عشق الجبال(فصلية) البارت 37
****************************
يوم جديد ... الكل مجتمع على الريوك .. ام شاكر ...باجر حبوبة تجي وياابو شاكر ولازم نجهز البيت الي بالمزرعة لان تعرفون هي من تجي ماتحب تكعد هنا تحب اجواء المزرعة .. زوجة عمار نور... اي عمة نروح انظفة ونجهزة .. ام شاكر .. اي يمة كملن شغلجن هنا ورئ الغدا واحد من الولد ياخذوجن اجهزن البيت .. نور .. صار عمة .. وصال .. التفتت علئ ملاك .. اكولج ملاك منو حبوبة .. ملاك... حبوبة بدرية هاي اصير عمة ابوية وعمامي عمتهم اخت ابوهم .. عايشة بالنجف ويا ولدها بس كل فترة تجي عدنا تكضي فترة وتروح مرة خيرة وكلمتها ماشية علئ الكل .. هسة اشوفيها راح تحبيها .. وصال .. ان شاء الله بس والله اشوقت اشوفها حبوبة بدرية ...ليث .. اني بعد يومين التحق مراح اشبع من حبوبة وسوالفها .. فرحة .. لاهي باقية مطولة هنا تشبع منها .. ليث .. اي خوش طمنتيني ...
***************************
في مكان اخر ...
**************
رائد ..اريد اتصل على كرار حتئ اعرف اخبار وصال بس شلون اوصل اخبار لوصال بان خالد دايلعب لعبة قذرة بالشركة وعمي عدنان صحتة موتمام حتئ اكولة ومازن حاير مثلي مايعرف شلون يصرف لامااكوللها هي بيا حال حتئ اكوللها لازم الكة حل اوكف خالد عد حدة الشركة راح تفلس هسة خلي اسئل على وصال ..
رائد 📱السلام عليكم
كرار📱وعليكم السلام هلا برائد
رائد 📱 هلابيك حبيبي شلونك شخبارك
كرار📱 الحمدلله انت شلونك
رائد 📱 ماشية وصال شخبارها كلبي طاك عليها
كرار📱الحمدلله زينة سايكة علية مشيتني على الصراط المستقيم
رائد📱 ههههه هاي شنو شمسويتلك
كرار📱 لازمتني ادرس بية ماكو نومتي بوقت وكعدتي بوقت والكل مأيدها وطابكين وياها
رائد📱 يحبيبتي ماطول لزمتك وصال الااجيب معدل بي حظ هاي وصال منتخلي شي براسها اذا متسوي ههه كرار اطلب منك طلب
كرار📱 اي ابشر
رائد📱كفو منك دزلي صورة من ارض الحدث خلي اشوفها گلبي طاك عليها ...
كرار📱 اي ابشر
رائد📱فدوة لگلبك والله البيت كلة يريد يطمن عليها
كرار📱 (*****)
رائد📱 سودة علية ليش ضعفانة هيج ..
كرار📱 يمعود اكلها كلش قليل متاكل ..
رائد📱 وصال متاكل اكل دسم تحب كص دجاج تحب بيتزا هيج شي خو الكيك الجاهز بالكريمة البيضة تعشقها ..
كرار📱 هههه خوش لعد كلتلي حتئ اجيبلها
رائد📱 فدوة لگلبك كرار دير بالك عليها
كرار📱 امن واطمن وصال بعيوني
رائد📱حبيبي ماتقصر ...ونهو الحديث
***************************
فرحة...ياله نور وملاك وزهراء حضرن نفسجن حتئ تروحن للمزرعة .. وصال...عمة خلي اروح وياهم عاجبني اشوف المزرعة واساعد البنات .. فرحة .. بكيفج حبيبتي اذا تريدين تروحين ماعندي مانع بس كولي ليث ..وصال.. بلعت ريكي من وصلت اكول ليث .. كلت خلي اجرب صعدت لغرفتة ودكيت الباب 🚪 ليث ..تفضل ... وصال ..فتحت الباب ودخلت صدمني منظر ليث لابس بجامة بس وصدرة عاري تماما ملابس غير البجامة وشعرة ينگط مي والمنشفة بيدة يريد ينشف شعرة من شافني ضل صافن علية واني صافنة علية .. ليث ...ااحم اعرف اني حلو وادوخين من اشوفيني ..وصال.. بلعت ريكي ..لا مو هيج بدون قصد صفنت بغير مكان .. ليث .. تقربت عليها بشنو صفنتي وصل يمها دفع الباب وسدة... وصال ..جفلت من سد الباب هاي ليش سدة .. ليث ...الجو بارد وتوني طالع من الحمام ...وصال...عزة وكأنو يقرأ افكاري ...هاا اي ماكو مشكلة بس جيت اكولك اروح وياالبنات للمزرعة اساعدهم .. ليث ... اي روحي هو اصلا اني ومهند راح ناخذكم روحي جهزي نفسج ..وصال.. هاا اي تمام التفتت اريد افتح الباب انسحبت بقوة ..ه ه هااا شبيك شبيك ليث برتباك ...ليث... بس علمود هاي الشغلة اجيتي ...وصال .. عطرة يسحرني هاي شبية اني ...هاا مو ..ليث.. مو شنو احجي .. وصال.. حباب ليث عوفني خلي اروح ...ليث ...اشوفها مرتبكة من سجبتها علية تقربت اكثر خليت شفايفي قرب اذنها وهمستلها الله كريم اني اعلمج وبعدت عنها ...وصال...من سوة هيج ليث وانفاسة الحارة تضرب علئ اذني ورقبتي حسيت مثل الكهربا سرت بجسمي بس شيقصد بكلامة ابتعد عني واني بسرعة طلعت گلبي يدك بالدقيقة الف 😣 نزلت لغرفتي جهزت نفسي لبست صاية وذبيت شال وطلعت للبنات .. زهراء تعرفين منو راح ياخذنا .. زهراء .. منوو .. وصال ...مهند وليث ...زهراء ...يبااااوو يباااووو ...ملاك .. ها شبيها تلطم زهيرة .. وصال تضحك عليهن مابيها شي بس حبيب القلب راح يروح ويانا ...ملاك .. لابربج هاي الاخبار الحلوة ... زهراء ...والاخبار الموحلوة ليث هم راح يجي .. ملاك .. سهلة ليث تلهي وصال .. وصال ... شنوو منو تلهي منو ...ملاك ..اي ترئ هو زوجج تكدرين تلهي تحجين وياا بين مازهراء تحجي ...وصال ...اكلج من كل عقلج تحجين هو ليث تعبر علية هيج سوالف لو ليث اصلا يتلها ليروح ياذيتي بتصرف لو بحجاية مااتقرب ليث .. ملاك .. ممممم علينا ومنو البارحة المتحاضنين واحد لاطش بالثاني بالحديقة .. وصال ..😲 شمدريج ...زهراء .. هاا هااا انتو بزاكرو من وراية والله معلية هسة تحجلي اصاير بسرعة .. ملاك ...حبيبتي من طبينا جوة وهي بقت برا .. اجة حبيب القلب وطفت الكهربا وصارت المحاضن من اشتغلت الكهربا وهم نفس الوضعية هم كولي جذب ..وصال ..فاهمة غلط كل مابالموضوع اني عندي حاله هلع من الظلمة من طفت اني خفت وهو حاول يهديني .. زهراء ...ممممم حلوة حبيتها ...ملاك... واني هم حبيت ههههه .. وصال .. انجبن بلا كلام فاضي امشن ياله .. زهراء .. معلية مثل ماورطتني تحلنها اليوم مهمتج ليث ماطول ماكو احد غيرنا وصال حبابة .. وصال .. دمشن خلي نشوف شلون ترهم احنا دنحجي نزل ليث .. ليث .. ياله خلصتن مهند بالباب .. البنات .. اي مخلصين ...وطلعنا .. توجهنا للمزرعة .. وصال ..طريق يجنن كل زرع واشجار من اجيت فصلية مطالعة غير للمستشفئ ههههه مكان روعة وصلنا لمكان كلة اشجار ونخل وزرع جبير وبنصة بيت ماشاءالله فيلا مو بيت التصميم الخارجي لواجه البيت كله مرمر يجنن ..نزلنا انتبهت لمهند يباوع لزهراء وزهراء العوبة مارفعت راسها هههه والله اضحك جبانة .. اني بديت اجول بالبيت لان اول مرة اجي لهذا المكان حلو مأثث اثاث حديث حتئ ميحتاجلة تنضيف قوي .. ملاك.. وصال وصال.. وصال .. هااا شكو شبيج اصعدي فوك نضفي الفوك واخذي ليث وياج .. وصال .. انجبي اصعد انضف الفوك ليث شكو ماخذتة وياي وخري مني وخري .. زهراء .. ولجن امشن خلي انضف شفتن مهند اكلني بعيونة .. وصال.. اي شفتة ملعونة عبالي متدرين اثاري هي تباوع من جوة لجوة هههه .. ملاك.. اصعدي لطابق الثاني واني هنا الطابق الاول حتئ زهراء تحجي ويا مهند ياله عاد خلي نفضها .. نور .. ولجن شتخططن .. زهراء .. مانخطط شي خية بس اريد احجي ويااخوج الشفية اكو اعتراض .. نور .. هههه لاماكو امشي وصال نصعد لطابق الثاني .. ملاك.. صخامة وليث شلون .. وصال.. اني صاعدة .. وانتن فضنها ياله نور .. نور .. باوعت لملاك .. ممم افتهمتج ملعونة .. اي وصال روحي كدامي خلي اجيب بعد ماسحة وجاية وراج .. ملاك .. شلون نخلي ليث يصعد ورئ وصال .. نور .. خلنها علية .. انتشرن كل وحدة ع شغلة بين ماادز ليث لوصال 😉 .. نور .. ليث وينك مهند وينكم .. تعالو ساعدونا تعال مهند نزل البردات.. مهند .. ماشي .. نور .. ليث خوية بس اخذ هاي الماسحة لوصال فوك انت ويها بسرعة نشفو المي خطية بوحدها هاااك .. ليث .. دجيبي تالي عمري امسح .. نور .. ههههه ياله باجر عگبة متساعد وصال ابيتكم ... ليث ... دجيبي واني اكدر علئ لسانج .. ملاك .. والله سبعه حلتها بدقايق مممم خبرة ست نور .. نور .. هههه انجبي اريد افض هل السالفة مال اخوية وزهيرة .. ملاك .. انتي شمدريج اكو شغلة .. نور .. اني كلشي اعرف ياله امشي راقبي واني راح اراقب خاف ينزل ليث .. ملاك تمام .. مهند ... خلي اعرفكم على نفسي اني مهند 30 سنة خريج ادارة واقتصاد واشتغل اعمال حرة من سنة تقريبا خطبت بنت عمي عماد .. زهراء .. زهراء تعجبني من زمان بس مشكلتي مااكدر اصارحها لان اول شي بنت عمي وثاني شي علاقتي قوية بولد عمي وخاصتا ليث ومااريد اخسر خوتنا بسبب هيج موضوع ... يوم من الايام ابوية كال اخطبلك بنت عمك عماد شتكول .. بصراحة طرت من الفرح هو اني رايدها وهيج الله سهلي الموضوع بس بعد مااعرف البنية مجبورة علية لان ابن عمها مااعرف مشاعرها شنو ضال افكر بهذا الموضوع وخاصتا هي من لبسنا الحلقات حتئ صارت ماتحجي وياي. اجنبتني حتئ من اراسلها اسلم عليها بس على كد السؤال اجاوب واني مااضغط عليها لان مااريد اضوجها وهاي حالتي ويا زهراء لاحد ماقبل يوم راسلتني طرت من الفرح لان هي بادرت وراسلتني وسلمت علية وكالت اكو موضوع اريد احجي بي وياك .. اني القلق صار يقرأ عندي الف ... الف حسبة وحسبة اجتي ابالي معقولة تريد تكلي اني ماريدك شسوي بهيج حالة واني اعشقها بس اذا هذا طلبها جنت مقرر انفذة الها واتحمل المسؤلية ولااجبرها علية ...
****************************
انتضرو احداث جديدة بالبارت القادم لاتنسون التصويت والمتابعة حتئ نستمر احبكم 😘
لارين العامري
أنامل كاتبة
ماوصفنا شكل مهند هذا مهند
👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
عـشق الـجبـال (فصـليـة)
Ficción Generalالسلام عليكم ... تتكلم عن فتاة قوية گ الجبال تشاء الاقدار تذهب فصلية 🥺🥺 لاتخلو احداث القصة من التحدي والقوة والعناد والكبرياء ....
