عـشق الـجبـال (فصـليـة)

عشق الجبال(فصلية)

عشق الجبال(فصلية) البارت 24
..........................................
وصال.. ليث بعد رزالة عمي اله صار اكثر عدائي بتصرفاتة وياية بس بالسكتة 🥺 .. واني همي الاكبر شلون راح اواجه ملاك حبيبة وخطيبة المرحوم شلون راح يكون تصرفها وهي داخلة بنوبة هسترية من وفاة غيث ولسة اني منطيتها العذر لأن اني عشت العاشتة من استشهد حب عمري وخطيبي حسام الله يرحمة
..........................................
يوم الخميس ..
.............
كملنا الريوك ونضفنا كلنا اساعدنا بشغل البيت لأن اليوم مسوين ثواب للمرحوم وطبعا ام سامر قطعت الاجازة ورجعت بأمر من ابو شاكر .. واجتي الحية رحاب وامها محجت شي بس تخزر بية ونظراتها مو مريحة مهتميتلها بعد الشافتة مني اخر مرة خلاها تجنبني بس مجنت اعرف تجنبني فترة بس بمجرد ماتلكا فرصة تاذيني بيها او تخلي ليث يأذيني .. كملنا شغل وبقئ الطبخ ام سامر تطبخة وباشراف عمة ام شاكر وعمة فرحة واحنا هم نحضر الخضراوات والبن والسلطات وهل الاشاء النواعم .. رحاب .. عمة اساعدكم بشي محتاجين شي اسوي وهي تعوج بحلكها .. ام شاكر .. لاحبيبتي ممحتاجين شي البنات مخلصات كلشي .. رحاب .. زين عمة اذا ردتو شي صيحولي 😏 .. ام شاكر .. تسلمين حبيبتي .. وراحت هي بس  نيتها تدخل تستكشف وشوف فرصة اضايقني بيها .. زهراء .. من خفت الحية ورئ مخلصنا جاية تردون شي ننننننننن زهراء تعيب وتحجي .. ام شاكر .. اسكتي يمة مالج شغل بيها ممحتاجين شغلها .. يمة وصاال .. وصال.. ها عمة أمريني .. ام شاكر .. مايأمر عليج ضالم حبيبتي .. روحي يمة غسلي وغيري ملابسج .. وبعد گلبي خلي شال على راسج حتئ مايتحجج عليج ليث لان الولد كلهم راح يلتمون .. وصال.. صار عمة تامرين امر .. ام شاكر .. بعد گلبي العاقلة .. وصال.. رحت لغرفتي اخذت ملابس طبعا دشداشة سودة بس هل المرة مو كلوشة وبيها  شغل بسيط بصدر الدشداشة هم اسود واخذت منشفتي واغراضي ورحت للحمام وخلصت وطلعت نشفت شعري وضفرتة ضفيرة وخليت شال اسود اني صح  ممحجبة بس اعرف البس الحجاب لان بالزيارت البسة هو والعباية هههه يعني كلشي مار عليه .. طلعت من غرفتي اريد اروح للمطبخ غرفتي صايرة بصفحة الدرج وهي والحمام ف من طلعت گفخني عطرر مار علية هذا العطر شامتة قبل هل المرة التفت وشفت ليث نزل بس صدك قنبلة 😣لابس دشداشة نيلي طوخ وساعة ذهبي ومحبس وتكرمون شحاطة لون گريمي يبوو طالع يسطر تلاكت عيونا واحنا نمشي هو نازل من الدرج واني طالعة متوجه للمطبخ .. وگأنو هو هم متعجب بالشال الي لابستة .. يول هو غير انت طالع تسطر .. ليث .. نزلت وتلاكينا اني وصال .. واحد ملتفت على الثاني وكانو متفاجئين ببعضنا لابسة شال اسود طالعة جنها گمر ولون العيون وكبرهن بارز تفاجئت وعطرها الهادئ الي يجذب .. هي راحت للمطبخ اني النية هم جانت المطبخ بس اخذت استدارة وطلعت للاستقبال 😂 ماريد ابين مهتم لشي .. لكيت اخوتي ولد عمي موجودين وعمامي والوالد سلمت وكعدت .. وطبعا ونسوان عمامي هم مواجودات يعني كاعدين كعدة عائلية والحية رحاب ماشالت عينها مني شكد عينها صلفة. 😠 .. رحاب .. شلونك ليث شخبارك والله مشتاقيلك .. ليث.. الله يسلمج تشتاقلج العافية .. شكد شلنفص قبل كم يوم جنت هنا تعاركين بوصال.. طبعا يحجي ويانفسة .. حسين .. اي ليوث شخبارك وشخبار دوامك والعرررررس شلونة وياك .. طبعا كلمة العرس جرها متعمد .. ليث .. الحمدلله كلة تمام .. حسين .. كلة كلة تمام وغمزلة😉 .. ليث .. صعد الدم براسي لان اعرف شيقصد.. اي تمام لاشيل هم ابن عمي .. ابو شاكر .. بوية رحاب خلي يجيبولنا جاي .. رحاب .. اي عمو تدلل .. رحاب رحت للمطبخ الشيخ يريد جاي وصبي للكل .. فرحة .. يمة وصال هذا الجاي وصبي للموجودين كلهم .. وصال .. صار عمة .. شو هاي كالت على جاي وراحت .. كرار بهل الاثناء اجا اتصال وطلع برة يحجي .. وهاي المكروصة رحاب كالت صبن جاي وراحت ولت .. زهراء .. تلكيها مگابلة ليث فاكة حلكها .. وصال .. اي حقها .. زهراء .. شنو .. وصال .. ه هاا لاماكو شي اني راح اقدم الجاي ماطول كاعدين سوة زلم ونسوان. فرحة .. اي يمة روحي قدمي ماكو احد غريب .. اخذت صينية الجاي ورحت للاستقبال .. اول مدخلت انتبه واحد يكولون اسمة حسين ..واكلني اكل بعيونة وانتبهت على ليث خازرني وجه مايتفسر .. رحاب .. تعمدت هي اجيب الجاي حتئ بلكي يعصب عليها ليث كلت مااخلي فرصة اذا مااستغلها بس شفت حسين ابن عمي اكلها بعيونة وشفت ليث يخزر بيها .. ليث .. من شفت نظرات حسين جان بودي اخنكة خزرتها وكمت اخذت صينية الجاي روحي منا لاشوفيني وجهج طبعا بهمس بس ااني وهي نسمع ..وصال.. خبل شايف نفسة شوفة على كلشي يخزر بية بس هذا عطرة ياربي شامتة قبل حتئ قبل مااجي لهنا .. اي اذكرت قبل مااجي لهنا بيوم جنت بالحديقة ومرت نسمات هذا العطر بس كلش مميز اني سارحة بالعطر .. اسمع زهراء تكول. اجتي ملاك عمة ... وصال ... اجتي ملاك
نعرف شنو الصار بلقاء وصال وملاك بالبارت القادم
لاتنسون التصويت والمتابعة حتئ يوصلكم كل جديد احبكم 😘
لارين العامري
            انامل كاتبة