عـشق الـجبـال (فصـليـة)

عشق الجبال(فصلية)

حبايبي هذا البارت لعيونكم اعرف مقصرة بس مدااشوف تفاعل يخليني اتحمس واكتب المهم بيكم اتقدم احبكم.. هذا البارت بي شوية جرئة يعني 🔞
*************
عشق الجبال(فصلية) البارت 38 🔞🔞
**************************
في المزرعة ...
مهند .. اي زهراء شنو الموضوع الي تريدين تحاجيني بي .. حتئ لوتنطيني رؤس اقلام ترئ ضل بالي .. زهراء ... ه هو هسة خاف يجي ليث اني كلش خايفة ... مهند ..  سحب ايد زهراء وكال هاي شنو احجي زهراء هاي شنو ... زهراء .. بارتباك م م مهند ش ش شبيك .. مهند .. احجي زهراء هاي شنو الي بأيدج .. زهراء .. ح حلقة ...مهند .. وهاي الي بأيدي هم حلقة يعني احنا مخطوبين وعاقدين سيد يعني انتي زوجتي  واتصور من حقي اجي واكعد واحجي وياج شوكت مااحب يعني لو ماوفاة غيث الله يرحمة هسة احنا مزوجين .. زهراء ...من حجة مهند هذا الحجي اشجعت تحجي الي بخاطرها .. اي مهند وهو هذا موضوعنا احنا من انخطبنا حيل صرنا بعاد يعني قبل ماننخطب جنت تجي وتكعد وتسولف بس من انخطبنا كلشي تغير قلت جياتك وكلش ابتعدت سؤالي هو وياريت تجاوبني بصراحة وبدون ماتلف وادور واني استقبل صراحتك بروح رياضية مهند انت مجبور تزوجني يعني لان بنت عمك قبلت ترتبط بية احد جابرك .. مهند ...مسح وجه تدرين هذا نفس السؤال الي يدور ابالي اسئلة الج .. بس راح اجاوبج قبل مااعرف شنو رئيج بية شوفي يبنت عمي اني رجال ومن السابع مستحيلات احد يفرض كلمتة علية وخاصتا بموضوع الزواج لان هذا عمر ان شاء الله مو يوم ويومين قبل مااخطبج اني رايدج وهاويج وجنت اتمنئ اصيرين الي اما سالفة اني مبتعد وقللت جياتي عليكم بسببج انتي .. زهراء .. بسببي !!!! مهند .. اي بسببج ماشفت منج اي مبادرة تبين انو انتي موافقة علئ ارتباطنا واني ماردت اضغط عليج كلت خليها على راحتها ومن راسلتيني البارحة تدرين طرت من الفرح اريد بس احجي وياج ونتبادل الحديث حتئ اعرف انتي رايدتني لو مجبورة لان ابن عمج ومن كلتي عندي موضوع وياك .. ضليت اضرب اخماس باسداس.  اخر شي كلت اذا متريدني مااجبرها لان اني احبج زهراء ومااريد اخليج تعيشين ويا شخص غصبا عنج هاي مو رجولة ابني سعادتي على تعاستج .. زهراء .. بتفاجئ من كلام مهند.... ت ت تحبني ؟؟ مهند .. واموت عليج موبس احبج انتي حب عمري بس ماكدرت اصارحج لان انتي بنت عمي ومااعرف شنو ردت فعلج اذا كتلج وثاني شي ماردت اخون ثقة عمي ولد عمي تعرفين ليث بالذات روحي من الدنيا .. وهسة يابنت الناس اريد اعرف رايدتني مثل مارايدج لو لا حتئ اعرف اصرف .. زهراء .. شتصرف يعني شتسوي .. مهند .. يعني اذا رايدتني هاي امنية حياتي واذا مارايتني اني اتحمل المسؤلية واحررج من هل الارتباط ولتخافين مااخلي شي يمسج اني ادبرها .. زهراء ... وهيج عادي عندك تتخلئ عني مو تكول احبج .. مهند ...لج بابا افهميني اذا ماتريديني مااجبرج من حبي الج مااجبرج مستحيل اخليج تحزنين وتضوجين بسببي راح ادوس على روحي مو بيدي .. زهراء ...كافي كافي مو بكيفك هو شلون ادوس على روحك غير انت روحي من الدنيا غير انت حب طفولتي انت اول واخر رجال يدخل لهذا الگلب واشرت على گلبها ♥️ ...مهند ... بابتسامة ولمعة الحب بعيونة يبوو من اشتعلوو عشيرتج واخيرا نطقتيها ولج موتيني شو تعالي سحبها وحضنها حضنة قوية حضنة مال سنين مشتاك ااووف زهرتي هسة ردت روحي الي وباسها من جبينها ...زهراء .. بعد الي صار احسن نفسي مو على الارض طايرة بالسما شعور يجنن واحساس اجمل واني بحضنة واسمع دكات گلبة ...
------------------------------------------
أياك ان تبتعد عني بعد كل هذا الحب الذي احمله لك في قلبي ♥️
فالعالم لايعني لي شيئا بدونك 🍃مهند🍃
****************************
نرجع لجبلين ليث وصال ونشوف شنو صار وياهم ..
---------------------------------------------
وصال...مندمجة بالتنظيف حسيت اكو احد وراية التفتت وجان اشوف ليث مكتف ادينة وصافن علية.. عزة تفاجئت وانوب اني رافعة دشداشتي بملابسي ال....لية 😫 .. بسرعة عدلت ملابسي ...ليث ...اخذت الماسحة وصعدت لوصال واشفها رافعه دشداشتها والضفيرة تنزل وياها الرجلين. يبوو وشكلها وهي تعبانة وعركانة يبوووو تموت اشتعلو عشيرتج انتبهت شافتني تفاجئت بسرعة عدلت ملابسها ...ليث ...شبيج شفتي جني ترئ مااكل بشر ...وصال .. ه ه هاا لا بس جفلت ماعبالي انت ...ليث ...وهسة شفتيني اني ليش هل الارتباك يحجي ويتقدم عليها.... وصال .. يحجي وتقدم علية من شفتة بدا يصير قريب علية بديت اتراجع ليورئ وهو يتقدم باتجاهي  .. ليث ..ليش تبتعدين هاا اريد احجي وياج عندي هواي حجي وياج ومستمر يتقدم .. وصال.. شنو تريد تحجي مااصور اكو بعد حجي واني ارجع ليورئ لاحد مالزكت بالحايط ...ليث ... لابيبي اكو هواي حجي بس انتظر اختلي بيج حتئ نحجي وصرت حيل قريب عليها .. وصال .. بلعت ريكي لان قربة كلش وترني واذكرت هاي خطة ملاك ونور حتئ الهي ليث حتئ زهراء تحجي ويا مهند .. حاولت اسيطر على الوضع وااخر ليث رفعت راسي وصارت عيوني بعيون ليث الي يبعد عني مسافة شبرين كلش قريب وانوب اني اعشق عطرة بلعت ريكي .. اي عادي نحجي بس بخصوص شنو ...ليث .. رفعت راسها وتلاكت عيونة اووووف ياعيونج هن الي جابن ليث علئ طريقج عيون مثل غاابات الامزون من اتلاكة بيهن اتيه بيهن .. ليث .. بكلشي بس اصير فرصة قريبة كوني جاهزة بأي لحضة اجي احجي وياج والتفت يريد يمشي .. وصال .. اذكرت المصكوعة زهراء بسرعة لزمتة من زندة .. لا اوكف وين رايح .. ليث .. التفتت الها .. ماترديني اروح وغمزلها 😉 .. وصال .. ه ه ل ل لا موقصدي بس اريد اكولك ..كامت تمتمت وصال عزة .. ردت اكولك نشف هذا المكان بالماسحة تعبت .. ليث .. اي انشفة ليش ماانشفة بسس مو بلاش .. وصال ...ش ش شنوو مو بلاش .. ليث ...تقرب عليها يعني اريد فد مكافئة لان هذا الشغل متعب.. وصال .. بلعت ريكي .. م م مكافئة شنو ترئ هو بيتكم .. ليث.. ماكو مكافئة ماكو مساعدة وراح انزل .. وصال .. لالا كول شنو تريد مكافئة .. الله ياخذج زهراء وملاك هسة شيكول علية ...ليث .. يعني جاهزة تكافئيني .. وصال .. اوك شنو المكافئة .. ليث .. تقربت اكثر عليها وسحبتها علية وحاوطت ايدي خصرها هي تفاجئت من تصرفي برتباك وبحركة سريعة صارت ايديها على صدري .. وصال.. من سوة هاي الحركة جمد الدم بعروكي وضليت متصنمة .. لاحد ماحجة ليث .. ليث .. جاهزة تنطيني المكافئة .. وصال .. خليت گلب على گلب وكلت خلي اساير الوضع لخاطر زهراء .. وبلعت ريكي .. شتريد ليث ؟؟؟ ليث.. اني اكولج شريد وتقربت علئ شفايفها والتهمتهن كل قوتي مو شفايف ضيم ضلت مصدومة لاحد ماحسيتها اختنكت وضلت اضرب على صدري .. ابتعدت عن شفايفها بس بعدني محاوط خصرها خليت راسي على راسها وثنينة نتنفس بسرعة ...ليث .. احلا مكافئة وين الماسحة .. ههههه ..وصال.. بعد ماصار الي ذكرنا فوك ☝️☝️..دفعت ليث وابتعدت عنة شيسمو هذا الشي هاا ...ليث .. مكافئة او سناك بكيفج خوماتردين اسويلج شي ابلاش هههه .. وصال ...صرت اعصاب كو كاتمة عصبيتي سمعت صوت ملاك هااا وصال خلصتي .. ليث... كلشي مسوت ذبتة كلة براسي هاج ملوكة كملي اني تعبت هههه.. وصال .. يايايا ليش انت اسويت حتئ تعبت حتئ المكان بعدك منشفتة .. ليث ... وصال شلون مسويت شي احلفي ياله وكولي اني اشسويت حتئ اخذت مكافئة على الي سويتة ههه وغمزلها .. ملاك .. ليث وصال يحجون واني مثل الاطرش بالزفة .. بس اشوف وصال كوة لازمة روحها روح خوية يم مهند اني راح اكمل تنشيف اني اساعدها .. ليث .. اي عفية ملوكة بس هااا وصال موتنطين لملاك مكافئة ترئ مااقبل هههه ونزل وهو يضحك .. وصال .. اااااه خرا بيج وين جنتن خلصت المسعدة حجي فلت العقدة ..ملاك ...شبيج وصال معصبة اي خلصو حجي واخبار تجنن بس اكلج على يامكافئة يحجي ليث اني هم اريد مكافئة معلية ...وصال ...ولي من كدام وجهي ملاك لااشمرج من فوك السطح امممممشي 😠 .. ملاك .. اوك اوك سكتت انطيني الماسحة ونزلي غسلي وجهج وشربي مي اكلج وصال .. وصال .. كولي باله .. ملاك .. شبيهن شفايفج وارمات خخخخخ .. وصال .. وسم ماكو شي اضربج بي امداج وخلت ونزلت ...ملاك .. ههههههااااي يبدو اليوم يوم العشق والحب  😁
--------------------------------------------
خلص اليوم بالتنضيف والترتيب والغراميات ههههه وصار وصول حبوبة بدرية للمزرعة والكل راحو للمزرعة حتئ نستقبل حبوبة وجهزنا الغدا وكلشي ترتب علئ حسب الاصول ..وصل الشيخ ابو شاكر للمزرعة ويا حبوبة وابن ابنها جاي وياها اسمة امجد هو شاب مرتب وشغلة محامي .. الكل رحب بحبوبة. ام شاكر ...ياهلا ومرحبا بحبوبة زارتنا البركة .. بدرية .. هلا بالغالية شلونج وشلون صحتج .. ام شاكر .. الحمدلله بخير ..فرحة .. عمة اليوم منورتنا والله مشتاقين لهل الوجه ...بدرية .. يابعد روحي فريحة اني اشوق .. سولفولي شنو الاخبار اوضاعكم شلونها ..فرحة .. الحمدلله شي على نحمد الباري .. بدرية .. هممم بتمج حجي يافريحة اعرفنج خاف عبالج مااعرفنج .. فرحة ...فدوة لگلبج هسة ارتاحي ورئ الغدا نكعد ندردش ...بدرية .. خير ان شاء الله .. كرار .. طب يهوس حبوبتي ياهلا بحبوبتي وعشقي .. بدرية .. ولك كرير ماتبطل هاي هوستك هي كلاوجي .. كرار .. خررب انه حبوبة لاتكولين كرير اتخيل نفسي (م ط ي )  اجلكم الله ...حبوبة .. ههههههه الله يخزي شيطانك تعرف نفسك يول ..  الكل ضحك ههه .. كرار .. حبوبة ويبوس بيها بس كليلي ليش كلاوجي مواعدج بعريس وخالف بوعدي .. بدرية .. كووم لابارك الله بيك شحدك تخلف بهيج موضوع .. والكل يضحك علئ كلام حبوبة وكرار .. بدرية .. اي عمار شلونك نويرة شاونها وياك.. عمار .. الحمدلله زينين حبوبة نويرة اكو مثلها هاي الروح .. بدرية .. هممم الله يسعدكم يحبوبة اني شريد اريد اشوفكم مرتاحين .. شويكر .. شخبار خطيبتك .. شاكر .. حبوبة بعدها ماصارت خطيبتي شالعة گلبي .. فرحة .. عمة  شاكر مهضوم من ورئ حبيبتة يومية جاينها خطابة وشاكر يكمز .. بدرية .. ااه محلولة محلولة لاشيللها هم .. شاكر .. ان شاء الله حبوبة .. بدرية .. وهذا ليث المهتلف وينة شوماكو .. ام شاكر .. هسة يجي دايسوون بالمولد هو ومهند .. .. ليث .. يابة سمعت العشق يسئل عليه ياهناية على اليفكدني ..ودنك وباس راسها وايدها شلونج يابعد روح ليث .. بدرية ..اي اي اكل بعقلي حلاوة ..ليث .. لاوالله حبوبة من البارحة واني احضر لستقبال عشقي الابدي .. بدرية .. هممم سمعت صارت عندك مرة ..ليث .. اي حبوبة صارت عندي مرة .. حبوبة .. وينها شو مااشوفها وياالكاعدين .. ليث ...حبوبة مريتي معدلة لازمة المطبخ .. حبوبة .. اهاا والله عفية دصيحلها خلي اتعرف عليها .. ليث .. صار بعيوني .. ملوك صيحي وصال .. ملاك .. من عيوني .. ملاك .. وصال ووووصاال وصاال .. وصال ..  وجعا اني موطرشة اسمع من اول وصال كلتيها ...ملاك .. ههههه امشي ليث كال صيحيها لان حبوبة تريد تتعرف عليج .. وصال .. تتعرف علية اي هسة خلي اخلي شالي .. منو بالاستقبال .. ملاك .. ماكو بس ولدنا وهي جاي وياها ابن ابنها خوش ولد مبين .. وصال ...هسة اني اريد اخطبة حتئ خوش ولد امشي كدامي .. وصال .. دخلت للاستقبال .. السلام عليكم .. الكل رد السلام .. طبعا ماعدا الحية رحاب وامها 🐍 .. وتوجهت للمكان الي كاعدة بي حبوبة شلونج حبوبة حمدلله على السلامة ودنكت عليها بوستها وبست ايدها ليث كاعد بصفها .. بدرية .. اللهم صلي على محمد وال محمد هلا بيج بعد حبوبة والتفتت علئ ليث يول انت الازرك ماخذ هيج ملاك والله مجنص .. ليث .. هااا حبوبة اني ازرك دشوفيني شحلاتي كاتلات نفسهن النسوان علية ...بدرية .. دروح كاتلات نفسهن علية شو روح ليغاد خلي تكعد بصفي هاي الجورية .. ليث .. هاا حبوبة بعتيني حتئ انتي تحبين الحلوين .. والكل ضحك حتئ وصال ضحكت على كلام حبوبة وليث ...سوالي مكان وكعدت بين ليث وبين حبوبة وضلت تسئل بية اسمي وعمري وشمخلصة حبوبة داتتعرف هههههه ... مشئ اليوم عادي اتغدو وغسلنا االمواعين رتبنا المطبخ والنسوان كاعدات يسولفن وحنا هم خلصنا شغلنا وكعدنا نشاركهم الحديث يوم مر كلش حلو بين الاهل وكلام حبوبة وتصنيفها على الولد .. من بين ازحام المكام وتعالي الاصوات هناك نظرات لعشاق تسرق بلهفة بين الدقيقة والاخرئ بين مهند وزهراء .. بين عمار وزوجتة الي هي هم كانت حبيبتة .. بين شاكر وابتسامتة الجميلة مع شاشة جواله وكرار هم مكان لطيف مليان حب وماننسئ غزل ابو شاكر لأم شاكر بين اولادهم واحفادهم عيوني تتجول بأرجاء المكان تسجل لحضات للعاشقين وطبعا زهراء حجتلي الصار بالتفصيل وكلش فرحت الها وهي طايرة من الفرح وهي تبدي اول خطوات قصة حبها .. وهناك من يعيش بذكرئ احبابه مثل ملاك وذكرياتها مع غيث وعمة فرحة ويا زوجها الله يرحمة .. اما اني فمااعرف بأي شي لازم افكر بذكريات حسام الي جنت عايشة سنين وياهن لو بالحاضر المر مقارنة صعبة بين الماضي والحاضر الماضي. جميل بكلشي بحسام بذكرياتة والحاضر .. اليم صعب واعصار وياليث ...
............................................
هسة انت عايفني ورحت مافكرت هذا البشر غيرك بعد ماعندة صدكني موشغلة ضعف احجيها الك واني قوي شدة فراكك شدة 🍃وصال🍃
---------------------------------------------
حبايبي انتضرو البارتات القادمة بيها احداث اجمل لاتنسوني بالتصويت والمتابعة ولاتنسون اضيفون الرواية للمكتبة حتئ تتونسون بأحداثها احبكم
لارين العامري
                          أنامل كاتبة