م/392 ليل/داخلى
بيت الحاج مجدي – الصالة
مجدي جالس في الصالة وتخرج الأم من حجرة عزت بصينية الأكل لم تمس
مجدى :ماكلش برضه.
هانم : ولا لقمة يضناي
مجدى : لا حول ولا قوة إلا بالله.
هانم : بيحبها أوي
مجدي : ولما هو بيحبها. معملش إللي هي عايزاه ليه.
مجدى :لأمر لله هاقوم شوفه أنا أتكلم معاه
يقف ويتجه لحجرة عزت.
قطع.
م/ 393 ليل/داخلى
حجرة عزت
عزت جالس على السرير. دقنه طويلة و بوجه حزين يدخل مجدي.
مجدي :جرى إيه يا عزت هتفضل كده كتير يا ابني ؟
يجلس بجوار ويكمل أنا حذرتك. قلت للجهاد مش هتصبر كثير،
ينظر له بتأثر عزت : جهاد !!
مجدي :أيوة، جهاد بنت الأصول إللي حفظت سرك وصانته سنين , جهاد إللي خدتها عن حب وحرمتها وعذبتها معاك
عزت :غصب عنى
مجدي : غصب عنك. إزاي ؟ انت معاك الفلوس وقلت لك خليهم يعيشو زي بقية الناس، إنت إللي كنت مبتسمعش غير نفسك وبس.
عزت : أنا مش عايز أبقى زي أخويا.
يتنهد مجدي : يا ابني إنت غير أخوك، الله يرحمه هو كانت ظروفه مختلفة، وكان بيصرف فلوسه. يمين وشمال من غير ما يعمل حساب للزمن عشان كده لما إحتاج ملقاش فلوس وساب ولاده ومراته إتبهدلو من بعده وإنت معاك الفلوس , ليه متصرفش على بيتك وتريح مراتك و تحوش مبلغ للمستقبل؟
عزت : أنا مقدرش أعيش من غير جهاد يا بابا.
مجدي: بكرة إن شاء الله نروح لهم نراضيها وبإذن الله ترجع لك
عزت :جهاد مش هترجعلي جهاد ... طلبت الطلاق.
مجدي :طلاق؟
