفي من حياتي وعافهم وطلع .. الكل بحاله صدمة شسوة ليث شخبص ... طلعو ورئ ليث  كرار وشاكر يحجون ويا ... وصال .. مصدومة بس عيونها جاضحة يحاجوها فرحة والبنات وهي بغير عالم ...ام شاكر نزلت ورئ ولدها تريد تشوف ليش هيج سوة ليث ...فرحة ...تنفض بوصال ولج وصال ولج حاجيني اخر شي ضربتها صفعة رجعتها للواقع وبشهكة .. وصال .. ليش هيج صار والله مسويت شي طلكني ولج عمة طلكني ملاك طلكني زهراء طلكني ..  وكعت بالكاع وضلت تردد طلكني صدك ليث طلكني .. ملاك .. زهراء جيبي گلاص مي بسرعة ...فرحة .. ولج يمة بس كليلي اصار .. شاكر .. تخبلت ليش هيج سويت شلون ترمي يمين الطلاك صاير لعقلك شي .. ليث ...كلشي مابي عقلي هي مو من زمان جانت تريد تطلك وهاي طلكتها .. كرار...بس اانتو ازوجتو وحبكم وقصتكم ينضرب بيها المثل .. ام شاكر .. انت مسودن شجاك .. ليث .. لحد يحجي وياي بعد بهذا الموضوع مااريدها وزواجنا انتهئ وهاي حياتي واني حر بيها ممنوع احد يدخل خلي تلم غراضها واحد ياخذها لهلها وباجر ورقتها وحقوقها توصلها مااريد اشوفها بالبيت .. ام شاكر .. ولك خلي ابوك يرجع بعد اسبوع يرجع .. ليث ...حتئ لو رجع مايتغير شي اني طلكت وخلصنا طلعوها من البيت اني طالع هسة اذا ارجع والكاها احرك البيت عليكم ... ليث .. رجعت صعدت عليها ..اسمعي اني طالع اذا ارجع والكاج بالبيت راح تشيلين خطية الي بالبيت كلهم لان احرك البيت عليكم اخذي غراضج وتوكلي وباجر ورقتج توصلج مفهوم اني طالع هسة ....  وصال .. صدمة حياتي الي سوا ليث بية ..  عوفوني بوحدي اريد ابقئ بوحدي ... تركوها البنات وطلعن ...الكل مصدوم بتصرف ليث لان كلهم يعرفون ليث شكد يحب وصال ... رحاب .. اسمع الهوسة وماطلعت من غرفتي اصلا ... شكد فرحانة ... والله وطلعتي مو قليلة ام بشار .. وصال ... بجيت بحركة علئ حضي نهضمت وطلعت جنطتي مال ملابس ... ولميت اغراضي المهمات بس اخذت كم قطعة من ملابس ليث مااعرف ليش هيج سويت ... لبست نفس الصاية الي اجيت بيها فصلية اجيت بيها وراح اطلع بيها هاهية يعني انتهت قصتنا هاي بداية النهاية تتأمل انضاري كل شبر بالغرفة اخذت وياي حفنة ذكريات صح شهرين عشتهن باحضان ليث بس جانن احلا شي بعمري ياگلبي هذا مصيرك وقدرك تبقئ عايش بس علئ الذكريات ... ودعت كلشي بهاي الغرفة مادري راح ارجع اشوفها انوب لو هاي النهاية .. طلعت من الغرفة واسحب بجنطتي تلكتني فرحة وام شاكر .. يمة استهدي بالرحمن ساعة عصبية .. وصال .. لاعمة ابد مو ساعة عصبية هذا هو تخطيط ليث وتفكيرة اخر حبال انتقامة وخلص بعد .. التفتت لكرار .. كرار رجعني لبغداد الله يخليك .. شاكر ..اني وكرار راح ناخذج بسيارتي بس خلي اجيب غراضي .. كرار اخذ الجنطة صعدها بالسيارة ..  وطلعو من البيت الساعة 1:30 ليلا ... توجهو لبغداد ...

شنو راح يصير بوصال وليث شراح يسوي راح يكملون حياتهم بعيدين عن بعض وتنتهي قصتهم هذا الشي نعرفة بالبارتات القادمة ... لاتنسون المتابعة والتصويت وتعليقاتكم الحلوة اااحبكم 😘
لارين العامري
           ﮼أنامل ﮼گاتبه📒