فيلا ابراهيم ليل/ داخلى
ابراهيم والفت فى البلكونة يشربوا شاى وفؤاد تحت فى الحديقة قاعد لوحده سرحان
الفت : انا قلقانة قوى على فؤاد
ابراهيم: ليه؟
الفت: انت مش شايف حالته.. ده لابيآكل كويس ولابينام كويس وعلى طول حزين وسرحان
ابراهيم :متشغليش بالك بكرة يبقى كويس الفت يظهرانه اتعلق بالبنت دى قوى
ابراهيم : انا نصحته كتير وهو مش راضى يسمع كلامى
الفت: معذور هو الحب بأدينا
ابراهيم :يألفت البنت مخطوبة يعنى مفيش أمل
الفت: ربنا يريح قلبه وتكون من نصيبه
ابراهيم: انا بأقول ايه وانت بتقولى ايه مخطوبة تبقى من نصيبه ازاى بقى؟
الفت: وهى الخطوبة دى مش بتتفسخ يمكن يحصل حاجة وتسيب خطيبها وتبقى من نصيب ابنى
ابراهيم: اوعى تروحى تقولى له الكلام ده لايتشعلق بيها أكتر
الفت :انا باقول لك انت .. طيب قولى يابراهيم هى بنت تستاهل
ابراهيم :من جهه تستاهل هى فعلا تستاهل .. بتشتغل فى الشركة بقالها سنين وسيرتها كويسة جدا
الفت واهلها ؟
ابراهيم :والدها مدير مدرسة ووالدتها متعلمة بس ست بيت ولها اخوات واحد موظف فى بنك واحد فى كليه طب
تقاطعه الفت : الله ده انت عارف عنها كل حاجة؟
ابراهيم: انا مرة سألتها وهى قالت لى على عايلتها
يبصوا على فؤاد وهو سرحان ويكمل إبراهيم : بنت كويسة جدا
شقة اسماعيل- الصالة ليل/ داخلى
