م/ حجرة هشام ليل/ داخلى
الأولاد كلهم مجتمعين .. جيهان قاعدة على الأرض بجوارها حازم
وهشام مستربع على المكتب وحنان وهبة جالسين على السرير
وجلال رايح جاى وتدخل سلمى جلال ماما عاملة ايه؟
سلمى لسه بتعيط
حنان وبابا قافل على نفسه من ساعة مارجعوا من برة
جلال عنده حق دى مصيبة ؟
هبة انا كان نفسى يبقى لى اخ او اخت صغيرة
جلال بس احنا كلنا كبار ..
يسكت ويتنهد جيهان هو طبعا تبقى حاجة غريبة وجود طفل فى البيت
وفرق العمر بينا وبينه هايبقى كبير قوى بس انا
شخصيا مش زعلانة ان هايبقى لى اخ او اخت
صغيرين كده
جلال والناس هاتقول علينا ايه؟
هشام الناس مالها ومالنا دى حياتنا احنا
جلال ايوه بس ....
حازم بس ايه دى ارادة ربنا اولا وأخيرا وسواء قبلنا
او رفضنا هاتحصل يبقى نعود نفسنا على تقبلها
من دلوقتى
جيهان حازم عنده حق ياشباب مفيش داعى نزودها ..
وكل واحد يسأل نفسه ايه اللى يزعل فى انه
يكون فيه بيبى اخ زيادة فى البيت
هشام اللى مش زعلان يرفع ايده
يرفع هشام ايده على طول والباقى يبصوا لبعض شوية وترفع هبة يدها
وحنان بعدها حازم وجيهان وسلمى ويلتفتوا لجلال يبتسم ويرفع ايده
