عـشق الـجبـال (فصـليـة)

عشق الجبال(فصلية)

عشق الجبال(فصلية) البارت 46
---------------------------------------------
رائد ...سحبت اقسام وجهت سلاحي بوجه ليث .. لك انت تضرب اختي وكدام عيني يحجي بعصبية وعروكة باينة من عصبيتة  عود مرجلة تمد ايدك على مرة ... الكل متفاجئ منين وشلون طلعت ...  كرار ...شفت الصار اجيت اركض رائد بداعة الخوة البينا نزل سلاحك وصار كدامة .. كرار .. رائد ماتنحل بالسلاح خلي نتفاهم .. رائد .. من شفت كرار يتوسلني انزل سلاحي وكفت بعيني عشرتة وكفتة جانت حلوة وياي واني مو طبعي اغدر صاحبي لواخذلة .. اسمعوني مو من شيمتي اغدر واحد حلفني بالخوة لان عدنا هذا القسم مو شوية على الرجال ولااني من شيمتي ارفع سلاحي بوجه واحد اعزل تعال رجال لرجال اني جايك لحد بابك .. وياليث لو اني لو انت اليوم ...عمار ...انت منو وجاي شتريد ترئ هسة بأشارة مني اخلي جسمك يتراگص الرصاص بي .. ابو شاكر ... عماااااااار شنو هذا الحجي ليش شنو احنا نكتل بالوادم ام شاكر. ادخلي للبيت .. ام شاكر .. وهي ترجف صار ابو شاكر ... رائد ...تقدم بسرعة على ليث وضربة بوكس ...عمار وكرار ركضو بتجاه رائد ...ابو شاكر .. اوكفو وين تردون رجعو لمكانكم اخوكم انضرب هديتو ثنينكم يعني اخوكم عزيز عليكم بس العالم بناتهم رخاص ومو عزيزات .. لاتتحركون من مكانكم الي يتحرك ارمي وروح غيث .. عمار .. بس يابة .. قاطعة ابو شاكر .. اسكت عندة حساب ويااخوكم ويفضونة بيناتهم ..ليث ...من صار الي انذكر وشفت ردة فعل ابوية ماتفاجئت لان هذا طبع ابوية مايحب الظلم وعرفت راد يوصلي درس لان اني حافظ ابوي عمري ماخيبت ضنة ولا عصيتلة امر .. رجع رائد ضربني ضربة ثانية .. رائد .. ضربتة مرة ثانية ياله وين مرجلتك لو بس على النسوان اطلعهن .. وصارت معركة بين رائد وليث .. واحد يضرب الثاني ...الحراس يرادو يدخلون .. رفع ايدة ابو شاكر بمعناتها ارجعو لاتدخلون .. كرار.. رائد كافي ليث كافي هذا موحل يالله يابة احجي فدوة راح يموتون بعض ...ابو شاكر .. ماكو رد .. عمار ...بوية هذا اخوي اني مااقبل على اخوي .. ابو شاكر .. التفت لعمار وبكل هيبة وهو هم دا ياخذ حق اختة اخوكم عزيز واختة مو عزيزة .. لتخاف ثنينهم سباع مايموتون من هذا الضرب ..عمار .. بوية بس نبعدهم واحد عن الثاني .. ابو شاكر .. عمااااااار من شوكت كلمتي اثنيها ..عمار ... امرك بوية ...ابو شاكر ...صح گلبي يتكطع من الكدامي لان هذا ابني عزيز روحي بس تحملت حتئ ياخذ عبرة من تصرفاتة وهل الولد حيل عجبني مايخاف اجة بوحدة لحد بيتنا والعجبني اكثر وكفت بعينة كلمة خوة ورمئ سلاحة وهو جان بوقتة الشر يطاير من عيونة ...ليث ...واحد يضرب بالثاني واني اكلة ...ولك ماتستحي تحاجي مرة مزوجة كامرة ولك كدامك طرطور ...رائد ...ولك جانت تشوف اختها وهم يزفوها .. وهم  مستمرين يضربون بعض .. ليث ...لزمة من ياختة ولك افهم يابهيم افهم اغاااار عليها مااريد احد يشوفها بالذات انت ...رائد .. هم لازمة من ياختة ولك تغار عليها من اخوها ولك وصال اختي تعرف شنو اختي اختي بالرضاعة ياحيوان ...وثنينهم يلهثون من العصبية والتعب وجوهم مدماية .. ليث ...بعدة لازم رائد من ياختة شكلت اختك كلت اختك وهو يهز بي .. رائد ...ونفس لزمتة ليث اي يابهيم اختي صح بنت خالي وربينة سوة بس مااشوفها غير اختي وهي نفس الشي اشوفني اخوها واحد دفع الثاني .. وكفت عركتهم .. ابو شاكر ...شكتلكم راح يتعبون من وحدهم وراح يتفاهمون هذولة الاثنين وراح اشوفون حتئ يصيرون اصدقاء .. ياله تعالو للمضيف .. رائد .. شيخنا اني اريد اشوف اختي وينها ...ابو شاكر.. تعال هسة تروح اشوف اختك وهيج حالتك ياله وراية للمضيف .. رائد ...ابد ماشفت هيج رجال مثل شيخ عماد رزن وهيبة وصاحب قرار تكاتلنا اني وليث وماادخل ولاخلة احد من اولادة ولاحراسة يدخلون جانت اله نظرة ثانية  .. ليث .. شبيك صفنت شيل سلاحك ومشي غسل .. رائد .. روح انت غسل اني مااغسل .. ليث .. امشي شوف وجهك اسويت بي .. رائد .. وجهك علساس صاحي .. ليث .. دمشي امشي سويتلك بوتكس رباني ...رائد ...تقدم على ليث وسد قبضة ايدة ورفعها شوف وين اضربك بعد مابي مجال وجهك ...ليث ...يخوي اضرب هو انت تريد تركن سيارتك حتئ ادور مكان .. رائد .. نقطة ضعفي كلمة اخوي تهزني هل الكلمة .. ضحكت بوجها على كلمتة اضرب هو انت تريد تركن سيارتك .. ليث .. ههه دمشي ياله .. كرار وعمار .. واحد صافن بوجه الثاني ...عرفو مقصد ابوهم .. ابو شاكر .. ياله يولد ادخلو .. دخلو عمار وكرار وراهم ليث ورائد .. ليث .. تعال هاي المغاسل غسل .. رائد .. باوع ل ليث متغسل انت اول .. ليث .. لاانت اول انت ضيفنا ... رائد ... باوعله استغفر الله يعني انت عود داتحرجني بأخلاقك وانت ماعندك اخلاق اصلا .. ليث.. لا والله مااحرجك انت مثل الگ.... ة وين تنحرج بس اني عندي اخلاق والله بس هاي كم شهر ضيعتهن .. رائد...شكلت مثل شنو ؟؟ ليث.. مثل الگ......ة .. رائد .. من كال هيج طكيتها بضحكة ماسيطرت على نفسي هههههههه .. ليث.... اشتعلو صفحتك هاي شمسوي بوجهي ولك همزين نازل مجاز جان رحت داومت نقيب شكبري وشكدي وجهي مشلفط ...رائد .. مستاهل يحجي وهو يغسل بوجها بالله بربك اني من غير گلشي سنكل مسحول بعد منو تباوع بوجهي هسة اضرب بس الا على خشمي هسة هو من دون كلشي من الركن لركن بوجهي انوب تضرب علية الله اكبر عليك .. ليث ...بضحك ماادري يخوي هو خشمك مثل المغناطيسس يسحب ايدي سحب هههههه ..
كرار ...بوية ذولة مخابيل .. عمار ...لاهم مخابيل اصلا يابة شدايصير .. ابو شاكر .. بابتسامة لابوية مو مخابيل بس هذولة ثنينهم كلوبهم طيبة ومسئلتهم وحدة واحد عاشك وكاتلة العشك والغيرة ..والثاني حرص وخوف وحنية علئ اهلة .. و و واحد ماخذ على الثاني نظرة مو صحيحة وهسة توضحت بيناتهم ...عمار ....بوية انت شكد حكيم ومعرفتك واسعة ...ابو شاكر .. بوية عمار الشيخة مو تخلي عگال وتكعد تهز بفنجانك بنص الديوان الشيخة معرفة وخبرة وصبر وطولة بال وخبرة لان بحكمك راح تخلص ناس وادين ناس ...كرار .. بوية اني كلش فخور بيك ...ابو شاكر ...انت ابو لسان حسابك عندي  بعدين ...كرار. ماطول انت الي تحاسبني ماانظلم عندك شيخنا ...
**************************
مر الوقت وقامو بضيافة رائد على حسب الاصول ...رائد .. شيخ ماقصرت وجزاك الله الف خير بس اطلب منك اشوف وصال .. ابو شاكر ...ابشر هسة يروح واحد وياك من الولد ... رائد...تسلم شيخنا .. كرار .. اني اروح وياك اني هم اريد اشوفها .. ابو شاكر .. خوش .. عمار .. بس كرار اكو غراض لازم تاخذهم وياك عمتي وصت عليهن .. كرار .. ماشي اروح اجيبهن ونتوكل .. ابو شاكر .. نتعذر منك وليدي علئ الصار .. رائد .. استغفر الله شيخنا لاتعتذر انت الخير والبركة اني الي اعتذر تهجمت بسلاحي ...وصار الي صار بس والله ماتعرفون معزة وغلات وصال وصال مو بس اخت وبنت خال وصال وكفتلي وكفات زلم متوكفها والها دين بركبتي شسوي مااجازيها ... ابو شاكر ...معذور وليدي صار خير ان شاء الله ... كرار .. ياله نتوكل .. رائد .. اي ياله .. ليث ...كرار .. كرار ..هاااا .. ليث .. هاك سويج سيارتي عفتها بالمستشفئ من ترجع ارجع بيها .. كرار .. اي خوش جيبة ياله مع السلامة .. ليث .. رائد .. رائد .. التفت لـ ليث نعم .. ليث .. النا كعدة اني وياك .. رائد .. اهلا وسهلا بيك شوكت ماتحب .. مع السلامة وطلعو رائد وكرار للمستشفئ
***************************
وتستمر الاحداث ادنااه (في المستشفئ)
وصال .. صحيت عندي وجع بس قليل ..  اتلمس ابطني ومكان العملية مضمدة اخذت حصرة وغصة بگلبي مكدرت احافظ عليك يماما ماكدرت عندك اب وحش مابكلبة رحمة لارحمك ولارحمني ...ودموعي تنزل بصمت. جنت اتمنئ اولد هذا الطفل لان بديت احس بمشاعر اتجاه ليث للاسف حسيت بهيج احساس اني ويا لازم نفترق مااكدر بعد ابقئ ويا بمكان واحد مستحيل ابقئ .. ملاك .. ها يروحي ليش هاي الدموع. ياگلبي الحمدلله عدت وطلعتي منها سلامات .. وصال .. شنو الفايدة راح ضحيتها ابني مااسامح ليث ابد ابد ... ملاك .. اهدي ياگلبي .. وصال ...عمتي فرحة وين ومنو هنا بقئ من الولد .. ملاك .. عمتي راحت تقيس ضغطها وشاكر بقئ هنا وهسة راح يجيب العلاج من برا .. ملاك.. تلفون عمتي يدك وين مخليتة هااا هذا بالجرارة هذا كرار .. ملاك 📱 هاا كرار
كرار📱 ملاك الجكمة شيسوي تلفون فريحة عندج
ملاك📱 انجب يول اني جكمة عمتي خالتة هنا وطلعت تقيس الضغط
كرار📱 وين انتو بأي طابق
ملاك📱 الطابق الثالث غرفة رقم(12)
كرار📱 تمام اني وصلت
ونهو المكالمة
ملاك.. هذا كرار جاي ويسئل عن مكان غرفتنا .. وصال .. تمام بلكي جايب ملابس ويا كلش مضايقة وقرفانة من ريحتي .. ملاك .. اي اكيد جايب لان عمتي وصتهم .. دقايق واندك الباب .. ملاك .. صاير مؤدب ادخل ادخل عيني .. فتح الباب كرار ...كرار .. حمدلله على السلامة شوفي شبتلج وياي وصد للباب تعال ضلعي .. رائد .. دخلت .. وشفت وصال طار گلبي ركضت عليها .. وصال .. من كال كرار شوفي شجبتلج وياي وصاح تعال ضلعي من شفتة رائد طار گلبي وصحت ...رررراائد... واجة يركض علية يبوسني بوجهي ويبوس بأيدية ياروح رائد ولج هاي اصاير بيج خو ماكو شي يوجعج يروحي انتي زينة .. وصال .. ياعمري زينة اني زينة انتبهت لوجه رائد وشهكت ..هاي شبي وجهك رائد اسويت احجي رائد احجي .. رائد .. ماكو شي وعيونج هيج هاي مال تعارف وضحك .. وصال .. كرار اصاير احجي لاجذب علية بروح غيث ..كرار .. حلفتني مااكدر.  رائد .. كرار شبيك ويخزر بي .. كرار ...لاتخزرني ..مصار شي بس جان يلعب مصارعة هو وليث .. وصال .. شهكت عزة وليث .. كرار.... مممم وجه ماينقص شي عن وجه رائد .. هههههه مثل الديوكة تناگرو ورجعو سكتو .. رائد .. شوف شوف تسئل وليث ياملعونة شلفطتة مثل ماشلفطني ههههه ... ملاك .. اجة ولد ويا كرار .. يكول للگمر غيب واني بمكانك مع العلم وجه كلة كدمات الي فهمتة متعارك ويا ليث.  الا هل الكدمات مامنقصة شي من وسامتة ..رائد .. اسف ماسلمت على الاخت .. كرار .. هاي ملوكة بنت عمي وعايشة ويانة .. ملاك هذا رائد ابن عمتها لوصال .. ملاك .. اهلا وسهلا .. رائد .. اهلا وسهلا بيج ودنك واسة التفت لوصال ولزم ايدها وصال وينة السوار هااا وينة .. ملاك .. هياتة انطتنيا الممرضة وخلتة بالمجر .. رائد .. بلا زحمة عليج انطينيا ...ملاك .. اي تفضل .. رائد .. رفعت راسي حتئ اخذ السوار منها واجتي عيني بعينها سبحان الخالق صدك ملاك اسم على مسمئ جنها قشطة على كولة سلام وانوب لابسة اسود مشتعل عليها ابتسمت بوجها وهي هم ابتسمت واخذت السوار منها ولبستة لوصال انتبهي علية .. هسة اني اطمنت عليج لازم ارجع لبغداد ...بهل الاثناء دك تلفوني مازن يتصل ..رائد من رخصتكم ارد على الاتصال طلعت برا الغرفة ماردت احجي كدام وصال
رائد📱 الو ها مازن
مازن📱 انت وين لخاطر ربك اني تيهت بيت الشيخ
رائد📱 هنيالي تعاركنا وخلصت العركة وتصالحنا خوية اني هسة طالع لبغداد انتضروني بالمكان (*****)
مازن 📱 مابيك شي
رائد📱 مودااحجي وياك كلشي مابية ياله جاي مااتخر عليكم
مازن📱 ماشي منتظرك
ونهو المكالمة .. رجع رائد للغرفة حتئ يسلم على وصال ويرجع لبغداد .. وصال.. رائد شكو صاير شي منو اتصل .. رائد .. لايروحي ماكو شي هذا باقر سئلني وين انت وكتلة بالطريق راجع للبيت ماكو شي لايضل ابالج بس كوني انتي بخير محتاجة شي ..وصال ...سلامتك يروحي ليش متبقئ اليوم الوقت متاخر ...رائد.. لامااكدر اعوف عفاف وحدها تدرين بيها تتخبل اذا مشوفني وضحك .. وصال .. اي شعدها غيرك سلملي عليها وانتبه علئ نفسك .. رائد.. يوصل اني هم اجي ...وصال .. فدوة رائد لاتعرض نفسك للاذية لخاطري .. تقرب عليها رائد وباسها من جبينها لتخافين علية ماكو كلشي ياله مع السلامة بهل الاثناء دخلت عمتي فرحة .. كرار.. ها فريحة وين جنتي بحجت الضغط اشوفيلج دكتور مضمد حلو اطبقي .. فرحة ...انجب يول لابارك الله بيك منو هذا الشاب الحليو .. ضحكوو كلهم ...كرار .. شفتو مو اكللكم فريحة ادور حلوين. ...رائد .. انجب يول .. مرحبا خالة اني رائد ابن عمتها لوصال .. فرحة .. هلايبعد گلبي من فدوة لهل الوجه هاي انت رائد.  رائد .. فدوة لكلبج خاله .. فرحة .. اني عمة الكل ..مامتعلمة على كلمة خاله صيحلي عمة فرحة ..رائد ...صار واحلا عمة .. كرار .. هااا رائد تزحف لعمتي وكدامي عاد دخليني اطلع ههههه الكل ضحكو.. رائد .. ياله اني اترخص منكم طريقي طويل ..فرحة .. ليش يمة قابل مطرود الوقت تاخر .. رائد .. لاعمة هم يله ينتظروني بالبيت وهيج وقت ازدحامات ماكو .. فرحة .. الله وياك يمة طريق السلامة ...رائد .. عمة مااوصيكم علئ وصال والتفت لملاك عفية عينكم عليها .. فرحة .. لاتوصينا يمة وصال بنيتنا ..وطلع رائد متوجه لبغداد كرار راح ابقئ على اتصال وياك لاحد متوصل .. رائد .. ماشي صلعي مع السلامة ...
ملاك .. من جاب طاري عفاف ماادري ليش وجهي انطعج اكيد هاي خطيبتة لو مرتة اي انتي شعليج هو شاب بهل الرتابة والجمال وتردي مامزوج لوخاطب .. فرحة .. خطية والله لو باقي والصبح طالع الوقت اتاخر ...وصال .. غير عفافو تتخبل اذا بات برا البيت .. فرحة ...يااا منو هاي عفافو انوب .. وصال ...ههههه عمتي عفاف امة لرائد .. ملاك .. من سمعت عفاف امة رجع الدم بوجهي وارتاحيت .. فرحة .. اكلك كرار هو هذا الولد شبي وجه كلة كدمات .. كرار.. شحجيلج عمة غير .. وسرد الموضوع لعمتة ولوصال وملاك بالكامل .. وصال .. عزة بعينك رائد زين مسوة مصيبة .. فرحة .. يافلك فلك يعني هسة ليث وجه هم هيج ...كرار .. وهو شبعان ضحك عمة وجه ليث ازيد من هيج بس بعدين تراضو .. وصال .. ثنينهم مخابيل ...
لهنا ويخلص البارت انتضرو احداث جديدة بالبارت القادم لاتنسون التصويت والمتابعة وتعليقاتكم الحلوة احبكم 😘
لارين العامري
                      أنامل كاتبة ✍️