شاليه فى الإسكندرية
كلهم مجتمعين في الحديقة. بيضحكو
إسماعيل: تفتكري كل حاجة وتنسي إبنك ؟؟
حكمت : ده انا قلبى كان هايقف , أنا عارفة نسينا إزاي؟
جيهان : عشان ماتعودتش على وجوده. لسه يا ماما
حازم : آه لو كان هشام معانا مكنش عداها من غير تريقة
حكمت: ياترى عامل إيه يا حبيبي؟
تضحك حنان وتقول: إللي يسمعك بتتكلمي كده يا ماما, يقول ده راح يحارب
هبة :زمانه دلوقتي هايص في المناظر الحلوة والجو الجميل
حكمت: هاتحسديه على إيه ده كفاية إنه بعيد عننا
حازم: انا هاتصل بيه ونكلمه كلنا ..
جيهان: أيوه اطلبه ياحازم ده وحشنى وكأنه سافر من شهر مش لسه إمبارح
قطع
الغردقة – الفندق
هشام واقف فى الاستقبال وبيسجل زوار جدد ويقترب منه مازن ويقول: شفت الوفد اللى جه بنات إيه زبدة على قشطة
هشام: خليك فى شغلك يامازن ..
مازن: يا أخى بص كل بنت احلى من التانية قشطة
هشام: لو المدير سمعك هايخصم لك. رز فى شغلك
مازن: ياساتر.. هو إنت مش شايف البنات
هشام: قلبى مشغول ياحبيبى وعينى مش شايفة غيرها.
مازن: وده يمنع إنك تبص على الحلويات ,إنت عارف لو واحدة اعجبت بيك هتفسحك على حسابها
هشام: الله الغنى ,إسمع أنا سكنت الجروب ده , ورايح البريك بتاعى إوعى تنشغل مع البنات ..
مازن: متقلقش ..
هشام : ألحق اشرب كوباية شاى
يبتعد هشام ويرن هاتفه ويجيب: ماما حبيبتى وحشانى ,, كلكم واحشنى قوى,أخباركم إيه؟
قطع
شاطئ البحر
حنانا وجيهان ماشين سواء وخلفهم هبة وسلمى
