ရှေးဟောင်းပစ္စည်းမှော်သခင်(ဘာသာပြန်)

အပိုင်း(၈၉)ဒိုကက်ဘီရုပ်ထု အဓိပ္ပါယ်-၂

(၈၉) ဒိုကက်ဘီ ပန်းပုရုပ်ထု အဓိပ္ပါယ်-၂
(89)Meaning of the Dokkaebi Sulpture-2
...................................................................
Translated to mm by AKM(MyinGyan)
....................................................................
ဒါ..ရောင်းဖို့လားဗျ..

သူ့အမေးကြောင့် ယာအေးရင်.ရောက်ချလာပြီး ရုပ်တုရှေ့၌ ရပ်လိုက်သည်။

ဒီတစ်ခုလား..အား..သေချာတာပေါ့..ဈေးတော့
နည်းနည်းကြီးလိမ့်မယ်..ဒါနဲ့ ဘာ့ကြောင့်တုံးရှင့်..
အဲဒါက ဒိုကတ်ဘီရုပ်တု(မှင်စာ၊နတ်သူငယ်)
တစ်ခုနဲ့ တူသလားလို့..

ဟုတ်ပါသည်။ ယာအေးရင် ပြောသလိုပင်
အနီရောင် သန္တာကျောက် ရုပ်ထုမှာ 10cm
(၄ လက္မ)ပင် မရှည်လှပါချေ...(ရှေ့အခန်းမှာ
ကျောက်စိမ်းရုပ်တု လို့ မူရင်းစာအုပ်မှာကိုက
မှားနေတာပါ)

၎င်းတွင် ဦးဂျိုတစ်ခုပါပြီး ထူထူထဲထဲ မျက်ခုံးများ
..ဖေါင်းအစ်နေသော မျက်လုံးများနှင့် ရှုံ့မဲ့နေသော
မျက်နှာတစ်ခုနှင့်မို့ ကြည့်ရတာ အတော်လေးကို
ခက်ထန် ကြမ်းကြုတ်လှပါသည်။

ခန္ဓာကိုယ်ပတ်လည်၌ ခါးစည်းစလွယ်တစ်ခု
ပါရှိ၍ လက်နှစ်ဖက်စလုံးတွင်လည်း
ထူးဆန်းသော အရာဝတ္ထုများကို ဆုပ်ကိုင်
ထားပြီး လိပ်တစ်ကောင်ပေါ် မတ်တပ်ရပ်နေသော
ပုံဖြစ်ပါသည်။

အဲဒါ ဘယ်လောက်လဲဗျ..

ဈေးနှုန်းကပ်ပြား ချိတ်ဆွဲမထားသော
ရှေးဟောင်းပစ္စည်းတစ်ခုကို ဝယ်သည့်အခါ
အရင်ဆုံး ဈေးဘယ်လောက်လဲ ဆိုတာကို
မေးဖို့လိုပါသည်။
ရှေးဟောင်းပစ္စည်းဆိုသည်မှာ ထုတ်လုပ်မှု
ကုန်ကျစရိတ် မရှိတာမျိုးမို့ ဈေးနှုန်းမှာ
ရောင်းသူ၏ ပါးစပ်ဖျားတွင် တည်ပါသည်။
ထို့ကြောင့် လူ့သဘော လူ့မနောအရ
ဝယ်သူက စိတ်ဝင်စားပါလျှင် ရောင်းသူက
ဈေးမြှင့်ပြောတက်ကြပါသည်။

ဟို့.. ရှင် စိတ်ဝင်စားလို့လား..ဘာလဲ..
ရှင့်အတွက် စိတ်ဝင်စားတာလား..ဟေဂျု့
အတွက်လားရှင့်..

အာ..ဘာ့ကြောင့် မေးခွန်းတွေ ထုတ်နေရတာလဲ..
ကျနော်ကို ဈေးနှုန်းသာ ပြောချည်ပါ...

ယာအေးရင်သည် ဟေးဂျင်ကို ကြည့်လိုက်ပြီး
လှည့်ထွက်သွားသည်။