عـشق الـجبـال (فصـليـة)

عشق الجبال(فصلية)

عشق الجبال (فصلية) البارت 19

وصال.... رحت وياعمة فرحة لغرفتها وسبحت ونشفت شعري .. فرحة .. صلااوات على محمد يمة وصال شعرج ماشاء الله يخبل ابد لاتكصي اكص ايدج ترئ ... وصال... ابتسمت لكلام عمتي لاعمة مااكصة اني احبة لشعري... فرحة ... تعالي خلي اضفرة الج .. وصال.. 😊 اي اضفري الي .. ضفرت شعري عمتي فرحة .. عمة فرحة احسها طيبة وحنينة والكل بالبيت يحبها ... فرحة .. يمة وصال .. وصال ... نعم عمة ... فرحة .. يمة اعذري ليث ترئ لسة الصدمة بگلبة لسة كاتلة القهر على اخو لا موبس هاي هو اخو التؤم مالتة وجانو يجهزون لعرسة وفرحانين بي بس بعد القدر لعب لعبتة ... اترجاج اتحملي وكسبي والله ليث طيب وحنين صح هو عصبي بس شايل گلب مال طفل بالحنية والطيبة... وصال.. عاذرتة والله ياعمة عاذرتة والله يكون بعونكم اني خجلانة منكم بس والله موبيدة لاخوية كلشي صار برمشة عين لوتعرفين قبل مااجي بيومين اصار بي دخل بنوبة هسترية وضل يكسر بالاغراض فقد... كلنا ملتمين علية حتئ نهدي مكدرنا الاانطيتة صفعة قوية خليتة يصحة من نوبة الهسترية .. هو محمل نفسة ذنب موت غيث وذنب روحتي فصلية ذنب فقد امة الي ربتة وحافظة علية طول الفترة المضت .. ومع كل هذا مااكول هو ماغلطان لاغلطان وغلطان من ساسة لراسة بس بعد الكلام مايفيد ... فرحة ... ليش انتي الربيتي .. وصال... اي امي جانت مريضة ودكها المرض وتوفت وخلت منال وعلي امانة هم زغار وعافتهم صرت الهم الام والاخت والصديقة وكلشي ... فرحة ... ياگلبي ياله تعالي خلي انام وباجر النا حديث مطول اريدج تحجيلي عن حياتج واهلج وكلشي ..😊.. وصال ... صار من عيوني تصبحين على خير .. فرحة .. وانتي من اهل الخير حبيبتي
..........................................
اليوم الثاني
ليث ... كعدت من الصبح متحمل على الفصلية .. رحت لغرفتها فتحت الباب ماموجودة .. هاي وينها التفتت شفت عمتي .. عمة عمة .. فرحة .. نعم .. ليث ... صباح العافية يحلوة .. فرحة.. 😕 صباح النور شمكعدك من الصبح .. ليث... جوعان وين الفصلية ليش مو بغرفتها ... فرحة .. ولك انت ليش ماتستحي هااا وين تنام شفت الغرفة والهوسة والتراب الي بالغرفة .. ليث... اي تستاهل هذا اقل واجب هسة كليلي وينها وين ولت .. فرحة ... نامت يمي وهسة اسويلك ريوك .. ليث ... لا هي اسوي ريوك مسوين انتي وينها توجه لغرفة عمتة ويصيح الفصلية وينج نايمة لضهاري .. وصال... نايمة واسمع صوت والصوت يتقرب لجه الغرفة توضح الصوت الي هذا الخبل دايصيح الفصلية .. كمت من فراشي بسرعة ويا كومتي فتح الباب .. حضرتج نايمة لضهاري موو تردين واحد يخدمج .. وصال.. من كال لضهاري تخيلت الساعة 10 او 11 باوعت لساعة واشوفها 6 ونص 😲 استغفر الله بلشنا من صباحيات الله يوم جديد الناس اصلي على النبي.. طبعا احجي بگلبي ... وصال.. الساعة 6 ونص ومحد كاعد اتصور ... ليث ... اني كاعد واريد ريوك بسرعة ... وصال.. تمام هسة احضر الريوك .. ليث .. بصياح لتكولين تمام ... وصال ... لعد شكول .. ليث ... تكولين حاضر مفهووووم .. وصال .. مفهووم حاضر. .. عافني وطلع .. ركضت للحمام غسلت وجهي وتوجهت للمطبخ .. كلشي مااندل بي همزين عمة فرحة لكيتها بالمطبخ كدامي ومخلية الجاي على الطباخ .. وصال.. صباح الخير عمة .. فرحة ... صباح العافية حبيبتي .. وصال .. عمة ليث يريد ريوك شنو هو يتريك بالعادة .. فرحة ... يحب المخلمة يحب البيض العيون والاجبان .. تمام خلي احضر الريوك والبقية شيحبون يتريكون .. فرحة.. عادي ماتفرق عدهم .. وصال... تمام .. بديت اسوي الريوك سويت مخلمة وسويت بيض عيون وحضرت گيمر ومربئ .. رتبت الطاولة وطلعت حتئ اصيح للخبل حتئ يتريك .. تلاكينة وجه بوجه يم باب المطبخ اركعت بصدرة ثنينا جنا نمشي سريع هو جاي حتئ يتعارك بحجة اتاخر الريوك واني جنت اريد اصيحة حتئ يتريك .. شهكت من انصدمنا ابعض لان بصراحة جفلت .. ليث .. شبيج عمية مشوفين ليش تاخر الريوك ... وصال .. هو جيت اصيحك هذا الريوك جهز تفضل ...
ليث ... بديت اتريك واريد حجة بس مالكيت حجة عليها عمتي فرحة تعالي يمة وصال تريكي .. وصال .. لاعمة الف عافية تريكو انتو وصال بكلبي وين اتريك وياهذا الخبل حتئ اسمم بديت اغسل المواعين الي بالمطبخ وهو وعمة فرحة يتريكون ... ليث ... صبي جاي بسرعة .. وصال..  حاضر ... صبيتة جاي اشوف عمتي فرحة تباوع على ليث معاجبها تصرفه ياله قابل هي شبيدها اشو ترزل بي وهو ولايمه بدو يصحون واحد بعد الاخر واني احضر ريوكهم واقدملهم وهو ماتحرك من مكانة كأنو ينتظر الزلة علية .. الشيخ عماد .. هاي اليوم جنتي بالمطبخ اشوف الريحة الطيبة. .. وصال.. الف عافية عمو .. فرحة .. ها يبو شاكر ليش يومية الريوك الي اسوي مابي ريحة طيبة ... ابو شاكر ... ههههه لا صدك جذب انتي الخير والبركة بس دانشجعها لجنتنا والتفت على وصال وغمزلها 😉 وضحك .. وصال .. ابتسمت لعمي الشيخ حبيت مداخلتة وحب يلطف الجو الا ذاك الخبل وجه مايتفسر من الغضب مااهتميتلة لان البقية كلهم زينين وياي صح هو يوم واحد على وجودي بس مبينين خوش ناس وطيبين .. استاذن الشيخ وكام سفرة دايمة .. الكل الف عافية .. وراح للمضيف .. كرار... ايبااه شهل الخيانة ليش متصيحون لابنكم الصغير اللطيف الحباب وهو ميت جوع .. وصال... هههه يخسئ الجوع تعال اكعد هسة اخليلك الريوك .. كرار ... فدوة لهل الوجه الحلو مرت اخوية الگمر ... خليت الريوك لكرار .. عاشت ايدج خوية .. وصال .. الف عافية .. بهل الاثناء دخلت مرة يطلع عمرها ب 40 او 45 وجه بشوش .. صباح الخير ... الكل صباح الخير هلا ام سامر .. ام سامر .. هلابيكم اليوم كاعدين من وكت لو اني متاخرة .. فرحة .. لاخية احنا كاعدين من وكت اليوم جنتنا الجديدة سوت الريوك وريكت العائلة .. ام سامر .. صلاوات على محمد هلا يمة شلونج .. وصال .. اهلا وسهلا خالة تفضلي اصبلج ريوك .. ام سامر ... لايمة متريكة الف عافية .. وصال .. الله يعافيج ... ليث دايخطط لشي
شتتوقعون شراح يخبث ليث هل المرة ننتظر الاحداث بالبارت القادم اتمنئ تصوتون وتابعون حسابي احبكم 😘