လော့၀မ်ချန် ခဏမျှကြောင်အမ်းသွားပြီးမှ ဖုန်းစခရင်ကို တစ်ချက်ပြန်ကြည့်လိုက်သည်။ ဗီလာ၏ကြိုးဖုန်းပါပင်။ ခါတိုင်းဆိုဦးလေးတင်းပဲကိုင်နေကြပင်။ ဒီတစ်ခါကျမှ ဘယ်လိုဖြစ်ပြီး........
“ လူကြီးမင်းအိမ်မှာလား? “
“ အင်း “
“ ကျွန်တော် ဒိတ်လုပ်တာမဟုတ်ပါဘူး။ဟိုဟာ.. ကျွန်တော့်ကို ရည်းစားစာပေးဖို့အတွက် အဝတ်အစားတွေကိုတောင် သုံးခါပြောင်းခဲ့တဲ့ မိန်းကလေးတစ်ယောက်ရှိတယ်။သူ ကျွန်တော့်အပေါ် အချိန်မဖြုန်းဖို့ သူ့ကိုရှင်းရှင်းလင်းလင်းပြောပြရမယ်ထင်လို့ပါ…. ”
လော့၀မ်ချန် အနေရခက်စွာ ရှင်းပြလိုက်ပြီးမှ အဓိကအချက်ကို ဖမ်းဆုပ်မိသွားသည်။
“ လူကြီးမင်းအဲ့တာကို ဘယ်လိုလုပ်သိတာလဲ? ”
“ တစ်ယောက်ယောက်ကပြောခဲ့တာ “
လုချုံကအတိုချုံးရှင်းပြလာသည်။
“ လူငယ်ဘဝဆိုတာ အရွယ်ကောင်းပဲ။ ချစ်တာကြိုက်တာ ဘာမှမဖြစ်ဘူး။ တစ်ယောက်ယောက်က တစ်ခုခုပြောလာလဲ အာရုံစိုက်မနေနဲ့"
လော့၀မ်ချန် အနည်းငယ် လန့်သွားပြီးမှ တိုးတိုးလေးပြောလိုက်သည်။
“ ဟုတ်ကဲ့၊ ဒါပေမဲ့ အခုတော့ ကျွန်တော်စာသင်ဖို့ပဲ အာရုံစိုက်ချင်တာပါ “
“ အဲ့တာလည်းကောင်းပါတယ် ”
လုချုံကကြင်နာစွာပြောလိုက်သည်။
ထို့နောက် ဖုန်းချသွားလေသည်။
လော့၀မ်ချန် ဖုန်းကိုချလိုက်ပြီးနောက် မျက်နှာသေအမူအရာ ဖြစ်သွား၏။
ကျိန်းသေပေါက်ကို တစ်စုံတစ်ယောက်က သူ၏လှုပ်ရှားမှုတိုင်းကို လုချုံဆီအစီရင်ခံနေတာပင်။ လူများ၏အမြင်၌ သူဟာ လုချုံ၏ အချစ်တော်လေးဖြစ်သည်။
တစ်စုံတစ်ယောက်ဆီမှ ရည်းစားစာယူလာပြီးနောက် လူတိုင်းဟာ မနာလိုမှုကြောင့်သော်လည်းကောင်း၊ ဖားယားချင်၍သော်လည်းကောသ်း လုချုံထံ သေချာပေါက် ပြန်ပြောကြမည်သာ။
သို့ငြား လုချုံကမူ လုံးဝဂရုမစိုက်ဘဲ သူ့ကို ရည်းစားထားဖို့ပင် အားပေးလိုက်သေးသည်။
YOU ARE READING
ချစ်ရပါသော လူကြီးမင်းလု(ဘာသာပြန်)[COMPLETED]
Roman d'amourစာရေးသူ : ရှီးသချင် Genre: Drama Fantasy Psychological Romance Shounen Ai Supernatural All are belong to original author. Also picture credits to original owner.
![ချစ်ရပါသော လူကြီးမင်းလု(ဘာသာပြန်)[COMPLETED]](https://img.wattpad.com/cover/359321343-64-k926129.jpg)