عـشق الـجبـال (فصـليـة)

عشق الجبال(فصلية)

عشق الجبال(فصلية) البارت 34
****************************

وصال... مرت الايام واني مااطلع من غرفتي نفسيتي مدمرة خجلانة من الصار بس البنات مقصرن وياي شغل ميخلوني اشتغل ويجن يقضن اغلب الوقت يمي اني على كد الحمام وارجع لغرفتي ..ليث التحق ولاشفتة من يوم الصار ولااريد اشوفة حاقدة علية ...ليث ... التحقت وذبيت همي بالشغل اريد انسئ الصار واحاول اصلح السويتة وياوصال .. واصلح موقفي كدام ابوية .. مراد .. هاا ضلع شبيك احس فكرك مو هنا بغير مكان .. احجيلي اصار ...ليث ... شحجيلك يامراد اني لصتها لوص طلع الشخص الي جانت تحجي علية وصال .. هو خطيبها وابن خالتها ...مراد .. شنوو خطيبها يعني وصال جانت مخطوبة واخذتها من خطيبها .. ليث .. جانت مخطوبة وعقد سيد بينهم وخطيبها استشهد من سبع سنوات هي الي جانت تحجي عليه ...مراد ... اوكف لحضة لان مدااستوعب يعني انت حاسبتها على شي من الماضي وكسرتها والاغبئ من هذا مستشهد ..مستحيل انت .. ليث .. مراد اني ماجنت اعرف والله ماجنت اعرف مجرد سمعتها تحجي عن شخص وتحجي عنة بحب واعتزاز ثارت غضبي ولك تكول لادخل حياتي رجال قبلة ولاراح يدخل بعدة شتريد شلون اسيطر على اعصابي خليك ابمكاني شسوي .. مراد .. ليث انت مو مامعتبرها زوجة الك ومامهتم لأمرها علئ شنو بعد هذا التصرفات .. ليث .. ولك ششوفني كواد كدامك غير هي محسوبة علية كدام الناس .. مراد .. لا اريد جواب مقنع ليششش ليش ثار غضبك هذا الكلام .. ليث .. صفن بوجه مراد 😐 .. مراد .. جااوب ليشش .. ليث .. شبيك مراد انت مخبل شنو ليش .. مراد .. اني اكولك ليش .. ليث ليش تكابر كدامي اني اخوك وعضيدك انت انجنيت من سمعت وصال تحجي برجال غيرك لان انت تغار عليها والانسان من يغار على شخص معناتها اكو مشاعر اتجاها فليش تكابر راح تتعب هيج وخاصتا راح تتعب اكثر لان هي بمثل ماانت تكابر هي راح تكابر اكثر وحسب كلامك انت تكول هي راسها يابس وعنيدة وشخصيتها قوية فحتئ اذا هي تبادلك نفس المشاعر راح تخفيها لان انت خافيها وتكابر اصلا .. ليث .. تعرف مراد طول عمري جنت اتمنئ ارتبط بانسانة مثل وصال قوية شخصية قوية واقعية مثقفة واعية وجميلة كل الصفات الي اتمنئ بالانسانة الي تكون شريكتي لان راح تكون جيش بضهري وتسندني  بس الضروف عكست وياي  فمااشوفها غير فصليتي .. تمنيت لو ملتقي بيها بغير ضروف .. تعرف مشاعري مخربطة احسها مزيج من انتقام على غضب علئ اعجاب على اشتياق بس شي دائما ارددة بذهني انو هي اخوها قتل اخوية وسرعان مايتلاشئ الاعجاب والاشتياق تعرف من اراقبها من بعيد اسرح بتفاصيلها واتيه بعيونها الي جنهن غابة .. مراد ... هاالله هالله ول بوية انت واكع بالحب ومنتهي امرك هههه وتكول مااعرف ليش عصبت هههه .. ليث .. دسكت يمعود ياحب تعال حل هاي الطلابة الاكبر .. مراد .. خير ياستار شكو انوب .. ليث .. ابوية .. مراد .. شبي ابوك ؟؟ ليث .. عرف بالسالفة كلها ..  وعصب علية وضل يصيح ويغلط وكالي بعد اربعين غيث اطلك البنية حتئ انردها لهلها احسن من ماتموتها ابيتنا وتبلينا .. مراد .. اي صح كلامة انت خبل وماتتحكم باعصابك طلكها وخلي البنية ترجع لهلها عليمن هل العذاب .. طبعا مراد متقصد يحجي هيج حتئ يشوف ردة فعل ليث شنو .. ليث .. مراد انت شداتحجي صار ساعة ناكل تبن وهسة تكلي طلكها مااطلكها والله مااطلكها لو اعرف اخذها واطلع بيها مااخلي احد يندلها وين اكلك الكيلي حل تكلي طلكها 😠 .. مراد... هههههههاااي هاعمي شكلنا وتكول ماااحبها 😉 .. ليث .. باوعلي مراد لتعصبني هااا ترئ ماناقصك اني .. كلي شلون اقنع ابوية يتراجع من سالفة الطلاك .. مراد .. عادي كلة مرتي مااطلكها قابل هو راح يجبرك اذا تمسكت بيها وشوية اتعامل بلطافة شوية صير رومانسي جنتل مان مو كتلتني بهذا غرورك وكبريائك .. ليث ..  يمعود عوفنا من هذا الحجي مراد شجلبت لخاجر الله ..😠..واذا اصر علية اخذها وطلع من البيت هااا شتكول .. مراد .. لا غلط كلة اطلكها بشرط خلي تجيب طفل وبعدها اذا تريد تبقئ اهلا وسهلا تريد تطلك هي حرة واصر علئ هذا الشي .. واذا سئلو شمعنئ .. كللهم عاد طفل ابمكان الخسرتة .. ليث .. تجيبلي طفل ولك هي راح تقبل بهل الشي .. مراد .. لازم تقنعها وتحجون وتتفاهمون كللها تردين حريتج جيبيلي طفل وانتي حرة بعد تبقين تمشين الخيار الج .. ليث .. واذا قبلت اجيب طفل حتئ تتحرر مني شسوي .. مراد .. المثل وصال ماتتخلئ عن طفلها واحتمال هل الطفل راح يصلح هواي امور ويقرب بينكم .. ليث .. مادري مراد خايف من ردت فعل ابوية خاف يعند .. مراد .. كول يالله وتوكل وان شاء الله مايصير غير الي تريدة ..
**************************
في بيت ابو شاكر ***
...........................................
الكل مخبوص باجر الاربعين مال غيث والولد ملتهين بالتحضيرات والذبايح والمسواك مقسمين الشغل عليهم والبنات بتنظيف البيت واني گ العادة منعزلة بغرفتي .. وصال.. خلي اطلع اساعدهم حتئ ولو بشي بسيط عيب ماترهم صار اسبوع يخدمني البنات واني صرت زينة بس الجرح الي بأيدي بعدة الخياط بي .. لبست دشداشة سودة وضفرت شعري ضفيرة عادية وطلعت .. وصارت بوجهي رحاب .. اجاهلت وجودها .. بس هي گ العادة لازم اطفر بسمها متكدر .. رحااب .. هلا بالفصلية حمدلله علئ سلامتج شلون صرتي .. كالو متشوها من الضرب 🙂 .. وصال.. التفتت عليها وابتسمت ابتسامة بتك خدي ورديت عليها اني زينة احسن منج بهوااي تعرفين ليش ؟؟ طبعا وصال تحجي بكل ثقة .. رحاب .. ليش باله ؟؟ وصال ... اني اكولج ليش لان انتي وحدة غبية وماتفتهم شي وكل متحاولين تقربين الاشياء الج بغبائج تبعديها عنج وتخليها من حق خصمج .. .رحاب شتقصدين ؟؟ وصال .. مو كتلج غبية بس راح افهمج واتقربت عليها بكل برود وثقة .. يعني حاولتي تبعدين ليث عني وانتي ماتعرفين بتصرفج الغبي قربتي الي اكثر وخليتي يشيل الحواجز وصرت مرتة 🙂 ومو بعيد اصير ام اطفالة بعد محاولتج الغبية ف مرة الثانية فكري قبل متنفذين .. وشغلة ثانية والله ثم والله يارحاب اذا اخليج براسي اخليج تتمنين الموت اخليج تنامين بحصرة وقهر وتصحين بحصرة وقهر ف ابتعدي مني احسن الج مو الي .. غبية ..ومشيت عنها .. رحاب .. شنو يعني صارت مرتة صفنت وشهكت وخلت ايدها على حلكها 😱تكتم صرختها لالا يعني ليث تقربلها صارت مرتة مستحيل ليش هيج ياالله ليش هيج كل مااكول تقربت الكا نفسي بأول الطريق ليشش ليششش... فرحة .. ها حبيبتي وصال يمة رايدة شي جوعانة .. وصال... لاعمة مابية شي بس جيت اساعدكم .. فرحة شعدنا حتئ اساعدينا ماعدنا شي الطبخ وراح يجيبون طباخ والبيت خلصنا البنات وهاي ام سامر داسوي غدا بس اكولج شي احسن طلعتي من غرفتج اكعدي يمنا .. وصال .. ماشي عمة .. وصال .. كعدت يم عمة فرحة وام سامر داجهز بالاكل وشوية واجن البنات وام شاكر وكعدنا سوة بالمطبخ البنات يشاقن ويضحكن بس الحية رحاب مااعرف وين ولت گلعة وين متولي تولي .. .. ام شاكر .. هاا يمة شاكر حضرتو كلشي لباجر ماكو نقص .. شاكر اي يمة ماكو نقص حتئ السيارة الي تاخذنا لنجف اتفقت ويا السايق وحتئ اجرتة انطيتها اله .. ام شاكر .. عاشت ايدك زهراء .. باليل تجي فطومة .. فرحة .. اي يمة هلابيها .. زهراء .. اكول وصال .. وصال .. كولي حبيبتي .. زهراء .. تروحين ويانا لنجف مو .. وصال .. ه هاا لا مااكدر لسة تعبانة والطريق بعيد 😔 بداخلي بنفسي اروح وازور بس اعرف ليث مراح يقبل .. ملاك .. ليش حبابة دمشي ويانة شبيج .. وصال .. رفعت راسي وباوعت لعمتي فرحة بمعنا تعذري بمكاني وكأنو عمتي فرحة تقرأ افكاري .. فرحة .. مايصير يمة بعدها جروحها خضرة مايصير تكعد مسافة طويلة دشوفيها هي مال طريق طويل .. وصال.. شكد انحرجت من كالت جروحها خرب بلعت ريكي واستاذنت منهم ورحت لغرفتي .. مر اليوم عادي گ اي يوم وصار يوم الاربعين ابد مطلعت من غرفتي لان مااريد اشوف احد واني الاثار الي بوجهي صح خفت بس بعدها موجودة .. اسمع الهوسة مالتهم ..اخذت علاجي ونمت ..
ليث.  اخذت اجازة الخميس والجمعة علمود احضر الاربعين والسبت هو نزولي اصلا وصلت البيت الساعة 12 الظهر   بيتنا هوسة عمامي وزوجاتهم وبناتهم ولدهم واقاربنا لان هم الثواب مسوي على العشا ونفض العشا وب 4 الفجر نطلع لنجف .. طبيت سلمت على الكل واستاذنت حتئ اصعد اغسل واغير ملابس الدوام  وارتاح من الطريق .. طلعت من الاستقبال متوجه لغرفتي صارت مقابيبلي غرفة وصال والباب مسدود اخذت نفس طويل وزفرتة وصعدت لغرفتي .. اخذت ملابس ودخلت اسبح حتئ انام وارتاح شوية لان ورانة شغل وهوسة وطريق ..
.............................................
مرت الساعات ..
والكل مخبوص الولد بالطبخ برا والبنات علئ الاشياء الخفيفة الخضراوات واللبن والحلويات .. كرار .. وين ليث .. فرحة .. يابعدة نايم محد كعدة .. كرار.. احد يكعدة مااكدر اصعدلة البيت كلة نسوان .. رحاب .. نطت من مكانها اني راح اكعدة وركضت .. ملاك وزهراء وحدة تباوع على الثانية .. ملاك .. شنو هل الخفية بهل البنية .. فرحة.  اششش اشتغلن وانتن ساكتات .. رحاب .. رحت ركض وكلبي يدك اريد اكعدة راح ادخل لغرفتة واشوفة وهو نايم اوووف شكد احبك ياليث .. دكيت الباب ماكو رد .. دكيت مرة ثانية .. هم ماكو رد .. فتحت الباب ودخلت عطر الغرفة يموت .. تقربت علية نايم علئ بطنة بس بالفانيلة تعلاكة تقربت وخليت ايدي علئ جتفة اصحي .. ليث .. ليثثث .. هزيت جتفة حيل ليث اكعد .. ليث .. همم. شكو التفت شافني خزرني خزرة متت من الخوف .. ليث.. احس واحد يصحي بية ويهز بجتفي التفتت داشوف منو وشفتها هاي الحية خزرتها وكعدت على حيلي انتي شسوين هنا هااا منو سمحلج تدخلين غرفتي واني نايم .. رحاب .. بارتباك.  ه ه هو هم كالو كعدي ليث لان يردوك الولد جوة .. ليث .. وليش ماصعدت زهراء ملاك وصال هااا انت ليشش .. رحاب .. والله ملاك وزهراء دايشتغلن و ووصال اصلا متطلع من غرفتها اليكول عروس حتئ اكلها لغرفتها يودو .. ليث .. من جابت طاري وصال صكيت سنوني وطفرت عليها .. ولزمتها من فكها اسمعي ولج اذا اجيبين طاري وصال بعد على لسانج اكصة وانسئ انتي بنت عمي سمعتي لواعيد .. وشغلة ثانية اذا اجيتي بعد علية وحاولتي توزيني عليها ادفنج وروح غيث ادفنج لو شوفيها ويا عشر زلم كاعدة متدخلين هاي اخر مرة انبهج ياله ودفعتها حيل وطلعت تركض ..
***************************
مشئ اليوم. وخلصنا العشا وزعنا ثواب وكلشي خلصنا حتئ. الجدورة والمواعين الولد غسلوهن برا كل واحد صار بصفحة من التعب والي نام حتئ يكعد ب 4 لان نطلع لنجف ب 4 واني كل هذا الوقت مالمحت وصال نهائي ... واحوص شلون اشوفها وعمتي فرحة من التعب راحت نامت والبنات هم .. طلعت برا بالحديقة ادخن طلعت من باب المطبخ ورديتة وراية ..
وصال ... اليوم گضيتة نايمة وكعت جوعانة سمعت صار البيت هدوء .. كلت اطلع اشوف شنو اكو بالثلاجة اكل كلش جعت هذا العلاج يخليني اجوع .. طلعت علئ كيفي امشي مثل الحرامية حتئ مااصحي احد ورحت للمطبخ حتئ مشغلت الضوا على ضوا الثلاجة ادور شي اكلة .. حسيت باحد قريب علية بلعت ريگي .. وعدلت وكفتي .. ليث .. صارت ب 1 وماكو امل اشوف وصال كلت خلي اطب انام ساعتين وراية طريق .. دخلت من باب المطبخ .. وشفت جبلي واكفة اباب الثلاجة لابسة تراكسود اسود والشعر جوة الخصر منثور على ضهرها تقربت عليها كلش مشتاق اشوفها وصارت الفرصة انو اشوفها .. تقربت حيل منها عدلت نفسها وضلت واكفة التفتت عليه بحركة سريعة ورات تعيط خليت ايدي على حلكها وسحبتها علية حتئ ابعدها من باب الثلاجة خفت لاتوكع اشش لاتخافين اني ليث اهدي شبيج ليث هيج خايفة. اشوفها صارت تتنفس بسرعة اباوع سحاب السويتر الي لابستة مامسدودة للاخير تقريبا شبر مفتوحة ضليت اسرق الانضار على مكان السحاب المفتوح احس احساس غريب احس برغبة قوية اتجاها من انتبهت علية وين اباوع دفعتني .. وصال.. التفتت وجيت اعيط بس كان اسرع مني وسد حلكي بيدة وسحبني علية بقوة اختنكت لان خفت لا يكون احد ثاني وشفتة شلون يباوع على مكان السحابة ماكانت مسدودة للأخير ضجت من نظراتة دفعتة من دفعتة جرني ويا ودفعني ولزكني  علئ الحايط .. ليث .. ليش ادفعيني هااا انتي حلالي وين مااباوع اباوع سمعتيني لولا وشوكت مااريد اخذ حقوقي منج اخذهن يحجي وهو صاك سنونة ومقرب وجة علئ وجهي وانفاسة الحارة تضرب بوجهي .. وصال .. ماكو الك اي حق يمي ولتفكر من اخذتني غصب عني راح تكون عندك حقوق يمي انت مامعترف بية گ زوجة معتبرتني غير فصلية او بمعنئ اخر خدامة مثل متكول .. ليث .. تحجي وهي صاكة سنونها يعجبني بيها عنادها واحسها متخاف مني وتتحداني هذا الي يثيرني بيها اكثر .. ليث.. لعد من معتبرج خدامة وفصلية ليش مشتكيتي علية هااا جان تكدرين تشتكين علية .. وصال.. هه لاعبالك من مااشتكيت علية حتئ اكسب تعاطفك وحتئ يأنبك ضميرك اتجاهي لان انت اصلا واحد ماعندك لاضمير ولااحساس بس كلة علمود عمي الشيخ واخوتك ماريد احد يجيب طاريهم بالموزين هذا كل الموضوع اما انت فماتهمني بكد الشعرة وياريت يصير عندك ولو ذرة احساس واطلكني لان من صدك كارهتك وحاقدة عليك 😠 ..ليث .. من حجت هذا الحجي احس الدم صعد براسي وخاصتا من كالت طلكني واكرهك تقربت اكثر عليها ولزمتها من فكها والمسافة البين عيونا يمكن اقل الشبر فتحت عيونها وتلاكت عيونا بداخلي احجي مااريد اتيه بعيونج .. وحجيت واني صاك سنوني مو بكد گرهي وحقدي عليج والتردي مايصير غير بشروط .. ابتعدت عنها لان المسافة بينا كارثة مااتحمل يادوب طلعت الكلام الحجيتة 👆 تركتني وركضت لغرفتها .. عصبت حيل تكرهني وحاقدة علية شلون راح تنحل..
مشت الساعات وصار موعد انطلاقهم لنجف الاشرف وصال ماراحت بس كل العائلة راحت .. ليث .. خالة ام سامر ابد لاتركين وصال اي شي يصير اتصلي بية امانة ماوصيج بعد .. ام سامر لايمة لاتوصيني توكلو وصال بامانتي ..
وتوجهو لنجف الاشرف
*******************
وَ ‏‎تِلك العيونُ قَصائدٌ لو تُرجمت
لم يبـْقَ عند القائلينَ كـلامُ 🍃 ليث🍃

لهنا ويخلص هذا البارت ننتضر احداث جديدة ومشوقة بالبارتات القادمة لاتنسون المتابعة والتصويت احبكم 😘
لارين العامري
                    أنامل كاتبة