ရှေးဟောင်းပစ္စည်းမှော်သခင်(ဘာသာပြန်)

အပိုင်း(၇၈)ကြေးနီခုံပါ ငွေခွက်-၁

#၇၈) ကြေးနီခုံပါ ငွေခွက် -၁
#78) Silver Cup with a bronze stand
...................................................................
Translated to mm by AKM(MyinGyan)
....................................................................
ဟေးဂျင်သည် နေရာကိုစစ်ဆေးကြည့်ပြီးနောက်
လှည့်ပြန်လာကာ ထိုအရပ်ရှိ အိမ်ရာအေဂျင်စီထံ
တန်းသွားလိုက်သည်။

ကြိုဆိုပါတယ်ခင်ဗျာ..

အသက်လေးဆယ်ဝင်ခါစ လူတစ်ယောက်သည်
သူ့ကို ဦးညွှတ်ကြိုဆိုပြီး စားပွဲခုံရှိရာသို့ ဦဆောင်
ခေါ်သွားလေသည်။

ထိုလူသည် ဖော်ရွေစွာပြုံးပြပြီး ဖောက်သည်
တွေကို အလွယ်တကူပင် ဆိုင်အတွင်း ဆွဲခေါ်
သွားနိုင်သည်ကို ကြည့်ရသည်မှာ
ဤ လုပ်ငန်းတွင် သူ..ကျင်လည်နေသည်မှာ
အံတိုနေရော့ပေမည်။

ကျနော်..တစ်ခုခု စုံစမ်းကြည့်ချင်လို့ပါ...

ထိုလူ့မျက်လုံးများက စိတ်ပျက်သွားကြောင်း
ဖေါ် ပြလိုက်သည်။ ပုံမှန်ဆိုလျှင်တော့..ဤသို့
မေးမြန်းစုံစမ်းချင်သူတွေသည် ..စဉ်းစားကြည့်
လိုက်ပါဦးမယ်လို့ဆိုကာ စုံစမ်းမေးမြန်းပြီးနောက်
ပြန်ထွက်သွားတက်ကြပါသည်။

ခင်ဗျားက ဘာသိချင်တာလဲဗျ..

လမ်းအထက်နားက ရေဟွမ်ဒန်ဆိုတဲ့
အဆောက်အဦ အကြောင်းသိချင်လို့ဗျ..
အဲဒါက အကြားအမြင်ဟောခန်းတစ်ခုထင်တယ်..

အိုး..ရေဟွမ်ဒန်လား..သိတယ်..သိတယ်..
တကယ်တော့..အဲဒါက ..အကြားအမြင်ဆရာတစ်
ယောက်ရဲ့နေရာဗျ..ဒါပေမယ့်..အဲဒိ..အကြားအမြင်
ဆရာက နာမည်ကြီးတစ်ယောက်တော့..မဟုတ်ဖူးဗျ..ခင်ဗျားက..ဘာ့ကြောင့်မေးတာလဲ..

အဲဒိအိမ်..ရောင်းမလား..မရောင်းဘူးလား
သိချင်လို့ဗျ..

အာ..အဲဒါလား..ရတယ်..ရတယ်..ကြည့်ပေးမယ်..
ထိုင်ပါဦးလားဗျ..သိပ်မကြာပါဘူး..ထိုင်ပါဦး..

ရပ်နေရလည်း ဟေးဂျင်အတွက် အဆင်ပြေပါသည်။
သို့ပေမယ့်..ထိုလူက..သူ့ကို ထိုင်ဖို့သာ
တွင်တွင်ပြောနေသည်။ သူက..ဖေါက်သည်
တစ်ဦး ဖြစ်လာနိုင်တာကြောင့်ပင် ထိုလူက သူ့ကို
အတင်း ဆွဲတားထားခြင်းဖြစ်လေသည်။

ဒါနဲ့..ခင်ဗျားက ဒီနားတစ်ဝိုက်က မဟုတ်ပါဘူး..
ဆိုးလ်ကနေ လာခဲ့တာလားဗျ..