م/442 ليل/داخلى
حجرة إسماعيل
إسماعيل يرفع غطاء الاستعداد للنوم. وتجلس حكمت بجواره
حكمت :العريس ده لقطة
إسماعيل :ولا نقطة ولا حاجة. عريس عادي.
حكمت: إزاي بقى؟ ده كله مميزات. شفته بيبص جيهان إزاي؟ أكيد عجبته
إسماعيل :المهم هو يعجبها
. حكمت: هي ما لمحتش بحاجة
إسماعيل :حاجة زي إيه
حكمت :رأيها. فيه. يعني عجبها ولا لأ؟ هتوافق ولا لأ؟
يعدل إسماعيلي المخدة. وينام إسماعيل : لأ
تشد. حكمت الغطاء حكمت: لأ. يعني إيه؟ إنت مش خدتها هنا بعد؟ ما الراجل مشي وقعدت وتكلموا
يتغطى تاني إسماعيل : أيوة ما جبناش سيرة العريس
تشد الغطا من عليه حكمت: أمال اتكلمتو في إيه؟
يقعد إسماعيل بغضب إسماعيل: وبعدين في الليلة السودة دي بقى يا حكمت إرحمي ورايا المدرسة, بكرا في
عرضك , سبيني أنام
حكمت: هو النوم هيهرب ياراجل ؟ ريحني طيب عشان أسيبك تنام وأعرف أنا كمان أنام
يحط أيده على خده وينفخ اسماعيل :الصبر من عندك يارب , قلتلك ماقلتليش حاجة
قطع
م/443 نهار/داخلى
كلية آداب
حنان واقفة مع عزة بيتكلمو ويقترب سامح
سامح : صباح الخير.
حنان, عزة : صباح النور
سامح : إزيك يا حنان.
حنان : الحمد لله.
سامح : أنا خلصت محاضراتي يا عزة, هاروح عايزة مني حاجة ؟
