م/ نهار/ داخلى
المستشفى
جيهان امام حجرة حازم وواقفة تكلم اشرف ويقترب راضى وهو شايل بوكيه ورد ويبص عليهم بغضب
ويدخل اشرف حجرة حازم ويقرب راضى من جيهان
راضى ممكن اعرف مين الى انت واقفة تكلميه وتضحكى معاه ده
جيهان طيب قول صباح الخير
راضى جاوبينى ياجيهان
جيهان ده اشرف ابن عمو صبرى
راضى وبتضحكى معاه ليه؟
جيهان عايزنى اكشر فى وشه يعنى و الا ...
يقاطعها راضى من فضلك بعد كده راقبى تصرفاتك انت دلوقتى مش حرة نفسك
جيهان انا ماسمحلكش انك تعلق على تصرفاتى بأى شكل من الأشكال
راضى وانا راجل عندى كرامة وماقبلش انك تقفى تكلمى وتضحكى مع كل واحد شوية .. انا داخل اشوف
حازم
يدخل للأوضة وتقف جيهان غاضبة جيهان الجدع ده مجنون والا ايه؟ طيب استنى على انا بقى هاوريك الوش التانى
قطع
م/310 شقة اسماعيل – الصالة نهار/داخلى
اسماعيل وحكمت قاعدين مع صبرى وهند حكمت مش عارفين نشكركم ازاى والله
هند تشكرينا على ايه بقى؟
اسماعيل على ايه ازاى؟ ده طول ماكان حازم فى المستشفى ماسبتوناش ابدا
حكمت واحمد واشرف بيوصلونا بالعربية رايح جاى
صبرى متقوليش كده ياحكمت هانم. حازم زى احمد واشرف واحنا بقينا اهل
حكمت نفس الشعور والله .. ربنا مايحرمنا منكم
