عـشق الـجبـال (فصـليـة)

عشق الجبال(فصلية)

وهذا بارت ثاني وتدللون 🌺♥️
******************
عشق الجبال(فصلية) البارت 49
****************************
نكمل الاحداث ...
ليث ...هذا تلفونج وهذا تلفوني هسة شراح اسوين ...وصال ...ممكن تلفوني ..ليث ...هاج ...وصال .. اخذت تلفوني وفتحتة ودخلت على رسائل الخط اخر مبلغ مسحوب قبل اسبوعين 750 الف دينار من حساب وصال وصعدت شافت الرسائل كلة شهر تسحب مليون ..استغفر الله ...ليث ...شكو شنو صاير ...وصال .. اسماء داتبوك بية عينك عينك ... ليث ... شلووون... وصال.. هاك شوف كل ماينسحب مبلغ من حسابي تجيني رساله على الخط ...ليث .. اخذت التلفون صدك كل شهر تسحب واخر سحب قبل اسبوعين ...ليث هسة شراح اسوين ... وصال ...سجل هذا الرقم يمك حتئ نتصل علية ... ليث .. بدون مايسئلها ردت الرقم وكتبة .. وصال ..اتصل ..  ليث .. اتصلت .. وصال .. افتح سبيكر .. ليث تمام ..
رد صوت رجال 📱 الو نعم
وصال📱 السلام عليكم استاذ طارق
طارق 📱 وعليكم السلام منو
وصال📱 وياك ست وصال
طارق 📱 ياهلا ومرحبا ست وصال شلونج شخبارج
وصال📱 الحمدلله بخير تسلم
طارق 📱 ائمريني ست وصال
وصال📱 مايأمر عليك ظالم استاذ طارق بس ردت اكولك بطاقتي ضاعت مني ..
طارق 📱 شلون وشوكت قبل اسبوعين انسحب ابطاقتج 750 الف
وصال📱 اي اعرف قبل يومين ضاعت .. واريد منك خدمة
طارق 📱 انتي تئمرين ست وصال
وصال📱 اني خارج بغداد حاليا واريد منك توقف بطاقتي
طارق📱 سهلة بس دزيلي مستمسكاتج واليوم تتوقف
وصال📱 تسلم ياطيب هسة ادزلك صور المستمسكات على الوتساب من هذا الرقم
طارق📱 تمام ست
وصال📱 استاذ طارق اي احد يسئل عن البطاقة كيف وشلون توقفت مااريد تكول اني الطلبت منك اتصرف من يمك بدون مجيب اسمي
طارق📱 صار معلوم ست وصال
ونهو المكالمة .. انتبهت لــ ليث مصغر عيونة وصافن علية.  وصال .. شبيك ...ليث... عوج حلكة مابية ...وهسة بعد شنسوي ..وصال ...ولو راح اخلص رصيدك بس ياله تطلب ..ليث ...لازم تحجين الوحد كوة بعدين هذا فاتورة ..وصال...ههه زين لعد سجل هذا الرقم ...ليث ..هم رجال ..وصال ...هههه عرفت ليش عامص عيونك لان حجيت ويارجال هههه لااطمن هذا الي راح نتصل بي مو رجال مرة .. اتصل وافتح سبيكر .. ليث .. تمام اتصل ثواني وجاوب
أسماء 📱 نعم تفضلو
وصال 📱 غمضت عيونها واخذت نفس بحصرة وردت الو شلونج اسماء
اسماء 📱 اهلا وسهلا منو
وصال📱 معرفتيني منو اني وصال
اسماء📱 بارتباك و و وص وووصال هلو وصال حبيبتي شلونج شخبارج
وصال📱 الحمدلله ماشي الحال شخباركم انتو
اسماء📱 الحمدلله كلشي تمام هذا رقم منو
وصال📱 هذا رقم زوجي بس ديري بالج تتصلين علية الااني اتصل لان دااتصل بيج بدون علمة لكيت فرصة هسة دخل للحمام وكلت اخابرج اطمن علئ عمو رحيم بالي يمة
اسماء📱 هاا زين زين عمو رحيم قبل يومين اخذتة للغسل بيدي ويسلم عليج
وصال📱 باوعت على ليث فاتح عيونة غمضت هواي اسلميلي عليه مااوصيج احذفي الرقم ابد لاتتصلين ترئ تسببيلي مشكلة
اسماء📱 تمام تمام حبي باي
ونهو المكالمة ..ليث .. اباوع على وصال وهي تحجي وياهاي العكربة تغمض عيونها وتاخذ نفس قوي اباوع على ايدها سدت كف ايدها بقوة بحيث بينت الاوردة شلون تتحكم بهاي العصبية اعرف صايرة نار لان عيونها صارن حمر ويلمعن اثر الدموع الي ماتقبل تنزلهن .. اباوع عليها نهت المكالمة وصافنة .. ليث ..وصال شبيج .. انتبهت علية هسة شنو وصال هي تكول قبل يومين اخذتة للغسل والرجال صار 9 ايام من اتوفئ .. وصال .. اكو شي دايصير او صاار ...ليث .. مثل شنو فهميني .. وصال...اسماء داتشتغل لصالح خالد .. ليث .. منو هذا خالد ... وصال .. ابن عمي وشريكنا .. ليث .. وشبي هذا خالد ... وصال .. واحد طماع كل همة الفلوس يبيع امة وابو علمود الفلوس وجنا اني ويا حررب استغل فرصة غيابي وبدا يلعب لعبتة القذرة بس ياترئ ابوية ومازن وعمي عزيز يعرفون بهذا الشي .. ليث .. وهسة شراح اسوين .. وصال .. ماسوي شي لازم هم يسون اني حاليا مابيدي شي اسوي بس اعرف راح يخرب الدنيا خالد .. وصال .. خلي اجيبلك مستمسكاتي حتئ ادزهن لرجال سجلة اسمة على الرقم بين مااجي ..ليث .. تمام ..شكد يعجبني ذكائها ماتحسها مرة تحسها لبوة شكد حلو الرجل يرتبط بوحدة قوية مثل وصال ااااخ ياوصال واجعة گلبي انتي وماتدرين وشسوي وياج ماادري .. رسلو المستمسكات لرجال .. وصال .. اشكرك ليث على هاي وكفتك .. ليث .. اني ماسويت شي اشكريني علية .. وصال .. ماقصرت .. هاا صدك من تتصل هاي ياريت تكلي ..تمام ..وصال .. من رخصتك وخلت وراحت لغرفتها .. حتئ تلفونها بقتة مااخذتة ..ليث .. اخذ نفس عميق وبحصرة شوكت تحسين بية مو كلبي خلص من الانتضار ...
(في مكان اخر)
اسماء .. خالد الحك .. خالد شكو ياستار .. اسماء ... وصال اليوم اتصلت بية ...خالد ..شنو شوكت اتصلت .. اسماء .. قبل شوية اتصلت من رقم زوجها وسئلت على عمو رحيم ...خالد .. وشبيج مخترعة وشكتيلها كتيلها اتوفئ .. اسماء ... لا طبعا كتلها قبل يومين وديتة للغسل ويسلم عليج ...خالد ...ياعيني يسلم عليها من الاخرة شهل المكر العندج احفضي رقم زوجها .. اسماء .. كالت لاتتصلين علية ابد الااني اتصل لان مايعرف اتصلت بيج ...خالد .. وانتي اكيد مامسحتي ...اسماء.. لاطبعا ماامسحة .. خالد ...وشراح اسوين .. اسماء ...اعبر يوم واتصل بحجة اسئل عليها وبهيج حالة راح يعرف استخدمت تلفونة ...خالد...ف راح يأذيها وينتبه منا وجاي ماتستخدم تلفونة واضايقج وتربكج .. اسماء ... بالضبط ... خالد .. ولج انتي شيطان بهيئة مرة بس للاسف مرات اتصيرين جبانة اتصال واحد  من وصال هزج هز هههههه ..
-------------------------------------------
وفعلا مر يوم واتصلت الحقيرة ..ليث .. هاي داتتصل شكد جلبة اخ الله كون الكفج بيدي ونزل لوصال .. انفصل الخط ..  ورجعت اتصلت مرة ثانية .. ليث ...وصال هاي داتتصل ...وصال ..جاوبها وكانو متدري تمام ... ليث ..تمام
ليث📱 الو
اسماء📱 الو مرحبا
ليث 📱هلا ومرحبا منو
اسماء📱 ا اني صديقة وصال حابة اعرف اخبارها
ليث📱 ومنين جبتي رقمي
اسماء📱هاا مو هية مرة اتصلت علية من هذا الرقم وهسة حبيت اعرف اخبارها ...
ليث📱 قبل شكد اتصلت عليج الووو الووو انكطع الخط ...وصال .. اتصل وسوي روحك عصبي ..ليث ..شلون اسوي روحي عصبي .. وصال .. صغرت عيونها ياعيني متعرف اصير عصبي ..ليث ..  اني اصير عصبي بالحقيقة مامثل قبل دور العصبي ..وصال ..دياله اتصل ..ليث ..اتصل ماكو بنت الكلب حضرتني. .. ولج معناتها خبثت عليج حتئ تبعدج عنها شهل الناس الزبايل الي بحياتج لا واثقة بيها ومسلمتها الاول والتالي ... وصال .. ليث لازم اوصل خبر لرائد ومازن حتئ ينتبهون ... ليث ..اني اتواصل ويارائد راح ابلغة وهم يتصرفون .. وصال ...تمام ..
وفعلا وصل ليث خبر لرائد .. بس بعد فوات الأوان .. دخلت الشركة للمناقصة واخذتها وهي علئ حافة الهاوية طبعا ابو مازن مايعرف بهذا الشي لان حالتة الصحية مو تمام ويخافون علية ... مازن .. خالد انت شلون تدخل لهيج مناقصة وميزانية الشركة ماتتحمل هيج مناقصة والاكثر من هذا مابيها اي فايدة .. خالد .. محد منكم اجة وشوفني وجه تردون بس ارباح بس من يصير شي تجون بس تلومون اني شايل الشركة بوحدي اني شصير كلت بلكت اكدر اغير من وضع الشركة هو هذا الشغل ربح وخسارة لو انتو بس تردون ربح .. مازن .. خالد هاي المناقصة كلنا مقبلنا عليها شلون تصرف من ورانا انت تعرف وضع ابوية وصحتة بالنازل ... خالد.. وضع ابوك بالنازل وعمي عزيز شايل ايدة نهائي كلة براسي تعرف لومتعرف .. مازن .. اني كم مرة اجيت حتئ اساعدك وانت رفضت هااا ثاري جنت تخبص بوحدك .. خالد .. ماازن احترم نفسك اني مو جاهل كدامك حتئ تحجي وياي بهل الطريقة .. مازن .. هو شنو فايدة الحجي وياك اصلا ياخالد انت خربت الدنيا علئ روسنا .. وخلا وطلع .. خالد .. دطير هو اني شريد اريد احطم هاي الشركة على روسكم هههه احطم اخر ماتبقئ من وصال حبيبة الروح اااخ ياوصال ااخ ...
--------------------------------------------
ليث .. واكف بالبالكونة مال غرفتي وشفت وصال كاعدة بالمرجوحة لافة رجليها لصدرها ورايحة بغير عالم تقريبا الساعة 11 باليل كلت خلي اروح احجي وياها واذا ماكو فايدة لازم اتخذ القرار الي براسي .. نزلت ... وصال ...شفت ليث اجة يتمشئ باتجاهي ياربي شكد احب هاي الطلة تاخذ گلبي وعطرة الي يسبقى ..وصل يمي ...ليث ...شلونج ..وصال .. الحمدلله ..ليث .. شو كاعدة وحدج خومابيج شي .. وصال ..لا مابية شي بس البنات مطلعات فلم ويتفرجن ماعجبني اتفرج وياهم اجيت گعدت برة ...وانت ليش لسة كاعد مو لازم الفجر تلتحق .. ليث ...اي ماجاني نوم دافكر .. وصال .. بشنو ...ليث ...بيج .. وصال ...بأستغراب بية ليش شبية ...ليث ...تقدم وكعد يمها وصال ليمتئ نبقئ هيج صار اربع اشهر  على هاي الوضعية كأنو غريبين لوتنطيني وقت حتئ افتهم ترئ وصال تعبت اني حسي بية ...وصال ... وليش اني ماتعبت هااا هاي اربع اشهر انت تكول ماكو شي تغير كل مابالموضوع انو انت متجبرني على شي شنو غيرة حسستني بشي بادرت بشي ..ليث ... هواي بادرت بس ماشفت منج اهتمام وصال راح اسئلج سؤال بس امانة تجاوبين بصراحة .. وصال انتي تحبيبني ..وصال ...فاجئني بسؤاله بلعت ريكي .. وضليت ساكتة ...ليث ...زين راح ابسط السؤال ليث شيعنيلج ... وصال ...لارد ساكتة .. ليث ..لهل الدرجة الجواب صعب ...تمام وصال .. هاي اخر يوم راح اشوفيني بي.. وصال ... شنو اخر يوم مافهمت .. ليث ... يعني راح التحق بعد ماارجع وابقئ انتي بصمتج وشوفي راح تفتقدين ليث لو لا حتئ بعدها اتصرف ..وصال .. هذا تصرف مال مخابيل اهلك شنو ذنبهم تبتعد عنهم وبسببي وبعدين وين تبقئ بالدوام .. ليث .. اول شي اهلي اكو تلفونات واتواصل وياهم ثاني شي انتي نسيتي اني عندي شقة واكعد هناك احسن من هذا العذاب والتعب .. اشوفج بخير .. وخلا وراح لغرفتة .. وصال ...خلاني وحدي صافنة شبيج وصال ماعرفتي اجاوبين وتكليلة احبك ماعرفتي تكولين اله انت كلشي تعنيلي هه اي وصال راح تصفين وحدج حتئ هذا ليث الي حبج عافج وراح حسيت بخنكة دخلت ركض لغرفتي وحضنت المخدة اكتم شهكاتي بيها ليش صرتي تخافين من الحب ليش.. ليش متقبلين تعيشين ايام حلوة شنو تعلمتي على القهرر اااااااه ياكلبي وهذا ليث راح يترك البيت ويمشي ...ضليت كاعدة لأحد ماسمعت صوت خطوات على الدرج عرفتة هوة لان الساعة صارت 4 الفجر وهو هيج وقت يطلع لدوامة ضليت اصنت حسيتة وكف قريب غرفتي كتمت انفاسي .. ليث ... جهزت نفسي واغراضي واخذت اغراض زيادة لان قررت بعد ماارجع للبيت لان تعبت من برودها والامبالاة مالتها نزلت واخذتني رجلية لباب غرفتها بعدها درت وجهي وطلعت ... وصال.. من سمعت خطواتة تحركت وطلع طلع گلبي ويا ماودعني حتئ ...شلون يودعج ياوصال وانتي سادتها بوجها .. طلعت من غرفتي بسرعة واباوع علية من شباك المطبخ الطول والهيبة بالزي العسكري شوفتة عافية شيصير لو رحتي وسلمتي انتي علية شنو راح يصير لو غرورج مانعج ... خليت گلب على گلب وطلعت انتبه شافني جان يريد يصعد بالسيارة وكف .. ليث .. وصال انتي كاعدة ... وصال .. لاجنت نايمة وهسة سمعت صوت وكعدت شفتك انت .. ليث...تقربت عليها وهي واكفة بمكانها .. جنتي نايمة ... مبين من عيونج جنتي نايمة وحتئ جنتي تحلمين وصال ليش تكابرين اني وشكد عنودي وراسي يابس اعترفت بحبج ليش ماتعترفين ...وصال ... من حجة هيج انداريت بسرعة اريد امشي ومااحس غير انسحبت من ايدي بقوة بحيث لزكت بصدرة .. تلاكت عيونة صدك شفت بذيج اللحظة حب بعيونة وگلبة يدك سريع واني ايدي على صدرة ...ليث .. حتئ متريدين تودعيني ... وصال ... بارتباك ااان اان قاطعها ليث بقبلة طيرت الكلمات وخرجو من الصمت ..ليث ...من شفتها مرتبكة وتريد تحجي متحملت اخذت شفايفها مثل العطشان ولكة الماي وهي ماقاومتني حسيتها اختنكت بعدت عنها وهمستلها ااحبج بستها من جبينها ورحت صعدت سيارتي ومشيت لدوامي ..

لهنا ويخلص البارت نعرف الاحداث بالبارتات القادمة لاتنسون المتابعة والتصويت وتعليقاتكم الحلوة ااحبكم 😘
لارين العامري
                    أنامل كاتبة ✍️