ရှေးဟောင်းပစ္စည်းမှော်သခင်(ဘာသာပြန်)

အပိုင်း(၉၁) ပန်းချီဆရာ ဆယ်ဗားဒိုး ဒါလီနှင့် သူ၏ကိုယ်ပွါး-၁

(၉၁) ပန်းချီဆရာ ဆယ်ဗားဒိုး ဒါလီနှင့်
သူ၏ကိုယ်ပွါး-၁
(91)Salvador Dali and the second Dali -1
...................................................................
Translated to mm by AKM(MyinGyan)
....................................................................
ဟေဂျုသည် ဟေးဂျင့်အပေါ် အပြည့်အဝ
မယုံနိုင်ပါချေ..ကွေ့ရှင် ရုပ်ထုရဲ့ ဈေးက
သန်းသုံးရာနီးပါးရှိပေမယ့်
ယခု ပန်းချီကားဈေးက သန်းတစ်ရာသာ
တန်ချေသည်။
ထို့ပြင် ဂဏန်းနှစ်ကောင်ပုံပါ ပန်းချီကား၏
အရည်အသွေးကို ကြည့်ရသည်မှာ
ခန်းနားထည်ဝါလှသော ထိုကွေ့ရှင်ရုပ်ထု၏
အရည်အသွေးထက့် မသိမသာ နိမ့်ပါသည်။

သို့ပေမယ့် ဟေးဂျင့်ဘက်က သေချာလှ၍
ဟေးဂျုသည် ပိုင်ရှင့်ထံ သွားကာ..

ကျမကို ရှင့်ငွေစာရင်းနံပတ်ပြောပါ..

ဟ..မြန်လှချည်လား..မင်းက ဒီလူငယ့်အပေါ်
အတော်ကြီးကို ယုံတယ်နော်..

ဟုတ်တယ်..သူက ယုံကြည်စိတ်ချလို့
ရနိုင်သူရှင့်..

အဖိုးကြီးသည် ခေါင်းညိတ်လိုက်ပြီး
သူ့ငွေစာရင်း နံပတ်ကို စာရွက်ပိုင်း
တစ်ခုပေါ် ချရေးလိုက်သည်။

ဟေဂျုကလည်း သန်းတစ်ရာကို
ချက်ခြင်းပင် လွှဲပေးလိုက်သည်။

အဖိုးကြီးသည် ပန်းချီကားကို ဂရုတစိုက်ဖြင့်
နောက်တစ်ခါ လိပ်လိုက်ကာ ဘူးထဲ ပြန်ထည့်
လိုက်သည်။ ထို့နောက်တော့ ဟေးဂျင်နှင့်
မိန်းကလေးများသည် ဆိုင်ထဲက
ပြန်ထွက်လာခဲ့ကြလေသည်။

ဒီပန်းချီကားက ဟိုရုပ်ထုလောက်
ကောင်းလို့လား..ဟင်

အင်း..ရှေးဟောင်းပစ္စည်း နှစ်ခုရဲ့
ဈေးနှုန်းကိုသာ ကြည့်ပြီး ဆုံးဖြတ်ခဲ့မယ်
ဆိုရင်တော့..ရုပ်ထုက ပိုပြီး အဖိုးတန်တာပေါ့..
ဒါပေမယ့်..ခင်ဗျား ပေးမယ့်လက်ဆောင်
အတွက် စိတ်ကူးထားတဲ့ရည်ရွယ်ချက်
အတိုင်းဆိုရင်တော့..ဒီလက်ဆောင်ကို
လက်ခံမယ့်သူဟာ ဘယ်လိုနည်းနဲ့မှ
ငြင်းမှာ မဟုတ်ဖူး.'

အွန်ဟေးက ကြားဖြတ်ပြောလာသည်။

ဂဏန်းနှစ်ကောင်နဲ့ ပန်းပုံ ပန်းချီကားရဲ့
နောက်ကွယ်က အဓိပ္ပါယ်က ဘာများလဲရှင့်..
ပန်းတွေကိုက်နေတဲ့ ဂဏန်းတွေ အကြောင်း
ကျမတော့ တစ်ခါမှ မကြားဖူးဘူး..ဘာ့ကြောင့်
ပန်းချီဆရာက ဒီလိုပုံမျိုး ဆွဲခဲ့ရတာလဲရှင့်..