عـشق الـجبـال (فصـليـة)

عشق الجبال(فصلية)

شلونكم حبايبي اعتذر عن التاخير بس تفاعل ماكو والواهس يتخربط من ماكو تفاعل ومنا صيام وهذا البارت لعيون الي يقرون احبكم ياله نكمل روايتنا ❣️🌺
******************
عشق الجبال(فصلية) البارت 36
****************************
كل الحجيتة جذب .. مشتاق وعيونك .. كل كبرياء الزعل وقوتي بوقت البعد وصبري وحنيني برد.. مابردن وداعتك مااكدر بدونك صح خاب گلبي بس ترئ ماخيبت ضنونك 🍃 لـيث 🍃
****************************
ليث ... تجاهل وصال الي مهسترني ومااعرف شلون اصرف وياها كل ليلة تطلع للحديقة وتصفن بالسما ومااعرف شنو تحجي معقولة تفكر بخطيبها وحنت لايامة حتئ وهو متوفي ياربي والله من افكر هيج احس حرگة بگلبي زين اني ليش مهتم طبها مرض ماتهمني وراح اجاهلها مثل مامتجاهلتني ... (طبعا حجي لسان ليث ديحس احساس غريب اتجاه وصال) ...
وصال والبنات كاعدات بالمرجوحة الجو حلو .. ملاك .. اي زهورة شقررتي بموضع مهند ؟؟ .. زهراء .. شقررت يمعودة واني لحكت اقرر شو المشاكل بالسرة .. وصال... اسم الله مشاكل شنو .. زهراء .. اقصد الصار وياج بسبب ليث وبعدها اربعين غيث ومالحكت حتئ افكر شسوي .. وصال .. ياعمري هسة احنا يمج انتي شنو تريدين بالضبط ؟؟ زهراء .. اريد اعرف يحبني ورايدني لو لان بنت عمة وعمي فرضني علية .. ملاك .. لنفرض عمي فارضج علية شنو اسوين .. زهراء .. عزة صدك شسوي هاا اي اني اكللكم شسوي اكول ماريدة ماادري مادري يبوو 🥺 .. وصال .. يووه ملاك شبيج معقولة رجال شكبرة شكدة ينفرض عليه امر بعدين هذا زواج مو يوم ويومين شوفي زهراء انتي صيري سباعية واسئلي ترئ الموضوع مو بهل الصعوبة الي مصعبيها ..زهرء .. اسئلة شكول ياربي والله حيرة ...ملاك .. زين سؤال بالله عليج زهيرة .. زهراء .. جواب 😒 .. ملاك ...انتي تحبي لمهند؟؟؟ جاوبي بصراحة حتئ نلكا حل .. زهراء .. اي احبة احبة من زمان وجنت اتمنئ يكون نصيبي واتمنئ يبادلني نفس الاحساس بس اذا هو مايحبني ومجبور علية شسوي اني كللي .. وصال .. اووف هي هنا المصيبة مانعرف شنو الي بالگلب .. زين باعي وصيري مرة بحياتج  قوية راسلي سلمي علية اول شي خلي نشوف يرد عليج بسرعة .. ملاك .. اي باله شوفي نشط بالواتس .. زهراء .. اخذت تلفوني ودخلت على الوتس .. شفتة نشط .. ولجن نشط شسوي هسة .. وصال .. اكتبيلة هلو .. زهراء ..يمة كلبي كام يدك بسرعة .. ملاك .. يووو شكد فاهية شو دجيبي خلي اني اكتب وانتي ضلي ارجفي اي وصال كليلي شكتب واني اكتب اذا انضل على زهراء ماتفض لباجر .. وصال .. ماشي اكتبي هلو شلونك وانتضري .. ملاك .. كتبت هلو شلونك ... ملاك بعد شكتب .. وصال .. احسبن خلي يشوفها هههههه طاحضجن ..ملاك .. اااي شافها شافها ودايكتب .. زهراء .. يمة عزة بعينجن خلي انهزم .. وصال .. انجبي واكعدي شافها بسرعة يعني بداية خير ههههه .. ملاك .. رد رد كتب هلا زهراء الحمدلله انتي شلونج .. شكتب وصال شواني هم كمت ارجف شنو السالفة .. وصال ...ههههههه خبال اي والله اكتبيلة الحمدلله زينة .. ملاك .. كتبت وشافها بسرعة كتبلي دومج بخير بنت عمي .. شكتب شكتب .. وصال .. اششش حولتني .. ملاك اكتبلة اششش .. وصال .. خرا انتي اشش مو تكتبين اشش.  اكتبيلة .. شكو ماكو شداسوي .. ملاك .. كتبت .. زهراء .. اني شعلية شدايسوي ولجن راح يوكف گلبي 😫 . ملاك .. اسكتي انتي. رد رد .. ماكو شي والله جنت طالع وياجماعتي وهسة اجيت دأگلب بالتلفون وراسلتيني .. وصال .. اكتبيلة اذا مشغول ومعطلتك اخذ راحتك ... ملاك .. كتبت .. زهراء .. يافلك بشنو مشغول مشعول الصفحة .. وصال .. زهراء هي. كلمة ونكولها خلي نشوف شيرد عليها بس انطي مجال .. ملاك .. رد رد يكول لاماعندي شي .. وصال .. شفتن يعني الولد يريد يبقئ يحجي ويا هل الثولة . ملاك اكتبيلة اريد احجي وياك بموضوع يخصنا .. زهراء .. لالا ولجن موضوعيششش. صخام 😣 .. ملاك .. كتبتلة .. رد يكول اي احجي اسمعج اتصل بيج لو تكتبين .. زهراء .. يايايا عزة ورطتني هسة منين اجيب موضوع ...وصال ...اشششش خلي نفتهم ملاك اكتبيلة ماينحجي لاكتابة ولااتصال .. ملاك .. كتبت .. زهراء .. صخام الصخمجن وصخمني لاكتابة ولااتصال لعد شلون احجي .. ملاك وصال رد واحد وجه لوجه .. زهراء .. شنووو لاباله وجه لوجه لاتخبلتن رسمي منو هاي التحجي وجه لوجه .. وصال ..انتي وسكتي بس سكتي خلي نفتهم .. ملاك .. رد رد كتب انتي شنو تحبين اني جاهز شوكت تريدين نحجي تريدين هسة اجي اجي بكيفج .. زهراء .. يايايا فلك فلك وين تجي يمصخم حتئ يذبحني شاكر وليث اااخ يمة والله ورطتني .. وصال .. ملاك اكتبي معليج بيها اكتبيلة .. باقرب فرصة لازم نحجي بس هذا الكلام يكون بيناتنا ولااريد احد يدري انو اريد اشوفك واحجي وياك ....ملاك .. كتبت .. رد تمام حبوبة راح تجي بعد يومين وتعرفين من تجي نجتمع كلنا بالبيت الي بالمزرعة ومن يهدئ الوضع اراسلج نحجي .. وصال .. اكتبيلة تمام وكتبي تصبح علئ خير .. ملاك .. اوك .. زهراء .. ماروح لبيت المزرعة ماروح تخبلتن انتن الكل ينجمع هناك ورطتني ورطتني اووف يمة شسويتن 😫 .. وصال .. زهراء لازم تخلين حد لهذا خوفج ولحيرتج وبعدين احنا وياج لاتخافين بس اهدي وتوكلي على الله .. زهراء .. ونعم بالله يعني متعوفني حبابات .. ملاك .. لج غبية مانعوفج .. وصال .. حبيبتي مانعوفج وياارب ترتاحين وتكون بداية خير .. زهراء .. امين يارب لان من صدك تعبت من التفكير .. ياله اني اروح انام من الرجفة نعست هههه .. ملاك .. واني هم اكوم نعست وانتي وصال حبي متكومين .. وصال .. لا حبيبتي أبقئ شوية بالحديقة وادخل انام اخذن راحتجن .. ملاك وزهراء .. تصبحين على خير .. وصال.. اجمعين يگلبي .. وصال .. دخلو البنات واني بقيت گ العادة اتأمل بالسما والهدوء لان صارت الحديقة والسما متنفسي الوحيد ..
نرجع لـ ليث .. جانو كاعدين البنات وبعدين كامو البنات وبقت بس وصال ..لو بس اعرف ليش تبقئ هلكد كاعدة برة بشنو تفكر بس الااتوبج .. نزلت قفلت باب الصالة وتوجهت لباب المطبخ حتئ هم اقفلة اخليها برا والجو باليل يبرد بسيطة الج .. من توجهت لباب المطبخ صارت مقالبلي اجتي عيني بعينها باب المطبخ بي شباك وجام واني عيني بعينها قفلت الباب اني باالداخل وهي بالخارج ضلت صافنة بوجهي مابدت اي ردت فعل واني ابتسم بتك خد ابتسامة بخبث مااعرف ليش هيج داتصرف معقولة داارضي غروري معقولة استلذ بأذيتها شريد اثبت لنفسي .. مااشوف غير دارت وجها ورجعت لمكانها بدون اي ردة فعل .. وصال .. بعد تصرف ليث الي ذكرنا ☝️ رجعت لمكاني وكعدت على المرجوحة .. ياربي هذا شبي ليش هيج يتصرف مثل الاطفال استغفر الله ياربي صبرني .. الجو برد وملابسي خفيفة شلون انام برا اااخ منك اااخ واحد مخبل ..خلي اتمشئ حتئ ماابرد .. مرت ربع ساعة  ومااحس غير احد سحبني  من ايدي بقوة وسحبني اتجاها اني من الجفلة شهكت .. ليث .. من مااهتمت ولا بدت اي ردت فعل من خليتها برا احس نار وشتعلت بية شسويلها هاي شهل العناد ..شفتها كامت تتمشئ بالحديقة فتحت الباب وطلعت عليها معصب سحبتهاعليه  من ايدها بقوة جفلت وشهكت من خوفها وصارت اديها على صدري فتحت عيونها بخوف ..وصال .. شـ شـ شبيك ليث خوفتني ليش هيج اسوي .. ليث .. ااششش ولاحرف انتي شسوين بالحديقة هاا شعندج كل وقتج بالحديقة وخاصتا باليل شوراج شعندج هااا هااا احجي .. وصال .. حجئ هل الحجي وهو صاك سنونة ومعصب صرت اخاف منة من يعصب ومااستفزة لان اعرف مجنون وخفت لايتكرر نفس ذاك اليوم من استفزيتة واعتدئ علية بكل وحشية .. م م ماسوي شي ليث اني بس لان اضوج اطلع بالحديقة والله قابل شعندي .. ليث .. اضوجين هاا اضوجين حضرتج اضوجين لو تذكرين حبيب الگلب واضلين تبجين .. وصال .. ياحبيب گلب ليث لاتحجي هيج اني اذكر اهلي وابجي وبعدين مو اني الي على ذمة رجال واذكر رجال ثاني وبعدين الي تحجي علية متوفي من 7 سنوات ونص مااذكرة غير بالرحمة مو گ حبيب وخطيب بهذا الوقت الحالي انما گ ابن خالتي .. اي حقج تترحميلة لان هذا حبيبج والج ذكريات حلوة وحب ورومانسيات الله يعلم شجان يصير .. وصال .. رحمة لموتاك كافي هذا كلامك يجرح ليش تتخيل اشياء من خيالك ماالها اي صحة .. بدا يضغك علئ ايدي بقوة .. ااه داتوجعني والله حرام عليك هيج تسوي .. ليث .. اني اريد اوجعج بكد ماموجوع ااني .. بهل الاثناء وطفت الكهربا .. مااحس غير رجفة وصال بيدي وضلت تردد ضلمة لا حباب شغل ضوا وبدت تتقرب علية تفاجئت من ردة فعلها رخيت ايدي منها تقربت اكثر وحاوطت ايديها خصري تفاجئت اكثر وحسيت احساس غريب وكل ذاك الغضب تلاشى بلمسة منها وضلت ترجف .. وصال شبيج اني يمج لتخافين هسة هسة راح تشتغل المولدة اهدي .. وصال .. بس شغل ضوة فونك حباب اخاف من الضلمة تحجي ورجفة بحجيها .. ليث .. التلفون بغرفتي وحضنتها حيل وضميتها لصدري وبيدي امسح علئ شعرها اريدها تهدئ لان صدك فاجئتني بخوفها من الظلمة مرت دقايق على هاي الوضعية .. وشتغلت الكهربا اشتعلو اهلك هسة مو مستانسين وهي بحضني ..وصال ... اشتغلت الاضوية انتبهت على نفسي اني بحضان ليث شكد خجلت بوقتها ابتعدت منة بهدوء .. اسفة مو قصدي بس والله اني اخاف من الظلمة عندي فوبيا منها من اني صغيرة مااعرف شيصير بية من يصير المكان اظلم اجمد واضل ارجف ااسفة وطبيت ركض للبيت بين مستحية من ليث بين خايفة ... ليث .. يايابة  ابو الكهربا شكد احبك اول مرة تصرف صح هههه مو حضن ضيم ضيم ههه استغفر الله اني مو جنت اتعارك وياها ليش نسيت العركة هههه وتكول مامهتم بهاي اللحظة حسيت بمشاعر واحساس غريب اتجاه وصال شي جان ميت ومتجاهلة نبض بداخلي
***************************
رزن بس على طاريكم تخف الروح ..  زرف ترجية جرحك مايلمة خياط .. مرني انت وماريد تمرني حتئ العافية .. المشكلة بهذا الكلب شايل عليك وشايلك .🍃 لـيث🍃
***************************
تـنـويــه ........
حبوبة الي ذكرها مهند .. هي عمة الشيخ ابو شاكر. ... وحبوبة بدرية الها هيبة حضور يعني شيخة والكل يسمع كلامها وطلباتها اوامر على الكل حتئ علئ الشيخ واخوتة ولدة ولد اخوتة ...
***************************
لهنا وخلص البارت انتظرو بارت جديد نعرف بي احداث جديدة وحلوة بين زهراء ومهند شنو راح يصير وصال وليث شراح يسوون حبايب ادعموني بتصويت ومتابعة حتئ يصلكم كلشي انشرة ااحبكم 😘
لارين العامري
               انامل كاتبة