عـشق الـجبـال (فصـليـة)

عشق الجبال(فصلية)

عشق الجبال(فصلية) البارت 20
..................................
ليث ... خاله ام سامر انتي مجازة هذا الاسبوع كلة ... ام سامر ... ليش بعد خالتك شنو راح تبطلون تاكلون منا لسبوع ... ليث... لاخاله مو جبنا خدامة وانريد نشوف امكانياتها بالطبخ ... ام شاكر ... لييييثثث ..😡 .. ام سامر .. خدامة شنو شو ماادري يمة ميخالف ابقئ وياها حتئ اعلمها اذا ماتعرف شي بس منو هاي الخدامة ... الكل متفاجئ ومصدوم  من كلام ليث .. ليث... هاي الفصلية هي الخدامة الجديدة ... ام سامر .. 😲 يايمة علئ بختك ليش اني حاسبني خدامة وبعدين هاي حرمتك مايصير يمة .. ام شاكر ... 😠 الظاهر اني مااعرفت اربيك زين بس الي كلام ثاني وياالشيخ .. وخلت وكامت بعصبية .. ليث... مابدا ايي ردة فعل على كلام امة .. ورد لأم سامر .. لاخاله العفو انتي منة وبينا بس انريد انشوف الفصلية ادبرها بيت الشيوخ لو لا ... ومااريد اشوف اي مخلوق غيرها بالمطبخ لان اذا شفت احد وياها بالمطبخ احسبو جنيتو عليها ... ام سامر .. بس يمة.. قاطعها ليث خاله اترجاج ارتاحي اسبوع وياجهالج السبت الجاي تعالي ... البقية سمعتو ... وخلة وطلع ... والكل صافن من تصرف ليث حتئ الكلام طار من لسانهم ... الكل مقابل على تصرف ليث ... فرحة.. يمة وصال .. وصال... نعم عمة .. فرحة .. انتي ادبرين الكال علية ليث لو... قاطعتها وصال.. على بختج عمة ليش ماجنت ابيت ومسؤلة لاتغرج الكشخة والاتكيت 😊 .. فرحة ... ولج وصال مو اكل لنفر لو نفرين تعرفين عائلة جبيرة وخطاطير كايمة كاعدة ... وصال.. ولايهمج عمة اني كدها بس دليني بغراض الطبخ وروحي .. وصال.. من حجة ليث  الحجي الفوك 👆 ضليت انظرله نظرات باردة اعرف هل النظرات تستفزة ورسمت على وجهي ابتسامة هادئة هو عرف معناها شنو..  يعني اني قابلة التحدي واني كدها لو شمهما حاولت وياي راح تخسر .. طلعت ام سامر هاي مرة تطبخ الاكل لبيت الشيخ طبعا بمساعدة العمة وزوجة عمار وزهراء .. لان طبخهم بكميات كبيرة لان بيتهم مايخلا من الخطار .. المهم بديت انظف المطبخ واغسل مواعين حتئ ابلش بالغدا كرار.. وصال وصال .. وصال ... هاعيني رايد شي .. كرار .. بماانو انتي اليوم راح تگضيها بالمطبخ اني والبنات راح نعزل الغرفة من الغراض الزايدة .. وصال.. ياعمري فدوة لگلبكم مااريد اتعبكم والله .. كرار.. اششش اششش ماكو تعب خلي نتوتس بيها ماطول ماعندي دوام .. وصال..  اوك واني راح اكمل الغدا .. فرحت من شفت  كرار وزهراء وفطومة وزوجة عمار وعمة فرحة. يرتبون بالغرفة ويطلعون الاغراض المومهمة من الغرفة ويرتبوها وينظفوها تعاونو عليها خلصوني من همها جنت شايلة هم شلون راح الحك .. بهل الاثناء ناداني  الخبل .. ليث .. وينج يافصلية تعالي بسرعة للغرفة .. وصال ... الله ماطولج ياروح ياربي الصبر منك ياصاحب الصبر 😤 ... صعدت ركض لغرفتة ... نعم.. شفتة فاتح باب الكنتور ومنزل الدشاديش كلها بالكاع 😐 .. ليث.. هاي الدشاديش كلها تنغسل وتنكوي قبل المغرب اريدهم كلهن جاهزات 🤨 .. وصال.. اليوم اليوم تريدهم صدك تحجي بعدين هن شبيهن .. ليث... اي اليوم اليوم وقبل المغرب اني اعرف شبيهم .. وصال.. بس تعرف اليوم عندي طبخ وناس جاية ... ليث... لاااا اجادلين نفذي الكتلج علية بسرعة .. وصال... استغفر الله اخذت الملابس وطلعت من الغرفة يمكن 10 دشاديش والله كلشي مابيهن وحتئ ريحتهن تخبل بس هو حقير ولئيم يريد بس يقهرني ويتعبني سهلة ياليث سهلة والله مااخليلك مجال تستفزني 😤 لاكتني عمة فرحة .. هاي شنو يمة وصال.. وصال .. دشاديش ليث حكم الاهسة ينغسلن وينكون وقبل المغرب يكونن جاهزات .. فرحة. 😲 لاهذا تخبل رسمي مايدري الطبخ عليج وبوحدج وناس جاية .. فطومة  .. وصال حبيبتي جيبي الملابس وروحي كملي غداج وتلكيهن جاهزات لاتخافين بالسر 😉 .. فرحة .. اي يمة ياله انطيهن لفطومة ومشي للمطبخ واي شي اني يمج .. وصال.. ابتسمت وفرحت من ردة فعل عمة وفطومة نطيتها الملابس وتوجهت للمطبخ وعمة فرحة وجهتني شنو لازم اطبخ وبلشت بالطبخ من الساعة 9 الصبح عمتي تجي اساعدني بكم شغلة بسيطة وتوجهني وتروح لأن ماتكدر بسبب ليث خاف يأذيني لان نبه على الكل .. طبخت تشريب لحم وتمن برياني وشويت دجاج وسلطات ولبن وطرشي وخضراوات كلبتها كلب 😁🤭 اجتي عمة فرحة. اكلج وصال .. وصال.. هاعمة .. هاي سعاد زوجة اخوية وبنتها رحاب هذني مسمومات ديري بالج منهن زين يمة... وصال .. صار عمة لايضل بالج .. سعاد.. ام شاكر وين شو ماموجودة ياااهاي منو بالمطبخ الفصلية .. عاد تعرفن توكفن بالمطابخ بنات بغداد لو متعلمات على الجاهز ... فرحة .. علئ كيفج ام محمد الناس تسلم وبعدين ام شاكر بغرفتها وهسة اتشوفين طبخ بنات بغداد... سعاد .. عوجت حلكها. خووش خلي نشوف .. وخلت وطلعت .. باوعت على عمة فرحة وهزيت راسي بمعني هاي منو .. فرحة ... هاي الحية ام محمد زوجة اخوية هسة تجي الحية الثانية بنتها 😂 .. ضحكنا اني وعمة فرحة بس على الصامت.. فرحة اروح اشوف وين وصلو بالغرفة مالتج .. وصال.. جزاكم الله الف خير عمة مااعرف لوماانتو جان شلون حالي .. رحاب... اجيت لبيت عمي الشيخ واني ميتة من القهر لان حب عمري وطفولتي ليث اخذ الفصلية مااعرف شنو الي تغير جان رافض ياخذها وع اساس ياخذها حسين ابن عمي بس غير رئية ليث وهو الي اخذها ميتة من الحركة والنار البكلبي والله يلفصلية الا احول حياتج جحيم ماكو وحدة تشاركني بليث ليث الي وبس 👿 .. وصال.. هاي الي اسمها رحاب كل شوية ذابتها حجاية واني مغلسة منها لان مابية ارد عليها من التعب الله يلعنك ياليث .. طلعت من المطبخ ورحت حتئ اشوف الشباب وين وصلو .. تفاجئت من شفت الغرفة ..🥹 هاي شمسوين وين وديتو كل الغراض البيها .. كرار... ههههه شمرناهن بالزبالة 😁 وصال... يااا هههههه والله تعبتكم مااعرف شلون اجازيكم .. زهراء .. لاحبيبتي اصلا احنا نشكرج خليتينا نلتهي بغرفتج ومانشوف الحية وبتها 🤭 .. الكل ضحكو .. رحاب... ضحكونة وياكم وهاي شنو  الفصلية مسويتكم خدم تنظفون غرفتها شوصارت بالعكس .. كرار.. رحااااااب 😠 احترمي نفسج وصال زوجة ليث زوجة اخونة وبعدين اذا منخدم ام غيث نخدم منو 🙂
نكمل الاحداث بالبارت القادم لاتنسون التصويت والمتابعة احبكم 😘