م/ 469 ليل/داخلى
حجرة إسماعيل
حازم واقف ماسك شماعة عليها قميص بدلة وإسماعيل يمسك القميص بعصبية ويزعق
إسماعيل : ولد قليل الزوق ومعندوش إحساس أقوله كفاية 15 واحد يجيب لي 100
حازم : بصراحة بابا تتصرف وحش جدا.
إسماعيل : وحش وبس. أنا ليا كلام تاني معاه بعدين
يفتح الباب وتظهر حكمت براسها وبقيتها برا وتصرخ
حكمت : الحق يا حازم. خد إيدى يابني بسرعة
يرمي حازم الشماعة ويجري هو إسماعيل يشدوها لحد ما تدخل وتنفخ
حكمت : إقفل الباب بسرعة ....أنا اتبهدلت على ما وصلت هنا ده يغزو
إسماعيل :عاجبك اللى عمله الزفت ده ؟
حكمت :أنا اتصدمت ساعة ما شفت العدد ده، بس هنعمل إيه إللي حصل حصل
إسماعيل :بس الليلة تفوت أنا، هتصرف معاه، ده؟ ولد بجح، ومش قد كلمته أبدا، أخص عليه
أخص
حكمت: خلاص بقى و خلى الليلة تعدى , إدى فلوس لحازم ينزل يجيب جاتوه وحاجة ساقعة
إسماعيل :نعم. ,اجيب جاتوه تانى ليه ؟ أمال اللى أنا جايبة ده إيه ؟ صابون غسيل ؟
حكمت : دول يا دوب يكفو إللي في الصالون عند جيهان
يحط إسماعيل إيده في جيبه ويطلع فلوس
إسماعيل: اتفضلي. دول إللي فاضلين من فلوسي.
حكمت: 500 جنيه بس!! ميكفوش
