ရှေးဟောင်းပစ္စည်းမှော်သခင်(ဘာသာပြန်)

အပိုင်း(၉၀)ဒိုကက်ဘီရုပ်ထုရဲ့ အဓိပ္ပါယ်-၃

(၉၀) ဒိုကက်ဘီ ပန်းပုရုပ်ထု အဓိပ္ပါယ်-၃
(90)Meaning of the Dokkaebi Sculpture-3
...................................................................
Translated to mm by AKM(MyinGyan)
....................................................................

ဘာ..... ဝယ်ရောင်းသမား တစ်ယောက်..
ဟုတ်လား...

ယာအေးရင့် အဒေါ်ဖြစ်သူသည် ခက်ထန်စွာဖြင့်
မျက်မှောင်ကြုတ်လိုက်လေသည်။

ဟုတ်တာပေါ့..သူမ..စိတ်ဆိုးသွားပါသည်။
ဟေးဂျင်သည် ဂယ်လာရီ ဒါရိုက်တာ
တစ်ယောက်ကို သာမန်ညောင်န
ဝယ်ရောင်းသမားလို့ နှိမ်လိုက်တာကိုး...

ရယ်စရာတစ်ခုကောင်းသည်မှာ..ကိုရီးယားတွင်
​ရှေးဟောင်းပစ္စည်း ကုန်သည်တွေ..ဝယ်ရောင်းသမားတွေကို လူလိမ်တွေ..သို့မဟုတ်..လိမ်မယ့်သူတွေလို့သာ မြင်ကြပါသည်။

၁၉၉၀ ခုနှစ် ကာလများမှာ အနောက်တိုင်း
ရှေးဟောင်း ပစ္စည်းနယ်ပါယ်၌ ကျွမ်းကျင်ပညာရှင်
ပြတိုက်မှူးတွေ တာဝန်ယူ လုပ်ကိုင်လာပြီးသည့်
နောက်ပိုင်းကျမှသာ ထိုအမြင်တွေ ပြောင်းသွားကြ
ပါသည်။ ဒါပေမယ့် ဝယ်ရောင်းသမားများ
အပေါ်တော့ လူတွေက အထင်အမြင် သေးဆဲပင်
ဖြစ်ပါသည်။

သို့သော်လည်း ယာအေးရင့် အဒေါ် ဖြစ်သူထက်
ပိုပြီး စိတ်ဆိုးသွားသူ တစ်ယောက်က ရှိနေပါသည်။
ဟေဂျု့လက်ထဲက ရုပ်ထုကို ဖြတ်ခုတ်သွားသည့်
အနှီ ဟန်ဆောင်ဘဏ် ဥက္ကဌရဲ့ ကတော်ဖြစ်ပါသည်။

ဒီပြပွဲကို လာကြသည့် အခြားအမျိုးသမီးတွေလိုပင်
သူမသည်လည်း ကြော့ရှင်း သားနားလှပါသည်။
သူမသည် အခြေအနေကို တစ်ချိန်လုံး တိတ်စိတ်စွာ
စောင့်ကြည့်နေခဲ့ပေမယ့် အခုတော့ ဆက်ပြီး
သည်းငြီး မခံနိုင်တော့ဟန်ဖြင့်..ရှေ့ခြေတစ်လှမ်းတိုးကာ စကားစပြောလိုက်သည်။ ထို့အပြင် သူမ၏
အခြွေအရန် ဖြစ်ဟန်တူသော အသက်သုံးဆယ်ခန့်
လူရွယ်တစ်ဦးကလည်း သူမဘေးတွင် ရပ်နေလေ
သည်။ ထိုလူရွယ့်လက်ထဲ၌ ပန်းချီကားကြီး
တစ်ချပ်ကို ကိုင်ထားလို့ သူမသည် ဤဆယ်ဗားဒိုး
ဒါလီပြပွဲမှ ထိုပန်းချီကားကို ဝယ်ခဲ့ဟန်တူပါသည်။

ဟေး..ဒီမယ်..မောင်လူချော..ငါက ကလေး
တစ်ယောက်ဆီက အရုပ်ကို လုယူတဲ့ လူကြမ်းကြီး
တစ်ယောက်နဲ့ တူနေလို့လားကွ...