عـشق الـجبـال (فصـليـة)

عشق الجبال(فصلية)

آصـعب دموع هي ألتي تبقى بداخلك..
واصعبها هي ألتي لا يراها من تبكيها بسببه...

💚🍃وصال💚🍃
عشق الجبال (فصلية) البارت 31
.............................................
كرار ... وصلنا المستشفئ نزلت ركض اجيب سدية شاكر نزل بسرعة وشال وصال ودخل يركض بيها .. واني اصيح وين الدكتورة وينكم امي وعمتي يركضن ورانا احس نفسي مخبوص اجتي دكتورة على اصواتنا شاكر خلة وصال على السدية .. الدكتورة ... هذا شنو حادث ؟؟؟ شاكر وكرار واحد صافن بوجه الثاني .. فرحة .. حتئ تتلافئ الموضوع لا دكتورة حتئ احنا منعرف شنو الصاير هي وزوجها فدوة دكتورة هسة شوفيها مو وقت اسئلة .. اخذوها ودخلو بيها لغرفة مكتوب عليها عمليات صغرئ داخل الطوارئ .. واحنا القلق يقرأ الف عدنا .. كرار .. وينة استاذ ليث هااا كلي وينة .. شاكر .. مااعرف طلع اتصل علية ميرد استغفر الله هذا الولد راح يخبلني .. كرار .. والله ياشاكر اذا ماحجيت لابوية كل سوالف ليث فلااطلع كرار طالع من ظهر عماد الحارث بسيطة ليث ... شاكر .. اسكت هسة واهدئ خلي نشوف هل المسكينة الجوة شنو بيها شمسويلها .. فرحة .. شمسويلها مصخم وجهنا ولد الشوارع ماسوو سوايتة .. ام شاكر .. اووف يايمة هاي البنية موتها على ايد ليث ليش هيج ياليث يمة اوووف شوفو وينة خلي يجي ... شاكر .. يمة مايجاوب على اتصالي .. كرار ... سوة عملتة وانهزم خلي لايجي لان ماريد اشوفة لان من صدك مااكدر الزم اعصابي 😤 .. شاكر .. كافي كرار خلي نفتهم هسة البنية شبيها وليث ليش هيج سوة .. فرحة .. بقت تدعي ودموعها مانشفت لان من صدك وضع وصال يبجي الصخر ..
.........................................
في مكان اخر ....
ليث .. بعد الصار ركبت سيارتي وطلعت لبغداد مااريد اشوفها او مااريد اسمع انو هي ماتت مجرد التفكير بهذا الشي يموتني هواي اتصل شاكر علية خفت ارد لايكلي ماتت ياربي اني شسويت شسويت ويضرب بالستيرن مال السيارة ..  اخذت التلفون واتصلت على عضيدي ورفيق دربي وصندوق اسراري مراد ..
مراد 📲 هلا بالعضيد
ليث 📲 هلا مراد انت وين
مراد📲 اني بالبيت ليش بيك شي ليث صاير شي
ليث📲 اي صاير اسبقني لشقتنا اني جاي بالطريق ..
مراد 📲 ليث بيك شي ترئ قلقتني؟
ليث📲 اوصل واحجيلك داسوق وحتئ حيل مابية ... ونتهت  المكالمة وقفلت تلفوني لان شاكر خبص الدنيا واني مااريد ارد علية
.........................................
في بيت ابو شاكر ....
عمار .. رجعنا اني وزوجتي وجهالي جنت ماخذهم مشوار .. وينهم شو ماكو احد .. يمة يمممة عمة فرحة وينكم يبنات .. اجتي زهراء وملاك يركضن .. زهراء .. هاخوية بيك شي .. عمار .. لابوية مابية شي بس وينهم شوماكو احد شبيجن عيونجن مورمات باجيات شكو اصاير احجن .. ملاك .. شاكر وكرار وعمتي فرحة وعمتي ام شاكر اخذو وصال للمستشفئ اهئ اهئ 🥺 .. عمار .. ولج شبيها وصال اصاير اجر السالفة جر منجن دحجن موخبلتني .. ملاك .. ليث موت وصال ونقلوها للمستشفئ .. زوجة عمار خلت ايدها على حلكها وشهكت يمة اسم الله شنو موتها ولج احجي .. عمار .. اصبري انتي الثانية .. فهمني اصار .. ملاك .. حجتلة الموضوع كلة .. عمار .. وهسة ليث وين .. ملاك وزهراء .. مانعرف طلع من البيت قبل ماينقلون وصال للمستشفئ ... عمار .. استغفرالله ياربي هذا اكيد تخبل مو بوعية لاتخبل اكيد .. طلع تلفونة واتصل على شاكر ..
شاكر📲الو ها عمار
عمار📲 انتو وين شاكر
شاكر 📲 طالع اتفسح بأبو نؤاس بجال اخوك الشفية اني بالمستشفئ
عمار 📲 وين يامستشفئ
شاكر 📲 مستشفئ(*****) انت وين هسة
عمار📲 قبل شوية طبيت للبيت وعرفت الصار هسة جاي مسافة الطريق ..وانتهت المكالمة ..
البنات .. هاا شكلك شلون وصال .. مكال شي هسة رايح عليهم وافتهم .. زوجة عمار .. اروح وياك فدوة .. عمار .. وين ترحين يمرة البنات وحدهن وصارت المغرب عاد وحدة جبيرة تبقئ بالبيت .. زين عمار عليك الله من توصل طمني اتصل ولاتشلع گلبي من اتصل عليك فدوة .. ماشي ماشي حبيبي اطمنج ياله خلي اروح .. الكل الله وياك ..
.......................................
في المستشفئ ...
...........................................
الدكتورة .. انتو شصيرون من المريضة .. شاكر .. زوجة اخوية وهاي امي وعمتي .. طمنينا دكتورة شلونها شلون صارت .. الدكتورة .. المريضة متعرضة للعنف وجسمها كلة مجرح ولكينا بقايا گزاز بجروحها .. والاقوة من هذا كلة متعرضة للاغتصاب بوحشية وهمجية .. شاكر .. انصدمت من كلام الدكتورة متعرضة لغتصاب لاياليث ياخوية ليش هيج. ومسحت وجهي من الحيرة والصدمة .. اباوع لكرار مصدوم بس عيونة خازرة 😲 امي وعمتي يدكن ويبجن .. صحتني الدكتورة من صفنتي .. بكلامها .. المريضة من تصحئ واذا رادت تقدم شكوئ ضد الفاعل اني راح اساعدها واقدم تقريري لان هذا الشي ماينسكت علية .. شاكر .. دكتورة .. بس الي سوة هيج زوجها .. الدكتورة .. واذا زوجها اكو واحد يسوي بزوجتة هيج شي هذا اعتداء يعني لو بس مغتصبها جان كلنا يصير اول يوم دخلة بعض البنات هيج شي  هواي هيج  حالات ..بس المريضة معتدي عليها بالضرب مشوها اصلا .. عن اذنكم ... كرار .. باوع لشاكر .. ولك خوية شفت اخوك شمسوي مغتصب زوجتة هذا ولكم هذا هم بشر .. ماحسينا غير على عيطة عمتي فرحة.  وهي تصيح ام شاكر خية شجاج ولكم الحكولي .. شاكر وكرار ركضنا على امي فاقدة ركضنا نصيح الدكتورة .. اجتي دكتورة وممرضة خلينا امي على السدية .. الدكتورة .. شو اطلعو شوية خلي نشوف شغلنا .. فرحة .. ادك وتلطم .. ولك ليث اسويت بينة ولك عمة شاكر اتصل بي .. شاكر عمة اتصلت بي جان مشغول وهسة قفلة .. ياربي شدايصير ياربي رحمتك ياربي الطف بينا .. كرار .. والله اذا قدمت شكوة وصال على ليث اني اول واحد اشهد ضدة وانسئ هو اخوية .. شاكر .. كرار اسكت شبيك شلون تحجي هيج هذا اخوك مايصير تحجي هيج .. كرار .. اخوية شمسوي ابنت العالم وهسة امي مدري شبيها مابيها مو كلة بسبب استاذ ليث ااخ ياليث اااخ ..
عمار .. وصلت المستشفئ اتصلت على شاكر ودلاني وين هم وصلت لكيت الجو مگلوب .. عمار .. شكو اصاير شاكر فهمني .. شاكر .. شفهمك .. وصال جوة مشوها اخوك وفوك كل هذا مغتصبها وامك جوة والدكاترة يمها ماتحملت الصدمة والاقوة من هذا الدكتورة تكول اذا المريضة تقدم شكوئ ضد الفاعل اني اقدم تقرير يدينة .. عمار .. شداتحجي شنو مغتصبها هذا صاحي هذا لااتخبل رسمي هي زوجتة ماله داعي هل التصرف .. وامي امي شبيها .. شاكر .. مااعرف تخربطت همزين احنا بالمستشفئ .. .. عمار ... استغفر الله ياربي .. وليث وين .. شاكر... علمي علمك اتصل وميجاوب اخر شي قفل موبايلة .. بهل الاثناء طلعت الدكتورة من يم امي وركضنا عليها .. هادكتورة طمنينا شبيها الحجية ... الدكتورة.. ضغطها صاعد همزين تلاحكنا عليها هسة خلينا الها مغذي وابر بالمغذي وان شاء الله تتحسن عدها العافية .. عمار وشاكر .. الله يعافيج دكتورة ..