عـشق الـجبـال (فصـليـة)

عشق الجبال(فصلية)

كل عام وانتو بالف خير حبايبي نزلت هذا البارت لخاطر عيونكم وملتقانا بعد العيد خلي ندون تاريخ هذا اليوم حتئ يبقئ ذكرئ جميلة لكل من مرة من هنا .. 2024/4/9 الثلاثاء المصادف يوم عرفة لعيد الفطر المبارك ...
-------------------------------------
عشق الجبال(فصلية) البارت 42
.............................................
رحاب .. ههههه اني راح اكول لـ ليث بس مو هسة بالوقت المناسب ...
مرت الايام ونفس الروتين كل واحد وشغلة والنسوان بالبيت بين شغل البيت وكعداتهن الحلوة طبعا حبوبة بقت اسبوعين ولان زوجة ابنها صارت عدها ولادة فـ رجعت للبيتها ...وصال .. مشغولة بكرار ودراستة ... ليث .. بين الدوام والبيت وحتئ صار من ينزل يطلع مايبقئ بالبيت يطلع ويامهند واصدقائة ... مراد .. ليث شبيك شدعوة هلكد مدخن شكو التايتنك مال شيخ عماد غركت لو شنو .. ليث .. باوعت عليه بملل واخذت نفس قوي وزفرتة .. مراد .. شبيك عضيدي صارلك دوامين انت مو علئ بعضك واني ماسئلتك ردت انت تحجيلي من كيفك .. احجي ليش شايل هموم الدنيا علئ راسك ..ليث ... كول شنو الي مابية وشنو الماصاير وياية .. مراد .. اجة قرب الكرسي وصار مقابيلة احجي شبيك .. ليث .. من احجي راح تاكل گلبي واضل تحجي وتلوم بية واني ماناقص قهر .. مراد ... لالا احجي والك الامان مراح احجي شي سولف .. ليث .. سردلة الموضوع كلة من جاب وصال  من المزرعة لاحد هاي اللحضة .. مراد .. سحب الباكيت وطلع جكارة وبدا يدخن وصافن على ليث .. ليث.. هاا شوساكت وتباوعلي شبيك .. مراد .. موانت متقبل احجي .. ليث .. لا مكتلك لاتحجي كتلك لاتلومني ...مراد .. وانت اشوفها راهمة بس احجي ولك انت خبل صاحي انت جارتك شنو بس كلي ... ليث .. هاااا اهااا هذا مراد العرفة راح يبدي يغرد .. مراد ...انت ليش اسوي هيج انت شتريد بالضبط لالا اطلعلي بالنضيف حتئ افتهم شتريد .. ليث .. مراد بس اسمعني وافهمني اني احبها لامواحبها اعشقها اني جنت اريد اصخم ابين حبي .. قاطعة مراد... وبينت كرهك ونذالتك .. ليث .. بالضبط تبين العكس ابد مطيقني هسة ولاتباوع بوجهي وعمتي تكومني برزالة وتكعدني برزاله ...واني مطايق البيت ولاالبي حتئ بنزولي ماابقئ بالبيت وكت النومة ياله ارجع ...مراد .. انت ليش اجيب سيرة  حسام بكل فرصة تصيرلك وياها ليش .. ليث .. تدري مراد انت مو بس صاحبي انت اخوي واني كدامك كتاب مفتوح انت مثل الدكتور النفسي الي يمة المريض يحجي كلشي بدون مايضم شي لو ينحرج من شي .. تعرف اني دااحس بالغيرة من حسام انزعج احسة بگلبها وماتشوف غيرة .. مراد .. بس هو شخص متوفي من سنين ياليث حتئ اذا تريد هية تنسئ انت اذكرها بي ليش ابدال مذكرها بي تنسي الها تحتويها تكون سندها .. ليث .. والله اريد بس مااعرف شلون اتصرف وياها كل مااتقرب تصير كارثة انت تعرف ماعندي خبرة بالحب ولاعندي تجربة حب حقيقية صح اكو بنات مرو بحياتي بس محبيت ولاوحدة اعرف هن على شنو جايات ويعرفني شريد يعني علاقة اخذ وانطيني .. مراد .. وهسة شراح اسوي ...ليث ...مادري والله ماادري اني كلش تعبت ... باجر نزولنا بلكي يصير تطورات واكدر  احاجي عمتي فرحة بلكي تساعدني .. مراد .. الله كريم .. يخوي اسحبها من ايدها وكللها اني احبج واريدج وياي طول عمرج هسة ليش مصعبها متكلي شبيك .. ليث .. انت مفكر انو وصال مثل باقي البنات يمشي وياها هيج كلام .. مراد .. والله مااعرف شكول شحجي شغلتك داجة .. ليث ... ههه واكثر ماتصور ...
****************************
وصال ..مااعرف شبية نحلانة وخاملة بس بنفسي اضل نايمة ...هذا فقر الدم دمرني والعلاج هم يأذيني اووف .. طلعت يم البنات للمطبخ دايجهزون الغدا .. وصال ... عاااا شنو هاي الريحة ... فرحة .. شبيج وصال هذا تشريب دجاج .. وصال .. مخلية ايدها على خشمها وحلكها عمة شو مدري شلونها ريحتة كل مرة ريحتة ترد الروح ورادت تتقيء وركضت للحمام .. فرحة ...يااا بس لاصدك بي ريحة زفرة لو شي ولج مليكة زهيرة وينجن ..  اجوي البنات يركضن هااا عمة شكو .. فرحة ...ولجن تشمن ريحة تشريب الدجاج .. ملاك وزهراء ...اي دانشمة.  ملاك ...ريحتة ترد الروح ااااحح جعت ...زهراء... اي والله جعنا. ... فرحة ...هااا خوش لعد شبيها وصال بس لا وابتسمت .. ملاك ...عمة شبيج تحجين ويانفسج. .. فرحة ...لا يمة ماكو شي بس اخلطن اللبن ونضفن الخظرة هسة اجي ... وصال ..بالحمام اتقيئت ياله ارتاحت معدتي عزة شبية يمة روحي ممرودة .. فرحة .. هايمة وصال شبيج جنتي تتقيئين .. وصال ...اي عمة يمكن مستبردة ...متاكدة استبراد خاف غير شي ...وصال .. فتحت عيونها شنو يعني غير شي ...فرحة .. خاف حامل ...وصال ...شنوو لالا حمليش عمة صدك تحجين بس هذا فقر الدم متعبني .. فرحة .. ليش لا ليش مستبعدتها .. وصال .. تقربت لعمتها وتحجي بصوت ناصي عمة هو يوم واحد تقربلي .. فرحة .. اي يوم واحد بس اكثر من مرة اكو نسوان يشيلن من ليلة الدخلة .. انتي اخر مرة شوكت اجتج .. وصال ...والله عمة ماحاسبة ماادري عزة اذا صدك .. فرحة .. ليش عزة هااا بلكي تطلعين حامل وتصفئ النفوس .. وصال .. عمة شتصفئ متكليلي شتصفة والله تعبت .. فرحة .. هسة روحي ارتاحي ولتفكرين بشي خلي اروح اكمل الغدا .. وصال ...رحت لغرفتي وضليت افكر بكلام عمتي هيج واطلع حامل لالا وين اكو معقولة من ليلة وحدة .. مااعرف من نطقت كلمة ليلة وحدة رجف گلبي اااه ياليث صرت حتئ للبيت متجي حتئ متشوفني اجا ابالي عطرة اليوم شنو من الايام اليوم جمعة باجر ينزل ..يعني هسة اكو مجال اروح لغرفتة  اشم عطرة ليش اجة على بالي عطرة بهل اللحضة .. طلعت من غرفتي وتوجهت لغرفة ليث فتحت الباب ودخلت گفخني عطرة تارس الغرفة حتئ لو يغيب اسبوع تبقئ الريحة بالغرفة طبيت وسديت الباب .. واحس العطر ترس ريتي رحت للكنتور طلعت تيشيرت شميتة مااعرف شي هدئ بداخلي احس ومعدتي هدئت باوعت لجرباية اذكرت ذيج الليلة غمضت عيوني واخذت نفس قوي وطلعت رجعت لغرفتي نمت ماكعدت غير للمغرب .. نفسي تلعب ومحترة دايخة .. احس نفسي محتاجة اشم من عطر ليث هاي شنو انوب شغلة جديدة شمعنئ عطر ليث طلعت غسلت وجهي ورحت للمطبخ شفت البنات كاعدات يجهزن بالعشا .. ملاك .. شكد كعدناج علئ الغدا مقبلتي .. وصال .. اي مجنت جوعانة ...الله اشتم ريحة طيبة شداسوون .. زهراء ..كباب عروك وكبة .. وصال .. حبابة انطيني وحدة .. زهراء ...هاج حبيبتي الماعون كلة .. وصال .. ابتسمت واخذت 3 اشتهيتهن اكلتهن شوية ونفسي لعبت هاي شكو ياربي شبية طلعت من المطبخ صعدت لغرفة ليث اريد اشتم من عطرة تهدئ معدتي .. ليث وصلت للبيت العصر حيل سبحت ولبست تراكسود اسود وبي خط ابيض وتعطرت وتوني فتحت باب غرفتي تلاكيت بوصال .. وصال .. ماجنت اعرف ليث نازل توني اريد افتح الباب هو فتحة وصار وجه بوجه اني شهكت ماحسيت غير بدوخة وسودت الدنيا بعد ماادري بنفسي .. ليث .. من فتحت الباب وصارت بوجهي وصال كلبي راد يطلع من مكانة بس مااعرف من شافتني شهكت وثواني  واغمئ عليها ركضت عليها راسها على صدري وصااال حبيبي وصااال تسمعيني شبيج وصال .. ماكو اي رد شلتها ونزلت بيها اصيح يمة عمة. الحكو مااعرف شبيها البسي عباتج عمة ولحكيني .. فرحة .. ولك اشسويتلها يمصكوع .. ليث....وهو يخليها بالسيارة والله مسويت شي لحالها اغمئ عليها .. وخلاها بحضن عمتة وشغل السيارة والبنات وامة طلعو يركضون يريدون يفهمون الصار .. ليث ماسواها سيارة سواها ماطور يتزرك بين السيارات .. فرحة .. ولك يمدوهر راح تكتلنا على كيفك ولك يمة على كيفك ... ام شاكر ...اصار ولكم فهموني .. زهراء .. يمة ماندري بس ليث نزل شايل وصال ويصيح يمة عمة مانعرف شصار .. ام شاكر .. اووف يايمة راح يموتني ليث من القهر ..
وصل ليث للمستشفئ .. مانتظر سدية نزل شال حبيبة گلبة ودخل يصيح بالمستشفئ وينكم وين الدكتورة وخلااها على السدية خبص المكان خبص .. الدكتورة .. اهدئ اخي خلي نفتهم شكو .. ليث .. دكتورة مااعرف لحالها اغمئ عليها .. الدكتورة .. هي بنية لو مزوجة .. ليث .. لالا مزوجة اني زوجها .. الدكتورة .. ابتسمت تمام لاتخاف هسة نشوف شكو .. فرحة.. بس دكتورة هي صارلها كم يوم تتقيئ ونحلانة وتلعب نفسها من كلشي .. الدكتورة .. تمام تمام ..  ليث ...ليش عمة تتقيء ماعرفتو تودوها تشوفون شبيها اني ماموجود ليش عمة جان خابرتيني .. فرحة .. يول اسكت شوية انطي مجال واحد يفتهم.  ليث .. عمة هي شنو كاضيتها ترزلين بية صارلج شهر مو كافي عاد ترئ روحي طكت .. فرحة .. مابيها شي بس يمكن حامل .. ليث .. ش ش شنوو صدك عمة ويضحك لالا معقولة الله يستجاب دعائي .. فرحة .. تباوعلة وتعوج بحلكها وتقلد على كلامة معقولة الله استجاب دعائي .. نننن اي مو انت علساس انسان مؤمن وخير هو انت واحد مهتلف وسرسري بعد منعرف الاالدكتورة تطلع ونفتهم شكو .. ليث .. يضحك علئ كلام عمتة مقبولة منج فريحة شعندي غيرج .. ولج والله وروح غيث احبها واعشكها وراح اموت من وراها .. فرحة .. هي منو ولك .. ليث .. متعرفيها وصالي وروحي .. فرحة .. هممم من تحبها كل هذا الحب شبيك لعد مصخمها وياها .. ليث .. هاي بعد صارت وهسة حلها يمج فرحة گلبي .. فرحة ... هسة خلي نطمن على البنية والله كريم .. ليث ... شفت الدكتورة طلعت ورحت اركض عليها هااا دكتورة شبيها وصال .. الدكتورة .. هبوط حاد بالسكر والضغط وسوينة الها تحاليل ننتظرها تطلع ونشخص حالتها .. تكدرون تدخلون عليها لان هي بدت تصحئ .. وصال ... افتح عيوني بتعب وراسي ثكيل اني وين اااخ راسي ليش هيج ثكيل اباوع ايدي مشكل مغذي بيها عرفت نفسي بالمستشفئ .. شوية ودخلت عمتي فرحة .. حمدلله على السلامة حبيبتي شلونج شيوجعج .. وصال .. الحمدلله بس راسي احسة ثكيل ودايخة .. فرحة .. اي حبيبة لكو الضغط والسكر نازلين عندج .. ليث .. حمدلله على السلامة .. وصال .. تقرب ليث وتحمدلي على السلامة .. اوووف شكد حلو شكلة وعطرة اااوووف بمجرد ماشميت عطرة استعدلت ههه .. الله يسلمك ... السكوت سيد المكان .. مرت ربع ساعة .. الدكتورة ... هاا وصال شلونج هسة .. وصال .. الحمدلله .. الدكتورة .. عمي زوجج گلب المستشفئ گلب هو شايلج ويصيح عبالنا شو شكو .. وصال .. ابتسمت لدكتورة .. وراحت عيني ليث شافني ودنك راسة .. الدكتورة .. كم طفل عدكم .. وصال .. ماعدنا اطفال .. الدكتورة ... ممم صار شكد مزوجين .. وصال .. 4 اشهر ..الدكتورة .. ماشاء الله وهسة راح يصير عدكم بيبي الف مبروك .. وصال... اتجمدت شنو حامل .. الدكتورة .. اي حامل 6 اسابيع .. وصال .. راحت عيوني لـ ليث عيونة يلمعن والضحكة مرسومة علئ وجه ومبين علية كلش فرحان .. فرحة .. صلاوات على محمد الف مبروك يمة يتربئ بعزكم .. الدكتورة .. هااا بس اكو مشكلة .. ليث .. تقرب لدكتورة شنو المشكلة دكتورة .. الدكتورة .. اول شي فقر دم عندج عاام وهذا يأثر على الجنين واصلا حملج ضعيف بسبب فقر الدم وهبوط السكر والضغط اصلا حتئ نقص فيتامينات عندج كل هاي الاشياء تاثر علئ صحة الطفل والنمو مالتة .. هسة اكتبلج على علاج تاخذو من الصيدلية الخارجية وانتي لازم تراجعين طبيبة نسائية حتئ تراقب حالتج... وكتبت العلاج ونطتة لـ ليث .. عندج العافية والف مبروك .. الكل الله يبارك بيج .. وصال .. صافنة وايدي علئ بطني معقولة من ليلة وحدة صارت هناا ثمرة .. ليث .. تقربت وكعدت بصفها بستها من جبينها حمدلله علئ سلامتج خوفتيني عليج والف مبروك النا ثنينة .. وصال .. مااعرف حسيت براحة وهو قريب الله يسلمك .. الله يباركلنا بي .. ليث .. ابتسمت من ردها خليت ايدي علئ بطنها هو هسة وين بيا مكان .. وصال .. شفت عفويتة بسؤالة .. مااعرف ولزمت ايدة ومشيت ايدة علئ طرف بطني اني سامعة اذا يصير هنا ولد ورجعت مشيت ايدة على وسط بطني واذا يصير هنا بنوتة .. ليث .. كلشي يجي من الله نعمة اهم شي صحتة وصحتج ..
مرت الدقايق وصار وكت طلعتنا من المستشفئ طبعا التلفون ماسكت كل الي بالبيت يتصل يريد يطمن علئ وصال طمناهم بس محجينا وكلنا حامل انريد نفاجهم هههه ....رجعنا للبيت والكل استقبلنا وتحمدو لوصال .. ليث .. هسة اسمعو اكو ضيف جديد راح يشرف لبيت شيخ عماد الحارث .. وصال.. ياله شكد عيب راح ننفضح اووف ليث خليني اروح لغرفتي .. ليث .. خلي نبشرهم وتروحين لغرفتج .. وصال.. ليث والله استحي من هيج موقف لاتحرجني فدوة .. ليث... ههههه ليش تنحرجين قابل بايكين .. الكل احجي عاد منو هذا الضيف وشوكت يريد يجي حتئ نتهيئ اله .. ليث .. اااحمم الضيف هو ابني وراح يجي بعد 8 اشهر تهيئو من هسة .. الكل ناس اصفك وناس اصوفر وناس اتصرخ من الفرحة ... شاكر .. ولك ملعون تشتغل من ورانة مووو .. عمار .. اي كايم يقرا من ورانا ... والكل ضحك وفرح من هذا الخبر .. وباركولنا .. وصال .. متت خل من سوالف شاكر وعمار ..
---------------------------------------------
لهنا ويخلص البارت انتضروني بالبارتات الجاية شنو راح يصير واح تكمل فرحة ليث وصال ... لاتنسون التصويت والمتابعة وتعليقاتكم الحلوة احبكم 😘
لارين العامري
                           أنامل كاتبة ✍️

تـنويـه ..
مشكول الذمة الي ياخذ الرواية وينسبها لنفسة لان حرام تاخذون تعب غيركم ...
*********************
اختملكم البارت بصورة لبطلنا ليث 😉