عـشق الـجبـال (فصـليـة)

عشق الجبال(فصلية)

عشق الجبال(فصلية) البارت 54
---------------------------------------------
ياله نكمل الاحداث ...
مشت الامور على خير مايرام الوضع هادئ هذا مايسمئ بالهدوء ماقبل العاصفة ... في بيت الشيخ ابو شاكر ...الكل منجمعين بعد العشا فرحانين ومبسوطين بزواج شاكر وتحسن علاقة ليث وصال ... وشقئ الاخوة وضحكاتهم .. ليث ...اكولك كرار اكو واحد كال بس اجيبها لبيتنا واصير مرتي الابيوم العرس اسحلها سحل واطلع نار گلبي بيها ... كرار .. اي والله يخوي كال بعد مادري ...ليث ... ماتعرف اخبارة شسوة ماسوة ...كرار .. لا بس يمكن هو الي انسحل ههههه ...شاكر ..  انجب يول اني ماانسحل ... عمار ... وانت ليش اخذت على روحك هههههه ... شاكر ...مو اني حجيت هاي السالفة ... ندئ ... شاكر يعني جنت تحجي علية ... شاكر ... لايروحي شلون احجي عليج ... ندئ ..  لعد هاي منو الي تريد تسحلها بيوم العرس ...شاكر ... اسحل زهراء هاي شبيج ...مهند ..  ليش بوية تسحل مريتي شمسويتلك ... شاكر ..  اي اي التموو التموو علية ولك ليث شذكرك بهاي السالفة لابارك الله بيك ...ليث ... اني كتلك اذكرك بيها هههههه .. ندئ ... هااا شاكر تسحلني موو ...شاكر ... مو جد جدي سحلتي هاي من الحب حبيبتي اسحلج .. ندئ ...هااا من الحب خوش نتحاسب بعدين ... عمار ... والله ياليث شلون مااشوف راح ينسحل شاكر اليوم ههههه ... ضلو ناصبين علئ شاكر وضحك وناسة ... ام شاكر  .. بينها وبين وصال اكلج يمة وصال .. وصال .. هاا عمة .. ام شاكر ..يمة انتي داتاخذين احتياطج حتئ لايصير عندج  حمل ...وصال .. اي عمة .. ام شاكر .. اي يمة اخاف عليج هن كم شهر وبعدها ماكو خطر عليج .. وصال .. فدوة لروحج الي تفكر بية وتخاف علية  اخذت ايدها وبستها .. ام شاكر ...يايمة معزتج خاصة شلون مااخاف عليج ... ليث ... اشوف امي وصال يتبسبسن بينهن وصال باست ايد امي .. شكد حنونة وتحب اهلي ومهتمة بالكل ياربي لاتحرمني منها مااعرف ليش دائما احس نفسي خايف لاافقدها اني روحي تعلگت بوصال .. كرار.. ليث باجر اداوم موو .. ليث ..  اي خلصت اجازتي ..كرار ..  باجر اروح وياك لان بلش دوامي .. ليث ..  براحتك بس اكعد من وكت اني ب 5 الصبح اتوكل .. كرار.. ادري طالعين نحصد يخوي ..ليث ... يول موتدري طريقي بعيد وكبل بوجهي لدوام .. كرار ... تمام تمام لا اني وصلني لشقة وتوكل لان اني الاحد دوامي ..  ليث .. هاهية .. طبعا ليث وصال عقدو عقد محكمة ... زهراء حددو عرسهم بعد شهرين .. ورحاب ..  غيرت اسلوبها 180% درجة ويا وصال وياالكل ..  بس الوحيدة ملاك ابد مامأمنة لرحاب ماتحسها خالية ودائما تراقبها لان ملاك كلش تحب وصال وتخاف عليها ..  تفرقو الكل كل واحد راح لغرفتة ... ليث ... تعالي يگلبي شبيج شو احسج ضايجة .. وصال .. اول شي ضايجة لان باجر تلتحق .. ليث ... اوف يروحي يعني اكو ثانيا ماطول اكو اولا .. وصال ..  اي اتصلت بـ منال ابد صوتها معجبني حسيت بيها شي بس مااعرفة شنو .. ليث .. ماسئلتيها ..وصال .. سئلتها تكول مابية شي بس تعب من الدوام .. ليث ..  قربتها لحضني اي يگلبي يجوز صدك من الدوام تعبانة بعدين دراستها صعبة .. وبعد شنو الي مضوج حياتي ..  وصال ..  مشتاقة لبابا اتصلت علية بسبب مرضة كوة يحجي السانة صاير ثكيل كل هذا صاير بي ومحد كايلي .. ليث ..  اخذج وياي باجر تروحين تشوفي وتطمنين علية ... وصال .. صدك ليث صدك تاخذني اشوف ابوية ..ليث ... اي ياروح ليث ليش مااخذج تعالي خلي نخابر هذا الهتلي رائد ونكوللهم باجر جاينكم .. وصال ..  حضنت ليث وباستة بوسة. قوية افيشششششش احبك ..ليث .. هاي مكافئة موو ..وصال ...لا مكافئتك ورئ متخلص الاتصال ويا رائد ...ليث ... همممم خوش راح اتصل كامرا حتئ المكافئة تصير اكبر هههه ...وصال ... مستاهل ههههه
رائد📱 هلا بالنسيب
ليث📱 يول هلا وغلا شلونك
رائد 📱الحمدلله بخير وصال شلونها ..
ليث📱 هياتها وصالي بحضني وجه الكامرا على وصال ..  وصال هلا رودي شلونك
رائد📱 هلا يروح وكلب رودي
ليث📱 انجب يول لاتخليني اهينك
رائد 📱 هههههه تمون ضلعي تمون شلونكم بعد اخباركم
ليث📱 كلنا بخبر بس باجر جايكم لان وصال مشتاقة لأبوها ..
رائد📱 لا ليش مااجيتو اليوم لان باجر ساعة 6 الصبح طالعين لأربيل وماخذين خالي للعلاج
وصال📱 اخذت التلفون من ليث .. ليش رائد ابوية شبي صاير شي
رائد📱 والله ماكو شي بس وصفولنا دكتور باربيل لحالتة تعرفين صارت حركتة صعبة ولسانة ثكيل فقررنا ناخذة ..
وصال📱 اكيد رائد
رائد📱 اكيد وعيونج
وصال📱 منو راح يروح ويا
رائد📱 اني وامي وسارة ومازن يروح ويانا يطمن على الوضع ويرجع لان تعرفين شغلة هنا
وصال📱 تمام تروحون وترجعون بالسلامة ...ونهو المكالمة ..
ليث... ياوحي لاتضوجين بس انزل اخذج لأربيل وتشوفي وتطمنين علية ... وصال.. لاحياتي هي استراحتك وانوب تروح لاربيل انت تجي تعبان نبقئ وياهم على تواصل وان شاء الله ماكو شي .. ليث .. يروح الروح الي يفكر بتعبي وراحتي شو تعالي خلي اشبع منج باجر رايح ولو اني مااشبع منج .. وصال .. يگلبي انت
***************************
يوم جديد ... ملاك .. وصال ضيفيني بالفيس وانستا ...زهراء ... واني هم ضيفيني ... وصال .. اي مو بعيوني .. رحاب .. ويصير اني هم اضيفيني لو ميصير .. تحجي بلطافة وبرائة وهو بس الله الي يعلم شتفكر ..وصال .. اي حبيبتي ليش مايصير اضيفكم كلكم ...ضافت نورة وندئ وكرار .. 
ملاك ... من ضافتني وصال فيس وانستا طلع كدامي حساب رائد .. وضليت اكلب بحسابة واشوف صورة وفديواتة الي ناشوهن شكد حلو وانيق وصور بالكلية وصور بالمختبر يجنن صرت حتئ اتابع ستورياتة اول بأول ...
مرة من المرات اكلني الفضول وسئلت وصال عنة ..  ملاك ... اكول وصال .. وصال .. كولي حبيبتي ..ملاك ..ه هو يعني رائد ليش ممزوج لسة ...وصال ...ابتسمت من سئلتني هيج سؤال .. وصال ...هههه. مالحك يزوج ولاحتئ يرتبط لو يحب .. ملاك .. مالحك شلون يعني مالحك .. وصال .. شوفي اني ورائد بيناتنا سنتين اني اكبر منة بسنتين...  رائد بالرابع اعدادي   وتوفة ابو دخل بموجة كأبة مرعبة بحيث تراجع بدراستة بعد ماكان متفوق بدراستة جان كلش متعلق بوالدة ابو صاحب املاك بس عمامة استغلو ضعفة وصغر سنة وكلشي ماانطو ترك دراستة  وبدئ يشتغل هنا وهنا علمود يعين امة واختة ..  من سمع ابوية هيج تخبل كاله انت منو طالب منك تشتغل اني اصرف عليكم اني اختي مااعوفها .. بس رائد معند كاله ليمتة تبقئ تصرف علينا اني هسة رجال البيت ولازم اقوم بواجبة ..  ابوية كله لحد مااموت ...كوة قنعنا انو يكمل دراستة وبدراستة هو راح يكدر يعين نفسة وامة ..  ضليت اساعدة بالدراسة وماتركتة رجع درس خامس مسائي ونجح والسادس هم شد حيلة وجاب معدل دخلة تحليلات والحمدلله ...بعدين كدرنا نطلع حصة ابو من عمامة ورجع شغل ابو والحمدلله امورة مشت تمام .. ملاك ... خطية الله يساعدة ...يعني حتئ حب محب ..  وصال ..زملاء واصدقاء بالكليه بس حب وارتباط ماكو ..وصال.. بس ليش تسئلين  وغمزتلها .. ملاك ... لتغمزين هيج مجرد فضول ..وصال .. همممم فضول ... ملاك .. اي خلي اكوم من يمج احسن ....