عـشق الـجبـال (فصـليـة)

عشق الجبال(فصلية)

وهذا البارت لعيون المتابعين ماكدرت ابقئ ورئ العيد ياله اكتب وتدللون ياغوالي ♥️
************************
عشق الجبال(فصلية) البارت 43
............................................
رحاب ...انصدمت من سمعت وصال حامل لا لالا ليش هيج ليث ليششششش شلون وشوكت صار هيج اااهئ اااهئ شلون ياربي شسوي مستحيل اخلي الفصلية تاخذ ليث مني ليث الي ومايصير لغيري بسيطة لازم اتخلص من هذا الطفل لازم بس شلون ياربي اااخ كل مازالها تصعب علية بس مااستسلم ليث الي يعني الي ايامج معدودة يافصلية اني الج ...
****************************
وصال .. كلها فرحانة بخبر حملي بصراحة اني جنت مااريد اصير حامل بيوم من الايام بس من صرت حامل احساس جديد انخلق بداخلي صح خايفة من تاليتها واكول شراح يصير من اولد صدك راح ياخذ الطفل مني ويطلكني لو راح تتغير الامور معقولة عمي ابو شاكر يقبل بهيج ظلم لو معقولة ليث يكون بهل الحقارة توصل بي يحرمني من ابني ياربي خوف وقلق وتوتر من المجهول شنو مضموم الي التفكير بهاي الامور كلش دايتعبني واجهد نفسي بالتفكير ...ياربي انت تسهل الامور لاتخلي عبدك الضعيف بهاي الحيرة .. كرار.. وصال وصال ...وصال .. هاا شبيك اصاير .. كرار .. لاماكو شي بس هذا رائد يريد يسلم عليج ويباركلج .. وصال.. يالله اني شكتلك كرار موكتلك لاتتواصل ويااحد من اهلي حتئ لااصير مشكلة مالنة حيل مشاكل والله مابية حيل اتمشكل وياليث .. كرار .. هسة انتي ليش تفاولين بالمشاكل محد يعرف بس اهلج يريدون يطمنون عليج وهذا الشي من حقج وحقهم واصلا اني اريد احجي وياابوية بهذا الموضوع ترئ مصايرة ولادايرة .. وصال .. لالا دخيلك لاتحجي لعمي كرار افهم اني فصلية والفصلية بعد تنسئ اهلها 🥺 .. من دون كلشي دشوف مشاكلي وياليث مستمرة وهسة اني موحمل مشاكل تعرف وضعي شنو كرار هسة اكو طرف ثالث بالموضوع وهو هذا الطفل .. كرار .. وصال لاجيبين طاري الفصلية اني مااحب هاي المسميات وبعدين تعرفين ابوية مايقبل بالظلم .. وصال .. اعرف والله اعرف بس انت هم تعرف ليث وطبعة .. كرار .. هسة تعالي لغرفتي اني صاعد قبلج حتئ تحجين وياهم .. لان هنا خاف احد يسمع ..وصال .. تمام بس كرار هاي اخر مرة اني مااريدك تتاذة بسببي ..كرار .. ماشي الله كريم ياله لاتتاخرين لان خطية كلهم ينتظرون .. وصال .. ماشي روح واني لاحكتك .. رحاب .. جنت اتسمع لكرار وصال وسمعت كل حجيهم .. اصلا اني جنت شاكة بكرار من زمان عندة شي لان جان دائما ياخذ صور لوصال بدون ماتدري ويدزهم مااعرف لمنو لاحد مامرة جنت واكفة ورئ وهو كاعد بالمرجوحة وشفت ديتراسل وياواحد اسمة رائد ودزلة صورة لوصال .. من بعدها ضليت اراقب بكرار .. هههه وهسة الطوبة بملعبي ... اني كرار مااحبة من اساسة لان غثيث وياي حيل اعرفة لايحبني ولايطيقني واني نفس الشي وهاي فرصة ائذيهم ثنينهم هم كرار وهم الفصلية هه ...وصال ...صعدت حتئ احجي ويااهلي من تلفون كرار الحمدلله ليث طالع وعمي وعمتي بغرفتهم والبنات بغرفهن يعني العائلة كل واحد بغرفتة بعد مافضينا العشا تفرقو .. صعدت بس گلبي يوجعني معصور شلون راح احجي ويااهلي .. دخلت لغرفة كرار .. كرار .. هاا خوية وصال جاهزة .. وصال .. بلعت ريكي ان شاء الله .. كرار .. اتصل كامرا علئ رائد .. بسرعة رائد فتح خط ...
رائد.📱 ها كرار حبيبي شلونك
كرار📱 الحمدلله هسة عوفك مني بعدين نحجي اني وياك الوقت ضيق خاف يجي احد هاااك هاي وصال
رائد📱 ماشي وينها
وصال📱 الو ه ه هلو رائد شلونك
رائد📱 يابعد روح رائد ولج خوية وصال شلونج وشلون صحتج ولج كلوبنا طاكة عليج
وصال📱 بجي .. ياعمري بعد روح اختك اني زينة انتو شلونكم ابوية شلونة منال شلونها وعلوش مازن عمتي والكل شلونهم
رائد📱 احنا زينين ويبجي بس ناقصنة وجودج هذا خالي يحاجيج
وصال📱 وينة انطينيا وهي تمسح دموعها حتئ مايشوفهن ابوها
ابو مازن 📱بنيتي وصال ياوصال روحي شلونج باباتي شلون صحتج
وصال📱 حبيبي بابا مشتاقتلك اني زينة انت شلونك صحتك شلونها (ماسيطرت على دموعها بهذا الموقف )
ابو مازن 📱 ياروحي لاتبجين احد ماذيج لاتوجعين گلبي
وصال📱 لابابا محد مأذيني كلهم زينين والله لايضل بالك يمي بس اهتم بصحتك اني اكون بخير
ابو مازن 📱 هم ماسيطر على دموع الحنين والاشتياق لبنتة باباتي اعرفج قوية وسمعت راح اتصيرين ام الف مبروك بنيتي ...
وصال📱 بعد روحي الله يبارك بيك تعرف اني استمد قوتي منك من اعرف انت زين اني اصير زينة
ابو مازن 📱 هاي منال خبلتني تريدج
وصال📱 وهي تبلع ريكها من غصة الدموع وينها انطينياها ..
منال📱 وصالي امي وحبيبتي مشتاقتلج ياروحي
وصال📱 منول بنيتي ياروحي اني اكثر مشتاقتلج شلونج وشلون دراستج يروحي ..(وثنينهن يبجن)
منال📱 اني زينة بس ناقصني وجودج ويانا ونصير عال العال ودراستي زينة بيها لاتشيلين هم ..
وصال📱 الله كريم يروحي سمعت بعد اقل من شهر عرسج ليش مستعجلة وانتي بعدج كلية وسنة اولئ خاف الزواج يأثر على دراستج
منال📱 والله جنة متفقين بعد سنتين بس مااعرف فجئة كال لانقدم العرس شنو السبب ماعرفت وكال يمي اداومين تعرفين هو اخر سنة اله ويتخرج فتحدد العرس بنهاية هذا الشهر اكون مكملة امتحاناتي
وصال📱 ان شاء الله حبيبتي وشايفة الخير
منال📱 وصال انتي وعدتيني تركصين بعرسي راح توفين بوعدج الي اني مااتخيل نفسي انزف وانتي ماموجودة
وصال📱 بحصرة وقهر ان شاء الله اركص بعرسج واشوفج من تنزفين وهي مستمرة بالبجي والشهكات
منال📱 وعد
وصال📱وعد
منال📱 هذا علوش يريدج
وصال📱 وينة كلبي طاك علية
علوش 📱 يبجي بحركة وصال حبيبتي شلونج ياروحي
وصال📱 علوشي يابعد روحي اني زينة انت شلونك مشتاقتلك
علوش📱 كلة بسببي انحرمو منج اني مااسامح نفسي وصال اني داموت من القهر
وصال📱 اششش لاتحجي هيج وربي ازعل منك اني زينة وكلهم زينين ولاتلوم بنفسك علي شد حيلك اريد معدل يرفع الراس انتبه لدراستك زين ياروحي
علي📱 صار انتي انتبهي لنفسج ومبروك علئ البيبي راح اصير خال يفدوة رحت اله ولأمة
وصال📱 حبيبي يبارك بيك يااحلا خال
وصال حجت وياعمتها عفاف وسلمت علئ بنت عمتها والكل باركولها على الحمل
وصال📱 رائد فدوة لاهواي تتواصل وياكرار مااريد اصير مشكلة لكرار بسببي
رائد 📱 لا اطمني احنا منتراسل على طول بس انتبهي انتي لنفسج ياله مع السلامة
وصال📱 الله وياك ..(ونهو المكالمة)
وصال عيونها ورمن من البجي وارتاحت من شافت اهلها واطمنت عليهم التفتت لكرار لكتة عيونة حمر الظاهر جان يبجي ويانا ..وصال... شكرا كرار مااعرف شلون اشكرك بس والله اني خايفة عليك .. كرار.. لتخافين اهم شي عندي اطمنتي على اهلج وهم هم اطمنو عليج حتئ لو ليث يذبحني مايهمني .. وصال ...عنودي ومجنون... كرار... هههه هاي هسة ياله عرفتي .. وضحكو ثنينهم .. طلعت وصال وراحت لغرفة ليث تعرف انو ليث بعدة مرجع للبيت راحت للعطور ليث وبدت ترش من العطر الي تحبة وتشمة بقوة وطلعت تيشيرت لـ ليث وبدت تشم بي .. هسة بس اريد اعرف هاي الحالة الجايفة شنو اني ليش اريد ريحتة وبقوة عزة خاف مسويلي سحر ترست التيشيرت عطر واخذت التيشيرت وتوني اريد اطلع انفتح الباب وليث بوجهي شافني ورفع حاجبة هااا شسوين هنا .. هاي شنو العطر تارسة الغرفة بي .. وصال.. اجمدت ابمكاني موقف جايف اجيف من حالتي ..ه ه. هو ماسوي شي بس ورفعت ايدها وحكت خدها بحيرة شتكلة .. ليث .. رجعت من برة وصعدت لغرفتي وتفاجئت بوجود وصال بغرفتي بين المستغرب من وجودها وبين فرحت بس تارسة الغرفة من عطري وشايلة تيشيرت مالتي بيدها من شافتني ارتبكت ومن سئلتها ضلت ماتعرف شتحجي .. تقربت عليها شبيج كمتي مااجمعين الحجي وشبيهن عيونج هيج حمر شنو باجية .. وصال .. جمد الدم بعروكي من كالي شبيهن عيونج حمر شنو باجية .. وصال.. لا ليش ابجي بس غسلت ودخل بيهن صابون .. ليث .. هممم زين شسوين بغرفتي وغمزلها شنو اشتاقيتي للغرفة وهذا التيشيرت شيسوي بيدج .. وصال.. تعصبت علئ شنو اشتاق لغرفتك كل مابالموضوع اني تلعب نفسي واتقيئ وهذا العطر بالذات يهدئ وضعي .. ليث ... اوووف اووف شفتي حتئ ابني يريد عطري يريد ابو عمي ... وصال.. للللللييييث 😠 .. ليث .. ضحك وضحكتة الرجولية الي اتجنن شبيج عصبتي مو زين عليج حبيبي العطر والتيشيرت وصاحب العطر والتيشيرت كلهم فدوة الج بس انتي اشري وهو يحجي ويضحك ويغمزلها.. وصال .. تنرفزت من كلامة اني روحي داتطلع كوة مسيطرة على نفسي مااعرف شبية بنفسي احضنة اوضل اشم بي خلي اطلع احسلي .. دفعتة شو وخر انت مزاجك رايق واني روحي داتطلع وعفتة ونزلت بسرعة ورحت لغرفة عمتي فرحة اريد استفسر على هاي حالتي .. دكيت باب غرفة عمة فرحة .. فرحة .. منو تعال .. وصال..عمة اني وفتحت الباب .. فرحة.. هايمة بيج شي يوجعج شي .. وصال.. لالا عمة مابية شي بس اجيت اسئلج كم سؤال واروح .. فرحة .. اي بعد روحي اسئلي.. وصال .. خجلانة ه ه هو عمة اني من قبل مااعرف اني حامل .. فرحة ...اي .. وصال .. عمة احب اشم عطر ليث بالذات وعطر ملابسة من اشم عطرة وملابسة عمة معدتي تهدأ وكلش ارتاح شنو سبب هل الشي راح اتخبل وكلش خجلانة من هذا الشي... فرحة ...ههههههههه والله ضحكتيني يايمة هاي من الزينات .. وصال.. عمة عليج الله بلا شقئ احجي شنو معناتها .. فرحة .. وهي تضحك هذا وحام اكو بيهن بالوحام يكرهن رحية الرجال تلعب نفسهن منة واكو بيهن لا يتوحمن على ريحتة من غير التشتهي اكلات معينة .. وصال... ياعزة يعني اني اتنسئ على ليث وعطرة صخام الصخمج وصال .. فرحة .. ليش يمة قابل هو بيدج الطفل يريد ريحة ابو .. وبعدين هذا شنو الشايلتة بيدج .. وصال.. انتبهت عزة هذا تيشيرت ليث اخذتة من كنتورة خوما كل شوية صاعدة اروح اشتم وضحكت باله هاي هم تنسئ خرب بحضج وصال. فرحة .. ههههه وبعد وبعد تصيرين حتئ تشتهين قربة .. وصال.. اي عمة هسة هو كبسني بغرفتة اشتهيت احضنة كوة تماسكت روحي تحجي بصوت ناصي لعمتها ..فرحة.... هههههااي الله يلعن شيطانج ياله بلكي هل الطفل يكسر الحواجز .. وصال.. اخذت نفس بحصرة وزفرتة شيكسر ياعمة هو احتمال ياخذة مني لان هو كالي اذا تريدين تطلكين وتتخلصين مني جيبيلي طفل .. فرحة .. هاي عود انتي الذكية الفاهمة وصدكتي كلامة وصال ليث يريد يتمسك بيج بالطفل افتهمي .. وصال ... باستغراب يتمسك بية بالطفل .. فرحة .. اي وياله روحي نامي وارتاحي لااضلين تسحبين حجي مني امشي امشي .. وصال .. ماشي رايحة .. طلعت من غرفة عمتي فرحة واني افكر بكلامها يعني شنو هو ميريد يطلكني معقولة يريد يربطني يمة بالطفل اي ليش مايحجي ليش هيج يصرف اذا هو رايدني لالالا وصال اصحي هو معتبرج عدوتة كولي يذلني بالطفل اي .. هووووف هسة ياعمة خربطتي كل افكاري بهاي سالفتج ..