عـشق الـجبـال (فصـليـة)

عشق الجبال(فصلية)

عشق الجبال(فصلية) البارت 57
**********************
لم يكن في نيتي 💔
الابتعاد عنك يوما💔
ولكن انت من اشترئ💔
لي تذكرة الرحيل💔

****************************
وصال... صحيت لكيت نفسي بالمستشفئ والمغذي بأيدي ... ومازن واسيل يمي .. مازن .. حمدلله على السلامة بنيتي خوفتيني عليج ... اسيل .. حبيبتي شلونج هسة ..  وصال..  وبصوت مبحوح الحمدلله زينة ... دخلت الدكتورة .. حمدلله علئ السلامة ..  وصال .. الله يسلمج ..  الدكتورة .. ليش هيج دمج قليل وجسمج كل طاقة مابي صاير حتئ عندج جفاف .. اذا متخافين على نفسج خافي على البيبي الي ابطنج ... الكل متفاجئ .. وصال .. شـ شـنو بـ پيـ بيبي ... شداتحجين دكتورة ... الدكتورة ..  اي بيبي انتي حامل 8 اسابيع ليش ماجنتي تعرفين بنفسج او حاسة بأعراض حمل ... وصال ... لا ماادري ومجنت حاسة بأعراض لان اني هاي الفترة جنت تعبانة نفسيا بس دكتورة ااني... داتريد تحجي واذكرت اخوها مازن موجود فـ استحت تحجي .. انتبه مازن .. مازن .. ااحم اني برئ اذا احتاجيتو شي ..  اسيل ..  تمام حبيبي ... وصال ... دكتورة خاف اگو غلط لان اني دااخذ موانع للحمل لان قبل 7 اشهر جنت حامل وصار وياي حادث واجهضت وحتئ رحمي تاذئ ومنعتني الدكتورة من الحمل اقل شي سنة كالت ياله اسوين حمل ف جنت اخذ حبوب منع الحمل ..  الدكتورة .. شلون جنتي تاخذين حبوب منع الحمل ... وصال ..  بلعت ريكي ... من من يصير بينا العلاقة الزوجية ... الدكتورة ... بسسس ... وصال ... اي بس .. الدكتورة ..  حبيبتي طريقة اخذج لحبوب منع الحمل غلط المفروض المرأة تاخذ حبوب مانع الحمل من خامس يوم بالحالة الشهرية وتبقئ مستمرة يوميا وبنفس الموعد سواء كان زوجها موجود اولا سواء صارت علاقة اولا لان الحباية الي تاخذيها ورئ ثلاث ايام ياله تشتغل وهكذا تستمر ليش لعد نوصفة خامس يوم الحاله الشهرية ... وصال ..  يعني يعني اني حامل ... الدكتورة ... نعم ..  اسيل ..  دكتورة ماكو خطورة على حياتها لان هي ممنوعة من الحمل لفترة سنة  .. الدكتورة..هو اكو خطورة ولادة مبكرة اذا تعبت نفسها بس على العلاج نقوي جدار الرجم حتئ يقاوم اكثر بأشهر الحمل .. وصال ... ان شاء الله .. الدكتورة .. بس فقر الدم الاساس بنجات طفلج لان ماما انتي عندج فقر دم حااد وجسمج بي جفاف هسة اكتبلج علاج تستمرين علية وتابعين  حاله الطفل مرتين بالشهر .. اسيل ... ان شاء الله دكتورة .. الدكتورة .. تفضلي حبيبتي هذا العلاج وتكدرون تطلعون حمدلله علئ سلامتج .. وصال واسيل الله يسلمج ... اسيل ..  وصال لازم تنتبهين وتمشين علئ كلام الدكتورة بالحرف الواحد ..  وصال ... ان شاء الله ...ياله صيحي مازن حتئ نطلع عفية اكره المستشفئ .. اسيل ... تمام هسة اكولة نطلع ... وصال ... رجعنا للبيت ... دخلت سبحت اكره ريحة المستشفئ رغم هي مستشفئ. اهلي ونضيفة بس اني اكره ريحتها ..نشفت شعري .. وجبرت نفسي علئ الاكل علمود الي ابطني واخذت علاجي وتمددت ... امشي ايدي علئ بطني واحجي ويانفسي بهمس ..  يعني لازم تبقالي ذكرئ منك حتئ لو اريد انساك ابنك مراح يخليني انساك بس لالا هذا ابني وراح اسوي المستحيل حتئ احافظ علية ويجي لدنيا هذا عوض ربي .. لاتخذلني انت هم وتعوفني لازم تجي لدنيا وتعوضني علئ كلشي شفتة بحياتي من تعب .. نزلت دموعي .. اي انت ابني اني وبسس ليث خلي رحاب تخلفلة راح نختفي اني وياك منخلي اي احد يعرف عنا شي ... (وتمر الايام)  ... وصال... اسيل اني لازم اراجع بس مااريد احد يشوفني شلون بهيج حاله ... اسيل .. ماكو غير دكتورة هاجر صديقتي تعرفيها انتي .. وصال ... شلون مااعرفها ..  اسيل ... اي اكوللها حالتج وهي تجي كل مرة تجيك وضعج هنا بالبيت بدون ماطلعين .. وصال ..  والله ياريت يااسيل ياريت .. اسيل ... اني هسة راح اتصل بيها وافهمها .. وصال ..تمام ..مرتضئ ... عمتو عمتو .. وصال... ياروح عمتو .. مرتضئ .. عمتو صدك اكو ابطنج بيبي ... وصال .. هههههه اي يروحي ... مرتضئ ..  اذا بنية اني ازوجها واذا ولد لاننطي لمنتظر ... وصال ... ههههه يروحي شفايتلي يصير عندي هيج نسيب يخبل .. مرتضئ ..  عمتو شنسميها اذا طلعت بنوتة .. وصال ..  هي غير انت تريدها الك ف انت تختار الاسم .. مرتضئ .. اذا بنوتة نسميها سدن شنو رئيج .. وصال ... ياااي يجنن هل الاسم هاهية اذا بنوتة سدن .. مرتضئ ..  زين واذا ولد شنو نسمي .. وصال .. هممم نسمي غيث .. مرتضئ .. والله حلو اسم غيث ..وصال .. حضنته وبوستة اوووف شهل الجمال والريحة الطيبة ...
في مكان اخرر ...
مراد... انت واحد موطبيعي .. ليث... ليش شبية مو طبيعي لان اريد ازوج ... مراد .. ولك صاير لعقلك شي اطلك وصال وتروح تخطب رحاب .. ليث ... شبيها رحاب مراد لاتنسئ هاي بنت عمي ... مراد.. بنت عمك الي جنت اطيق سيرة ابليس ولاسيرتها تتغير بيوم وليله وتريد تزوجها اكيد ساحرتلك زين وصال شلون وافقت علئ الطلاك معارضت مسوت شي ...ليث .. لا اصلا المحامي يكول بكل برود اخذت الاوراق واطلعت عليهن وقعتهن بدون متناقش وازيدك من الشعر بيت حتئ حقوقها اتنازلت منهم تريد بس تخلض ههههه علساس اني  ميت عليها بابا الي مثل وصال مومال زواج هاي تحب شغلها وحياتها اكثر من اي شي ثاني وهمزين خلصت منها .. مراد ... مصدوم من كلام ليث علئ وصال لا ابد هذا موليث ابد مااحسة طبيعي اكيد اكو شي وحبة المفاجئ لرحاب خلاني اشك اكثر لان ليث عمرة ما كان يطيق سيرتها لرحاب .. وهسة كل شووية ويتصل عليها والله الموضوع مو خالي استغفر الله ربي واتوب اليه ...
مرت الايام ..  واسيل اتفقت ويا صديقتها الدكتورة هاجر اتابع حالة وصال بالبيت لان وصال ماتريد احد يعرف برجعتها وبالاخص بيت عمها باسم .. ابو مازن صحة من الغيبوبة الحمدلله بس علئ كرسي متحرك لان انشل نصفي بس الدكاترة كالو اكو امل بشفائة بعد مايسوي عملية مع العلاج الطبيعي  والعملية بعد فترة لأحد مايستقر وضعة وهو واختة عفاف ورائد بعدهم باربيل علمود العلاج .. ومازن وعلي يتناوبون بالروحة لأربيل علمود ابوهم .. وخالد بعدة خارج العراق ..  و وصال ..  رغم وضعها الصحي الا هي داتخطط وتتهيء حتئ تنتقم من خالد وترجع شركة ابوها طبعا الشركة هي مقر الموضفين بس الحجز صار علئ المصنع الاساسي وبما انو الشركة تابعة لهذا المصنع ف انسدت والموضفين تركو العمل .. بس خالد ..  عندة وكر جديد وسحب الموضفين الي هو يريدهم لعملة الجديد الي سوا براس شركة عمة من سرقة المناقصات وسرقة الشركاء الثكال واخذهم لصالحة غير التلاعب بواردات شركة عمة ابو مازن ...
وصال... مازن اني لازم اروح يم ابوية وهم بالمرة ابعد منا حتئ ابدي اشتغل ...مازن .. وصال انتي حامل وضعج مايسمح بأي تعب ... وصال .. لاتخاف علية اني انتبه لنفسي بس بعد مااكدر لازم اروح لأبوية ... مازن .. زين اني اوديج مااخليج تروحين بوحدج .. وصال .. تمام بس اريد سيارة خاصة بيه استخدمها هناك ... مازن ... اي حبيبتي سيارتج موجودة مجودرة وبالمعرض مالنا .. وصال ... لا اريد سيارة جديدة وسيارتي بيعها ... مازن .. الي تريدي يجرالج شنو السيارة الي تعجبج ... وصال ... انت تعرف ذوقي ههههه كمل كل اوراقها علئ حسب الاصول اكولك شي سجلها باسمك وسويلي وكاله لان مااريد اطلع من البيت اخذ مستمسكاتي وكمل كلشي قبل مايرجع خالد للعراق اني لازم اطلع من بغداد .. مازن ..تمام ... (وتستمر الاحداث ادناه) ...
رحاب 📱يمة لازم نسوي شي حتئ يستعجل بالزواج
سعاد📱 اركدي شوية لاتصرفين بعجلة استري علينا هسة احنا جنا مصدكين راح يطلك وصال هدي اللعب لاتنكشفين
رحاب📱 يمة ماضل عندي صبر ياله راح اسدة خاف احد يجي .. ونهن المكالمة ...
ندئ ...جنت اريد انزل جوة وبطريق الصدفة سمعت رحاب تحجي بالتلفون بس عرفت هاي امها لان جانت تكوللها يمة اسمعها تكول لازم نسوي شي حتئ يستعجل بالزواج وماعندي صبر ومدري شنو .. من سمعتها نهت المكالمة تحركت بسرعة نزلت بس عقلي مشوش على شنو تحجي وشنو تريد ... يووووه هسة شكو مدوخة روحي ... ليث ... من انزل مجاز احس نفسي مكسر وتعبان وصداع يروح ويرجع داگلب بتلفوني وشفت صورنا اني وصال بعرس شاكر .. گلبي نغزني مااعرف ليش طلعت من معرض الصور .. دخلت واتساب منذ مدة طويلة .. الفيس هم ماكو انستا ماكو وهسة شعلية بيها شي وانتهئ هسة اكو مرة بحياتي هي رحاب ...
وتمر الايام .... بصعوبة على وصال ... مازن خلص شغلة السيارة ..  وصال ...الدكتورة سمحت انو تسافر طريق طويل بس لازم تستراح مااجرها جرة وحدة .. قرر مازن يروح ويا وصال .. وصال.. مازن لعد خلي ناخذ اسيل والجهال هم يشوفون جدهم وهم يغيرون جو .. مازن ... اني هم فكرت والله ياله لعد جهزو نفسكم .. اسيل ... اي والله ياريت ... جهزو نفسهم .. وطلعو من بغداد الساعة 12 منتصف الليل متوجهين لأربيل ...
خالد... هذا الاسبوع ارجع للعراق راح يتلكوني شلون وليش واني مالي خلك نفسي .. بس شسوي عندي شغل لازم ارجع ...طبعا خالد صار علئ علاقة غير شرعية ويااسماء ودائما اسماء تكلة خلي نزوج وهو يأجل بالموضوع ..هههه شسوي بالزواج اذا كلشي اريدة منج داخذة شكو رابطتنا بورقة ومغركج فلوس ممخليج بحاجة شي حتئ شقة اخذتلج ومأثثة بعد شكو هل الطمع يا سمسمتي ...
وصال .. وصلنا اربيل وصلنا للمكان الي ساكنين بي عمتي ورائد وابوية طبعا بخبر رجعتي بس رائد وعلوش يعرفون ... وصلنا للبيت ... فتح الباب النا رائد سلمنا ودخلنا ... عفاف ... بشهكة وووووصاااال ... ياروحي وركضت عليها وحضنتها وتبوس بيها ياروحي شلونج شخبارج زوجج شلونة ليش مااجة وياج اكيد دوامة خطية يابعد عمري شكد مشتاقتلج ابوج راح يطير من الفرح من يشوفج ..وصال... من كالت عمتي زوجج شلونه ليش مااجة وياج اختنكت ...شيصير لو بعدة وياي ونستقبل طفلنا سوة ونجي سوة نشوف ابوية ترئ مو هواي الي اتمنئ ..اني زينة عمة بخير انتي شلونج ...عفاف ...شبيج يمة ليش عيونج هيج ذبلانة صاير شي ... رائد ... يمة توها واصلة خلي ترتاح وتسولفون خلي تشوف خالي ... عفاف .. ماشي يمة علئ راحتج ..  وصال... اسيل اخذي منتضر ومرتضئ خلي يسلمون علئ ابوية وراكم اريد ادخل اني اريد ابقئ يمة ... ماشي ... ياله ماما تعالو نسلم علئ جدوو حتئ تروحون تنامون ترتاحون من الطريق ...رائد ... شلونج يابعد روح رائد ... وصال .. ههههه زينة يابعد جبدي ههههه... رائد ...هااي جديدة بس تخبل .. شلونة عتريس ..وصال ... منو عتريسس .. رائد ... ابنج اكو غيرة ... وصال .. ضربت رائد على جتفة ولك مسمي ابني  عتريسس ... رائد ... اي عتريس بعدة ماجاي وخابصنا خبص هههه... وصال ...لاتحجي علئ ابني مااقبل .. رائد ...ترئ اني خاله وبكيفي وعلى فكرة اني الي اشرف علئ تربيتة ...وصال .. لاهاهية ربحنا وضحكو هههه ... وصال مزاجها يتغير ويارائد كلش متقاربين ومتفاهمين ...اسيل ...ياله وصال كومي سلمي علئ عمي ... وصال... اخذت نفس قوي وزفرتة .. اوكي رايحة ... اتجهت لغرفة ابوية مااعرف شلون راح يكون لقائنا ثنينا عاجزين منو يتكئ علئ منو ..فتحت الباب ودخلت .. شافني شهك .. مايكدر ينطق بسهولة بسبب المرض .. ركضت حضنته واشمة حيل اااووووف ياريحة گلبي ...گلبي طاك عليك ياروحي وتبوس بكل وجه وتبوس ايديه وثنينهم يبجون .. ابو مازن .. وووص ص وصال كوة ينطق الكلمة ..ب بن بنيتي ش ش شلونج ..وصال .. لاتعب نفسكك كل الي تريد تكولة اعرفة وعيونك اعرفة .. اني زينة وهسة صرت زينة مو بس زينة رجعتلي قوتي من حضنك ياروحي وعيونك راح ترجع مثل الاول واحسن واوعدك كلشي راح يرجع والا ابجيهم دم رجعتلهم وصال رجعتلهم ... ابو مازن ..مبتسم ويهز براسة بمعنئ ااي .. لان يعرف وصال من تحجي كول وفعل وعرفها مراح تسكت ولايهدالها بال اذا ماتلقن خالد درس ماينسئ ...وتمشي الايام مازن اخذ زوجتة واولادة ورجع لبغداد ..  وصال ... حجت لعمتها عفاف كلشي صار وياها ... عفاف .. ادك علئ رجليها ولج شوكت ترتاحين وتعيشين مثل البشر هذا عمرج هيج انگضئ ... وصال ... الحمدلله علئ كل حال شسوي هيج نصيبي ... عفاف ... على الي حجيتي ليث مو خالي والله وهاي العكربة رحاب هي اساس البلا .. وصال ..  كائن من يكون السبب بعد ميهمني لا ليث. ولارحاب .. المهم عندي ابوية وصحتة وهذا الي ابطني اما خالد فهذا موضوع ثاني وراح ابدي الشغل بي عن قريب ان شاء الله ... عفاف .. شناوية يمة وصال ..  وصال .. التفتت لعمتها وابتسامة شبه مبينة راح اشربة من نفس الكاس الي شرب ابوية منة ...  عفاف .. يمة اني اخاف عليج هذا خالد واحد مايخاف الله وباطل .. وصال .. لا لتخافين الا اخلي يگول ان الله حق .. ومستمرة احداثنا .. طبعا زهراء ومهند ازوجو .. وليث ورحاب عقدو عقد محكمة وسيد صارت زوجتة شرعا وقانونا...  فرحة ..  يبنات خلي نسوي حملة على البيت. من عرس زهيرة ممسوين حملة قوية .. ملاك ونورة اي والله صدك .. ندئ مايصخروها صخرات قوية يذبون عليها مسح الاثاث غسل مواعين لان يخافون عليها هي حامل .. وبهذا اليوم جانت رحاب ماموجودة يم اهلها .. وصدك كامو البنات بلشو وام سامر هي الي تطبخ الغدا ..  ملاك .. دخلت انضف غرفة ليث .. فتحت باب الغرفة گفختني ريحة تلعب النفس هي هاي الريحة الي حجت عنها وصال لعمتي زين ليش بعدها موجودة ..  فتحت باب البالكونة .. ونضفت الغرفة وغيرت النزلات ومسحت الاخشاب وبخرتها وشغلت البلازمة علئ سورة البقرة كلت سورة البقرة تفيد للعين والحسد واعمال السحر خليتها مشتغلة وعليت الصوت وسديت الباب وطلعت .. حتئ اكمل باقي الغرف .. كملنا تنضيف وبخرنا البيت وشغلنا بالصالة هم سورة البقرة كلش مريحة للنفس ..  اشتغل وافكر برائد .. بعد فترة من طلاك وصال وليث .. صار كلشي مينشر وحتئ مايفتح انترنيت نهائي وحتئ ستورياتي مايشوفها .. اي شتتوقعين بعد ماكو شي بين هل العائلة وعائلتنا .. هوووف .. وكملت شغلي .. ليث ... اني بالدوام احس نفسي اختنكت نفسي ضاك علية ياالله شبية وراسي يضرب اليكول دمام ااووووف مراد وينك مراد .. مراد .. ها ليث شبيك شجاك .. ليث .. بروح ابوك المسكن يمك بالمجر راح ينفجر راسي.. ركض مراد جاب المسكن وگلاص مي وشرب ليث .. وفتح ازرار قميصة .. لان هو بالدوام اصلا .. مراد .. ها يخوي كوم خلي اخذك لمستشفئ .. ليث.. لالا مايحتاج هسة اصير زين ... وصال📱 الو شلونك مازن
مازن📱 حبيبتي هلابيج شلونج انتي ابوية شلونة
وصال 📱 بخير باجر اخذة للمستشفئ حتئ نكمل اجراءات العملية لان الدكتور التركي  بعد اسبوع يوصل حتئ نسوي العملية بس اني مو علمود هذا الشي خابرتك
مازن📱 لعد. على شنو كولي بنيتي اكو شي
وصال📱 اي اريدك تروح لبيتنا وتصعد لغرفتي بالكنتور الخزنة الخاصة بية مفتاح الخزنة تلكا بالمزهرية الي علئ ميز التواليت ..
مازن 📱 اي شسوي ..
وصال📱 شكو اوراق بالخزنة صغيرة جبيرة اتجيبهم ماشي وانتبه ترئ خالد مراقب بيتنا اذا سئل كلة جيت اشوف خاف بس شي كهرباء اي حجة
مازن 📱 لحضة لحضة شلون عرفتي خالد مراقب بيتنا ...وليش حتئ يراقبة
وصال ..  شلون عرفت هاي مصادري ناسي اني وصال .. اما ليش فماادري والله يامازن ...
مازن📱 تمام تمام والاوراق اجيبها الج لأربيل
وصال📱 اي وانتبه على نفسك .. ونهو الاخوة  المكالمة ..

لشنو داتخطط وصال وهاي الاوراق شنو وليث شراح يعرف ورحاب شنو راح يصير بيها كل هاي الاحداث نعرفها بالبارتات القادمة لاتنسون المتابعة والتصويت وتعليقاتكم الحلوة احبكم 😘
لارين العامري
           ﮼أنامل ﮼گاتبه📒

احب انوه انو راح تضهر شخصية جديد بالرواية  دا اغششكم 😁🫣