كازينو على النيل ليل/ خارجى
جيهان جالسة مع راضى وخالعة الدبلة
راضى /ماتتصوريش لما اتصلتى بى وطلبتى تقابلينى انا فرحت قد ايه وقلت اكيد قررت انك تنفذى اللى طلبته
جيهان / انا اكيد قررت...
يقاطعها راضى/ وانا عملت لك حتة مفاجئة
جيهان /طيب اسمعنى الأول ... انا
يقاطعها راضى/ اول ماتصلتى بى نزلت طيران ودفعت عربون الموبيليا واشتريت لك فستان الفرح
جيهان /موبيليا وفستان .. تروح كده من نفسك وتشترى موبيليا من غير ماخطيبتك تختارها .. وكمان الحاجة الوحيدة اللى بتحب تجيبها العروسة وبتبقى خاصة بيها اشتريتها
راضى / وفيها ايه .. انا وانت مش واحد
جيهان/ لأ مش واحد وعمرنا ماهنكون واحد ابدا.. انا وانت شخصين مختلفين تماما ومستحيل نندمج مع بعض
راضى /يعنى ايه؟
جيهان/ يعنى بتصرفك ده انت اللى حسمت الموضوع
تفتح شنطتها وتطلع علبة الدهب وتعطيها له وتكمل / أنا آسفة ... احنا مش لبعض ربنا يوفقك وتلاقى
البنت المناسبة ..
يبص بذهول وتسيبه وتبتعد
قطع
جيهان قاعدة سرحانة وتدخل عليها حنان
حنان /جيهان جى جى سرحانة فى ايه تانى؟
جيهان/ مش سرحانة ولاحاجة ... ده انا باستمتع بالهدوء والسكينة أخيرا هم وانزاح
تدخل حكمت حنان/ مبروك ياحبيبتى ان ربنا فرجها عليكى
حكمت :بتباركى لأختك على الخيبة
جيهان /ده انا هاين على ارقص من الفرحة ياماما
تبص لها حكمت وكان كلامها مش عاجبها
حكمت/ ياشماتة صفية فينا
جيهان/ متشغليش بالك بالناس ياماما ترتاحى
حكمت /ربنا يسعدكم يابنتى ويعوض على عوض
الصابرين
تضحك حنان وجيهان وتكمل حكمت / خدى ياحنان دول 200 1جنيه انزلى مع اختك واشترى طقم حلو كده تقابلى بيه الناس
جيهان / ماسمعناش صوت بابا يعنى هو اداكى الفلوس من غير اعتراض؟
حكمت / لأ ياحبيبتى قال اللى فيه القسمة وادانى دول بالعافية هاتى حاجة بقى على قد الفلوس دى
جيهان/ واذا احتاجت تكمل انا هاديها من معايا .. وتعتبريها حلاوة فسخ الخطوبة
حكمت/ آه منك انت انا عارفة انك هاتدوخينى .
