عـشق الـجبـال (فصـليـة)

عشق الجبال(فصلية)

عشق الجبال (فصلية) البارت 28
........................................
رمضان مبارك احبائي وكل عام وانتو بالف خير 🍂🍂
...........................................
مشت الايام ونفس الروتين اليومي بس انضاف اله تدريس كرار الي صار من مسؤليتي الحمدلله هو متعاون ويفتهم علية وبديت اضغط علية بالدراسة بحيث حتئ ايام العطل اصحي من الصبح واخلي ينام من وقت والحمدلله هو متعاون وياي وعدل دروسة الي كان راسب بيهن بعد ننتظر الامتحانات الوزارية ودانتهيء الها .. وليث ومضايقاتة ما تخلص ولاهو يمل منها تعودت عليه الاسبوع الي يكون بي بالدوام الوضع هدوء ههههه ومن ينزل ادخل انذار .. والحية رحاب تنفخ بسمها على الحواليها وبالاخص اني ..
      ...................................
ليث : وصال  كل الي بالبيت يحبوها وتعبها وياكرار الي غيرة 180 درجة رحتئ الدروس الي جان راسب بيهن گدر يعدلهن وبدرجات حلوة .. مراد .. هلو ابو الحب شلونك بشنو صافن الماخذ عقلك يتهنئ بي 😉 .. ليث : 😒 خالتك ماخذة بالي تعالي يول مشتاقلك 🫂 شكو حامل تاخذ اجايز يول وعايفني وحدي صار اكثر من اسبوع .. مراد .. والله ياليث الحجية عدها مراجعات وصحتها موتمام وهذا الاسبوع كله گضيتها اركض بيها لدكاترة .. ليث .. يول ليش ماحجيت وهسة شلون صارت .. مراد : الحمدلله شوية احسن بس تخلص العلاج ارجعها لدكتورها حتئ يشوف تحتاج عملية لو لا عدها المرارة حيل تعبانة .. ليث... مابيها غير العافية سهلة ان شاء الله .. مراد .. ان شاء الله .. اي احجيلي شخبارك شنو ماشنو احجي احجي متشوق اسمع اخبارك .. ليث ... شتريد تعرف بالضبط حدد 😐.. مراد .. 😉 سولفلي علئ وضعك ويا زوجتك .. قاطعة ليث .. قصدك فصليتي.. مراد ..😏 فصليتك ليث رجعنا للخبال .. ليث .. اي مراد فصليتي المهم اني  حرب وياها مانطيق بعض .. من اول يوم هنتها وطردتها من غرفتي ومااعبر فرصة اذا مااضايقها بيها ... مراد ...😐 صدك تحجي ليش هيج ليث البنية شنو ذنبها حتئ هيج تصرف وياها زين دقيقة دقيقة كلت طردتها من غرفتك يعني لسة مصار شي بينكم ؟؟؟ ليث... اي كلشي مصار ولاراح يصير .. مراد ... طلعت خطير 😂 .. زين زين وهي شلون تصرفاتها بالبيت اهلك متقبليها ... ليث... المشكلة انو الكل يحبها وهي مدارية ومهتمة بالكل تصور حتئ خطيبة غيث الله يرحمة محتويتها وصارت كل الوقت تقضي وياها لا مو بس هذا الاهي استلمت دراسة گرار تخيل كرار عدل دروسة بس اني وياها حرب ورحاب بنت عمي هم احسها اضوج منها وادور الزلة عليها باله رحاب لان تحبني هيج شادة ويا وصال .. ماتدري لو تبقئ اخر مرة بالكون هم مدخلني بيها مااطيقها اصلا لرحاب .. مراد .. من كل عقلك البنية مهتمة بالكل وانت باقي تعذب بيها .. ليث .. مراد تعرف هل البنية مااحسها شي عادي احسها جبل تخيل لو كل الاذية والقهر تتحكم بدموعها متخليني اشوف دموعها تكابر بكلشي احس اكو شي خلاها توصل لهيج مرحلة من القسوة رغم انو هي طيبة مع الكل بس داخلها تحس اكو بركان وقسوة بداخلها محيرتني تكدر ادافع عن نفسها وصلبة بس دائما تكون باردة بردة فعلها اتجاهي من اضايقها .. مراد... مممم كل هل التفاصيل عرفتهن بيها وانت تكرها لو تحبها جان شعرفت .. والله يخوي اني داشوف انت بديت توكع 😂 وكول مراد مكال .. ليث.. 😒 اسكت يول اني مااوكع اكله اكرها وحاقد عليها يكلي وكعت صوجي اني احجيلك .. مراد.. هههههه لا لا لتعصب اهم شي اعصابك خليك بالكره وين رايحين ننتظر .. ليث .. 😒😐 .. صدك بعد 10 ايام اربعين غيث .. مراد .. الله يرحمة .. ليث .. اني باجر نزولي ويمكن اني بالاربعين يصادف التحاقي 😤 مراد .. ولايهمك ترهم وتحضر اربعين اخوك .. ليث .. ان شاء الله ...
............................................
في مكان اخر ...