عـشق الـجبـال (فصـليـة)

عشق الجبال(فصلية)

وهذا بارت لعيونكم حبايبي 🍃
***********************
متعبة ولاادري لأي دار ارتمي كل الاماكن ليست موطني 🍂وصال🍂
********************
عشق الجبال(فصلية) البارت 33
.............................................
ملاك.. سردت الموضوع كلة بالتفصيل الممل بدون ماتنقص حرف منة الكل كان موجود .. شاكر وعمار وكرار وام شاكر وفرحة وزهراء وزوجة عمار .. الكل مصدوم مم كلام ملاك .. ملاك .. وهذا كل الموضوع وصال كانت تحجيلي عن حبيبها مثل ميكول ليث حبيبها الي هو خطيبها وبينهم عقد سيد وابن خالتها واستشهد من سبع سنوات ونص .. يعني ياليث ياخوية اذيت وصال بسبب شخص متوفي من سنين وكان حلالها كدام الله والناس .. وشوف انت من مرة توفي لشخص متوفي من سبع سنوات ونص ... شلون مراح تحافظ وتصون زوجها لو كان محترمها وكان الها زوج وسند بس انت حملتها ذنب مو ذنبها ..بسبب حقدك .. ليث .. انصدمت من كلام ملاك .. يعني وصال جانت مخطوبة لأبن خالتها وهو اصلا متوفي واني عاقبتها على مود شخص متوفي شكد استصغرت نفسي .. ليث .. ليش مافهمتوني هااا .. ملاك .. منطيت فرصة احد يفهمك شفت نفسك شلون جنت نار تعرف ليش انت عصبت ومخليت احد يفهمك لان ست رحاب الله اعلم شكالت الك وخلتك توصل لهيج حاله .. وخلت وطلعت .. شاكر .. شفت تسرعك وغضبك ليون وصلنا شفت ليث .. عمار .. ليث كافي اذية رحمة لموتاك متريد البنية طلكها وخليها ترجع لهلها احسن مايصير شي اكبر من السويتة .. كرار ... شيسوي بعد هااا كلولي شيسوي اريد افهم غيث مو بس اخوك ترئ جان اقرب واحد بيكم الي وهاي تقبلت القدر والبنية مالها ذنب حياتها ادمرت وانت داتكمل على الباقي بسس والله ياليث هاي سوايتك والقبلهن اله اوصلهن لأبوية وهو يصرف وياك اني اكلة بنفسي .. من بين الكلام .. صوت رج المكان شتكول لأبوك كول اسمعك ...انتبه الكل .. ابو شاكر .. الكل متفاجئ من دخلتة المامتوقعيها .. ابو شاكر ... احجي كرار بوية شتريد تكول .. كرار .. بوية .. قاطعة شاكر .. هلا هلا شيخنا تعال استريح جيبو مي لابوية وسو ريووك .. ابو شاكر .. لاماريد شي تعال كرار احجي اصاير واني ماادري .. كرار.. وهو يبلع ريگه .. هو ه ماكو شي بوية .. ابو شاكر .. وبصوت رج المكان احجي شصاير شضامين لان اذا اعرف بطريقتي الكل يتحاسب .. كرار.. ضل حاير لايكدر ينطي بأخو ولايكدر يبقئ ساكت لان هو شكد ماكان عصبي على السوا ليث بس يبقئ اخو وسندة التفت على ليث .. ليث .. احجي كرار ليش ساكت احجي ههو لازم يعرف ابوية كلشي .. كرار.. يابة الموضوع **** وسرد كل الحجي لأبو كلشي جان يصير بوصال حجا لأبو .. ابو شاكر ...لايانذل على هل الكة ولك ابن الشارع ماسوة سوايتك ولك عود انت ضابط وابن شيوخ ولك اني هيج ربيتك منو جبرك هاا منو جبرك تاخذها هاا اخذتها حتئ تعذبها ولك من شوكت ينظلم احد ابيت الشيخ عماد الحارث .. شاكر .. يابة اهدئ فدوة لايصير بيك شي .. ابو شاكر .. انت اسكت عود انت الجبير الي بمكاني تعرف سوالفة وساكت .. شاكر .. والله يابة مااعرف بهذا الحجي غير بس شغلة البارحة جنت موجود بس تصرفات ليث ويا وصال وروح غيث مااعرف بيهن هسة ياله سمعتهن .. كرار.. يابة محد يعرف بس اني جنت اشوف الي يسوي وصال ماتحجي لاحد حتئ لااصير مشاكل .. ابو شاكر .. لانها بنت اوادم ومترباية واحنا شلون جازيناها فوك كسرتها كسرها اخوك .. اسمع تخلص الاربعين مال غيث واطلكها ماتبقئ عندك بعد اني ارد البنية لهلها ليش ابقيها واشيل ذنبها .. ليث .. من سمعت كلام ابوية طار عقلي مرتي مااطلكها وهو كان المفروض اخذها وصير مرتي من اول يوم اجتي يعني هذا الشي حق من حقوقي وهسة صار .. ابو شاكر .. قاطعة حق عن ياحق تحجي واجي وياك حق انو تاخذها وتصير مرتك بس الحق تاخذة بهاي الطريقة هااا احجي ..ليث.. يابة هي صارت واني غلطت من تسرعت لان مجنت مفتهم الموضوع واني اعتذر .. ابو شاكر .. جاي تعتذر مني شكد قبيج انت تروح تعتذر من الغلطت بحقها وكسرتها اني مخلف واحد همجي هاي عود انت  المثقف الدارس استغفرالله شوف ياليث تخلص الاربعين واني اعرف شتصرف .. وخلا وطلع من الصاله .. ليث .. مااطلكها تفهمون مااطلك وصال ويصيح بعلو صوتة وهو معصب وطلع من البيت كلة .. كل واحد طلع لغرفتة كان يوم گأيب والكل ماطايق نفسة الكل يسأل نفسة شراح يصير بعد الاربعين .. ملاك .. اني رحت لغرفة وصال حتئ اشوفها كعدت لو بعدها .. فتحت الباب صباح الخير ياطير .. وصال .. صباح النور .. ملاك .. شوكت گعدتي ؟؟ وصال .. من زمان كعدت .. ملاك .. ياله كومي غسلي حتئ اجيب الريوك نتريك سوة حتئ تاخذين علاجج .. وصال .. ماشي ..  اكول ملاك شنو هذا الصوت البرة .. ملاك .. ه ه هذا عمي ابو شاكر عرف بالموضوع وتعارك وياليث وغسلة غسل .. وصال .. خلت اديها على وجها ياربي حتئ الشيخ عرف شصار وياي ياربي والله شلون اخلي عيني بعينهم والله فشلانة اهئ أهئ .. ملاك .. من شنو فشلانة من كل عقلج المفروض هو اليخجل مو انتي بعدين ياوصال هو زوجج وكان راح يصير هذا الشي اول تالي ..وصال.. لا هو رافضني گ زوجة وعزلني من غرفتة بنفس اليوم الي دخلت بي لهذا البيت مايحقلة بعد .. ملاك .. وياج جان معصب وصوابة حار بس يحقلة كلشي بيج يحقلة وصال لاتضلين تفكرين بهاي الطريقة لان راح تتعبين كومي ياله غسلي خلي نتريك حتئ تاخذين علاجج واخليلج المرهم على الجروح .. وصال .. جروح الجسد تخليلهن مرهم وجرح الروح شتخلين اله ويطيب .. ملاك .. يطيب يطيب لان انتي قوية واعرفج تتخطين هل الموضوع ومانعرف يجوز هاي بداية لشي حلو وغمزتلها 😉 .. وصال .. ضربتها بالمخدة بداية لشي حلو روحي من كدامي لاابتلي بيج ..😠 ...ملاك .. ههههه رايحة رايحة .. ليث .. طلعت بسيارتي وافكر بكلام ابوية معقولة اطلكها وتخلص مني بهل السهولة وترجع لحياتها وشغلها وتزوج وتعيش حياتها لالالا مايصير هذا الشي لسة انتقامي ماخلص .. ليث شبيك ياانتقام متكلي لخاطر ربك انت خليت شي مسويتة .. طبعا ليث يسئل ويجاوب نفسة مثل المخبل .. شلون اذا ابوية اصر انو اطلكها لامو بكيف ابوية مرتي ومااطلكها اي مااطلكها اطلكها وتروح تزوج استغفر الله متكلي شبيك لخاطر الكائنات .. اريد اشوفها قبل ماالتحق شلون اشوفها اني لازم اليوم الفجر التحق ف احاول اطب غرفتها وهي نايمة حتئ لو بس المحها ..واطلع لدوامي هي. ماتسهر وتنام من وكت استغل الفرصة اشوفها واطلع لدوامي .. اخلي عمتي فرحة تساعدني ضليت افتر من شارع لشارع خابرت مراد وحجيتلة كال من تلتحق نحجي ونشوف حل ماترهم بالتلفون بس كالي ساير ابوك منا لبعد الاربعين يكون هدئ الوضع ..
*************************
في بيت ابو شاكر ....
ابو شاكر .. ام شاكر اريد اشوف وصال واطمن عليها بنفسي بعد الغدا .. ام شاكر .. اي خطية شوفها ماطلعت من غرفتها من البارحة بس البنات يمها ماعافنها .. ابو شاكر.. اي لاتعوفوها وحدها الله يكون بعونها اني ابنج راح يخبلني .. فرحة .. هاا مجتمعين من دوني مو خوش سالف .. ابو شاكر .. هههه شعدنا غير فريحة فرحة البيت .. فرحة .. يابعد گلبي انت فرحة البيت وخميتة وعامودة .. ابو شاكر .. غاليتي .. شخبار وصال .. فرحة .. والله ماتقبل تطلع من غرفتها بس كلنا يمها والله كريم .. ابو شاكر .. كليلي شلون اتصرف وياليث راح يخبلني .. فرحة .. ابو شاكر اريد اكولك سالفة .. ابو شاكر .. اي خوية كولي .. فرحة .. ابنك عاشكها لوصال .. ابو شاكر .. ياخوية شعاشك متكليلي هاي عاشكها وهيج يسوي بيها لو ماعاشكها يضربها طلقة .. فرحة .. هسة اشوف ضل يصرخ وراك ويصيح ماتطلك اني اكولك هددة بهذا الشي خلي نسويلة جرة اذن .. بس لاتسويها صدك لان كلنا نحب وصال وصال هي تلوك ليث هي ترهملة بس انطيهم شوية صبر وهذا ابنك لاتكسر بي .. ابو شاكر .. الله كريم الله كريم شوفن الغدا ماكمل ترئ جوعان .. فرحة .. يااا يخسة الجوع بين متصلي الاكل مصبوب ..
.....................................
مرت الساعات ..
زهراء .. وصال ابوية يريد يجي يشوفج .. وصال .. عدلت گعدتي اي هلا بي دقايق وندك الباب .. ابو شاكر وام شاكر .. ابو شاكر .. شلونج بنيتي شلون صرتي .. وصال .. الحمدلله عمي زينة .. ابو شاكر .. بنيتي اني اعتذر من سواية ليث وحقج علية بس والله لخلي يتندم علئ هاي عملتة بس اصبريلي تخلص اربعين غيث والي تريدي يجرالج .. وصال .. لاعمي لاتعتذر الصار صار بعد .. ابو شاكر .. شنو الي تأمرين بي اني حاضر .. وصال .. استغفرالله عمي مايأمر عليك ظالم .. بس الي اريدة مااشوف ليث ويعفيني من اي واجب اتجاها وياريت يطلكني اتصور انتقامة خلص ماكو شي بعد ماسوا بية هاي شوفة عينك .. ابو شاكر .. عبالج اني ماكتلة يتركج بحال سبيلج كتله بس هو رفض يكول مااطلك شلون بهيج حالة .. وصال .. ماريد اشوفة ولااتواجه ويا خلي يعتبرني ماموجودة ويعفيني من كل التزاماتة مالي شغل بي ولااله شغل بية. بس هذا الي اريدة 😔 ..ابو شاكر ... بس بنيتي لو ترجعين للواقع هو زوجج واله حق عليج وهذا الشي جان لازم يصير وتكونين مرتة صح مو بهاي الطريقة وهو هذا غلطة بس انتي عاقلة وتعرفين حدود الله ..وهسة ماريد اسبق الاحداث اخلي يجر عدل وهسة اترخص اخليج ترتاحين .. وصال .. الله لايرخصك عمي غالي.. وخلا وطلع هو وام شاكر ..
ملاك .. ياله اخذي علاجج ونامي ارتاحي .. وصال... هو بدون كلشي هل العلاج يخليني انام دجيبي ماعندي غير النوم افضل حل ..
///////////////////////////////////
ليث .. رحت لعمتي فرحة .. عمة عمة .. فرحة .. ها عمة كول بيك شي .. ليث .. عمة اريدج بخدمة فدوة ماكو غيرج يحلها .. فرحة ... اي كول عمة .. ليث .. هو هو بس ب ... فرحة .. احجي شبيك ضيعت الحجي .. ليث.. عمة اني بعد كم ساعة لازم التحق .. فرحة .. اي طلعها لزبدة مو كتلتني .. ليث .. عمة اريد اشوف وصال بدون متدري فدوة عمة من البارحة ماشفتها 😣 .. فرحة .. جرتة من اذنة ليش ماتكول اني احبها ومن غيرتي هيج سويت هااا ليش تكابر .. ليث .. عمة ياحب متكليلي ياحب كل مابالموضوع اريد اطمن عليها .. فرحة .. ممم اطمن زينة وخر مني .. ليث.. عمة عمة شبيج فدوة ماكو غيرج يدبرها.. فرحة .. ولك على عمتك الي مربيتك كيلو لحم تدري بية صندوق اسرارك الوحيد بأخوتك معلك بروحي ليش تكابر هاا .. ليث .. عمة مااكابر بس هي مستحيل تحبني وخاصة بعد السويتة بيها احس اكو شي بداخلي يجذبني الها بس مو حب لا مااتصور حب .. فرحة .. لالا تحبك اذا حسستها بحبك واهتمامك وحنيتك واذكرك بهل الشي .. ليث .. هسة شنو فروحة ترهميها اشوفها حتئ التحق واني مطمن و و ومرتاح .. فرحة ... هههههه اي بس خلي اشوفها نايمة وانطيك خبر .. ليث .. ماشي يااحلا فروحة شو انطيني بوسة افيششش عشق .. فرحة ..هههه كلاوجي .. مر ساعة على اتفاقي اني وعمتي فرحة .. ليث .. دك تلفوني عمتي فرحة
ليث📲 ها عمة مو صارت ب 2
فرحة📲 ياله انزل بسرعة
ليث📲 اي جاي .. ونهئ المكالمة
ليث .. نزلت ركض ليش گلبي يدك عبالك رايح اول موعد بحياتي هههه استغفر الله وتكول مااحبها هسة مدري شبية احجي ويانفسي تخبلت تالي عمري .. وصلت باب غرفتها عمتي واكفة اباب الغرفة .. فرحة .. ياله بس ياويلك ياليث اذا سويت شي .. ليث .. عمة شنو السالفة داتحسسيني اني مجرم .. فرحة .. دياله ياله بسرعة هاا صدك احب اكولك شي وصال نومها ثكيل وماخذة علاج يعني طافية من الرئيسي بس مع هذا هم تتادب اني واكفتلك هنا ياله .. ليث .. هههه والله عمة تكسرين وتجبرين دنطيني بوسة اوووف .. فرحة .. ولك فضني بس تبوس غددي .. ليث ... دخلت لغرفة وصال عطرها تارس الغرفة العطر الهادئ الي يتغلغل بريتي بكل هدوء وسلاسة ضوة الغرفة خافت يعني مبينة كل ملامحها تقربت عليها بهدوء واني اباوع لملامح وجها  الهادئة الي اثار الضرب واضحة علية احس كلبي نغزني وگانو يعاتبني ليش هيج سويت بيها هيج اباوع ليدها الي مضمدة طرف شفتها المجروحة من صفعتي الها تتنفس بهدوء كعدت يم جربايتها على الارض واني اتأملها والوم بنفسي .. ابوية يريد اطلكج وتعيشين حياتج هو اني من خطيبج الميت صارسنين اشتعلت بنار وهيج سويت بيج اذا اشوفين حياتج شسوي بيج يمكن اموتج واموت روحي .. شبيك ليث شداتحجي كل هذا وتكول ماحبها .. لالا مااحبها بس تعلمت على وجودها .. كمت حتئ اطلع رجعت التفتت عليها تقربت منها وبست الجرح الي بشفتها اسف اني اسف انجبرت مو بيدي والله .. وطلعت لكيت عمتي فرحة واكفة بالباب وعيونها تلمع كوة حابسة الدمعة .. فرحة .. الله يهديك ويريح بالكم .. ليث .. عمة اني راح اتوكل ديري بالج عليها وهذا الصار امانة يبقئ ببناتنة حتئ وصال ماتعرف بي .. فرحة .. اطمن تدري سرك ابير الله وياك وليدي انتبه على نفسك .. تجي الخميس علمود تحضر اربعين اخوك .. ليث .. ان شاء الله شلون مااجي ياله مع السلامة .. فرحة الله وياك حبيبي
لهنا خلصنا بارت 33 انتضرو احداث جديدة بالبارتات القادمة لاتنسون التصويت والمتابعة حتئ استمر وياكم احبكم 😘
لارين العامري
                   أنامل كاتبة