عـشق الـجبـال (فصـليـة)

عشق الجبال(فصلية)

عشق الجبال (فصلية) البارت 27
....................................
صــعــب يــگـــون عـــنـــدگ،امـــل لـــشـــي انـــتـــهـــى🖤💔•
............................................
وصال : دخلت لغرفتي بس ابد حالتي موتمام ودقايق وانفتح باب غرفتي بوحشية شفتة ليث والشر والغضب مالي ملامحة انتبهت شايل بيدة مگص بلعت ريكي شراح يسوي هل المرة وهو من العصبية عروكة باينة .. ليث : لج ياسااق***طة ولج انتي وحدة بلا تربية واخلاق محد مربيج اني راح اربيج جنتي تدرين حسين جان بالاول يريد ياخذج وهسة جاية كدامة تنثرين شعرج وتتموعين اني اعرف شلون راح اخليج تنثري بعد وتهجم على وصال.. وصال .. من حجئ هل الحجي ليث ضليت مستغربة لعبت نفسي من كلامة وغلطة ابد ميكون هذا بشر تهجم علية واني مابديت اي ردة فعل لان من صدك تعبت ومن الاول اني تعبانة ضغطي هابط جرني حيل من شعري وهو يصيح ويكول اني مامالي عينج تردين حسين مو 😠 سحب شعري وخلة المگص علية ... ليث:  تهجمت عليها واني صاير نار مااعرف ليش كلبي صاير نار بس هي مابدت اي ردة فعل سحبتها من شعرها وخليت المگص على شعرها جنت ناوي اكص شعرها واخربة الها ومع هذا كله ماقاومتني بس دارت وجها علية وصارت عيونا مقابيل بعض بهل الاثناء دخلت عمتي فرحة .. لالالا ليث بروح غيث لاتسويها انتبهت لعمتي فرحة وجها مخطوف وتحلف بية ماحسيت غير وصال واكعة واغمئ عليها ركضت عمتي فرحة وهي تصرخ واني مصدوم هاي شصار وبيدي خصلة صغيرة من شعرها انحزت بالمگص لانو كان حاد ذبيت المگص من ايدي وخصلة شعرها بيدي واشوف عمتي والبنات يصيحن يحاولن يصحن بوصال .. صحيت علئ نفسي وركضت على وصال وخليت خصلة شعرها بجيبي وشلتها من الارض وعمتي والبنات يصيحن يحاولون يصحوها وخرتهم وصحت عليهن جيبو مي وجهاز الضغط ركضت زهراء وجابت مي وجهاز الضغط واني احاول اصحي بيها وصاال وصااااال فتحي عيونج اخذت الجهاز وقست الضغط ضغطها هابط فدمرة وعمتي ترش بوجها مي وصال فاقدة ولاحركة .. فرحة .. ولك يمة ليث راح تموت ضغط موزين هيج يهبط .. نزل كرار يركض على الاصوات شكوو اصاير وصاااااال خوية شبيها بهل الاثناء ليث شال وصال وصاح كرار اركض شغل السيارة عمة تعالي ويانا ركضت بيها وخليتها بالسيارة راسها بحضن عمتي وكرار بالصدر واني طرت مااعرف شلون وصلت للمشفئ شلتها واني اصيح وين الدكتور وينكم وكرار وعمتي يركضون تلكتنا دكتورة وخليتها على السدية دكتورة فجئة اغمئ عليها وضغطها هابط عفية دكتورة .. الدكتورة اهدئ انتضرو برة .. طلعنا برة والقلق اكل گلبي.. كرار .. شسويتلها ليث شسويتلها الاتموتها ياله ترتاح .. عمتي فرحة تبجي وتدعي .. اووف ياليث على يوم تموت بيدك ليش هيج شمسوية حتئ هيج تصرف ليش هل الاذية يايمة .. كرار ... تقرب علئ ليث وهو عصبي شسويتلها هااا احجي اذا صار بوصال شي والله اشتكي عليك ياليث وانسئ انك اخوية .. ليث .. ماسويت شي اصلا مامديت ايدي صدكوني بس غلطت عليها  هي لحالها اغمئ عليها .. فرحة .. لحالها جيت ولكيتك خال المگص على شعرها تريد تگصة .. كرار .. شنوو يريد يگص شعرها انت صدك تحجي ياالله راح تخبلني انت ليش صاير بهل الوحشية .. ليث .. كافي لاالوقت ولا المكان مناسب حتئ نحجي بهل الموضوع .. كرار .. طبعا لازم نحجي على امرك ونسكت على امرك .. ليث .. كررررراار 😠 نسيت نفسك لو شنو .. كرار .. استغفرالله ياربي لامنسيت وياريت انت هم ماتنسئ هاي زوجتك .. الدكتورة .. احم المريضة عدها هبوط بالضغط والسكر وهسة ننتظر التحاليل ونشوف شنو سبب هل الهبوط هسة هي بعدها مصاحية معلكيلها مغذي تكدرون تطمنون عليها عدها العافية .. الكل الله يعافيج دكتورة ودخلنا معلكيلها مغذي وجها شاحب عمتي كاعدة بصفها وتمسح على شعرها ولازمة ايدها اووف يايمة اسم الله عليج يابعد روحي منين تجيج هل الطلايب اوووف اهئ اهئ .. كرار .. كافي عمة لاتفاولين بالبجي وصال قوية هسة تصحة ياله وصال اكعدي اكعدي حتئ اشوفين حل الامثلة الي نطيتيهن الي اكعدي وشوفي شلون فهمت المادة على ايدج 🥺 .. ليث. .. شفت حزنهم ولهفتهم على وصال كرهت نفسي عفتهم وطلعت برة وضليت ادخن .. شفت الدكتورة شايلة اوراق ودخلت هاي اكيد التحاليل طلعت خلي اشوف واطمن وصال لسة مصاحية خلو الها المغذي الثاني وهي بعدها بس النفس يصعد وينزل وكل شوية يقيسون ضغطها يرتفع ببطئ ضغطها جان مصفر .. الدكتورة .. عيني هاي التحاليل طلعت وعدها فقر دم حاد ونقص بالحديد وهذا الي يسبب اكثر المرات بهبوط الضغط اكلها شلونة .. فرحة .. والله دكتورة متاكل لوتفاحة لو صمونة وجبن ابد متاكل .. الدكتورة .. موزين حيل جسمها تعبان وبعدين لاتستهينون بهبوط الصغط لان مرات من يهبط المريض يدخل بغيبوبة واصلا يأدي للوفاة ننتظرها تصحئ هي منا وهيج تبدي تصحة واذا مصحت الشغلة تخوف .. فرحة .. يايمة وصال يمة اصحي فدوة اروحلج.  اباوع عمتي تبجي من سمعت كلام الدكتورة كرار عيونة دمعن وخلا وطلع برة اني مااعرف شلون اوصف حالتي خايف مرتبك ضايج.  ليش من اشوفها متاكل ليش متلحون عليها هاا عمة ليش .. فرحة .. شكد احجي بس هي تكول مااكدر اكل اكل دسم لعد هي البارحة ماكلة صمونة وزلاطة والصبح شربت بس جاي وضلت تشتغل وصار الصار كدامك .. وصال.. راسي يفتر فتحت عيوني اني وين شنو صار شعري ااه شعري گصة الخبل حقيررر شعري ااه راسي عمة وين اني .. فرحة .. ياالله الف الحمدلله ها يروحي انتي بالمستشفئ حمدلله على سلامتج .. وصال .. بصعوبة تحجي عمة شعري الحقير الخبل گصة ااهئ ااهئ ااخ يمة .. فرحة .. لالا يمة هذا شعرج محد گصة ولااحد اتقرب اله .. ليث .. صحت وصال وتغلط تكول علية خبل وحقير 🤨 اني اعلمج منو الخبل .. المهم صحت .. كرار .. وصال الف الحمدلله خوفتيني عليج خبلة ..وصال.. ماكو خبل غير اخوك .. كرار .. هههه عود ترئ اخوية يسمعج .. وصال .. بلعت ريكي كرار حليت الامثلة الي نطيتها لك ليش طالع من غرفتك .. كرار .. وانتي بهل الحالة يشيخة اتهدي شوية ههههه حليتهن كلهن والموضوع گرزتة تگرز .. ليث .. من شفتها وهي تحجي علية وكلبتها على كرار من درت بية موجود حبست ضحكتي وطلعت الف الحمدلله والشكر عدت على خير .. اجتي الدكتورة جيكت وضع وصال وكتبت الها على علاج لازم تستمر علية حتئ ترتفع نسبة دمها....
ملاك ... والله يارحاب ماكو غيرج شعل الفتيلة واذا عرفت الج يد بالموضوع حسابج عسير .. رحااب .. يووووه شخبصتيني بالفصلية من شوكت صايرة حنينة هاي اخوها كتل حبيب عمرج على شنو ادافعين عليها شبيها ساحرتلكم .. ملاك .. رحاب سدي حلكج اني حرة بتصرفي ابتعدي عن وصال وليث ليث ميباوعلج لوتبقين انتي اخر وحدة بالدنيا شفتي خوفة ولهفتة على وصال وهو شايلها ومتخبل هااا شفتي لو عصبيتة عليها بسبب حسين لو متهمة جان گال عادي شريد منها بس ليث غاار على وصال والغيرة علامات شنو ياست رحاب معناتها عاشك وصال وميت بيها افتهمتي لو اعيد وخلت وراحت ... رحااااب .. حقير والله ثم والله ماخليهم يتهنون بهل الشي الحجيتي يل الارملة السودة خلص منج غيث مات وارتاح مسمومة حب ليث وصال عشم ابليس بالجنة .. زهراء .. ملاك ليش هيج هحجيتي منين ليث يعشك وصال وهم مكافش ما واحد يطيق الثاني وصال موتتها علئ ايد ليث وهو هذا ليث الي يريدة.  ملاك .. شفتي وجه  ليث وهو شايل وصال هذا مايدل على خوفة عليها وبعدين هاي الحية نرفزتني والله اذا مطلعت الها يد بالموضوع وبعدين كاتلة روحها هو ليث من جان مامزوج مايباوع لخلقتها مو دا هسة .. زهراء .. اكلج تتوقعين بيوم من الايام ليث وصال يحبون بعض ويكون زواجهم كامل ويصير عدهم اطفال والله اني اشوف وصال كلش مناسبة ل ليث اشوفهم ثنينهم نفس الشخصية .. ملاك .. اي ليش لا وصال مابيها شي ماينحب بس ليث هسة جرحة بعدة اخضر والوقت كفيل .. ام شاكر .. خابرن عليهم شوفو اصار گلبي اشتعل .. زهراء .. هسة راح اخابر كرار .. خابرت زهراء كرار وكاللها جايين بالطريق وصال زينة ... ليث ..  طول الطريق هي نايمة على جتف عمتي عيني عليها بس هي ابد ماعتبرتني موجود اصلا اشتريت العلاج ورجعنا للبيت تلكونا البنات تحمدولها على سلامتها. وصال.. وصلنا للبيت تلكني ملاك وزهراء وعمتي ام شاكر وتحمدولي على سلامتي .. دخلت لغرفتي ..عمتي .. ياله يبنات صبو غدا وسون صينية لوصال حتئ تاكل وتاخذ علاجها .. ملاك .. اني راح اخذ غدا لوصال .. فرحة .. اذا مااكلت اجبريها سمعتي .. ملاك .. صار اخذت الاكل ورحت لوصال لكيتها متمددة هذا الاكل ياله اكعدي ... وصال..  والله مااشتهي ... ملاك .. اشش ولاحرف ياله اكعدي وتاكلين اجباري عبالج ممنتبها على اكلج اني كلشي مداتاكلين ياله ياله بسرعة .. وصال .. ماشي هاي لخاطر احلا ملوكة .. ملاك .. عفية بالسبعة 😌 بدت تاكل واني كاعدة يمها احم .. وصال .. هااا بحلكج حجي احجي .. ملاك .. شلون عرفتي ؟؟ وصال .. ههه عرفت .. ملاك .. تقرين الوجوه  ... وصال.. امم نسيتي اني ماجستير قانون 😌 .. ملاك .. هههه لامنسيت وصال ا اني اسفة 😔.. وصال.. رفعت راس ملاك باصبها على شنو اسفة. ؟؟؟ ملاك .. علئ تصرفي الغبي اول مشفتج 😔 .. وصال .. ماكو داعي تتاسفين هذا تصرف طبيعي واني عاذرتج ابد لتفكرين بهل الموضوع تمام .. ملاك .. يعني مضجتي من تصرفي .🥺 وصال .. ابد ابد اني حاسة بنارج وحاسة بقهرج والي بداخلج .. ملاك .. ليش حاسة بهذا كلة واحنا مانعرف بعضنا .. وصال .. لان نفس نارج وحركتج مريت بيها لهذا حاسة بيج وبوجعج .. ملاك .. يعني انتي هم خسرتي انسان قريب الج مثلي... وصال .. اي كولي حبيب عمري هم الموت اخذة مني تقريبا اني وياج قصتنا تشابه بس فرق واحد انو انتي تعرفين شلون مات ومنو السبب الااني ماعرفت شلون ومنو الي اخذة مني .. ملاك .. يايمة سودة علية وحضنتها وبجينا سوة من اصيرين زينة اطالبج تحجيلي .. وصال ..صار من عيوني .. ملاك ياله كملي اكل حتئ تشربين علاجج ...
.............................................
الحياة كلها حادثة في كلمتين
اهلا...وداعا🍂
حبايبي لاتنسون التصويت والمتابعة ننتظر الاحداث الجاية مشوقة اكثر
لارين العامري
                 أنامل كاتبة