جيهان مع أشرف فى السيارة وتقول: يعنى كان لازم تيجى لى الشغل إنت مسافر بالليل..
أشرف: كان لازم أشوفك قبل مااسافر طبعا..
تنظر له فى صمت ويسألها: بتبتصى لى كده ليه؟
تتنهد جيهان: إنت خليتنى أعمل حاجات عمرى ماكنت اتخيل إنى اعملها...
إشرف: زى إيه؟
إتصالات طول الليل تودينى الشغل وتجيبنى وخرجنا مع بعض ودى حاجات بصراحة.. جديدة على..
أشرف: لو كنت مطول شوية طنت طلبت إيدك من عمى أسماعيل وإتخطبنا قبل السفر .
جيهان: إحنا.
يقاطعها: عارف .. عارف عايزين نآخد وقتنا .. موافق ياستى خدى وقتك بس تتصلى بى دايما ..
جيهان: ده أكيد...
أشرف: لو مطلبتنيش كل يوم هانزل وأسيب البعثة ويضيع مستقبلى بسببك...
تضحك جيهان وتقول: إنت مستقتل بقى.
أشرف: بصراحة أيوه.... حد يلاقى بنت جميلة وذكية وشخصيتها قوية ويسيبها..
جيهان: شخصيتى القوية مش هاتضايقك؟
أشرف: بالعكس .. البنت لما بتبقى شخصيتها قوية بتبقى رائعة... يعنى الراجل لما يتجوز واحدة بالمواصفات دى لازم يكون سعيد,, معنى كده إنه إختار زوجة تقدر تقف معاه فى أى موقف وتسد ,, تساعده تعاونه على الحياة وترفعه ..
جيهان: غريبة ...
أشرف: ليه؟
جيهان: يعنى ..خبرتى بتقول إن الراجل مش بيحب الست القوية
أشرف: ده يبقى إنسان ضعيف ومعندوش ثقة فى نفسه
جيهان: إنت صح هو كان كده فعلا ....
تتوقف سيارة أشرف اما البيت ويقول: ياخسارة وصلنا ...
جيهان: معلش بقى..
ينزلو من السيارة ويقول أشرف: جيهان.... هاتتصلى بى مش كده؟
جيهان: اوعدك هاتصل بيك دايما...
يدخلو البيت.
قطع
حجرة حازم
حازم جالس مع هشام وماسكين دفتر ويقول هشام: التكلفة كده عالية قوى ... أنا مش عايز آخد فلوسك ياحازم.
هشام: مانت هاتدينى أرباح.
هشام: انا مش ضامن إن الأرباح هاتبقى كبيرة .. أنا لسه بأبدأ..
حازم: ياهشام إنت دلوقتى المحل الوحيد فى المنطقة كلها والناس هاتشترى منك طبعا إنت أقرب..
