عـشق الـجبـال (فصـليـة)

عشق الجبال( فصلية)

عشق الجبال (فصلية) البارت 26
.............................................
اسفة حبايبي تأخرت بتنزيل هذا البارت ان شاء الله اعوضكم 🥰
........ .....................
يوم جديد ببيت ابوشاكر نفس الروتين اليومي ام سامر وعمة فرحة بالمطبخ اليوم يسون كبة وبورك ولحم بعجين لان استاذ ليث اليوم ينزل وهو يحب هل الاشياء واني وزهراء وملاك علئ تنظيف البيت وغسل الملابس وست رحاب بس تفرفر اليكول مشرفة ابد متنطي من نفسها .. ملاك : عيني ست رحاب امشي جيبي قماشة نظيفة ونظفي الاثاث مال البيت شاركي شوية مناقصج لاايد ولارجل ... رحاب : عوجت حلكها 😏 انتن مكتلي سوي شي حتئ اسوي .. ملاك : ياله هسة كلت روحي نظفي الاخشاب وكل الاثاث ..  رحاب : خوش كملي تنظيف واني راح انظف اثاث غرفة ليث بين متخلصين حتئ انظف الاثاث الجوة ...وصال: : ميحتاج حبيبتي غرفة ليث قبل كلشي نظفتها ونظفت اثاثها وبخرتها كملي نتظيف هنا وزهراء دتنظف بالغرف الفوك .. رحاب:  😏 ماشي ..  وصال :  ملاك ارتاحي اني اكمل تنظيف .. ملاك:  لاحبيبتي اني متعلمة انظف الطابق الارضي اذا ماعندج شي روحي للمظيف ماطول ماكو احد اني اكره تنظيف المظيف كله ريحة جكاير واضوج منة .. وصال:  ابتسمت من ردها يعني اكو امل نكون قريبات لبعض. ماشي رايحة اخذ المنظفات.  ملاك : تمام وراحت تكمل تنظيف .. وصال:  اخذت سطل ومنظف ارضيات ومكنسة وطلعت للمظيف .. دخلت للمظيف ريحة الجكاير تكتل فتحت الباب وفتحت الشبابيك وبديت انظف بي صدك متعب لان ماشاء الله جبير اجتي عمة فرحة .. ها يمة وصال كملتي .. اي عمة مبقئ شي بس انظف الطبلات وابخرة .. فرحة:  عاشت ايدج بس لو منزلين البردات كلهن ريحة صار شهر مغاسليهن .. وصال:  اي عمة هسة انزلهن واغسلهن واجففهن بسرعة واعلكهم .. فرحة .. عفية بنيتي النادرة .. وصال .. هههه ادللي كم فروحة عدنا .. كملت تنظيف وسديت الشبابيك وبخرت المظيف واخذت البردات وطلعت .. رحت ذبيتهن بالغساله ورحت لغرفتي ارتيها .. رحاب:  لازم اشوف فد فعالية للفصلية عاجبني تنهان وتنضرب اليوم ويانزول ليث😈 .. مرت الساعات وكملنا كلشي من تنظيف وطبخ وتعزيل .. اني بالمطبخ شفت سيارة ليث دخلت للكراج اباوع علية بس گلبي انقبض نزل ليث بالزي العسكري ولابس نضارة شمسية وشايل بيد موبايلة والسويج والايد الثانية شايل باكيت الجكاير ويمشي بكل هيبة صدك طلتة تاخذ العقل .. ملاك:  مممم دتباعين لحبيب القلب .. التفت وصال:  هههه ياحبيب قلب يمعودة غير اني ويا مثل توم وجبري مانطيق بعض نهائي مكضيها مشاكل .. ملاك:  ليش هيج ليش متحاولين تصلحين من وضعكم واني اشوفج انتي عندج اسلوب راقي بالكلام .. وصال:  التفتت عليها وابتسمت مايصلح شي وهو من اول يوم دخلت لهذا البيت طردني من غرفتة وگالي ابد لاتعتبرين نفسج مرة الي انتي مجرد خدامة هنا حجيت ومااعرف ليش حسيت بخنكة بداخلي .. ملاك:  معقولة ليث هيج يتصرف يعني مصار شي بينكم يعني اقصد اسفة مصرتي مرتة لسة ؟؟ وصال:  بابتسامة لامصار شي بيناتنة كتلج كل مانتلاكة يحاول يضايقني بتصرف او كلام واني مرتاحة من هيج راد وصارت غرفتي وحدي ممأثر بشي بس اسلوبة داحاول انو اتأقلم .. ملاك. : ان شاء الله تصافة الگلوب مانعرف الدنيا شضامة النا .. وصال:  ان شاء الله .. دخل ليث للبيت مجان احد من الولد بالبيت بس كرار وبغرفتة منطيتة تمارين يحلهن .. ليث:  وينكم شو ماكو احد .. اجتي الحية رحاب .. هلا عيني حمدلله على السلامة شلونك .. ليث:  هلا الله يسلمج لعد وين البقية .. طلعت ملاك وزهراء وسلمو علية وعيونة ادور على وصال .. فرحة .. هلا يبعد گلبي توة نور البيت .. ليث:  حضنها وبوسها بعد روحي البيت منور بيج لعد وينهم .. فرحة .. ابوك وشاكر طلعو بشغلة يم شيوخ بغير محافظة يجوز لليل ياله يرجعون وامك بغرفتها اصلي هيج وكت ..  وعمار بالشغل ومرتة يم اهلها وكرار بغرفتة يقرأ .. وصال دتغسل الملابس .. ليث .. كرار دايقرأ كلتي لو اني ماسمعت عدل... فرحة:  هههه لا سمعت عدل دايقرا وصال گاربتة كربة خانكتة خنك حتئ بالعطل ههه .. ليث:  اها شو وصال شنو صارت مدرسة ومادري .. فرحة .. اي اي وصال .. دمشي يمة غير ملابسك واسبح وارتاح بين نصلي ونصب الغداد. ليث:  اي صاعد بس اسلم على الغالية واني مااريد اتغدة بس خلي وصال اسويلي فنجان گهرة وصعدة لغرفتي لان دايخ من الطريق .. نطت رحاب من مكانها اني راح اسويلك الگهوة .. ليث:  لا خلي وصال اسويها وتصعدها .. انخرست الحية رحاب من فشلها ليث .. ملاك.. اي خوية روح هسة اني اكول لوصال تسوي گهوتك .. ليث:  ماشي تسلمين ملوكة .. ملاك التفت على رحاب هو كال وصال انتي شكو حاطة روحج بالنص هاا يريد مرتة تسويلة الگهوة عجيب منج اووف وخلت وراحت لوصال .. رحاب : من كبر صايرات گوم انتي والفصلية والله ثم والله مااخليج يافصلية ترتاحين ويهدالج بال ..  ملاك .. وصال وينج وصااال.... وصال  : هاعيني .. ملاك:  ستلمة عينج حبيبتي .. بس ليث وصل وطلب تسويلة گهوة وتصعديها اله فوك وغمزتلها 😉 .. وصال... عابت شكو تغمزين يريد كهوة لو مشتهي يتعارك ضايج ههه ... ملاك: : ههههه حلوة مال مشتهي يتعارك اوك خية روحي سوي گهوة وتعاركي وتعالي .. وصال:  ههه ماشي رايحة .. وصال ملاك بدت تحجي وياي واليوم تغيير حلو الحمدلله والشكر ربي يهديها ويريحها .. رحت للمطبخ سويت الكهوة واخذتها وصعدت دكيت الباب ... ليث:  تفضل ... وصال:  فتحت الباب ودخلت شفتة واكف يم ميز المراية ويتعطر وهو لابس بس برمودة بدون كلشي لا تعلاكة ولا تيشيرت بلعت ريكي وسلمت علية الله يساعدك .. التفت علية ورد بكل برود هلا 😒 .. وصال.. هاي الگهوة الطلبتها .. ليث .. خليها على الطبلة .. وصال ... تقدمت بتجاه الطبلة وخليت الگهوة وياها گلاص مي والتفتت مشيت خطوتين اريد اطلع ومااحس غير شي تكسر جوة رجلي التفتت واشوفة گالب الصينية هي والكهوة والماي .. وخازرني .. وصال:  هاي ليش هيج سويت .. ليث ... انجبي جايبتها باردة ثلج ماتعرفين الف مرة منبهج على هل الموضوع وترجعين تكرري تعاندين حضرتج لو شنو .. وصال.. بسم الله توك وصلت ومتحضر للمشاكل والطلايب واني هم الف مرة كتلك بين ماوصلها لطابق الثاني تبرد يعني شلون اشيل الطباخ وياي لحد باب غرفتك لو شنو الحل كلي حتئ اسوي لان ماخليت عدنا فناجين گهوة 😠 .. ليث ... لا والله ومعاجبج تحجين ولسانج شطولة اذا ماگصيت هذا لسانج مثل ماگصيت اضافرج مااطلع اني ليث طالع من ظهر عماد .. امشي ولي من كدامي لمي هاي الهوسة وطلعي برا .. وصال .. استغفر الله ياربي صبرني ياالله صبرني ياالله تحجيها وهي گاضة على سنونها نظفت المكان وطلعت .. ليث .. جابتلي الكهوة وصال واني جنت متعمد اظهر گدامها بس بالبرمودة ههههه مادري ليش .. دخلت التفت عليها شايلة شعرها شكل كعكة بس باهمال ونازلة خصلات من شعرها وجها صافي والعيون مثل غابات الامزون ولابسة اسود هي من اجتي ولاحد هذا اليوم هي كل لبسها اسود بس طالعة تشك 🤣 سلمت علية ورديت عليها برود وخلت الكهوة وتوجهت للباب حتئ تطلع شلون اريد ابقيها گبالي حتئ استفزها گلبت الصينية مال الكهوة عمدا حتئ بدون. مااضوكها ههه والله عندك سوالف ليث يومية مكسر فنجان هسة عمتي فرحة تهججني ههه ودار الحديث الي نذكر قبل قليل ... وصال... ماكو هيج بشر مخبل اني الله بلاني بهل الخبل يومية كاسر الفنجان وتعالي نضفي لو يموت بعد مااصعدلة گهوة فوك .. فرحة .. هايمة اسم الله شو تحجين ويانفسج شجاج .. وصاال .. عمة ترئ ابن اخوج الخبل خلص الفناجين الي تحبيهن اني كتلج واصرفي .. فرحة .. ههههههه انصكعتي عبالي شوشبيج دمشي خلي هل الخبل اني اعرف شلون اخسرة الفناجين علكتي البرد مال المظيف .. وصال .. هسة طالعة اعلكهم ياله يمة حتئ نصب غدا .. وصال.. اخذت البردات وطلعت للمظيف اعلكهن .. احس بدوخة اني اكلي ابد موزين لواكل تفاحة لو اكل صمونة وجبن وكلاص جاي لسة متعودت اكل وياهم وهم اكلهم دسم. اتاذة منة  بديت العلك البردات ...
.........................................
زهراء :  صعدت لغرفة ليث حتئ اجيب ملابسة الي محتاجات غسل وصال كالتلي اجيبهن .. دكيت الباب. ليث : تفضل ..دالبس بالتيشيرت التفت شفتها اختي زهراء .. ها زهورة حبيبتي .. زهراء:  خوية ملابسك الوصخة اريدهن .. قبل متكمل .. ليث .. ليش تغسليهن انتي وصال وين .. زهراء ... لاخوية هي وصال دزتني عليهن لان مشغلة الغساله .. ليث .. وليش مااجتي هي دزتج انتي .. زهراء .. مو طلعت تعلك بردات المظيف غسلتهن .. ليث .. جنطتي بالسيارة نسيت انزلها اخذي هاي بدلة الدوام واني نازل اجيب الجنطة .. زهراء : تمام خذت بدلة الدوام وطلعت وهو طلع وراية حتئ يجيب الجنطة من السيارة ..  وصال ... خلصت تعليك البردات شلعن گلبي ومنا اني كل شوية ادوخ يمكن هبط ضغطي .. اووف انفتح شعري هسة وكتك واني طلعت من باب المظيف صار بوجهي حسين اووف هذا منين طلعلي .. مديت ايدي على شعري اريد المة فشلة من الولد .. حسين .. شلونج ست وصال شخبارج .. وصال ... هلابيك خوية تفضل المظيف مفتوح .. ليث .. نزلت اجيب الجنطة من سيارتي وشفت منظر صعد الدم براسي .. رحاب .. اي اجتي من الله خلي اذبلي شوية بهارات 😈 يااا ليث لاتستغرب هي دومها ناثرة شعرها كدام الولد هاي مو اول مرة عبالك بس هي عدها شعر هسة انتي ابيت شيخ ومليان ولد البس شال قابل راح يضايقج والله ياالله وخو حسين مايخلي فرصة اذا مايستغلها عينة حيل مالحة .. وخلت ومشت .. ليث .. منا اني ماارتاح لحسين ولتصرفاتة وبالاخص من لزم ايد وصال حتئ يوكفها مااعرف شيريد منها  وانوب رحاب حجت هل الحجي شبت نار بگلبي طلعت وصحت حسسسيين شسوي هنا .. وصال .. من كلت لحسين تفضل للمضيف دامشي ولزمني من ايدي جن جنوني سحبت  ايدي بقوة منة انت شداسوي وعلى يااساس تلزم ايدي هاا منو سمحلك واني داحجي سمعت صوت ليث وهو يصيح حسييين التفتت واشوف ليث وعروكة باينة وساد قبضة ايدة صاير نار بلعت ريكي وكلبي صار دمام اجة بتجاهنا ضرب حسين بوكس وكعة للكاع شسوي هنا هاا وشعندك تلزم ايدها وتوكفها .. حسين .. برتباك .. ا ا ن اني بس ردت اسئلها عليك نزلت لولا. التفت علية ليث انتي كدامي للغرفتج  ياله 😠 .. وصال .. اتفاجئت ب ليث من ضرب حسين وكعة للكاع مستاهل التفت علية بعصبية كدامي للغرفتج .. هزيت راسي ب معنئ اي دخلت اركض ..  عمتي فرحة تلكتني هايمة شكو شبيج .. وصال ... عمة ليث راح يموت حسين تلاحكيلهم .. فرحة .. يمة اصار شكو وطلعت تركض .. ليث .. حسين انبهك لاخر مرة انتبه لتصرفك لا وروح غيث ماعندي مانع احط طلقة براسك .. حسين .. ليث انت مفتهم غلط ..قاطعة ليث اااششش لامفتهم غلط ولا شي اني اعرفك كلش زين .. اجتي فرحة تركض ولكم يمة اصاير .. ليث .. ماكو شي عمة .. وخلة وطب لوصال الي يتمنئ الحجة عليها تمني حتئ يأذيها .. ملاك وزهراء ورحاب بالمطبخ دخل ليث وينها وينها وصال .. ملاك وزهراء دخلت لغرفتها شكو اصاير ليث شبيك .. ليث صاير نار ويفتح بمجرات الكاونتر منعرف على شنو يدور .. اخذ المگص وطلع بسرعة .. ملاك عزة هذا شيسوي بالمگص طلعت تركض لعمتها ولج عمة الحكي راح يموتها اخذ المگص وراح لوصال .. فرحة .. عزا العزاج فرحة هذا تخبل ودخلت تركض واني وزهراء نركض ورئ عمة بس رحاب كاعدة على الكرسي ولامهتمة لشي بس ابتسامة خبث مرسومة على وجها ..
.....................................
😲 شنو راح يسوي ليث لوصال وليش اخذ المگص ..  راح نعرف الاحداث بالبارت القادم اتمنئ منكم حبايبي تصويت ومتابعة حتئ توصلكم الاحداث اول باول احبكم 😘
أنامل كاتبة
                               لارين العامري