/ 308 ليل/ داخلى
حجرة صفاء
صفاء تصلى وهى جالسة وتنهى الصلاة وترفع يديها للسماء وتدعى
صفاء : يارب نجى بنتى يارب . إحميها .. يارب تكون وصلت بالسلامة ... يارب
قطع
م/ 309 ليل/داخلى
شقة إسماعيل- الصالة
الكل ملتف حول سلمى وهى بتبص برعب وحكمت تحط أيدها على خصرها
حكمت : إسماعيل إيه الحكاية ؟؟
إسماعيل :معرفش
حكمت : متعرفش يعني إيه؟ سألت عليك بالاسم
اسماعيل : وحياتك ياحكمت ماعرف
حكمت :عليا الكلام ده
يقف ويبص على سلمى بدهشة يحاول يآخد منها الشنطة تفوق وتتحرك بفزع.
سلمى : أنا فين؟ أنا فين؟ إنتوا مين؟
تبص لها حكمت بشفقة. حكمت :متخافيش يا بنتي، إنت في أمان.
اسماعيل : إنت اسمك إيه؟ وجاية هنا ليه؟
سلمى :حضرتك إسماعيل، معروف المنزلاوي؟
إسماعيل : أنا يا بنتي إنت تعرفيني؟
سلمى : لأ. ماما هي إللي تعرفك
حكمت: ماما!! إسماعيل إيه الموضوع ؟
إسماعيل: أصبرى بس ياحكمت لما نفهم
. حكمت: نفهم إيه؟ بتقول لك ماما اللى تعرفك
سلمى: ممكن أشوف البطاقة بتاعتك
إسماعيل: كمان !! إنتي عايزة أشوف البطاقة
تبكي سلمى
سلمى : أرجوك. أتأكد إن إنت الشخص إللي أنا جايله
إسماعيل : حاضر. روحى يا هبة هاتى البطاقة من جوه أما نشوف آخرتها
