عـشق الـجبـال (فصـليـة)

عشق الجبال(فصلية)

تكملة للبارت الرابع من عـشق الـجبـال (فصـليـة)
............................................
مشت الايام بين دوام وتجهيز الاغراض ورتبت
الغرفة وصارت اجنن وصرت الاشياء الي نشتريها كبل نرتبها بالغرفة بس بقئ ينزل حسام حتئ نعقد طبعا اتصالات حسام كلش قليلة المكان الي هو بي شبكات ماكو بعد 3 ايام لنزولة واني كلبي مامرتاح مااعرف ليش وامي منا صحتها موتمام ...
وصال .. حسام من البارحة ماكو لااتصل لامسج حتئ اتصل علية مااحصلة ضل بالي ان شالله المانع خير اتصل علئ خالتي اسئلها تكلي ماكو مااتصل واليوم يجر يوم وحسام لاحس ولاخبر وصار وقت نزولة ولليل وحسام ماكو بديت اقلق اكثر الكل باله مشغول مايعرف شي عن حسام ..
غسان ⬅️ اني باجر رايح لدوامة اسئل عنة .. ام غسان ⬅️ يمة خابر جماعتة هم غير طالعين واجب يايمة بعد ماتحمل ربي لاتفجعني بواحد من ولدي اخذت ابو بيتي لاتفجعني بولدي 😭
غسان ⬅️ يمة صلي ع النبي تلكين شبكات ماكو هو موكال اخر اتصال لايضل بالكم اذا اتاخرت بالاتصال لان شبكات ماكو اني طالع من الصبح لمقرهم .. ام غسان ⬅️يمة لاتروح وحدك اخذ مازن وياك فدوة .. غسان صار يمة هسة اتصل بمازن واتفق ويا ..
وفعلا اتصل غسان ع مازن واتفقو وطلعو ثاني يوم لدوام حسام حتئ يسئلون علية ... الكل اعصابة نار وندعي يكون كلشي بخير حتئ بيومها حيل مابقئ بية حتئ لدوام مرحت ... وتمر الساعات مثل السم الانتظار يموت ...
تتوقعون شنو صار نعرف بالبارت الجاي
لاتنسون التصويت ادعموني بتعليقاتكم الحلوة 😘😘