م/457 ليل/داخلى
شقة إسماعيل - الصالون
إسماعيل وحكمت جالسين مع راضي
راضى : تحب إن شاء الله نلبس شركة. امتى يا عمي؟
حكمت :مش معقول هتبقى في رمضان
راضي :هو عموما فاضل أسبوع بس على رمضان أول يوم العيد مناسب.
إسماعيل :مناسب أوي. بس هاتبقى في أضيق الحدود. يعني هنبقى إحنا بس أنا والأولاد و جيراننا
إللي فوقينا الراجل ومراته والثلاث أولاد يبقو خمسة و بنتي وجوزها وأختى وجوزها يعني
عاوز عدد زيهم بالظبط عائلية وبس
راضي: تحت أمرك يا عمى
تبتسم حكمت بسعادة، وتنظر لإسماعيل بفرحة
م/ 458 نهار/ داخلى
حجرة إسماعيل
إسماعيل جالس على السرير يقرأ الجرنال وتقترب حكمت وتجلس بجواره
حكمت : إسماعيل.
يتكلم بصوت منخفض من خلف الجريدة إسماعيل : أستر يا رب.
حكمت : ياسمعة
إسماعيل :بدل قالت سمعة, يبقى في مصيبة.
حكمت : الله ماترد علي.
اسماعيل ينزل الجرنال من أمامه إسماعيل : نعم ياحكمت.
حكمت : مش المفروض برضه الفستان مناسب جيهان عشان الخطوبة؟
إسماعيل :هو إحنا هنعمل حفلة يادوب قراية فاتحة ولبس شبكة في البيت و كل واحد يروح بيته؟
حكمت : برضه إسماعيل. لازم البنت تظهر بمظهر كويس قدام الناس.
إسماعيل :هاتى من الآخر ياحكمت ,, عايزة كام؟
تقوم من جمبه وتقف بعيد حكمت : يعني بتاع إتنين إتنين ونص
إسماعيل :إتنين إيه ؟
حكمت : ألفين بس و....
