عـشق الـجبـال (فصـليـة)

عشق الجبال (فصلية)

عـشق الــجبـال(فصـليـة)البارت(10)

......في مكان اخر ......
بيت ابو شاكر ..،ليث // تخبلتو تطلبون فصلية بدال دم اخوية فصلية شبيكم انتو ولكم راح اتخبل .. ابو شاكر // ابني ليث شنو فايدة تقتل الولد هو لانعرفة ولايعرفنة قضاء وقدر بعدين الدم يجر دم بس الفصلية توكف بحر الدم ابني هاي عادات الشيوخ والمشيخة ماتنحل بالدم لعد ليش شيوخ ويكعدون ياابني .. ليث// ومنو راح ياخذ الفصلية .. شاكر تعرف يريد بنية وماياخذ غير هل البنية وعمار مزوج وكرار بعدة جاهل مومال زواج لاوانوب فصلية 😤 .. واني لاتفكرون بهذا الشي نهائي مااخذ فصلية .. نط حسين ابن عمهم من مكانة // اذا كلكم ماتردون الفصلية اني اخذها فصلية ابن عمي ... ابو شاكر// بوية حسين انت مو مزوج والماخذها بنت عمك مانقبلها وحتئ اذا قبلنا هي شلون تقبل ... حسين // عمي اني احلها وياها وبعدين هي مسئلت وقت وترجع البنية لهلها ... شاكر// لا خوية حسين مشكور الفصلية فصلية اخونة ومحد غير اخوتة ياخذها .. حسين // اي منو يقبل ماسمعت ليث شيكول .. ابو شاكر // هسة سدو الموضوع بعد العالم مادزوا خبر لوقتها الله كريم .. شاكر // اسمع ليث ترئ حسين ماحجة هيج نخوة منة بس حسين دايخطط لشي وحسين كلنا نعرفة ابو فليس ودنيوي يعني عندة استعداد يرجع الفصلية مقابل كم فلس وبعدين من سمع الناس حالتهم زينة واغنياء .. ليث// والمطلوب شنو شاكر تريد اني اخذ الفصلية مستحيل .. شاكر// يخوي لاتستعجل خلي نشوف شنو خبرهم ومنو الي ينطوها والله كريم .. حسين// ولج يمصگوعة تدرين هذولة العالم طاكين لستار يعني اذا اخذ بتهم يغنوني في سبيل ارجعها الهم .. مسيون زوجة حسين .. تخبلت تاخذ الفصلية علية والله لوتموت اطلكني ولااقبل تجي مرة علية لاوانوب بنات بغداد وتحلا بعينك ليش اني مااعرفك اترك الموضوع .. حسين// ولج مااتقربلها افهمي يمرة لااضلين غبية اخذ بنتهم واساومهم. بالسر واخذ المقسوم وارد بنتهم .. ميسون // وانت من كل عقلك يخلوك عمي ابو شاكر ولدة يذبحوك والله عبالك تعبر عليهم هيج سالفة لاانت داتلعب بالنار يبن عمي واني مااقبل لاتفكر ... حسين // فكر تبقين فكر لااشو اخذها وغصبا ماعليج وعليهم واريد اشوف شلون تلويني يبنت عمي ...
... في مكان اخر....
بيت ابو مازن الكل مجتمعين على العشا بس طبعا بدون نفس والكل مهموم وحزين لان الصار مو شوية وصال// بابا راح اسوي وكاله عامة ل اسماء هي الوحيدة اثق بيها وهي كد هاي المسؤلية .. الاب // بنتي اني عندي ثقة بيج وبشغلج مااخاف عليج طول عمري اكول وصال هي وليدي مو بنتي انتي ب 10 ارجال ..وصال // وعيونك مسئلت وقت اعتبروني مسافرة وراجع مااطول باجر نسوي اجتماع حتئ اسلم الادارة القانونية ل اسماء .. اني طالعة للحديقة عندي كم اتصال استاذن ... الكل .. تفضلي اخذي راحتج ... وصال// 📞 الو اسماء شلونج حبي .. اسماء📞 هلو حياتي الحمدلله انتي شلونج شخبار علي وقضيتة ... وصال📞 والله صارت الشغلة عشائرية واني متصلة بيج بهذا الخصوص ... اسماء📞 عشائريا 😳 كولي شنو تريدين اسوي اني من ايدج هاي لايدج هاي .. وصال// 📞 فدوة لقلبج اعرف ماتقصرين بس الي اريدة منج اكبر .. اسماء 📞 كولي وصال اني بالخدمة .. وصال📞 اسماء العشيرة طلبو فصلية واني راح اروح فصلية والادارة القانوية بذمتج وبمسؤليتج مااعندي احد غيرج اثق بي .. اسماء📞😳 شنو وصال فصلية تروحين شنو هل الحجي تخبلتي وين عايشين بعدين وصال انتي وبقوتج وياله واكفة بوجه خالد وافعالة اني شراح يسوي بية المسؤلية جبيرة وصال حيل جبيرة .. وصال📞 اعرف جبيرة ولهذا اختاريتج لان اعرفج كد هل الشي وهي مسئلة وقت وارجع واذا مرجعت الغي الوكالة وسلمي الامور للوالد بس اريد وكفتج بهل الايام اسماء لاتخذليني .. اسماء 📞 اوكي وصال الي تريدي يصير ومااخذلج اني ناسية افضالج علية معقولة مااوكفلج .. وصال📞 تمام باجر عدنا اجتماع واكو امور اخرئ محد يعرف بيها اريد اسلمها الج تتكفلين بيها على حسابي الخاص باجر افهمج ياله حبيبتي تصبحين على خير. ونهو المكالمة ...
نكمل الاحداث بالبارت القادم 😘
حبايبي لاتنسون التصويت والمتابعة احبكم