عـشق الـجبـال (فصـليـة)

عشق الجبال(فصلية)

عشق الجبال (فصلية) البارت 18

وصال⬅️ بعد مااستاذنت منهم وصعدت حتئ ارتب اغراضي وارتاح لان كلش تعبت من الطريق والاحداث الصارت .. نزعت الصاية واني جنت لابسة جواهم بنطرون قماش اسود وبلوزة هانيك .. ذبيت تكرمون حذائي لان كلش تعبني من الصبح لاحد هسة الساعة 6 المغرب طبعا الجو شتا توجهت ع جنطي ردت اطلع شي مريح البسة وكلت اعزل ملابسي واسبح فد مرة صافنة على الكنتور وين اخلي ملابسي وهو تارس الكنتور ملابس تخصة. بهل الاثناء محسيت غير الباب انفتح بقوة التفت واشوف ليث والشر يطاير من عيونة ... ليث⬅️ بعد مراحو اهل الفصلية وضلينا بالمضيف اني واخواني وياالوالد وعمامي ولد عمامي لساعة 6 الاربع بدت تخف وبدو ينسحبون واحد بعد الاخر اني تعبان جاي من طريق من دوامي وبلشت الاحداث ف مانمت ولاارتاحيت وبالي يم الفصلية لازم ابدي بفعالية گ بداية ليومها استاذنت من ابوية واخوتي وطلعت من المضيف توجهت للبيت تلكتني عمتي فرحة .. هلا يمة شلونك ..ليث⬅️ هلا بالغالية الحمدلله ماشية لعد الحجية وين .. فرحة⬅️ بغرفتها جانت اصلي.. ليث⬅️ لعد اخلي اروح اشوفها ماشفتها من الصبح .. فرحة⬅️ اي عمة روح ..  ليث ⬅️ صدك عمة لعد وينها الفصلية .. فرحة... عمة شنو فصلية هاي مرتك صارت صيحها باسمها موحلوة هل الكلمة تعور الگلب..  ليث ⬅️ 😒 بس هي فصلية مومرتي .. فرحة .. يهووو من تعاند البنية فوك بغرفتك .. ليث... بغرفتي وشسوي بغرفتي .. فرحة ... لعد وين مكانها غير بغرفتك .. وخلت ومشت عمتي واني عيوني صارن بگصتي حتئ امي مادخلت اسلم عليها صعدت ركض لغرفتي فتحت الباب بقوة وجان تلتفت الخانم وهي جانت فاتحة باب الكنتور وتتفرج مااعرف على شنو .. ليث... انتي شسوين هنا هااا منو سمحلج تدخلين غرفتي بعصبية 😠 .. وصال... دخل مثل الثور الهايج وعروكة باينة وقبضة ايدة مبينة دماراتة .. شسوي غير هم كالولي اصعد لهاي الغرفة .. ليث..  تحجي بكل برود تقربت عليها ودفرت جنطتها برجلي منو الي كلج حتئ كلولج هااا بصياح .. وصال...  الحجية وعمة فرحة ... ليث.. تقربت عليها بعصبية سحبتها من زندها بقوة شوفي خلي اكلج الكلمة الاولئ والاخيرة عليج بهذا البيت هي مني اني سمعتي يافصلية وخاف عبالج عقدت عليج صرتي مرتي لامتوهمة اصلا مايشرفني وحدة مثلج تكون مرتي انتي خدامة بهذا البيت وبسسس مفهووووم .. وصال.. تقرب علية بعصبية وسحبني من زندي قبضة ايدة عبالك وحش وحجة الكلام 👆 الفوك طبعا مابينت اني دااتوجع تحملت لان وجعت قبضتة مو بحجم وجع گلبي وجع الكلام الكاله لزمت ايدة حتئ ابعدها عني واني خاله عيني بعينة اول شي بعد ايدك تكدر تحجي وتطلب الي تريدة بدون هذا التصرف وثانيا اني مااجيت برغبة مني لغرفتك وثالثا والاهم اني اعرف نفسي فصلية واعرف شنو مكاني هنا ولاتصور راح اتعدة حدود تصورك وتصوري ورابعا اني مايهمني تشرف بية اولا لان سبق وذكرت اعرف شنو موقعي هنا كلي وين اروح واني ماابقئ بغرفتك لاعبالك ميتة لوكاتلة نفسي على بقائي بغرفتك ..  ماحسيت غير صفعة قوية وكعتني للكاع .. ليث..  خلت عينها بعيني وحجت الكلام الفوك 👆 زاد حقدي وزادت عصبيتي مااعرف شنو من صلافة وعيونها مابيهن ذرة خوف مني ولا رمشت جنها جبل صفعتها وخليتها توكع تقدمت عليها وجريتها من شعرها وسحبتها خارج الغرفة وضليت اسحل بيها من شعرها من الطابق الثاني لجوة وهي تقاوم تريد تحل ايدي من شعرها واني لاحياة لمن تنادي الكل طلع على اصواتنا .. تقربت عمتي فرحة .. ولك يمة شجاك شبيك وياالبنت .. عمة لاتتقربين خليج بعيدة فصليتي واني حر بيها .. كرار .. اجيت اركض على صوت ليث واشوفة يسحب وصال من شعرها من فوك نزلها سحل لاحد جوة ومستمر يسحل بيها تقربت عليه شبيك ليث ليش هيج مو البنية راح تموت بيدك حلها شو حلها شسوت حتئ هيج داسوي .. ليث .. كرار وخر من كدامي اني ماتجي مرة تحجي وياي بخشم يابس الكل اجة على صياح ليث وكرار اخذتها لغرفة عدنا جوة الدرج مليانة غراض قديمة فتحت باب الغرفة ودفعتها بيها وكعت على الارض هذا گبرج انتي مجرد خدامة وهاي الغرفة هواي عليج سمعتي وركع الباب حيل ...  ام شاكر ..  عفية عليك عفية يبن بطني هاي تربيتي. الك هااا تتكاوة على مرة اني شحجيت وياك شكتلك ماكتلك البنت مالها ذنب ماكتلك كل الصار لابيدها ولابيد اخوها هسة انت مرتاح من سويت هيج حسافة تربيتي بيك حسافة وخلت ودخلت غرفتها .. فرحة .. ليش هيج ابني البنية توها طبت بيتك وداست ابساطنا هاي تربات الشيوخ واخلاقهم .. ليث .. عمة .. قاطعتة اششش لاتكول عمة لاتبرر لان ماكو اي تبرير لتصرفك ادعي ربك مايسمع ابوك وخلت وراحت ... ليث .. كرار تعال اخذ زبالتها نزلهن الها ماريد اي شي يخصها بغرفتي ..  كرار.. بدون ماارد علية صعدت لميت الجنط ولكيت وحدة من الجنط منثرة بالكاع لميتهم ونزلتهم لغرفة وصال .. دكيت باب الغرفة .. وصال.. منو .. كرار .. اني كرار خوية جبت غراضج هذني بالباب .. كرار خليتهم ورحت ماردت اشوفني او اشوفها وتنقهر بالزايد لواني اعصب من اخوية اجفيت الشر وطلعت من البيت .. وصال .. فتحت باب الغرفة واخذت اغراضي ..احس جلدة راسي انشلعت من مكانها راسي صار يوجعني مانزلت دموعي عاندت دموعي بس غصة بگلبي ونار مالها حد .. اباوع للغرفة كلها غراض قديمة صايرة مثل المخزن وكلها تراب اااوف ياربي صبرني وانطيني القوة .. بهل الاثناء انفتح باب الغرفة التفتت وجان اشوف عمتي فرحة .. ابتسمتلها .. فرحة .. تعالي عمة جيبي ملابس حتئ تسبحين وتغيرين واليوم تنامين يمي بغرفتي تعالي غرفتي بيها حمام ...والصبح انرتب هاي الغرفة وانظفها ياله .. وصال.. بسس .. فرحة قاطعتها بدون لابس ولاشي ياله طلعي الج ملابس حتئ نروح لغرفتي .. وصال.. صار .. طلعت دشداشة سودة فانيلة لان هم لابسين اسود واصلا اني من وفاة حسام لحد هاي الحظة اني اكثر لبسي اسود والوان غامقة .. واخذت منشفة وجيت اطلع علبة الشامبو .. وعمتي فرحة كالت .. اي مو اني كدامج اغسل بتايت دذبي هاي العلبة من ايدج ترئ حمامي مجهز من كلشي حمام عزبة بعد وضحكت .. ياله سدي الباب ومشينا .. وصال.. ضحكتني عمتي بسوالفها رغم وجع گلبي وجع روحي ..
نكمل الاحداث بالبارت القادم لاتنسون التصويت والمتابعة احبكم 😘