عـشق الـجبـال (فصـليـة)

عشق الجبال(فصلية)

اعتذر البارحة مانزلت بارت بس اليوم اعوضكم حبايبي ...ياله نبلش ..
-------------------------
عشق الجبال(فصلية) البارت 47
---------------------------------------------
ليث... معقولة هيج وصل  شكي بوصال زين ليش اليحب مايكون تفكيرة من جميع الزوايا وصال جانت مخطوبة وبعدين خطيبها استشهد وضلت بذكرياتة زين شبيك ياليث مافكرت  لو رائد يحبها ومعجب بيها مو جانت كدامة شكد احتقرت روحي من كال اختي لا وانوب اختة بالرضاعة ياربي شهل العقل العندك ياليث هسة جيب الي يصلح الموقف ويا وصال والقهر الاكبر ابوية الي معند الا اطلگها استغفرالله ربي واتوب اليه ... (مرت ثلاث ايام ) وطلعت وصال من المستشفئ ... وصال ..  عمة فدوة خليني بغرفتج مااريد ادخل غرفتي تحمليني كم يوم .. فرحة ... صدك جذب الغرفة وصاحبتها تحت امرج .. وصال .. لاعمة استغفرالله مايأمر عليج ظالم ياغالية ...فرحة ...ياله تعالي ارتاحي وهسة البنات يجيبن الاكل حتئ تاكلين وتاخذين علاجج ...وصال ...تسلمين عمة فدوة لگلبج .. ملاك ... تحجي هي وزهراء وعمتهن فرحة ... حقها وصال تتعقد من غرفتها اذا كل المصايب صارت بيها .. زهراء .. اي والله اني كلش مقهورة عليها ليث هواي اذاها مااعرف ليش هيج صاير ليث ...فرحة ... الله يهديهم شلون راح يصلح الموضوع ليث وابوج معند الايطلكها .. زهراء .. عمة اذا هو مايريدها خلي يطلكها ويخلي البنية بحال سبيلها ترئ دمرها بهاي كم شهر شوفها نجوم الضهر .. ملاك .. اي والله صدك ولو يصعب علينا فراق وصال بس شنسوي ارحملها من بقائها يم ليث .. فرحة .. ليث مايطلكها وراح يعاند كلمة ابو .. ملاك وزهراء .. شلون عمة ليث عمرة ماعاصي كلمة لشيخ .. فرحة .. اي بس هسة الوضع يختلف هسة ليث عاشك .. ملاك وزهراء .. شلون عمة انتي تعرفين شي وضامتة ...فرحة ...هو بعد ايام مايبقئ شي مضموم .. ملاك .. عمة بروح عمو محمود تعرفين شي ضامتة احجي فدوة ...فرحة .. حلفتيني بالغالي يمصگوعة. اي ليث يعشك وصال وعشك بخبال بس هو يكابر وكل مايقرب يخربها وغيرتة لـ ليث جتالة يايمة يغار بخبال .. زهراء.  فاتحة حلكها ومصدومة .. ملاك .. اويلي هل الكبرياء عدهم ثنينهم بس تدرين عمة اني حسيت بليث يحب وصال ماشفتي بالمستشفئ تهستر يكول لدكتورة اخذي كل دمي وضل يصرخ ويناجي برب العالمين ويصيح تعبت ياربي تعبت ...فرحة ...اووف يايمة عشك ليث جتال ويسلب العافية .. اسمعن مااريد هذا الحجي الدار بينا يطلع اگطعجن تگطع وروح محمود ...زهراء وملاك لالا منحجي حتئ لوصال منحجي .. فرحة .. اي عفية ياله كملن حتئ نصب غدا
****************************
مرت الايام و وصال شدت حيلها وليث التحق ورجع نزل طبعا هم سولف لمراد واخذلة الرزالة الزينة من مراد ...طبعا وصال ماتصد بوجه اذا شافتة صدفة بالبيت واكثر الايام متخلي يشوفها نهائي ...كرار .. دك الباب على وصال .. وصال .. منو ...كرار ...اني .. وصال .. ادخل كرار .. كرار .. هذا قفل للباب راح اشدة ..وصال .. لا لشدة ععوفة للباب مااريد اي قفل ...كرار .. ليش خوية غير قفل بابج مكسور حتئ تاخذين راحتج ...وصال .. كرار كتلك ماريدة عوفة خلي يولي بعدين منو جاب طاري الباب .. كرار ...هذا ليث جابة كال شدة لغرفة وصال.  وصال .. هاااا كلتلي ليث جيبة القفل جيبة .. كرار ...شتريدين منة وصال شبيج ...وصال .. نهضت بعصبية واخذت القفل من ايد كرار بقوة هو اخوك الشفية وينة .. كرار .. ب بغ بغرفتة ...وصال .. اخذت القفل وصعدت واني ناوية الشر معصبة فول .. فتحت الباب بدون ماادكة دخلت رأسا شفت ليث مقابيل المراية يتعطر لابس بس بجامة وفانيلة تعلاگة التفت علية متفاجئ من دخلتي ...وصال ...شمرت القفل بالكاع وصار يم رجلة ليش تخلي قفل اذا المكان الي تريد تدخلة تدخلة شوكت ميعجبك هاااا ليششش ليش هاي الحديدة راح توكف كدام وحشيتك وهمجيتك هاااا الباب ينقفل حتئ الناس تحترم خصوصية الشخص المقابل ليش اخلي وانت اي احترام ماعندك تقشمر منو نفسك لو تقشمرني .. ليث .. دخلت الغرفة وهي معصبة شمرت القفل وحجت الي انذكر فوك ☝️...بس اهدي غلطة وصارت واني اعتذر ماجنت اتمنئ توصل لهيج ...وصال ...ااااسكت غلطة اغتصابك الي غلطة وتهجمك مرة ثانية واعتديت علية هم غلطة وضربك الي فقدني طفلي هم غلطة شنو بعد اسوي ابشع من الي سويتة ويكون مو غلطة .. ليث ...بس اهدي خلي نتفاهم   ..وصال...نتفاهم على شنو نتفاهم شوكت تفاهمنا حتئ نتفاهم هسة ..ليث ...وصال هو هم ابني مثل ماهو ابنج ...وصال .. ابنك هه تعرف شي انت ماتصلح تكون اب همزين خلص منك ولاشاف انت ابو لان شصلح فكرة عنك ماكو شي يتصلح ...شوف شي واحد نحجي بي وبس وانت تنفذة .. ليث ...هو شنو ...وصال ...طلاكنا اني اريد اطلك مااريد اشوف وجهك اطلع من حياتي نهائي ...ليث ...وصال بس خلي نحجي بههدوء رحمة لأمج ...وصال ...لااجيب طاري امي علئ لسانك ...اني هادئة كلشي مابية بس اااااطلععع مممن حيااااتي لان اااني ااااكرهك اااكرهك خلي عندك احساس وطلگني ماطايقة وجودك وياي ابيت واحد .. ليث ...ضليت جامد من كلامها وكلمة اكرهك احسها سجين بگلبي نابت ...تكرهيني ولأنج تكرهيني مااطلكج تحلمين اطلكج ...وصال ...مو بكيفك اطلكني وغصبا عليك ... ليث .. تقربت عليها صارت المسافة بينة تقريبا شبرين واني صرت نار من كلامها احجي وصاك سنوني ااااسمعي زززين ماكو شي بقااااموس ليث اااسمة غصباااا سمعتي وطلاك مااطلك وكرهيني براحتج ... وصال ...تقربت علية اكثر بس بدون مااتقصد بس عصبت فول ...والله ثم والله نازلة هسة لشيخ بس ياليث وربك اذا ماطلكتني لحول حياتك جحيم ...ليث ...ااخ شهل العيون بالعصبية يموتن لو العطر وطريقة الكلام تحجي وصاكة سنونها بذيج اللحظة جنت اتمنئ اخذها بحضني وارتوي من شفافها وهي بركان ..شوفي روحي لشيخ واشكيني اله واني قابل بجحيمج اني شوفتج جحيمي اريد اشوف جحيمج .. وصال ...انتبهت على المسافة البيناتنة قريبة كلش بعد بس عوزنة حضن خليت ادية على صدرة ودفعتة حيل سهلة سهلة ياليث ...ونزلت معصبة وروحي طالعة ...دخلت لغرفتي مااعرف شسويلة حتئ يطلگني تعبت ياربي
ليث .. شلون تاليتها ولج احبج وربج الخلقج احبج واعشكج (ليث يگول ....
يالتحب الزعل لك اني ميت بيك واصل مرحلة خبالاتك اعشقها منو اليعجبني غيرك حتئ افكر بي... قبلك حتئ روحي مامصادقها .. قصة انت القدر خطها بجبيني وراح والباقي مجرد سالفة بمقهئ .. انت المهم عندي والاهم والخاص.. وانت الامنيات المامحققها .. غركان بمحبتك اي بعد شتريد ومدمن على عيونك الله يرزقهن .. ااحبك هاك اخذها وروح دققها لغيرك لانكالت ولا ناطقها اكتبها بورق وانطيك بيها اقرار واوقع بس الك وابصم واصدقها)
..........................................
وصال ...لازم احجي ويا الشيخ ولازم يحلها لبست صاية وحجاب ورحت للمضيف ...شيخنا اريد احجي وياك .. ابو شاكر .. اي تعالي بنيتي خوماكو شي .. وصال .. عمي حلها اني ماريد ابقئ وياليث تعبت عمي تقبلها على وحدة من بناتك .. ابو شاكر .. شوفي بنيتي اذا علية ماراضي بالصار كلة انتي من جيتي هنا حتئ توكفين بحر الدم اني عن نفسي ماعندي اي مشكلة بس ليث يرمي يمين الطلاك بيدي اخذج لهلج ..وصال .. واذا ماقبل يطلكني شلون .. ابو شاكر .. بنيتي اني احاجي واذا رفض اني مااكدر اجبرة لان حرام علية اكلة تعال طلك حرمتك ..وصال .. عمي حرام عليك اذا جان الطرفين مموافقين على الطلاك بس اني هسة رايدة اطلك وهو مايقبل .. ابو شاكر .. اي بنيتي قابل اخذج اطلكج غيابي منة اذا ماهو يوافق مايصير الطلاك بس انتي شتأمرين غير الطلاك اني حاضر .. وصال ...وبدموع يعني راح اگضي عمري هنا اذا ماطلكني ليث .. اني ادمرت اني تعبت ليث ماخلة شي مسوا بية شكرا عمي اترخص منك. ابو شاكر .. الله لايرخصج بنيتي .. وصال .. رجعت لغرفتي والحيرة بداخلي شتريد بعد ماتقبل اطلكني شتريد مني بعد
اااااه ياكلبي اااااه ...
**************************
( وصال تگول .. ماطبگن سرة طبگن عليه كلهن وكتلني وبعد مااكدر اگتلهن واذا شدن اجدامي وشدن الجفين وگعدن على الصدر جاا بعد شيحلهن ويلتمن عليك مشتتات البال ياعريان گلي شلون تنفضهن )
وصال ...عدا كم يوم وسمعت عمي طالب ليث للمضيف .. مااعرف شنو راح يصير بس راح ويا شاكر .. وصال ...كرار .. متروح تشوف شدايصير بالمضيف ...كرار.. ترديني اروح حتئ يطلعوني جلاليق ودفرات ابوية طالب ليث بس وشاكر راح ويا لان شاكر هو الشيخ بعد ابوي الله يطول بعمرة يخلصون اجتماعهم ونعرف شكو .. وصال .. تمام رجعت لغرفتي مااعرف شسوي مالة ...
انروح للمضيف انشوف الشيخ شيريد من ليث ..
ابو شاكر .. بوية ليث انت شتريد .. ليث .. بأستغراب شريد يابة انت داز علية ..ابو شاكر..عود انت ماتعرف على شنو داز عليك .. ليث .. دنك راسة ...ابو شاكر .. ارفع راسك الشيخ عماد الحارث  ماعندة احد بولدة ينزل راسة سولفلي البخاطرك وليدي ارسيني على بر .. ليث .. اخذ نفس عميق وزفرة .. بوية وصال تريد الطلاك ... ابو شاكر وانت شتريد ...ليث ...بوبة اريدها تكون مرتي شرعا وقانونا بوية اني احبها واعشگها تريد تكسر گلبي وتحرم علية النسوان كلي طلكها يابة اني مااعصيلك گلمة بس بوية لاتحرمني منها والله وجهي بعد مااشوفونة خلوني احل الموضوع واخليها تحبني مثل مااحبها ...ابو شاكر .. ابني السويتة بيها مو شوية البنت تاذت ..ليث .. يابة اني غلطت واعترف بغلطي الانسان مامعصوم من الغلط واني من غيرتي عليها واذا تريد كدام الكل اعترف بغلطي واعتذر منها ...ابو شاكر ... انت تريد تعقد عليها عقد محكمة ...ليث ...اي ...ابو شاكر ...خوش راح انطيك فرصة تصلح البينكم بس اقل غلط ياليث مااسامحك بي ...وهسة دزو على وصال خلي تجي لهنا بوحدها ..شاكر ..صار شيخنا ..وصال ... كاعدة بغرفتي اجتي زهراء علية .. زهراء ...وصال الشيخ يريدج بالمضيف لوحدج .. وصال.. گلبي رجف شكو اصاير .. زهراء .. والله مااعرف ...وصال...تمام رايحة ..وصال.. لبست صايتي وخليت شال على شعري ورحت دخلت للمضيف ليث وشاكر كاعدين .. وصال ..  سلمت... شيخنا كالو طالبني .. ابو شاكر .. اي بوية اريد احجي وياج .. وصال.. امرك شيخنا .. ابو شاكر ... مايأمر عليج ظالم بنيتي تعالي اكعدي بصفي .. شاكر اخذ اخوك وطلعو اريد احجي ويا وصال بوحدنا .. وخليكم قريبين حتئ من اصيحكم تجون .. شاكر .. تأمر شيخنا ياله ليث ..ليث .. نظرت لأبوية نظرة توسل فهم نضرتي ابوية وهزلي راسة معناتها اطمن وروح .. ابو شاكر .. بوية وصال مااراح الف وادور بالكلام اني رجال عربي ومااحب انطي مقدمات لسالفتي .. وصال .. اي شيخنا ... ابو شاكر .. ليث مايقبل يطلك واني مااكدر اجبرة واني من الاساس مااريد افرط بيج رايدج زوجة لأبني انتي خوش بنية وتحملتي اشياء هواي نسوان ماتتحملها .. ليث ندمان على السوا بيج ومستعد يعتذر منج كدام الكل وحتئ يريد يثبت حقوقج ويريد يعقد عقد محكمة عليج .. بهيج حالة يعني انتي مراح تكونين فصلية ... اني اكره كلمة فصلية بس هاي عادات العشاير بنيتي اطلب السموحة منج والله شاهد ورقيب من اول مادخلتي لهذا البيت اني حاسبج جنة وبنيتي حالج حال نورة وزهراء وملاك .. وصال... صدمني كلام الشيخ من كال يريد يثبت حقوقج ويعقد عليج عقد محكمة .. شيخ بس هو مايريدني گ زوجة كان كلامة هذا اول مادخلت لبيتكم وبعدين هيج بسهولة ارضئ واسامحة بعد كل السوا بية تقبلها انت .. ابو شاكر .. شوفي بنيتي اول مادخلتي لهذا البيت جان ليث بعدة دمة محروك علئ اخو ولاتنسين غيث الله يرحمة تؤئم هو وليث ف شحجئ وشصرف بوقتها كان معذور اما موضوع العقد وروح غيث هو الي طلبة يعني شنو معناتها هو رايدج گ زوجة اله تكملون حياتكم سوة وهاي امنيتي لان انتي الانسانة المناسبة لـ ليث ماالكا احسن واطيب منج بنت اصل وفصل وهاي كل اب يتمناها لابنة .. وصال .. تسلم شيخنا انتو الاصل والطيب وربي اني احبكم وحاسبتكم مثل اهلي ماعندي اي اشكال وياكم بس .. ابو شاكر .. قاطعها .. بدون بس اني مااكلج هسة سامحي وعديها لالا اني هم اريد اعاقبة بس العقاب راح يكون من خلالج انتي ..وصال.. شلوون من خلالي .. ابو شاكر .. اني افهمج هو صح ابني والمفروض اكون بصفة بس اني مااقبل بالعوجة .. تدرين شراح اسوين ..وصال .. شسوي .. ابو شاكر .. راح تسمعين كلمتي وتمشين مثل ماكلج .. وصال .. اني تحت امرك شيخنا ومااعصالك امر .. ابو شاكر .. عفية بنيتي اسمعي شراح اكولج ويبقئ بينة هل الحجي .. وصال .. صار
****************************
ليث .. شاكر ابوية شراح يسوي والله گلبي طك اريد اعرف شيحجون ..شاكر ... يول اثگل شوية اني ادري بيك ثگيل مو هيج .. ليث .. يول احبها وراس امي احبها واموت عليها اني مااعرف شدايصير بية يول شاكر هو هيج العشك يسوي بصاحبة .. شاكر .. اويلي اجيت على الجرح ولك العشك يسودن صاحبة .. ليث .. تدري شاكر وصال اول مرأة تهز گلبي مرن هواي نسوان بس جانت نزوة ومصلحة ابد ماحسيت بشي اتجاه وحدة جنت اكول كل النسوان هيج بس من دخلت وصال لهذا البيت تغيرت نضرتي بكلشي ولك اني مااعرف شلون اتصرف وياها كل مااتقرب اصير كارثة .. شاكر .. لان ماعندك تجربة بعلاقة جدية ف يعتبر وصال اول علاقة جدية فمتعرف شلون تصرف .. بس الحب اذا مابي غيرة واكلان تبن مو حلو وماتحس بطعمة يعني هاي المشاكل لو ماصايرة بينكم جان ماعرفت نفسك تحبها .. ليث ...اوووف والله ياخوية تعبت .. شاكر .. ههههه اثبت هاي البداية طريقك طويل بالعشك وخاصتة ويا وحدة مثل وصال .. ليث .. اووو... ول ماشيف هيج راس يابس وهيج عناد وكبرياء .. شاكر .. نفس طبعك بالضبط ولايكين البعض بس راح تحركون الاخضر واليابس هههههه .. ليث .. هسة ماعجبنج عضلاتي شكلي هيبتي ومركزي كل ذني ولا يهمنها.  شاكر .. اي طبعا مايهمنها لان هي ماقاصرة بشي هم الله يستر عليها جمال ومال ومركز لو ناسي هيج شجانت قبل متجي هنا ...ليث ...لاماناسي ...لاتكول جمال لا افلش سنونك سمعت .. شاكر ... هههههههه شوف الغيرة  الله يلعنك اني اخوك الجبير يول احترمني بعدين وصال مثل فاطمة وزهراء .. بهل الاثناء ابو شاكر صاحلهم واجوي .. دخلو للمضيف .. وعلامات الرضئ باينة بوجه الشيخ و وصال ...ابو شاكر ...ليث البنية سكتت من موضوع الطلاك ...ليث .. الحمدلله والشكر ...ابو شاكر ...بس اكو امور بينكم تحلوها واني راح اراقبك ياليث اي غلط ماارحمك .. ليث .. صار يابة .. ابو شاكر .. وهسة اتركم هنا تتفاهمون .. ياله بوية شاكر امشي نشرب جاي صدعت .. شاكر .. تامر بوية ياله انروح يم ام شاكر وفرحة نشرب جاي .. ليث .. طلع ابوية وشاكر وبقينا اني وصال بالمضيف سديت الباب وكعدت مقابيلها وهي مدنكة راسها .. ليث .. اي وصال بشنو تأمرين .. وصال .. رفعت راسي وجتي عيني بعينة .. شوف ليث موضوع الطلاك صرفت عنة نظر لخاطر عمي مو لخاطر احد .. ليث ...تمام وبعد ...وصال .. ماتعتبرني موجودة ولااعتبرك موجود .. ليث .. شلون يعني مافهمت ...وصال .. مالك اي علاقة بية ولاالي علاقة بيك حتئ الاشياء الي تخصك مالي علاقة بيها ...ليث .. بس انتي زوجتي وصال ليش هيج تصرفين .. وصال .. لان گلبي غضبان منك ... ليث .. وصال والله اسف واعتذر كدام الكل اعتذر منج كام وكعد بصفها ونعقد محكمة واعوضج بس لاتطلبين نجاهل بعض واحنا بنفس البيت ...وصال ..  ترجع تاذيني من جديد اني تعبت داتحملني اكثر من طاقتي وبعدين انت النقيب ليث ابن الشيخ عماد تعتذر من فصليتك وكدام الكل.  ليث.. وروح غيث وغلات امي اعتذر واني الممنون .. وصال .. واني مااخليك تعتذر كدام الكل مهما تكون انت وسكتت ودنكت راسها .. ليث .. رفع راسها ليش سكتي وصال اا ن ااني اني احبج والله احبج ... وصال .. ليث الحب مو كلام الحب افعال مثل ما الكره افعال انت كلشي ماسويت يدل علئ حبك بالعكس كل السويتة يدل علئ الكره والحقد .. ليث.. لاتحجين هيج بروح امج الله يكرهني اذا اكرهج او حاقد عليج بس انطيني فرصة اصلح غلطي وربي مااتعدة حدودي وياج وانتي راح تشوفين الحب بعينج راح تحسين بــ ليث شكد يحبج .. وصال .. لازم تتحمل لاحد مااطلع من الي صار بية واتعدة هاي المرحلة كلش تعبانة ونفسيتي صفر .. ليث .. الج الوقت كلة مااضغط عليج ..
(وصال تكول ..
كل الحجيتة جذب .. مشتاق وعيونك .. كل كبرياء الزعل وقوتي بوقت البعد وصبري وحنيني .. مابردن وداعتك مااكدر بدونك صح خاب گلبي بس ترئ ماخيبت ضنونك)

لهنا ويخلص البارت والحاي احلا لاتنسون التصويت والمتابعة وتعليقاتكم الحلوة احبكم😘

لارين العامري
         أنامل كاتبة ✍️
👇👇👇
ليث