م/88 نهار/ داخلى
شقة اسماعيل
حجرة الأولاد - تشير الساعة للسادسة – حازم وهشام نايمين ويدخل جلال فى يده كوب كماء ويرش مياه على هشام ويقوم هشام مفزوع
هشام: ايه ده ؟ الدنيا بتشتى
جلال :تشتى جوه الأوضة ياذكى
هشام: ايه الهزار البايخ دهي اجلال
جلال :قوم ياخم نوم
هشام :والله مانا سايبك
يجرى هشام وراء جلال وجلال يضحك ويرش مياه تانى على هشام ويقوم حازم يبص عليهم
حازم :انتوا بتعملوا ايه عالصبح ؟ بطل بقى انت وهو , ده انتوا عيال والله
قطع
م/ 89 نهار/داخلى
حجرة البنات
حنان بتفرد ترابيزة المكوة وتجهز المكواة وتقترب منها هبة شايلة بلوزة بيضاء
هبة :حنان اكوى لى بلوزة المدرسة
حنان: لما أخلص ابقى تعالى انت اكوى اللى انت عايزاه
هبة : والنبى ياحنان
حنان :قلت لأ
هبة: كده طيب مش هاخليكى تكوى
تخلع هبة فيشة المكواة وتبتعد بيها
حنان : هاتى المكواة ياهبة وخلى يومك يعدى
هبة :وتكوى لى البلوزة
قطع
م/90 نهار/ داخلى
شقة اسماعيل – الصالة
جيهان خارجة من المطبخ فى يدها طبق وتحطه على السفرة وتخرج هبة جرى من الحجرة والمكواة فى يدها وحنان وراها
حنان :بلاش غلاسة ياهبة باقولك
هبة: لأ مش هاتآخديها
تجرى هبة وحنان خلفها ويخرج جلال وهو بيجرى من الحجرة وهشام وراه
هشام: لازم امسكك واغرقك مية
