م/ 427 ليل/داخلى
شقة إسماعيل - الصالة.
الأولاد والبنات قاعدين كلهم في الانتريه بيشربو الشاي.
هشام: يا سلمى. ياختى مش لازم تبقى هادية كده.
سلمى :هعمل إيه يعني؟
حنان :هشام. سيبها في حالها. هي كده حلوة. وعاجبانا
هشام: أنا بس عايزة تتلحلح شوية كده وتهزر تقول نكت
سلمى :بس أنا معرفش أقول نكت
هشام : أقول لك أن تسمع يا ستي. واحد مدرس عربي قاعد على القهوة وطلب واحد قهوة مظبوطة، وقال للجرسون بين لى سبب الضبط.
يضحكوا ويكمل : استنو واحدة كمان. واحد راح للبقال قال له عندك سكر؟قال له آه ,, قال له ربنا يشفيك. يضحكوا حنان يخرب عقلك يا هشام.
سلمى: إنت دمك خفيف أوي و ظريف جدا.
يبصلهم جلال بضيق هشام :طيب دي بقى واحد ماشي ورا وحدة. بيعكسها عمال يقول لها أموت في خطوتك، أموت في
مشيتك، أموت في وسطك. بصتله وقالتله يا أخي روح موت في وسط أهلك أحسن وريحنا
يضحكو ويقف جلال بيزعق جلال :جرى إيه ياهشام. إنت مش عندك مذاكرة؟
هشام :مذاكرة إيه دلوقتى يا جلال؟ إحنا لسة فترة شرب الشاي إللي بابا سمح بيها بعد الفطار
جيهان: ماتسيبنا نضحك ياجلال.
ينفخ جلال بضيق و يدخل حجرته ويقفل الباب. حنان : هو فيه إيه؟
حازم :أنا عارف. تلاقيه متضايق من حاجة
تميل جيهان على هشام
جيهان :هو فيه حاجة حصلت إحنا منعرفهاش ياهشام جلال متغير تانى ...
يمد هشام شفايفه هشام : أخوكى بقى عاتشفى
تضحك جيهان: عاتشفى يعنى إيه؟ منى تانى ؟؟؟
هشام :منى إيه بس..
