م/ كازينو وقت الغروب/ خارجى
راضى داخل مع جيهان راضى يعنى خلاص مش زعلانة
جيهان لأ خلاص وانت كمان مش زعلان؟
راضى لأ .. انا سعيد قوى اننا خرجنا مع بعض .. تعالى
نقعد هنا
يقعدوا ويشاور راضى للجرسون ويقترب تحبى تشربى ايه؟
جيهان عصير ليمون
راضى وانا كمان .. 2 عصير ليمون
الجرسون تحت امرك يافندم
يبتعد الجرسون ويبص راضى لجيهان بحب وهو هيمان
جيهان ياريت يراضى بعد كده متروحش تشتكى لماما اظن
اننا ناضجين بما فيه الكفاية علشان نحل مشاكلنا
راضى خلاص بقى ياجيهان مش كفاية الكلام اللى عمى
قاله
تكتم غضبها جيهان عندك حق ... كفاية اللى بابا قاله
على جنب على الله يحوق فيك
راضى هو إنت ليه لابسة بنطلون وبلوزة
جيهان وفيها إيه؟
راضى يعنى أفضل لو تلبسى دريسات
جيهان الدريسات مش بتليق على وأنا بأفضل البناطيل تسهل الحركة
راضى طيب ممكن تغيرى من لبسك علشانى ..الدريسات مليانة انوثة و...
جيهان هو أنا لبسى كده فيه اى حاجة ؟؟ ضيق يعنى.
راضى لأ بالعكس ده واسع وانيق لكن دى رغبتى ..
جيهان يعنى؟؟؟؟
راضى يعنى تنفذيها لى ..
جيهان ده بامارة إيه إن شاء الله ؟؟؟
راضى أنا هابقى جوزك والمفروض تلبسى اللى يرضينى ويعجبنى ..
جيهان الكلام ده لو لبسى كان خارج أو ضيق ا عريان من حقك تعلق عليه لكن بابا مربينا على اللبس المحتشم ولبسى كده مفيهوش أى حاجة وبابا موافق عليه
